ಉದ್ಯಮಿ ಶ್ರೀಧರ್ ಶೆಟ್ಟಿ ಅವರಿಗೆ ರಾಜಧಾನಿಯಲ್ಲಿ ಪ್ರಶಸ್ತಿ
– ನೀಮಸ್ ಫಾರ್ಮಾಸ್ಯುಟಿಕಲ್ಸ್ ಸ್ಥಾಪಕ ತೀರ್ಥಹಳ್ಳಿ ಮೂಲದ ಉದ್ಯಮಿ
– ‘ಬ್ಯುಸಿನೆಸ್ ಎಕ್ಸಲೆನ್ಸ್ ಅವಾರ್ಡ್-2024’ ಸ್ವೀಕರಿಸಿದ ಪುತ್ರ
NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ತಾಲ್ಲೂಕಿನ ಬಾಳಗಾರು ಮೂಲದವರಾದ ಯಶಸ್ವಿ ಯುವ ಉದ್ಯಮಿ, ನೀಮಸ್ ಫಾರ್ಮಾ ಸ್ಯುಟಿಕಲ್ಸ್‌ನ ಸ್ಥಾಪಕರಾದ ಶ್ರೀಧರ್ ಕುಮಾ‌ರ್ ಶೆಟ್ಟಿ ಅವರಿಗೆ 2024ನೇ ಸಾಲಿನ ಬ್ಯುಸಿನೆಸ್ ಎಕ್ಸಲೆನ್ಸ್ ಅವಾರ್ಡ್ ಲಭಿಸಿದೆ.
ಗ್ಲೋಬಲ್ ಛೇಂಬರ್ ಆಫ್ ಸಾರಸ್ವತ್ ಎಂಟರ್ ಪ್ರಾನ್ಸೂರ್‌ ಇವರು ಬೆಂಗಳೂರು ಮಾಹೆ ಸಹಯೋಗದಲ್ಲಿ ಉದ್ಯಮ ಕ್ಷೇತ್ರದ ಸಾಧಕರನ್ನು ಗುರುತಿಸಿ ನೀಡುವ ಪ್ರತಿಷ್ಠಿತ ಅವಾರ್ಡ್ ಇದಾಗಿದೆ. ಹೆಲ್ತ್ಕೇರ್ ಉತ್ಪನ್ನಗಳ ಉದ್ಯಮದಲ್ಲಿ ಅನನ್ಯ ಸಾಧನೆಗೈದ ಶ್ರೀಧರ್‌ಶೆಟ್ಟಿ ಅವರನ್ನು ನವೆಂಬರ್ 16ರಂದು ಬೆಂಗಳೂರಿನ ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜ್ಯುಕೇಶನ್‌ನ ಡಾ.ರಾಮದಾಸ್ ಎಂ.ಪೈ. ಕನ್ವೆನ್‌ಷನ್ ಹಾಲ್‌ನಲ್ಲಿ ಹಮ್ಮಿಕೊಳ್ಳಲಾಗಿದ್ದ ಸಮಾರಂಭದಲ್ಲಿಸನ್ಮಾನಿಸಿ ಅವಾರ್ಡ್ ನೀಡಿ ಗೌರವಿಸಲಾಯಿತು.
