ಮಲೆನಾಡ ಕಥೆಯ ಸಿನಿಮಾ ‘ಜಲಪಾತ’ ರಿಲೀಸ್!
– ವಿಭಿನ್ನ ಸಿನಿಮಾ ರಾಜ್ಯಾದ್ಯಂತ ಬಿಡುಗಡೆ
– ರಮೇಶ್ ಬೇಗಾರ್ ನಿರ್ದೇಶನದ ಸಿನಿಮಾ
– ಮಲೆನಾಡ ಕಲಾವಿದರ ಸಿನಿ ಮ್ಯಾಜಿಕ್
NAMMUR EXPRESS NEWS
ಮಲೆನಾಡಿನ ನೆಲ, ಜಲ, ಜನ-ಜೀವನ ಮತ್ತು ಪರಿಸರ ಸಂರಕ್ಷಣೆಯ ಕಥಾಹಂದರ ಹೊಂದಿರುವ “ಜಲಪಾತ’ ಸಿನಿಮಾ ಈ ವಾರ ಬಿಡುಗಡೆಯಾಗಿ ಭಾರೀ ಸದ್ದು ಮಾಡುತ್ತಿದೆ. ಮಲೆನಾಡಿನ ಬಹುತೇಕ ಕಲಾವಿದರು ಈ ಸಿನಿಮಾ ಮಾಡಿದ್ದು ಕನ್ನಡ ಸಿನಿಮಾ ರಂಗಕ್ಕೆ ಹೊಸ ತಂಡವೊಂದನ್ನು ಕೊಟ್ಟಿದೆ. ಈ ಹಿಂದೆ “ವೈಶಂಪಾಯನ ತೀರ’ ಸಿನಿಮಾವನ್ನು ನಿರ್ದೇಶಿಸಿದ್ದ ಬೇಗಾರ್ ರಮೇಶ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಎರಡನೇ ಸಿನಿಮಾ ಇದಾಗಿದೆ. ‘ಜಲಪಾತ’ ಸಿನಿಮಾದಲ್ಲಿ ರಜನೀಶ್ ನಾಯಕನಾಗಿದ್ದು, ನಾಗಶ್ರೀ ಬೇಗಾರ್ ನಾಯಕಿಯಾಗಿದ್ದಾರೆ. ಪ್ರಮೋದ್ ಶೆಟ್ಟಿ ವಿಶೇಷ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಉಳಿದಂತೆ ಬಹುತೇಕ ಮಲೆನಾಡಿದ ಕಲಾವಿದರು ಮತ್ತು ತಂತ್ರಜ್ಞರು ಸಿನಿಮಾದಲ್ಲಿ ಕೆಲಸ ಮಾಡಿದ್ದಾರೆ.
“ಜಲಪಾತ’ ಸಿನಿಮಾದ ಗೀತೆಗಳಿಗೆ ಸಾದ್ವಿನಿ ಕೊಪ್ಪ ಸಂಗೀತ ಸಂಯೋಜಿಸಿದ್ದು, ವಿಜಯ್ ಪ್ರಕಾಶ್ ಮೊದಲಾದ ಗಾಯಕರು ಹಾಡಿಗೆ ಧ್ವನಿಯಾಗಿದ್ದಾರೆ. “ಇಂಡಸ್ ಹರ್ಬ್ ಮಾಲೀಕ ಟಿ. ಸಿ. ರವೀಂದ್ರ ತುಂಬರಮನೆ ಈ ಸಿನಿಮಾವನ್ನು ನಿರ್ಮಿಸಿದ್ದಾರೆ.
ಮಲೆನಾಡ ಬಹುತೇಕ ತಾಲೂಕಲ್ಲಿ ಪ್ರದರ್ಶನ
ಶಿವಮೊಗ್ಗ, ಚಿಕ್ಕಮಗಳೂರು ಜಿಲ್ಲೆಯ ಬಹುತೇಕ ತಾಲೂಕಿನ ಚಿತ್ರಮಂದಿರಗಳಲ್ಲಿ ಸಿನಿಮಾ ತೆರೆ ಕಂಡಿದೆ. ಮೊದಲ ದಿನವೇ ಸಿನಿ ಪ್ರಿಯರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗಿದೆ.
ಎಲ್ಲರೂ ಸಿನಿಮಾ ನೋಡೋಣ.. ಬೆಂಬಲಿಸೋಣ
ಮಲೆನಾಡಿನ ಪ್ರತಿಯೊಬ್ಬರೂ ಈ ಮಲೆನಾಡ ಕಲಾವಿದರ ಸಿನಿಮಾ ಚಿತ್ರಮಂದಿರದಲ್ಲೇ ನೋಡಿ ಬೆಂಬಲಿಸಬೇಕು. ಕಲಾವಿದರನ್ನು ಪ್ರೋತ್ಸಾಹಿಸಬೇಕು ಎಂದು ನಿರ್ದೇಶಕ ರಮೇಶ್ ಬೇಗಾರ್, ನಿರ್ಮಾಪಕ ರವೀಂದ್ರ ತುಂಬರಮನೆ ಮನವಿ ಮಾಡಿದ್ದಾರೆ.
