ನಾಯಿ ಬೈಕಿಗೆ ಕಟ್ಟಿ ಎಳೆದ ದೃಶ್ಯ ವೈರಲ್!
– ಉಡುಪಿ ಜಿಲ್ಲೆ ಕಾಪು ತಾಲೂಕಿನ ಶಿರ್ವದಲ್ಲಿ ಘಟನೆ
– ದೃಶ್ಯ ಮೊಬೈಲಲ್ಲಿ ಸೆರೆ: ವ್ಯಾಪಕ ಆಕ್ರೋಶ
NAMMUR EXPRESS NEWS
ಶಿರ್ವ: ಮೂ ಕಪ್ರಾಣಿಗಳ ಬಗೆಗಿನ ಕಳಕಳಿ ಅಭಿಯಾನ ಆರಂಭವಾಗಿರುವ ಬೆನ್ನಲ್ಲೇ ಉಡುಪಿ ಜಿಲ್ಲೆ ಕಾಪು ತಾಲೂಕಿನ ಶಿರ್ವದಲ್ಲಿ ಕರುಳು ಹಿಂಡುವ ಘಟನೆಯೊಂದು ಕಂಡುಬಂದಿದೆ.
ವ್ಯಕ್ತಿಯೊರ್ವ ಸರಪಳಿಯಿಂದ ನಾಯಿಯ ಕುತ್ತಿಗೆಗೆ ಬಿಗಿದು ಅದನ್ನು ತನ್ನ ದ್ವಿಚಕ್ರ ವಾಹನಕ್ಕೆ ಕಟ್ಟಿ ಎಳೆದುಕೊಂಡು ಹೋಗಿದ್ದಾನೆ.
ಶಿರ್ವ ಪೇಟೆಯಲ್ಲಿ ಈ ಅಮಾನವೀಯ ಘಟನೆ ನಡೆದಿದ್ದು,ದೃಶ್ಯ ಮೊಬೈಲ್ ನಲ್ಲಿ ಸೆರೆಯಾಗಿದ್ದು ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್ ಆಗಿದೆ. ವ್ಯಕ್ತಿಯ ಈ ಬಗೆಯ ಅಮಾನುಷ ವರ್ತನೆಗೆ ನೆಟ್ಟಿಗರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ
