- ಶಿವಮೊಗ್ಗ ಜಿಲ್ಲಾ ಬಿಜೆಪಿ ಉಪಾಧ್ಯಕ್ಷ ಸ್ಥಾನ
- ಅಜಿತ್ ಗೌಡಗೆ ಖಚಾಂಚಿ ಹುದ್ದೆ
ಶಿವಮೊಗ್ಗ: ಶಿವಮೊಗ್ಗ ಜಿಲ್ಲಾ ಯುವ ಮೋರ್ಚಾ ಉಪಾಧ್ಯಕ್ಷರಾಗಿ ಯುವ ನಾಯಕ ರಕ್ಷಿತ್ ಮೇಗರವಳ್ಳಿ ಆಯ್ಕೆಯಾಗಿದ್ದಾರೆ.
ಬಿಜೆಪಿ ಯುವ ಮೋರ್ಚಾ ಅಧ್ಯಕ್ಷರಾಗಿ ತೀರ್ಥಹಳ್ಳಿ ತಾಲೂಕಲ್ಲಿ ಪಕ್ಷ ಸಂಘಟನೆ, ಯುವ ಸಂಘಟನೆಯಲ್ಲಿ ಮಹತ್ವದ ಜವಾಬ್ದಾರಿಯನ್ನು ಅಚ್ಚುಕಟ್ಟಾಗಿ ನಿಭಾಯಿಸಿದ್ದ ರಕ್ಷಿತ್ ಅವರಿಗೆ ಪಕ್ಷ ಮತ್ತಷ್ಟು ಜವಾಬ್ದಾರಿ ವಹಿಸಿದೆ. ಸದಾ ನಗು ಮೊಗದ, ಸಮಾಜಮುಖಿ ಕೆಲಸಗಳ ಮೂಲಕ ಜನರ ಪ್ರೀತಿಗೆ ಪಾತ್ರರಾಗಿರುವ ರಕ್ಷಿತ್ ಕಳೆದ ಬಾರಿ ಜ್ಞಾನೇಂದ್ರ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದ್ದರು. ಜೊತೆಗೆ ಎಲ್ಲಾ ಚುನಾವಣೆಗಳಲ್ಲೂ ಬಿಜೆಪಿ ಗೆಲುವಿಗೆ ಶ್ರಮಿಸಿದ್ದರು.
ಪಕ್ಷದ ಎಲ್ಲಾ ಜವಾಬ್ದಾರಿಯನ್ನು ನಿರ್ವಹಿಸಿದ್ದರು. ಇದೀಗ ಅವರಿಗೆ ಜಿಲ್ಲಾ ಬಿಜೆಪಿ ನಾಯಕರು ಈ ಸ್ಥಾನ ನೀಡಿದ್ದಾರೆ.
ತೀರ್ಥಹಳ್ಳಿಯ ಆಗುಂಬೆ ಬಸ್ ನಿಲ್ದಾಣದ ಬಳಿ “ಮೇಗರವಳ್ಳಿ ಎಂಟಪ್ರ್ರೈಸಸ್” ಎಂಬ ಉದ್ಯಮದ ಮಾಲೀಕರಾಗಿರುವ ರಕ್ಷಿತ್ ತೀರ್ಥಹಳ್ಳಿ ಕೋ ಆಪರೇಟಿವ್ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದಾರೆ. ತೀರ್ಥಹಳ್ಳಿ ಸೇರಿ ಆಗುಂಬೆ ಹೋಬಳಿಯ ಪ್ರಮುಖ ನಾಯಕರಾಗಿರುವ ರಕ್ಷಿತ್ ಈ ಹಿಂದೆ ಯುವ ಘಟಕದ ಅಧ್ಯಕ್ಷರಾಗುವ ಮುನ್ನ ಅದರ ಹಿಂದಿನ ಅವಧಿ ಪ್ರಧಾನ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಿದ್ದಾರೆ.
ಹೆಸರು, ಪ್ರಭಾವ ಬಳಸದೆ ಜನರ ಕೆಲಸ, ಪಕ್ಷದ ಸಂಘಟನೆಯಲ್ಲಿ ತೊಡಗಿರುವ ರಕ್ಷಿತ್ ಅವರಿಗೆ ಅವರ ಸ್ನೇಹಿತ ವಲಯ “ಓಂಒಒUಖ ಇಘಿPಖಇSS” ಮೂಲಕ ಅಭಿನಂದನೆ ಸಲ್ಲಿಸಿದೆ. ತೀರ್ಥಹಳ್ಳಿ ಎಬಿವಿಪಿಯ ಪ್ರಮುಖ ನಾಯಕ, ರಾಜ್ಯ ಯುವ ಬಿಜೆಪಿ ಮತ್ತು ಸಂಸದ ತೇಜಸ್ವಿ ಸೂರ್ಯ ಆಪ್ತ ವಲಯದಲ್ಲಿರುವ ಹೆಗ್ಗೋಡು ಅಜಿತ್ ಗೌಡ ಅವರಿಗೆ ಜಿಲ್ಲಾ ಬಿಜೆಪಿ ಖಜಾಂಚಿ ಸ್ಥಾನ ಸಿಕ್ಕಿದೆ. ಈ ಮೂಲಕ ತೀರ್ಥಹಳ್ಳಿಗೆ ಎರಡು ಸ್ಥಾನ ಸಿಕ್ಕಂತಾಗಿದೆ. ಇವರಿಗೂ ಅವರ ಅಪಾರ ಸ್ನೇಹಿತ ವಲಯ ಅಭಿನಂದನೆ ಸಲ್ಲಿಸಿದೆ.
