ಶೃಂಗೇರಿ ಗಣೇಶೋತ್ಸವದಲ್ಲಿ ಕಣ್ಮನ ಸೆಳೆದ ನೃತ್ಯ ವೈಭವ!
– ಸುನಿತಾ ನವೀನ್ ಗೌಡ ಹಾಗೂ ಎಂ.ಕೆ ಶ್ರೀ ನಿಧಿ ಕೊಪ್ಪ ವಿರಚಿತ ನೃತ್ಯರೂಪಕ ಪ್ರದರ್ಶನ
– ಸಾರ್ವಜನಿಕ ಮಹಾಗಣಪತಿ ಸೇವಾ ಸಮಿತಿ ವತಿಯಿಂದ ಅದ್ದೂರಿ ಗಣೇಶೋತ್ಸವ
NAMMUR EXPRESS NEWS
ಶೃಂಗೇರಿ: ಶೃಂಗೇರಿ ಪಟ್ಟಣದ ಸಾರ್ವಜನಿಕ ಮಹಾಗಣಪತಿ ಸೇವಾ ಸಮಿತಿ ವತಿಯಿಂದ ಆಯೋಜನೆಗೊಂಡ 65ನೇ ಗಣೇಶೋತ್ಸವ ಕಾರ್ಯಕ್ರಮದ ಸಾಂಸ್ಕೃತಿಕ ರಂಗ ಸಂಭ್ರಮ ಪ್ರೇಕ್ಷಕರ ಗಮನ ಸೆಳೆಯಿತು.
ಶೃಂಗೇರಿಯ ನಾಟ್ಯವೈಭವ ನೃತ್ಯ ಅಕಾಡೆಮಿ ವಿದುಷಿ ಸುನೀತ ನವೀನ್ ಗೌಡ ಹಾಗೂ ಕೊಪ್ಪದ ನಾದಬ್ರಹ್ಮ ಸಂಗೀತ ವಿದ್ಯಾಲಯದ ಎಂ.ಕೆ. ಶ್ರೀನಿಧಿ ಕೊಪ್ಪ ಇಲ್ಲಿಯ ವಿದ್ಯಾರ್ಥಿಗಳ ದಶಾವತಾರ ನೃತ್ಯರೂಪಕ, ಮಹಿಷಾಸುರ ಮರ್ದಿನಿ, ಕೇರಳದ ಗುಡ್ಡಗಾಡು ಜನರ ಕುರಿತ ತಯ್ಯಂ ನೃತ್ಯ ಮತ್ತು ಚಿಕ್ಕಮಕ್ಕಳ ಅಯ್ಯಪ್ಪಸ್ವಾಮಿ ಕುರಿತ ನೃತ್ಯ ನೆರೆದಿದ್ದ ಪ್ರೇಕ್ಷಕರ ಮನಸೂರೆಗೊಂಡಿತು. ಕಾರ್ಯಕ್ರಮದ ಪ್ರಾರಂಭದಿಂದ ಮುಕ್ತಾಯದವರೆಗೂ ಜನ ಕಿಕ್ಕಿರಿದು ಈ ಅದ್ಬುತ ನೃತ್ಯ ವೈಭವವನ್ನು ಕಣ್ತುಂಬಿೊಂಡರು.
