ಅನಂತಶಯನ ಶಾರದಾ ಮಹಿಳಾ ಮಂಡಲದ ಕಾರ್ಯಕ್ರಮ ಸೂಪರ್
– ಕಾರ್ಕಳದ ಜನತೆಯ ಅಭಿಮಾನಕ್ಕೆ ಪಾತ್ರವಾದ ಮಹಿಳಾ ಮಂಡಲ
– ಕಾರ್ಕಳ ಲಯನ್ಸ್ ಅಧ್ಯಕ್ಷರಾದ ಜ್ಯೋತಿ ರಮೇಶ್ ಉದ್ಘಾಟನೆ, ಬಹುಮಾನ ವಿತರಣೆ
NAMMUR EXPRESS NEWS
ಕಾರ್ಕಳ: ಉಡುಪಿ ಜಿಲ್ಲಾ ಕಾರ್ಕಳ ಅನಂತಶಯನ ಶಾರದಾ ಮಹಿಳಾ ಮಂಡಲದ ನವೆಂಬರ್ ತಿಂಗಳ ಕಾರ್ಯಕ್ರಮ ಅದ್ದೂರಿಯಾಗಿ ನಡೆಯಿತು. ಮುಖ್ಯ ಅತಿಥಿಯಾಗಿ ಆಗಮಿಸಿ ಮಕ್ಕಳನ್ನು ಮಹಿಳಾ ಮಂಡಲದ ಸದಸ್ಯರನ್ನು ಅಭಿನಂದಿಸಿ ಮಕ್ಕಳಿಗೆ ಬಹುಮಾನ ವಿತರಿಸಿದ ಬಿಜೆಪಿ ನಾಯಕಿ, ಕಾರ್ಕಳ ಲಯನ್ಸ್ ಅಧ್ಯಕ್ಷರಾದ ಜ್ಯೋತಿ ರಮೇಶ್ ಕಾರ್ಯಕ್ರಮದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಮಕ್ಕಳ ದಿನ ಆಚರಿಸುವುದೆಂದರೆ ಅದೊಂದು ಸಂಭ್ರಮವೇ ಸರಿ. ಮಕ್ಕಳನ್ನು ಸದಾ ನಾವು ಸಂಭ್ರಮದಿಂದ ಎದುರುಗೊಂಡು ಅವರೊಂದಿಗೆ ಬೆರೆತು ನಮ್ಮ ಮನಸ್ಸನ್ನು ಹಗುರ ಪಡಿಸಿಕೊಳ್ಳಬೇಕು. ಈ ನಿಟ್ಟಿನಲ್ಲಿ ಶಾರದ ಮಹಿಳಾ ಮಂಡಲ ಹತ್ತು ಹಲವು ಕಾರ್ಯಕ್ರಮಗಳನ್ನು ಹಾಕಿಕೊಂಡು ಕಾರ್ಕಳದ ಜನತೆಯ ಅಭಿಮಾನಕ್ಕೆ ಪಾತ್ರವಾಗಿದೆ. ಹಿರಿಯರಿಗಾಗಿ ಕಿರಿಯರಿಗಾಗಿ ಅಶಕ್ತರಿಗಾಗಿ ಪ್ರತಿಭಾನ್ವಿತರಿಗಾಗಿ ಹಲವು ಮಾಹಿತಿ ಕಾರ್ಯಕ್ರಮಗಳನ್ನು ಏರ್ಪಡಿಸಿ ಜನರಿಗೆ ಉಪಯುಕ್ತ ಮಾಹಿತಿ ನೀಡುತ್ತಿದೆ. ಆದ್ದರಿಂದ ನನಗೆ ಶಾರದಾ ಮಹಿಳಾ ಮಂಡಲದ ಬಗ್ಗೆ ತುಂಬಾ ಅಭಿಮಾನ ಎಂದರು.
ಆರಂಭದಲ್ಲಿ ಕುಮಾರಿ ಸನ್ವಿತಾ, ಕುಮಾರಿ ನಿರ್ಜರ ಮತ್ತು ಕುಮಾರ ಓಂಕಾರ ಅವರು ಪ್ರಾರ್ಥನೆ ಮಾಡಿದರು. ಮಂಡಲದ ಅಧ್ಯಕ್ಷೆ ಸಾವಿತ್ರಿ ಮನೋಹರ್ ಪ್ರಾಸ್ತಾವಿಕವಾಗಿ ಮಾತನಾಡಿ ಅತಿಥಿಗಳನ್ನು ಪರಿಚಯಿಸಿ ಸರ್ವರನ್ನು ಸ್ವಾಗತಿಸಿದರು. ಪೆರುವಜೆ ಪ್ರಾಥಮಿಕ ಶಾಲೆಯ ಅಂಗನವಾಡಿ ಮಕ್ಕಳ ಜೊತೆಯಲ್ಲಿ ಅತಿಥಿಗಳು ದೀಪ ಬೆಳಗಿಸಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಸ್ವಾತಿ ಸಂತೋಷ್ ಮಲ್ಲಿಕಾ ಹೆಬ್ಬಾರ್ ಶೈಲಜಾ ರತ್ನಾಕರ್ ಶಶಿಕಲಾ ರಾವ್, ದೀಪ ನಾಯಕ್ ಹಾಗೂ ಶುಭಾ ಬಹುಮಾನ ವಿತರಣಾ ಕಾರ್ಯಕ್ರಮಕ್ಕೆ ಸಹಕರಿಸಿದರು. ಅತಿಥಿಗಳಿಗೆ ಪುಸ್ತಕ ಶಾರದಾ ಮಹಿಳಾ ಮಂಡಲದ ಶಾರದೆಯ ಮೊಮೆಂಟೊ ನೀಡಿ ಗೌರವಿಸಲಾಯಿತು. ಕೊನೆಯಲ್ಲಿ ಸಿಹಿ ಹಾಗೂ ಲಘು ಪಹಾರ ಏರ್ಪಡಿಸಲಾಗಿತ್ತು ಮಕ್ಕಳು ಮತ್ತು ಹೆತ್ತವರು ಶಿಕ್ಷಕರು ಸಂಭ್ರಮ ಪಟ್ಟು ಶಾರದಾ ಮಹಿಳಾ ಮಂಡಲದ ಕಾರ್ಯಕ್ರಮವನ್ನು ಪ್ರಶಂಶಿಸಿದರು.
