ನ.15ರಂದು ಪಂಚದುರ್ಗಾ ಮಂತ್ರ ಹೋಮ, ಸಾರ್ವಜನಿಕ ಕಾರ್ತಿಕ ದೀಪೋತ್ಸವ
– ಆಯುಷ್ಯ ಪ್ರಾಪ್ತಿಗಾಗಿ ಪಂಚದುರ್ಗಾ ಮಂತ್ರ ಹೋಮ
– ಶ್ರೀ ರಾಮೇಶ್ವರ ದೇವರ ಸನ್ನಿಧಿಯಲ್ಲಿ ತೃತೀಯ ವರ್ಷದ ನಿತ್ಯ ಅನ್ನಸಂತರ್ಪಣಾ ಕಾರ್ಯದ ವಾರ್ಷಿಕೋತ್ಸವ
NAMMUR EXPRESS NEWS
ತೀರ್ಥಹಳ್ಳಿ: ತೃತೀಯ ವರ್ಷದ ನಿತ್ಯ ಅನ್ನಸಂತರ್ಪಣಾ ಕಾರ್ಯದ ವಾರ್ಷಿಕೋತ್ಸವ ಪ್ರಯುಕ್ತ ಪಂಚದುರ್ಗಾ ಮಂತ್ರ ಹೋಮ ಕಾರ್ತಿಕ ಶುದ್ಧ ಹುಣ್ಣಿಮೆ ನ. 15ನೇ ಶುಕ್ರವಾರದಂದು ಬೆಳಗ್ಗೆ ಗಂಟೆ 10-30ರಿಂದ ಶ್ರೀ ರಾಮೇಶ್ವರ ದೇವರ ಸನ್ನಿಧಿಯಲ್ಲಿ ಲೋಕಕಲ್ಯಾಣಾರ್ಥ ಹಾಗೂ ಅಪಮೃತ್ಯು, ರೋಗ-ರುಜನ, ಗ್ರಹಚಾರ ದೋಷ ನಿವಾರರ್ಣಾರ್ಥ ಸಮಸ್ತ ಭಕ್ತ ಮಹಾಜನರ ಶ್ರೇಯೋಭಿವೃಧಿ ಹಾಗೂ ಆರೋಗ್ಯ ಆಯುಷ್ಯ ಪ್ರಾಪ್ತಿಗಾಗಿ ಶ್ರೀ ರಾಮೇಶ್ವರ ದೇವರ ಸನ್ನಿಧಿಯಲ್ಲಿ ಸುಸಂಕಲ್ಪದ ಸಲುವಾಗಿ ಪಂಚದುರ್ಗಾ ಮಂತ್ರ ಹೋಮ, ಹಾಗೂ ರಾತ್ರಿ 7-30ಗಂಟೆಗೆ ಸಾರ್ವಜನಿಕ ಕಾರ್ತಿಕ ದೀಪೋತ್ಸವ ನೆರವೇರಲಿದೆ.ತಾವು ಶ್ರೀ ದೇವರ ಸನ್ನಿಧಿಯಲ್ಲಿ ನಡೆಯುವ ಧಾರ್ಮಿಕ ಕಾರ್ಯಕ್ರಮದಲ್ಲಿ ಭಾಗವಹಿಸಿ, ತನು ಮನ ಧನ ಸಹಕಾರ ನೀಡಿ, ಶ್ರೀ ದೇವರ ಕೃಪೆಗೆ ಪಾತ್ರರಾಗಲು ಈ ಮೂಲಕ ಕೇಳಿಕೊಳ್ಳುತ್ತೇವೆ.
