ಬರಲಿದೆ ಕೆಜಿಎಫ್ -3 ಸಿನಿಮಾ!
– ಹೊಂಬಾಳೆ ಫಿಲ್ಮ್ಸ್ ನಿಂದ ಹೊರಬಿತ್ತು ಸಿಹಿಸುದ್ದಿ
– ಹೊಸ ಲುಕ್ ಅಲ್ಲಿ ಕಾಣಲಿದ್ದಾರೆ ಯಶ್
NAMMUR EXPRESS NEWS
ಬಹುನೀರಿಕ್ಷಿತ ಕೆಜಿಎಫ್ ಸರಣಿ ಮುಂದುವರೆಯಲಿದ್ದು, ಕೆಜಿಎಫ್-2 ಬಳಿಕ, ಕೆಜಿಎಫ್ 3 ಸಿನಿಮಾ ತೆರೆಗೆ ಬರಲಿದೆ ಎಂದು ಹೊಂಬಾಳೆ ತಂಡ ಖಚಿತಪಡಿಸಿದೆ. ಸ್ಯಾಂಡಲ್ ವುಡ್ ಗೆ ಬಾಲಿವುಡ್ ಮೀರಿ ನಿಲ್ಲುವ ಶಕ್ತಿ ನೀಡಿದ್ದು ಕೆಜಿಎಫ್ ಹಾಗೂ ಕೆಜಿಎಫ್ 2. ಸೀರಿಯಲ್ ನಿಂದ ಕೆರಿಯರ್ ಆರಂಭಿಸಿ ಚಂದನವನದಲ್ಲಿ ಸಾಲು ಸಾಲು ಸಿನಿಮಾ ಮಾಡಿ ಗೆದ್ದಿದ್ದ ರಾಕಿಂಗ್ ಸ್ಟಾರ್ ಯಶ್ ಗೆ ಅಂತಾರಾಷ್ಟ್ರೀಯ ಮಾನ್ಯತೆ ಹಾಗೂ ಹಾಲಿವುಡ್ ಸಿನಿಮಾ ಕ್ಷೇತ್ರವೂ ಬೆಳೆಯುವಂತಹ ಬ್ರೇಕ್ ನೀಡಿದ್ದು ಕೆಜಿಎಫ್ ಸಿನಿಮಾ ಈಗ 3ನೇ ಅವತಾರದಲ್ಲೂ ಬರಲಿದೆ.2024 ರಲ್ಲಿ ಚಿತ್ರೀಕರಣ ಆರಂಭಿಸಲಿರುವ ಹೊಂಬಾಳೆ ಸಂಸ್ಥೆ 2025 ರಲ್ಲಿ ಅಂದ್ರೇ ಬಹುತೇಕ 2025 ರ ಡಿಸೆಂಬರ್ ವೇಳೆಗೆ ಕೆಜಿಎಫ್ 3 ಸಿನಿಮಾ ತೆರೆಗೆ ಬರಲಿದೆ.
ಕೆಜಿಎಫ್ 3 ಪ್ರೊಡಕ್ಷನ್ ಕೆಲಸ 2023ರ ಡಿಸೆಂಬರ್ ನಲ್ಲಿ ಆರಂಭವಾಗಲಿದ್ದು, 2024ರಲ್ಲಿ ಹೊಂಬಾಳೆ ಸಿನಿಮಾ ಚಿತ್ರೀಕರಣ ಆರಂಭಿಸಲಿದೆ ಎನ್ನಲಾಗ್ತಿದೆ. ಒಟ್ಟಿನಲ್ಲಿ 2025 ರಲ್ಲಿ ಕೆಜಿಎಫ್ 3 ತೆರೆಗೆ ಬರೋದು ಫಿಕ್ಸ್. ಈಗಾಗಲೇ ಸಿನಿಮಾ ನಟ ಹಾಗೂ ನಿರ್ಮಾಪಕ, ನಿರ್ದೇಶಕರ ನಡುವೆ ಹಲವು ಸುತ್ತಿನ ಮಾತುಕತೆ ನಡೆದಿದ್ದು ಕತೆಗೆ ಅಂತಿಮ ರೂಪ ನೀಡಲಾಗುತ್ತಿದೆ.
ಯಶ್ ಈ ಸಿನಿಮಾದಲ್ಲಿ ಹಿಂದೆಂದಿಗಿಂತ ವಿಭಿನ್ನವಾಗಿ ಕಾಣಿಸಲಿದ್ದು, ಹಾಲಿವುಡ್ ಸಾಹಸ ನಿರ್ದೇಶಕರು ಯಶ್ ಸಾಹಸವನ್ನು ನಿರ್ದೇಶಿಸಲಿದ್ದಾರಂತೆ. ಯಶ್ ಅಲಿಯಾಸ್ ರಾಕಿ ಬಾಯ್ ಸಂಪತ್ತಿನ ಅನ್ವೇಷಣೆ ಹಾಗೂ ಅಧಿಕಾರದ ಸುತ್ತ ಕೆಜಿಎಫ್ 3 ಕತೆ ಹೆಣೆಯಲಾಗಿದೆ ಎನ್ನಲಾಗ್ತಿದೆ.
