ಕಾರ್ಕಳಕ್ಕೆ ಹೆಮ್ಮೆ ತಂದ ಯುವ ಸಾಧಕರು!
* ಅಂತಾರಾಷ್ಟ್ರೀಯ ಟೆಕ್ವಾಂಡೋ ಇಂಟರ್ನ್ಯಾಷನಲ್ ಚಾಂಪಿಯನ್: ಗೋವಾದಲ್ಲಿ ನಡೆದ ಸ್ಪರ್ಧೆಯಲ್ಲಿ ಗೆಲುವು
* ಹಿರ್ಗಾನ ಪ್ರಥಮ್ ಎಸ್ ಶೆಟ್ಟಿ ಸಾಧನೆ
NAMMUR EXPRESS NEWS
ಕಾರ್ಕಳ : ಗೋವಾದಲ್ಲಿ ಸೆ.27-28ರಂದು ನಡೆದ
ಅಂತಾರಾಷ್ಟ್ರೀಯ ಟೆಕ್ವಾಂಡೋ ಇಂಟರ್ನ್ಯಾಷನಲ್ ಚಾಂಪಿಯನ್ ಶಿಪ್ ಸ್ಪರ್ಧೆಯಲ್ಲಿ ‘ಸತ್ಯಪ್ರಸಾದ್ ರಾವ್’ ಪ್ರಥಮ ಸ್ಥಾನ ಪಡೆದುಕೊಂಡಿದ್ದಾರೆ. ಇವರು ಪರಪ್ಪು ರಾಜೇಶ್ ರಾವ್ ಹಾಗೂ ಸುನೀತಾ ದಂಪತಿ ಪುತ್ರ. ಹಾಗೂ ಪ್ರೀತಮ್ ದೇವಾಡಿಗ ದ್ವಿತೀಯ ಸ್ಥಾನ ಪಡೆದುಕೊಂಡಿದ್ದಾರೆ. ಪ್ರೀತಮ್ ಅವರು ಗುಂಡ್ಯಡ್ಕ ನಿವಾಸಿ ಪ್ರೇಮನಾಥ್ ದೇವಾಡಿಗ ಹಾಗೂ ಪುಷ್ಪ ದೇವಾಡಿಗ ದಂಪತಿ ಪುತ್ರ. ಸುರೇಶ್ ದೇವಾಡಿಗ ಅವರಿಂದ ತರಬೇತಿಯನ್ನು ಪಡೆದಿದ್ದು,ಕಾರ್ಕಳದ ಹೆಮ್ಮೆಗೆ ಪಾತ್ರರಾಗಿದ್ದಾರೆ.
ಹಿರ್ಗಾನ ಪ್ರಥಮ್ ಎಸ್ ಶೆಟ್ಟಿ ಸಾಧನೆ
ಟೆಕ್ವಾಂಡೋ ಇಂಟರ್ನ್ಯಾಷನಲ್ ಚಾಂಪಿಯನ್ ಶಿಪ್ , ಗೋವಾದಲ್ಲಿ ನಡೆದ ಸ್ಪರ್ಧೆಯಲ್ಲಿ ಸಂತ ಮರಿಯ ಗೊರಟ್ಟಿ ಆಂಗ್ಲ ಮಾಧ್ಯಮ ಶಾಲೆಯಿಂದ ಪ್ರಥಮ್ ಎಸ್ ಶೆಟ್ಟಿ ಭಾಗವಹಿಸಿ ಬೆಳ್ಳಿ ಮತ್ತು ಕಂಚಿನ ಪದಕವನ್ನು ಪಡೆದಿದ್ದಾರೆ. ಹಿರ್ಗಾನ ಗ್ರಾಮ ಪಂಚಾಯತ್ ಸದಸ್ಯರಾದ ಸಂತೋಷ್ ಶೆಟ್ಟಿ ಮತ್ತು ಜ್ಯೋತಿ ಸಂತೋಷ್ ಶೆಟ್ಟಿ ಅವರ ಮಗ. ಇವರಿಗೆ ಸಂಸ್ಥೆಯ ಸಂಚಾಲಕರು ಮುಖ್ಯೋಪಾಧ್ಯಾಯನಿ ಅವರು ಶಿಕ್ಷಕ ಶಿಕ್ಷಕೇತರ ವೃಂದ, ವಿದ್ಯಾರ್ಥಿಗಳು ಹಾಗೂ ಎಲ್ಲರೂ ಕೂಡ ಶುಭವನ್ನು ಅಭಿನಂದಿಸಿದ್ದಾರೆ
