ಸಸಿಕಾಂತ್ ಸೆಂಥಿಲ್ – ಬಿ.ರಮಾನಾಥ ರೈ ಭೇಟಿ
– ದೆಹಲಿಯಲ್ಲಿ ಭೇಟಿಯಾಗಿ ಅಭಿನಂದನೆ
NAMMUR EXPRESS NEWS
ಮಂಗಳೂರು: ದ.ಕ. ಜಿಲ್ಲೆಯ ಮಾಜಿ ಜಿಲ್ಲಾಧಿಕಾರಿ, ತಮಿಳುನಾಡಿನ ತಿರುವಳ್ಳೂರು ಲೋಕಸಭಾ ಕ್ಷೇತ್ರದಿಂದ ಕಾಂಗ್ರೆಸ್ ಪಕ್ಷದ ಸಂಸದರಾಗಿ ಆಯ್ಕೆಯಾದ ಸಸಿಕಾಂತ್ ಸೆಂಥಿಲ್ ಅವರನ್ನು ಮಾಜಿ ಸಚಿವ ಬಿ.ರಮಾನಾಥ ರೈ ಅವರು ಶನಿವಾರ ದೆಹಲಿಯ ತಮಿಳುನಾಡು ಭವನದಲ್ಲಿ ಭೇಟಿಯಾಗಿ ಅಭಿನಂದನೆ ಸಲ್ಲಿಸಿದರು. ಕೆಪಿಸಿಸಿ ಸದಸ್ಯ ಪಿಯೂಸ್ ರೋಡ್ರಿಗಸ್, ಜಿಲ್ಲಾ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಶಬ್ಬೀರ್.ಎಸ್. ಉಪಸ್ಥಿತರಿದ್ದರು.
ನ್ಯೂ ಫ್ರೆಂಡ್ಸ್ ಚಾರಿಟೇಬಲ್ ಟ್ರಸ್ಟ್ ವನ ಮಹೋತ್ಸವ
ನ್ಯೂ ಫ್ರೆಂಡ್ಸ್ ಚಾರಿಟೇಬಲ್ ಟ್ರಸ್ಟ್(ರಿ)ಸೌಹಾರ್ದ ನಗರ ವತಿಯಿಂದ ವನಮಹೋತ್ಸವ ಪ್ರಯುಕ್ತ ಶಾಲಾ ಮೈದಾನದಲ್ಲಿ ಸಸಿ ನೆಡುವ ಕಾರ್ಯ ಕ್ರಮ ನಡೆಯಿತು. ಅದ್ಯಕ್ಷರಾದ ಹಕೀಮ್ ಪ್ಯಾರ ಉಪಾಧ್ಯಕ್ಷರಾದ ನಿಸಾರ್ ಕರಾವಳಿ, ಮಸ್ಜಿದ್ ರ್ರಹ್ಮಾನ್, ಮಸೀದಿ ಅದ್ಯಕ್ಷ ಸೈಯದಾಲಿ, ಎನ್ಎಪ್ ಸಿ ಟ್ರಸ್ಟ್‌ನ ಪ್ರಧಾನ ಕಾರ್ಯದರ್ಶಿ ರಿಯಾಝ್, ಕಾರ್ಯದರ್ಶಿ ನಿಶಾರ್,ಅಶ್ಬಾಕ್ ಹಾಗೂ ಟ್ರಸ್ಟ್ ಸದಸ್ಯರು ಹಾಗೂ ಹಿತೈಷಿಗಳು ಉಪಸ್ಥಿತರಿದ್ದರು.
ಮಂಗಳೂರು: ನೆಟೆಕ್ಸ್ ಟ್ರೇಡಿಂಗ್ ಕೋ, ಕಂಪನಿ ಶುಭಾರಂಭ
ಯುವ ಉದ್ಯಮಿ ಹನೀಫ್ ಹಾಜಿ ಬಜ್ಪೆಯವರ ಮಾಲಕತ್ವದ ನೆಟೆಕ್ಸ್ ಟ್ರೇಡಿಂಗ್ ಕೋ, ಕಂಪನಿ ಮಂಗಳೂರಿನ ಬಂದರಿನಲ್ಲಿ ಸಯ್ಯದ್ ಕೆ ಎಸ್ ಆಟಕೋಯ ತಂಗಲ್ ಕುಂಬೋಲ್ ಇವರ ಪುಣ್ಯ ಹಸ್ತದಿಂದ ಉದ್ಘಾಟನೆಗೊಂಡಿತು. ಈ ಸಂಧರ್ಭದಲ್ಲಿ ಮುಖ್ಯಅತಿಥಿಯಾಗಿ ಐಟಿ ಸೆಲ್ ಮುಲ್ಕಿ ಮೂಡಬಿದ್ರೆ ವಿಧಾನ ಸಭಾ ಕ್ಷೇತ್ರದ ಅಧ್ಯಕ್ಷರಾದ ನಿಸಾರ್ ಕರಾವಳಿ ಹಾಗೂ ಕಾಂಗ್ರೆಸ್ ಮುಖಂಡ ಸಿರಾಜ್ ಬಜ್ಪೆ ಹಾಗೂ ಇನ್ನಿತರ ಉಲಮಾ, ಉಮರಾ ನಾಯಕರು ಭಾಗವಹಿಸಿ ಶುಭಹಾರೈಸಿದರು.
