ಮೈಸೂರಲ್ಲಿ ದಸರಾ ಸಂಪ್ರದಾಯ ಶುರು!
– ಮೈಸೂರು ಅರಮನೆಗೆ ಗಜಪಡೆ ಗ್ರ್ಯಾಂಡ್ ಎಂಟ್ರಿ!
– ಅರಮನೆ ಆವರಣಕ್ಕೆ ಆಗಮಿಸಿದ ಆನೆಗಳಿಗೆ ಪೂಜೆ
– ಮೈಸೂರಿನ ರಾಜ ಬೀದಿಯಲ್ಲಿ ಹೆಜ್ಜೆ ಹಾಕಿದ ಗಜಪಡೆ
NAMMUR EXPRESS NEWS
ಮೈಸೂರು: ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ ದಸರಾ ಮಹೋತ್ಸವ ಕಳೆಗಟ್ಟಿದ್ದು ಗಜಪಡೆಗೆ ಭವ್ಯ ಸ್ವಾಗತ ನೀಡಲಾಯಿತು. ದಸರಾ ಮಹೋತ್ಸವದ ಕೇಂದ್ರ ಬಿಂದು ಗಜಪಡೆ ಮಂಗಳವಾರ ಅರಮನೆ ಪ್ರವೇಶಿಸಿತು.
ಅರಣ್ಯ ಭವನದಲ್ಲಿ ಆನೆಗಳಿಗೆ ಸಾಂಪ್ರದಾಯಿಕ ಪೂಜೆ ಸಲ್ಲಿಸಿದ ಅರಣ್ಯ ಇಲಾಖೆ ಅಧಿಕಾರಿಗಳು, ಗಜಪಡೆಗೆ ಕಬ್ಬು,ಬೆಲ್ಲ,ಫಲ ತಾಂಬೂಲ ನೀಡಿ, ಆನಂತರ ಗಜಪಡೆಯನ್ನು ಬೀಳ್ಕೊಟ್ಟರು.
ಅರಣ್ಯ ಭವನದಿಂದ ಅರಮನೆಗೆ ಆನೆಗಳು ಆಗಮಿಸುವಾಗ ಸಾರ್ವಜನಿಕರು ರಸ್ತೆಯ ಇಕ್ಕೆಲಗಳಲ್ಲಿ ಕಾದು ಕುಳಿತು ವೀಕ್ಷಿಸಿದರು. ಅರಮನೆಯ ಜಯಮಾರ್ತಾಂಡ ದ್ವಾರದ ಬಳಿ ಆನೆಗಳಿಗೆ ಅಪರಾಹ್ನ 12.01ರಿಂದ 12.51ರ ಅಭಿಜಿತ್ ಲಗ್ನದಲ್ಲಿ ಸಾಂಪ್ರಾದಾಯಿಕವಾಗಿ ಪೂಜೆ ಸಲ್ಲಿಸಿ ಬರಮಾಡಿ ಕೊಳ್ಳಲಾಯಿತು.
