ಹೆಬ್ರಿ ಅಮೃತ ಭಾರತಿ ಶಾಲೆಯಲ್ಲಿ “ಪರಾಕ್ರಮ ದಿವಸ್”

ಹೆಬ್ರಿ ಅಮೃತ ಭಾರತಿ ಶಾಲೆಯಲ್ಲಿ “ಪರಾಕ್ರಮ ದಿವಸ್”
– ಸುಭಾಷ್ ಚಂದ್ರ ಬೋಸ್ ಅವರ ಹೆಸರು ನೆನಪು
– ವಿದ್ಯಾರ್ಥಿಗಳಿಗೆ ದೇಶ ಸೇವಕರ ಪರಿಚಯ

NAMMUR EXPRESS NEWS
ಹೆಬ್ರಿ: ಪಿ ಆರ್ ಎನ್ ಅಮೃತ ಭಾರತಿ ವಿದ್ಯಾಲಯದಲ್ಲಿ ಪರಾಕ್ರಮ ದಿವಸ್ ಆಚರಣೆ ಮಾಡಲಾಯಿತು. ಈ ಸಂದರ್ಭದಲ್ಲಿ ಅಮೃತ ಭಾರತಿ ವಿದ್ಯಾಲಯದ ಪ್ರೌಢಶಾಲೆಯ ಕನ್ನಡ ಶಿಕ್ಷಕ ಮಹೇಶ್ ಹೈಕಾಡಿ ನೇತಾಜಿ ಸುಭಾಷ್ ಚಂದ್ರ ಬೋಸ್ ಅವರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಸಲ್ಲಿಸಿದರು. ಜನ್ಮದಿನ ಬಗ್ಗೆ ಮಾತನಾಡಿ, ನೇತಾಜಿಯವರು ದೇಶವನ್ನು ಸ್ವಾತಂತ್ರ್ಯ ಗಳಿಸಲು ವಿದೇಶದಲ್ಲಿದ್ದುಕೊಂಡು ಹೋರಾಟವನ್ನು ಮಾಡಿದ ಧೀಮಂತ ನಾಯಕ, ರಾಷ್ಟ್ರೀಯ ಸೈನ್ಯವನ್ನು ಸ್ಥಾಪಿಸಿ ಹೋರಾಟದ ಕೆಚ್ಚು ತಂದ ವ್ಯಕ್ತಿ, ಆದ್ದರಿಂದ ನಾವೆಲ್ಲರೂ ನೇತಾಜಿಯವರ ಪುಸ್ತಕವನ್ನು ಓದಿ ಚಿಂತನೆಯನ್ನು ಮೈಗೂಡಿಸಿಕೊಳ್ಳಬೇಕು ಎಂದರು. ಈ ಸಂದರ್ಭದಲ್ಲಿ ಅಮೃತಭಾರತಿ ವಿದ್ಯಾಲಯದ ವಿದ್ಯಾರ್ಥಿಗಳು, ಗುರೂಜಿ ಮಾತಾಜಿಯವರು ಉಪಸ್ಥಿತರಿದ್ದರು.