ಪ್ರಿಯಕರನ ಜತೆ ಪತ್ನಿ ಮದುವೆ ಮಾಡಿಸಿದ ಪತಿ!

ರಿಯಲ್ ಲೈಫ್ ಲವ್ ಸ್ಟೋರಿ
ಪ್ರಿಯಕರನ ಜತೆ ಪತ್ನಿ ಮದುವೆ ಮಾಡಿಸಿದ ಪತಿ!
– ತಡ ರಾತ್ರಿ ಪ್ರಿಯಕರನ ಜತೆ ಸಿಕ್ಕಿ ಬಿದ್ದ ಬಳಿಕ ನಿರ್ಧಾರ
– ಪ್ರಿಯಕರನಿಗೆ ಈಗಾಗಲೇ ಮದುವೆ: ಮೂರು ಮಕ್ಕಳಿದ್ದಾರೆ…!

NAMMUR EXPRESS NEWS
ಪ್ರಿಯಕರನ ಜತೆ ಪತ್ನಿ ಮದುವೆ ಮಾಡಿಸಿ ಆತನ ಮನೆಗೆ ಕಳುಹಿಸಿದ ಪ್ರಕರಣವೊಂದು ಇದೀಗ ಭಾರೀ ವೈರಲ್ ಆಗುತ್ತಿದೆ.
ಅಚ್ಚರಿ ಎಂದರೆ ತಡ ರಾತ್ರಿ ಪ್ರಿಯಕರನ ಜತೆ ಸಿಕ್ಕಿ ಬಿದ್ದ ಬಳಿಕ ಈ ನಿರ್ಧಾರ ಮಾಡಿದ ಪತಿಯ ನಡೆ ಈಗ ಸದ್ದು ಮಾಡಿದೆ.
ಪ್ರಿಯಕರನಿಗೆ ಈಗಾಗಲೇ ಮದುವೆ: ಮೂರು ಮಕ್ಕಳಿದ್ದಾರೆ. 1999ರಲ್ಲಿ ತೆರೆಕಂಡ ‘ಹಮ್ ದಿಲ್‌ ದೇ ಚುಕಿ ಸನಮ್ ಹಿಂದಿ ಸಿನಿಮಾ ಮಾದರಿಯಲ್ಲಿ ವ್ಯಕ್ತಿಯೊಬ್ಬ ಪತ್ನಿಯನ್ನು ಆಕೆಯ ಪ್ರಿಯಕರನಿಗೆ ಕೊಟ್ಟು ಮದುವೆ ಮಾಡಿಸಿರುವ ಘಟನೆ ಬಿಹಾರದ ನವಾಡ ಜಿಲ್ಲೆಯಲ್ಲಿ ನಡೆದಿದೆ.

ಪತಿ ಕೆಲಸದ ನಿಮಿತ್ತ ಹೊರಗೆ ಹೋಗಿದ್ದ ವೇಳೆ ಮಹಿಳೆಯನ್ನು ಭೇಟಿಯಾಗಲು ಆಕೆಯ ಪ್ರಿಯಕರ ತಡರಾತ್ರಿ ಮನೆಗೆ ಬಂದಿದ್ದ, ಆಗ ಕುಟುಂಬದವರ ಕೈಗೆ ಇಬ್ಬರೂ ಸಿಕ್ಕಿ ಬಿದ್ದರು. ಕುಟುಂಬದ ಸದಸ್ಯರು ಆ ವ್ಯಕ್ತಿಯನ್ನು ಥಳಿಸಿ ಇಬ್ಬರನ್ನೂ ಊರು ಬಿಟ್ಟು ಹೋಗುವಂತೆ ಒತ್ತಾಯಿಸಿದರು. ಆದರೆ, ಪತಿ ಹಿಂದಿರುಗಿ ಬಂದಾಗ ವಿಷಯ ತಿಳಿದು ಕೂಡಲೇ ಪತ್ನಿಯನ್ನು ದೇವಸ್ಥಾನಕ್ಕೆ ಕರೆದೊಯ್ದು ಆಕೆಯ ಪ್ರಿಯಕರನೊಂದಿಗೆ ಮದುವೆ ಮಾಡಿಸಿದ್ದಾನೆ. ಪ್ರಿಯಕರನಿಗೆ ಈಗಾಗಲೇ ಮದುವೆಯಾಗಿದ್ದು ಮೂರು ಮಕ್ಕಳಿದ್ದಾರೆ ಎಂದು ತಿಳಿದುಬಂದಿದೆ. ಆತನ ವಿರುದ್ಧ ಸದ್ಯಕ್ಕೆ ಯಾವುದೇ ದೂರು ದಾಖಲಾಗಿಲ್ಲ, ಹಣೆಗೆ ಸಿಂಧೂರ ಹೆಚ್ಚುತ್ತಿರುವ ದೇವಸ್ಥಾನದಲ್ಲಿನ ವಿವಾಹದ ಫೋಟೊ, ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.