ಕೊಪ್ಪ ತಾಲೂಕಿನಲ್ಲಿ ರಾಮೋತ್ಸವ!
– ಕೊಪ್ಪ, ಗಣಪತಿಕಟ್ಟೆ, ಕೊಳಾವರದಲ್ಲಿ ಸಂಭ್ರಮ
– ವಿನಯ್ ಗುರೂಜಿ ಮಠದಲ್ಲಿ ರಾಮನಿಗೆ ಪೂಜೆ
ಕೊಪ್ಪ ತಾಲೂಕಲ್ಲಿ ರಾಮೋತ್ಸವವನ್ನು ಬೆಳಿಗ್ಗೆಯಿಂದ ರಾತ್ರಿವರೆಗೆ ಸಂಭ್ರಮದಿಂದ ಆಚರಣೆ ಮಾಡಲಾಯಿತು. ಗಣಪತಿಕಟ್ಟೆ , ಕೊಳಾವರ, ಕೊಪ್ಪದಲ್ಲಿ ಸಂಭ್ರಮ ಕಂಡು ಬಂತು. ಇನ್ನು ವಿನಯ ಗುರೂಜಿ ಅವರ ಗೌರಿ ಗದ್ದೆ ಮಠದಲ್ಲಿ ರಾಮೋತ್ಸವ ಅದ್ದೂರಿಯಾಗಿ ನೆರವೇರಿತು.
ಗಣಪತಿ ಕಟ್ಟೆಯಲ್ಲಿ ಸಂಭ್ರಮ
ಉಮಾ ಮಹೇಶ್ವರಿ ದೇವಸ್ಥಾನ,ಕೊಕ್ಕೊಡು,ಗಣಪತಿಕಟ್ಟೆ ಯಲ್ಲಿ ಅಯೋಧ್ಯ ಬಾಲರಾಮನ ಪ್ರತಿಷ್ಠಾಪನೆ ಅಂಗವಾಗಿ ರಾಮತಾರಕ ಹೋಮ ಪೂಜಾ ಕಾರ್ಯಕ್ರಮ ಹಾಗೂ ಸಂಜೆ ದೀಪೋತ್ಸವ ಅದ್ದೂರಿಯಾಗಿ ನಡೆಯಿತು. ಲಘು ಉಪಹಾರದ ವ್ಯವಸ್ಥೆ ,ಹೆಚ್ಚಿನ ಸಂಖ್ಯೆಯಲ್ಲಿ ರಾಮ ಭಕ್ತರು, ಭಕ್ತಾದಿಗಳು ಭಾಗವಹಿಸಿದ್ದರು, ಬೆಳಿಗ್ಗೆ ರಾಮ ಪ್ರತಿಷ್ಠೆಯ ನಂತರ ಹಿಂದೂಪರ ಹೋರಾಟಗಾರರಾದ ರಾಕಿ ಹಿರೇಕೂಡಿಗೆ ಅವರು ಆಯೋದ್ಯೆ ರಾಮ ಮಂದಿರದ ಇತಿಹಾಸದ ಮಾಹಿತಿಯನ್ನು ನೀಡಿ ಹಿಂದೂ ಸಮಾಜ ಸಂಘಟಿತರಾಗಿರಬೇಕು ಇನ್ನೂ ಹೆಚ್ಚಿನ ಸೇವೆಗಳು ನಮ್ಮಿಂದ ನಮ್ಮ ಸಂಸ್ಕೃತಿ ಮತ್ತು ದೇಶಕ್ಕೆ ಸಿಗುವಂತಾಗಬೇಕು ಎಂದು ಮಾತನಾಡಿದರು. ಈ ಕಾರ್ಯಕ್ರಮಕ್ಕೆ ಊರಿನ ಎಲ್ಲಾ ಗ್ರಾಮಸ್ಥರು ಹೆಚ್ಚಿನ ಸಂಖ್ಯೆಯಲ್ಲಿ ತೊಡಗಿಕೊಂಡು ಅದ್ದೂರಿಯಾಗಿ ಮಾಡಿಕೊಟ್ಟರು.
