ಕಾಫಿ ನಾಡಲ್ಲಿ ಗುಡ್ಡ ಕುಸಿತ: ಹಲವೆಡೆ ರಸ್ತೆ ಸಂಪರ್ಕ ಬಂದ್!
– ಕೊಪ್ಪ- ಜಯಪುರ ನಡುವೆ ಭೂ ಕುಸಿತ
– ಕೊಪ್ಪ – ನಾರ್ವೆ – ಜಯಪುರ- ಚಿಕ್ಕಮಗಳೂರು ಸಂಪರ್ಕ ಕಡಿತ
– ಬದಲಿ ಮಾರ್ಗ ಎಲ್ಲೆಲ್ಲಿ ಇಲ್ಲಿದೆ ಡೀಟೇಲ್ಸ್
NAMMUR EXPRESS NEWS
ಕೊಪ್ಪ: ಚಿಕ್ಕಮಗಳೂರು ಜಿಲ್ಲೆಯಲ್ಲಿ ತೀವ್ರವಾದ ಮಳೆಯ ಅಬ್ಬರದಿಂದ ಹಲವೆಡೆ ಭೂ ಕುಸಿತವಾಗಿದ್ದು ರಸ್ತೆ ಸಂಪರ್ಕ ಕಡಿತಗೊಂಡಿದೆ. ಚಿಕ್ಕಮಗಳೂರು ಜಿಲ್ಲೆಯ ಕೊಪ್ಪ ತಾಲೂಕಿನ ನಾರ್ವೆ ಸಮೀಪ ನರಸೀಪುರ ಗ್ರಾಪಂ ವ್ಯಾಪ್ತಿಯಲ್ಲಿ ಕೊಪ್ಪ – ಜಯಪುರ- ಚಿಕ್ಕಮಗಳೂರು ಸಂಪರ್ಕಿಸುವ ಹೆದ್ದಾರಿ ಪಕ್ಕ ಭಾರೀ ಭೂಕುಸಿತ ಉಂಟಾಗಿದ್ದು ಇದರಿಂದ ಕೊಪ್ಪ – ನಾರ್ವೆ – ಜಯಪುರ- ಚಿಕ್ಕಮಗಳೂರು ಸಂಪರ್ಕ ಕಡಿತಗೊಂಡಿದೆ.
ಸದ್ಯ ಮುನ್ನೆಚ್ಚರಿಕಾ ಕ್ರಮವಾಗಿ ಈ ಮಾರ್ಗವಾಗಿ ವಾಹನ ಸಂಚಾರ ನಿಷೇಧಿಸಿ ಬದಲಿ ವ್ಯವಸ್ಥೆ ಮಾಡಲಾಗಿದೆ. ಸಾರ್ವಜನಿಕರು ಸಹಕರಿಸಿ ಬದಲಿ ಮಾರ್ಗವಾಗಿ ಚಲಿಸಲು ಸೂಚಿಸಲಾಗಿದೆ.
ಬದಲಿ ಮಾರ್ಗ ಕೊಪ್ಪ – ನಾಗಲಾಪುರ – ನಾರ್ವೆ ಸರ್ಕಲ್ – ಜಯಪುರ.
ಕೊಪ್ಪ – ಕಲ್ಕೆರೆ – ಅಂದಗಾರು -ಚಿಕ್ಕಮಗಳೂರು.
ಭಾರೀ ಮಳೆಗೆ ಕೊಪ್ಪ ತಾಲೂಕಿನ ಗುಡ್ಡೆತೋಟದಲ್ಲಿ ಮೇಲಿನ ಸೈಟ್ ಉಮೇಶ್ ಎಂಬುವವರ ಮನೆ ಮುಂಭಾಗ ಕುಸಿತ ಕಂಡಿದೆ.
