ಹಂಸಲೇಖರಿಂದ ಬಂಗಾರದ ಪದಕ ಪಡೆದ ತೀರ್ಥಹಳ್ಳಿ ಹುಡುಗಿ!
– ಸಹ್ಯಾದ್ರಿ ಪಿ.ಯು ಕಾಲೇಜಿನ ಕುಮಾರಿ ಶ್ರದ್ಧಾಗೆ ರಾಜ್ಯ ಮಟ್ಟದಲ್ಲಿ ಸ್ಥಾನ
– ರಾಜ್ಯ ಮಟ್ಟದ “ಐದನಿ” ಎಂಬ ಗಾಯನ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ
NAMMUR EXPRESS NEWS
ತೀರ್ಥಹಳ್ಳಿ: ನಾವು ಹೆಮ್ಮೆಪಡುವ ಕ್ಷಣಗಳು ನಮ್ಮ ಜೀವನದಲ್ಲಿ ಮರೆಯಲಾಗದ ನೆನಪುಗಳಾಗಿ ಉಳಿಯುತ್ತವೆ. ಇದೇ ರೀತಿಯಲ್ಲಿ ತೀರ್ಥಹಳ್ಳಿ ಸಹ್ಯಾದ್ರಿ ಪಿ.ಯು ಕಾಲೇಜಿನ ಪ್ರತಿಭಾನ್ವಿತ ವಿಧ್ಯಾರ್ಥಿನಿ ಕುಮಾರಿ ಶ್ರದ್ಧಾ ಅವರ ಗೆಲುವು ಮಲೆನಾಡ ಕೀರ್ತಿಯನ್ನು ಹೆಚ್ಚಿಸಿದೆ.
ಖ್ಯಾತ ಸಂಗೀತ ನಿರ್ದೇಶಕರಾದ ಹಂಸಲೇಖರವರ ಬೆಂಗಳೂರಿನ ಸಂಗೀತ ಸ್ಟೂಡಿಯೋದಲ್ಲಿ ನಡೆದ ರಾಜ್ಯ ಮಟ್ಟದ “ಐದನಿ” ಎಂಬ ಗಾಯನ ಸ್ಪರ್ಧೆಯಲ್ಲಿ ಸಹ್ಯಾದ್ರಿ ಸಂಸ್ಥೆಯ ಪ್ರಥಮ ಪಿ.ಯು ವಿಜ್ಞಾನ ವಿಭಾಗದ ಕುಮಾರಿ ಶ್ರದ್ದಾ ರವರು ಭಾಗವಹಿಸಿ ಪ್ರಥಮ ಸ್ಥಾನ ಪಡೆಯುವ ಮೂಲಕ ಚಿನ್ನದ ಪದಕ ಹಾಗೂ ಪಾರಿತೋಷಕವನ್ನು ತಮ್ಮ ಮುಡಿಗೇರಿಸಿಕೊಂಡಿದ್ದಾರೆ.
ಶ್ರದ್ಧಾ ತಮ್ಮ ತೀವ್ರ ಶ್ರಮ ಹಾಗೂ ಶ್ರದ್ಧೆಯಿಂದಲೇ ಪದಕ ಗೆದ್ದಿದ್ದಾರೆ.ಇವರು ಸಾಧಿಸಿದ ಬಂಗಾರದ ಪದಕವು ಕೇವಲ ಒಂದು ಪುರಸ್ಕಾರ ಮಾತ್ರವಲ್ಲ, ಅದೆಷ್ಟೋ ಜನರಿಗೆ ಪ್ರೇರಣೆ . ಈ ಪ್ರತಿಭಾನ್ವಿತ ವಿಧ್ಯಾರ್ಥಿಯನ್ನು ಸಹ್ಯಾದ್ರಿ ಶಿಕ್ಷಣ ಸಂಸ್ಥೆಯ ಆಡಳಿತ ಮಂಡಳಿ, ಆಡಳಿತಾಧಿಕಾರಿಗಳು, ಪ್ರಾಂಶುಪಾಲರು, ಬೋಧಕ ಹಾಗೂ ಬೋಧಕೇತರ ವೃಂದದವರು ಪ್ರೀತಿಪೂರ್ವಕವಾಗಿ ಅಭಿನಂದಿಸಿ ಶುಭ ಹಾರೈಸಿದ್ದಾರೆ.
ನಮ್ಮೂರ್ ಎಕ್ಸ್ ಪ್ರೆಸ್ ಕೂಡ ಈ ಪ್ರತಿಭೆಗೆ ಶುಭ ಹಾರೈಸುತ್ತದೆ
