ತೀರ್ಥಹಳ್ಳಿಗೆ ನೂತನ ತಾತ್ಕಾಲಿಕ ತಹಶೀಲ್ದಾರ್!
– ಶಿಕಾರಿಪುರದ ಗ್ರೇಡ್ ಒನ್ ತಹಶೀಲ್ದಾರ್ ರಂಜಿತ್ ಕರ್ತವ್ಯ ನಿಯೋಜನೆ
– ಕರ್ತವ್ಯ ನಿರ್ವಹಿಸುತ್ತಿದ್ದ ವೇಳೆಯೇ ತಹಶೀಲ್ದಾರ್ ಜಕ್ಕಣ್ಣಗೌಡರ್ ವಿಧಿವಶ ಹಿನ್ನೆಲೆ
NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿಗೆ ನೂತನ ಹಾಗೂ ತಾತ್ಕಾಲಿಕ ತಹಶೀಲ್ದಾರ್ ಆಯ್ಕೆಯಾಗಿದ್ದಾರೆ. ಹಾಲಿ ಶಿಕಾರಿಪುರ ತಹಸೀಲ್ದಾರ್ ರಂಜಿತ್ ಅವರನ್ನು ತಾತ್ಕಾಲಿಕವಾಗಿ ಸರ್ಕಾರ ನೇಮಕ ಮಾಡಿದೆ. ಜಕ್ಕಣಗೌಡರ್ ತಹಶೀಲ್ದಾರ್, ಗ್ರೇಡ್-1 ತೀರ್ಥಹಳ್ಳಿ ತಾಲ್ಲೂಕು ಇವರು ದಿನಾಂಕ: 16.10.2024 ರಂದು ಸೇವೆಯಲ್ಲಿರುವಾಗಲೇ ಅಕಾಲಿಕ ಮರಣ ಹೊಂದಿದ್ದು, ಸದರಿಯವರ ಮರಣದಿಂದ ತೀರ್ಥಹಳ್ಳಿ ತಾಲ್ಲೂಕಿನಲ್ಲಿ ತಹಶೀಲ್ದಾರ್ ಗ್ರೇಡ್-1 ರವರ ಹುದ್ದೆಯು ಖಾಲಿಯಾಗಿರುತ್ತದೆ.
ತೀರ್ಥಹಳ್ಳಿ ತಹಶೀಲ್ದಾರ್ ಗ್ರೇಡ್ -1 ಹುದ್ದೆಯು ಅಕಾಲಿಕ ಮರಣದಿಂದ ತೆರವಾದ ಕಾರಣ ತಾಲ್ಲೂಕಿಗೆ ಸರ್ಕಾರದಿಂದ ತಹಶೀಲ್ದಾರ್ ಗ್ರೇಡ್-1 ರವರನ್ನು ನಿಯುಕ್ತಿಗೊಳಿಸುವವರೆಗೂ ಸಾರ್ವಜನಿಕ ಆಡಳಿತದ ಹಿತದೃಷ್ಟಿಯಿಂದ ತಾತ್ಕಾಲಿಕವಾಗಿ ತಹಶೀಲ್ದಾರ್ ಗ್ರೇಡ್-1 ಹುದ್ದೆಯಲ್ಲಿ ಸರ್ಕಾರದ ಘಟನ್ನೋತ್ತರ ಮಂಜೂರಾತಿ ಷರತ್ತಿಗೊಳಪಡಿಸಿ ಶ್ರೀ ರಂಜೀತ್ ಎಸ್. ತಹಶೀಲ್ದಾರ್, ಗ್ರೇಡ್-2 ತಾಲ್ಲೂಕು ಕಛೇರಿ, ಶಿಕಾರಿಪುರ ತಾಲ್ಲೂಕು ಇವರನ್ನು ಮುಂದಿನ ಆದೇಶದವರೆಗೆ ತಹಶೀಲ್ದಾರ್, ಗ್ರೇಡ್-1 ತೀರ್ಥಹಳ್ಳಿ ತಾಲ್ಲೂಕು ಅವರ ಹುದ್ದೆಯಲ್ಲಿ ಕಾರ್ಯನಿರ್ವಹಿಸಲು ನಿಯೋಜಿಸಿ ಆದೇಶಿಸಿದೆ.
