ಶೃಂಗೇರಿ ಗಣೇಶೋತ್ಸವದಲ್ಲಿ ಪ್ರಮೋದ್ ಮಧ್ವರಾಜ್
– ಶೃಂಗೇರಿಗೆ ಭೇಟಿ ನೀಡಿ ಗಣೇಶ ದರ್ಶನ ಪಡೆದ ಬಿಜೆಪಿ ನಾಯಕ
– ನೂತನ ಪಟ್ಟಣ ಪಂಚಾಯ್ತಿ ಅಧ್ಯಕ್ಷರು ಉಪಾಧ್ಯಕ್ಷರಿಗೆ ಅಭಿನಂದನೆ
NAMMUR EXPRESS NEWS
ಶೃಂಗೇರಿ: ಶೃಂಗೇರಿ ಪಟ್ಟಣದ ಗೌರಿಶಂಕರ ಸಭಾಂಗಣದಲ್ಲಿ ಪ್ರತಿಷ್ಠಾಪಿಸಲಾದ 66ನೇ ಸಾರ್ವಜನಿಕ ಗಣೇಶೋತ್ಸವದಲ್ಲಿ ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್ ಭಾಗವಹಿಸಿ ದರ್ಶನ ಪಡೆದರು. ನಂತರ ಪಟ್ಟಣ ಪಂಚಾಯ್ತಿ ನೂತನ ಅಧ್ಯಕ್ಷ ಉಪಾಧ್ಯಕ್ಷರಾಗಿ ಆಯ್ಕೆಯಾದ ವೇಣುಗೋಪಾಲ್,ಪ್ರಕಾಶ್ ಅವರನ್ನು ಅಭಿನಂದಿಸಿದರು. ನಂತರ ತಾಲೂಕಿನ ಕಾಂಚೀನಗರದಲ್ಲಿ ಪ್ರತಿಷ್ಠಾಪಿಸಿದ 36 ನೇ ವರ್ಷದ ಗಣಪತಿ ದರ್ಶನ ಪಡೆದು ಸಮಿತಿ ಸದಸ್ಯರಿಗೆ ಶುಭಾಶಯ ತಿಳಿಸಿದರು.
ಎರಡು ಗಣಪತಿ ಸೇವಾ ಸಮಿತಿಯ ಅಧ್ಯಕ್ಷರು ಮತ್ತು ಸದಸ್ಯರು ಪೂಜ ಪ್ರಾದವನ್ನು ನಡಿ ಧನ್ಯವಾದ ತಿಳಿಸಿದರು. ಈ ಸಂದರ್ಭ ಪಟ್ಟಣ ಪಂಚಾಯ್ತಿ ಅಧ್ಯಕ್ಷರಾದ ವೇಣುಗೋಪಾಲ್,ಉಪಾಧ್ಯಕ್ಷರಾದ ಪ್ರಕಾಶ್, ಪಟ್ಟಣದ ಸಾರ್ವಜನಿಕ ಗಣೇಶೋತ್ಸವ ಸಮಿತಿಯ ಅಧ್ಯಕ್ಷರಾದ ರತ್ನಾಕರ ಶೆಟ್ಟಿ, ಪಟ್ಟಣ ಪಂಚಾಯ್ತಿ ಸದಸ್ಯರಾದ ರಾಧಿಕ,ವಿದ್ಯಾ ಶ್ರೀಧರ್,ಹಾಗೂ ನಾಗೇಂದ್ರ,ಕಾಂಚೀನಗರ ಗಣೇಶೋತ್ಸವ ಸಮಿತಿಯ ನಾಗರಾಜ ಶೆಟ್ಟಿ,ಪ್ರಶಾಂತ್,ಮಂಜುನಾಥ್,ಕಾರ್ತಿಕ್, ಇತರರು ಉಪಸ್ಥಿತರಿದ್ದರು.
