- ಕಡೂರಲ್ಲಿ ಕಂಟೈನರ್ ಒಳಗೆ ಗೋ ಸಾಗಣೆ
- ಭಜರಂಗದಳದ ಕಾರ್ಯಕರ್ತರಿಂದ ದಾಳಿ
ಕಡೂರು: ಕಾಫಿ ನಾಡು ಚಿಕ್ಕಮಗಳೂರು ಜಿಲ್ಲೆಯಲ್ಲಿ ಗೋವುಗಳ ಸಾಗಣೆ ಎಗ್ಗಿಲ್ಲದೆ ಸಾಗುತ್ತಿದೆ. ಕೊಪ್ಪ, ಶೃಂಗೇರಿ, ಮೂಡಿಗೆರೆ, ಕಡೂರು, ತರೀಕೆರೆ, ಚಿಕ್ಕಮಗಳೂರು, ನರಸಿಂಹರಾಜಪುರ, ಆಲ್ದೂರು ತಾಲೂಕು ಸೇರಿ ಮಲೆನಾಡಿನ ಹಲವೆಡೆ ಗೋ ಸಾಗಣೆ ದಂಧೆ ಹಲವು ವರ್ಷಗಳಿಂದ ನಡೆಯುತ್ತಿದೆ. ಆದರೆ ಪೊಲೀಸರು ಕಣ್ಣು ಕಾಣದಂತೆ ಕುಳಿತಿದ್ದಾರೆ.
ಕೊಪ್ಪದ ತೋಟವೊಂದರಲ್ಲಿ ದಂಧೆ ನಡೆಯುತ್ತಿದ್ದು, ಕಳೆದ ವರ್ಷ ಬಯಲಾಗಿತ್ತು. ಆಲ್ದೂರು ಭಾಗದಲ್ಲಿ ಈಗಲೂ ನಡೆಯುತ್ತಿದೆ. ಇತ್ತ ಕಡೂರಲ್ಲಿ ಕಂಟೈನರ್ ಒಂದರಲ್ಲಿ ದನ ಮತ್ತು ಎಮ್ಮೆಗಳನ್ನು ಕೇರಳಕ್ಕೆ ಸಾಗಿಸುತ್ತಿದ್ದಾಗ ಭಜರಂಗದಳದ ಕಾರ್ಯಕರ್ತರ ಕೈಯಲ್ಲಿ ಮೂವರು ಸಿಕ್ಕಿಬಿದ್ದಿದ್ದಾರೆ.
ಕಡೂರು ತಾಲೂಕಿನ ಮಲ್ಲೇಶ್ವರ ಬಳಿ ರೈತರಿಂದ ಖರೀದಿ ಮಾಡಿದ್ದ 3 ಹಸು, 6 ಎಮ್ಮೆಗಳನ್ನು ಕೇರಳಕ್ಕೆ ಸಾಗಿಸುತ್ತಿದ್ದ ವೇಳೆ 3 ಮಂದಿ ಸಿಕ್ಕಿಬಿದ್ದಿದ್ದಾರೆ. ಈ ದಂಧೆಯಲ್ಲಿ ಎಲ್ಲಾ ಧರ್ಮದವರು ಒಟ್ಟಾಗಿ ದಂಧೆ ನಡೆಸುತ್ತಿರುವ ಬಗ್ಗೆ ಗುಸು ಗುಸು ಕೇಳಿ ಬಂದಿದೆ.
