ಕರ್ನಾಟಕ ಟಾಪ್ 5 ನ್ಯೂಸ್
ಫುಟ್ಬಾತ್ ಮೇಲೆ ಮಲಗಿದ್ದ ಮಹಿಳೆಯ ಬರ್ಬರ ಹತ್ಯೆ.!
– ಚಿಕ್ಕಮಗಳೂರು ನಗರದ ಕೆಎಸ್‌ಆರ್ ಟಿಸಿ ಬಸ್ ನಿಲ್ದಾಣದ ಬಳಿ ಘಟನೆ
– ಕಡಿಮೆ ಅಂಕ ಪಡೆದ ವಿದ್ಯಾರ್ಥಿನಿ ಮನನೊಂದು ಆತ್ಮಹತ್ಯೆ
– ಪರೀಕ್ಷೆಯಲ್ಲಿ ಫೇಲ್ ಆದ ವಿದ್ಯಾರ್ಥಿ ನೇಣಿಗೆ ಶರಣು
– ರಿಸಲ್ಟ್ ಗೆ ಹೆದರಿ ಆತ್ಮಹತ್ಯೆ: ಮೃತ ಬಾಲಕಿಗೆ ಸೆಕೆಂಡ್ ಕ್ಲಾಸ್
– ಫಲಿತಾಂಶಕ್ಕೂ ಮೊದಲೇ ವಿದ್ಯಾರ್ಥಿ ಆತ್ಮಹತ್ಯೆ
NAMMUR EXPRESS NEWS
ಚಿಕ್ಕಮಗಳೂರು: ಫುಟ್ಬಾತ್ ಮೇಲೆ ಮಲಗಿದ್ದ ಮಹಿಳೆಯನ್ನು ಬರ್ಬರವಾಗಿ ಹತ್ಯೆ ಮಾಡಿರುವ ಘಟನೆ ಚಿಕ್ಕಮಗಳೂರು ನಗರದ ಕೆ.ಎಸ್‌.ಆರ್.ಟಿ.ಸಿ ಬಸ್ ನಿಲ್ದಾಣದ ಬಳಿ ನಡೆದಿದೆ. ಯಲಗುಡಿಗೆ ಗ್ರಾಮದ ಸವಿತಾ (60) ಬರ್ಬರವಾಗಿ ಹತ್ಯೆ ಆಗಿರುವ ಮಹಿಳೆ. ಸವಿತಾಳೊಂದಿಗೆ ಭಿಕ್ಷಾಟನೆ ಮಾಡುತ್ತಿದ್ದ ಪೂರ್ಣೇಶ್ ಹತ್ಯೆ ಮಾಡಿರುವ ವ್ಯಕ್ತಿ. ಚಿಕ್ಕಮಗಳೂರು ನಗರದಲ್ಲಿ ಭಿಕ್ಷಾಟನೆ ಮಾಡುತ್ತಿದ್ದ ಸವಿತಾ, ರಾತ್ರಿ ಫುಟ್ಬಾತ್ ಮೇಲೆ ಮಲಗಿದ್ದಾಗ ಕುಡಿದ ಮತ್ತಿನಲ್ಲಿ ಸವಿತಾಳ ತಲೆಯ ಮೇಲೆ ಕಲ್ಲು ಎತ್ತಿಹಾಕಿ ಬರ್ಬರವಾಗಿ ಹತ್ಯೆ ಮಾಡಿದ್ದು, ನಗರ ಠಾಣೆಯ ಪೊಲೀಸರು ಪೂರ್ಣೇಶ್ ನನ್ನು ಬಂಧಿಸಿದ್ದಾರೆ. ಚಿಕ್ಕಮಗಳೂರು ನಗರ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.
ಕಡಿಮೆ ಅಂಕ ಪಡೆದ ವಿದ್ಯಾರ್ಥಿನಿ ಮನನೊಂದು ಆತ್ಮಹತ್ಯೆ
ಮಂಡ್ಯ: ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ನಿರೀಕ್ಷಿತ ಅಂಕ ದೊರೆಯದ್ದರಿಂದ ಮನನೊಂದು ಇಬ್ಬರು ವಿದ್ಯಾರ್ಥಿಗಳು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ತಾಲೂಕಿನ ಹುಲಿಗೆರೆಪುರದ ಅಮೃತಾ (15) ಹಾಗೂ ಕೊಪ್ಪ ಹೋಬಳಿ ತಗ್ಗಹಳ್ಳಿ ಗ್ರಾಮದ ಟಿ.ಎಂ ನಿಖಿತ್ (15) ನೇಣು ಬಿಗಿದುಕೊಂಡು ಮೃತಪಟ್ಟಿದ್ದಾರೆ. ತಾಲೂಕಿನ ನಗರಕೆರೆ ಗ್ರಾಮದ ಪೂರ್ಣಿಮಾ ಪ್ರೌಢಶಾಲೆಯಲ್ಲಿ ಅಮೃತಾ, ಗುರುವಾರ ತನ್ನ ಮನೆಯಲ್ಲೇ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಈಕೆ ಕನ್ನಡ (91), ಇಂಗ್ಲಿಷ್ (51), ಹಿಂದಿ (47), ಗಣಿತ (43), ವಿಜ್ಞಾನ (58), ಸಮಾಜ ವಿಜ್ಞಾನ (63) ಸೇರಿ ಒಟ್ಟು 353 ಅಂಕ ಗಳಿಸಿದ್ದಳು. ಆದರೂ ನಿರೀಕ್ಷಿತ ಅಂಕ ಬಾರದೆ ಮನನೊಂದಿದ್ದಳು ಎನ್ನಲಾಗಿದೆ.
ಕೊಪ್ಪ ಹೋಬಳಿಯ ತಗ್ಗಹಳ್ಳಿ ಗ್ರಾಮದ ಸರಕಾರಿ ಪ್ರೌಢಶಾಲೆಯಲ್ಲಿ ವ್ಯಾಸಂಗ ಮಾಡುತ್ತಿದ್ದ ಟಿ.ಎಂ. ನಿಖಿತ್, ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಇಂಗ್ಲಿಷ್, ಹಿಂದಿ, ಸಮಾಜ ವಿಜ್ಞಾನ – ವಿಷಯದಲ್ಲಿ ಅನುತ್ತೀರ್ಣಗೊಂಡಿದ್ದು, ಶಾಲೆಯಲ್ಲಿ ಶಿಕ್ಷಕರು ಸಮಾಧಾನಪಡಿಸಿ ಮನೆಗೆ ಕಳುಹಿಸಿದ್ದರು. ಆದರೆ, ನಿಖಿತ್ ಜಮೀನಿನ ಬಳಿ ತೆರಳಿ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾನೆ.
ಮೃತ ಬಾಲಕಿಗೆ ಸೆಕೆಂಡ್ ಕ್ಲಾಸ್!
ಕೊಪ್ಪಳ: ಗದಗನಲ್ಲಿ ಇತ್ತೀಚೆಗೆ ಕೊಲೆಯಾದ ತಾಲೂಕಿನ ಭಾಗ್ಯನಗರದ ವಿದ್ಯಾರ್ಥಿನಿ ಆಕಾಂಕ್ಷಾ, 359 ಅಂಕ ಪಡೆದು ಪಾಸಾಗಿದ್ದಾಳೆ. ಆದರೆ, ಈ ಸಂಭ್ರಮವನ್ನು ಕಣ್ಣುಂಬಿಕೊಳ್ಳಲು ಅವರ ಮನೆಯಲ್ಲಿ ಯಾರೊಬ್ಬರೂ ಇಲ್ಲ. ಕೌಟುಂಬಿಕ ಕಾರ್ಯಕ್ರಮ ನಿಮಿತ್ತ ಲಕ್ಷ್ಮೀಶ್ವರಕ್ಕೆ ಈ ಬಾಲಕಿ ತನ್ನ ತಂದೆ ಪರಶುರಾಮ ಹಾದಿಮನಿ, ತಾಯಿ ಜತೆ ತೆರಳಿದ್ದಳು. ಗದಗನಿಂದ ಕೊಪ್ಪಳ ಆಗಮಿಸಲು 10 ನಿಮಿಷಗಳ ಅಂತರದಲ್ಲಿ ರೈಲು ತಪ್ಪಿದ ಪರಿಣಾಮ ಅಲ್ಲಿನ ಸಂಬಂಧಿಕರ ಮನೆಯಲ್ಲಿ ಈ ಕುಟುಂಬದವರು ವಾಸ್ತವ್ಯ ಹೂಡಿದ್ದರು. ಮಲಗಿರುವಾಗ ಇವರಿಗೆ ಸಂಬಂಧವೇ ಇಲ್ಲದ ಪ್ರಕರಣದ ಆಗುಂತಕರು ಇವರನ್ನು ಕೊಲೆ ಮಾಡಿದ್ದರು. ದಾರುಣ ಘಟನೆಯಲ್ಲಿ ಇಡೀ ಕುಟುಂಬ ಕಮರಿ ಹೋಗಿದೆ.
ಫಲಿತಾಂಶಕ್ಕೂ ಮೊದಲೇ ಆತ್ಮಹತ್ಯೆ
ಚನ್ನಗಿರಿ (ದಾವಣಗೆರೆ): ಎಸ್ಸೆಸ್ಸೆಲ್ಸಿ ಪರೀಕ್ಷಾ ಫಲಿತಾಂಶಕ್ಕೆ ಹೆದರಿ ವಿದ್ಯಾರ್ಥಿಯೊಬ್ಬಮನೆ ಯಲ್ಲಿ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿ ಕೊಂಡ ಘಟನೆ ತಾಲೂಕಿನ ಮಾವಿನಕಟ್ಟೆ ಗ್ರಾಮದಲ್ಲಿ ಗುರುವಾರ ಬೆಳಗ್ಗೆ ನಡೆದಿದೆ. ಮಾವಿನಕಟ್ಟೆ ಗ್ರಾಮದ ರಂಗಪ್ಪ ಮತ್ತು ತಾಯಿ ವಸಂತಮ್ಮನವರ ಪುತ್ರ ಆರ್.ಕುಶಾಲ್ (16) ಮೃತ ವಿದ್ಯಾರ್ಥಿ. ಮಾವಿನಕಟ್ಟೆ ಸರಕಾರಿ ಪ್ರೌಢಶಾಲೆಯಲ್ಲಿ ವಿದ್ಯಾ ಭ್ಯಾಸ ಮಾಡುತ್ತಿದ್ದು, ಇದೇ ಶಾಲೆಯಲ್ಲಿ ಎಸ್ಸೆಸ್ಸೆಲ್ಸಿ ಪರೀಕ್ಷೆ ಬರೆದಿದ್ದ ರಿಸಲ್ಟ್ ಗೆ ಹೆದರಿ ಪರೀಕ್ಷೆಯ ಫಲಿತಾಂಶ ಬರುವ ದಿನವೇ ಆತ್ಮಹ ತ್ಯೆಗೆ ಶರಣಾಗಿದ್ದಾನೆ.
