ನಿಖಿಲ್ ಗೆಲುವಿಗಾಗಿ ಕೊಲ್ಲೂರಲ್ಲಿ ಪೂಜೆ!
– ಮೂಕಾಂಬಿಕೆಗೆ ವಿಶೇಷ ಪೂಜೆ ಸಲ್ಲಿಸಿದ ಜೆಡಿಎಸ್ ಮುಖಂಡರು
– ಚನ್ನಪಟ್ಟಣದಲ್ಲಿ ನಿಖಿಲ್, ಕುಮಾರಸ್ವಾಮಿ ಅವರಿಗೆ ಪ್ರಸಾದ ವಿತರಣೆ
NAMMUR EXPRESS NEWS
ತೀರ್ಥಹಳ್ಳಿ/ ಬೈಂದೂರು: ರಾಜ್ಯದ ಪ್ರತಿಷ್ಠಿತ ಉಪ ಚುನಾವಣೆಗೆ ಕೆಲವೇ ದಿನ ಬಾಕಿ ಇರುವಾಗ ಚನ್ನಪಟ್ಟಣ ಮೈತ್ರಿ ಅಭ್ಯರ್ಥಿ ನಿಖಿಲ್ ಕುಮಾರಸ್ವಾಮಿ ಗೆಲುವಿಗಾಗಿ ಕೊಲ್ಲೂರು ಮೂಕಾಂಬಿಕೆಗೆ ಜೆಡಿಎಸ್ ನಾಯಕರು ಪೂಜೆ ಸಲ್ಲಿಸಿ ಅವರಿಗೆ ಪ್ರಸಾದ ನೀಡಿದ್ದಾರೆ. ಜೆಡಿಎಸ್ ನಾಯಕರಾದ ಯಡೂರು ರಾಜಾರಾಂ, ಬೋಜೇಗೌಡರ ಆಪ್ತ ಸಹಾಯಕರಾದ ಪರುಶುರಾಮ್ ಮತ್ತು ಯುವ ಜೆಡಿಎಸ್ ಪ್ರಮುಖರಾದ ಬೇಳೂರು ಗಗನ್ ಗೌಡ ಅವರು ಗುರುವಾರ ಸಂಜೆ ಪೂಜೆ ಮಾಡಿಸಿ ಶುಕ್ರವಾರ ಚನ್ನಪಟ್ಟಣದಲ್ಲಿ ನಿಖಿಲ್ ಕುಮಾರಸ್ವಾಮಿ ಹಾಗೂ ಕುಮಾರಸ್ವಾಮಿಯವರಿಗೆ ದೇವಿಯ ಪ್ರಸಾದವನ್ನು ನೀಡಿದರು. ಕುಮಾರಸ್ವಾಮಿ ಮತ್ತು ನಿಖಿಲ್ ಸದಾ ಕೊಲ್ಲೂರು ಮುಕಾಂಬಿಕೆ ಭಕ್ತರಾಗಿದ್ದು ಅವರ ಸಲಹೆ ಮೇರೆಗೆ ದೇವಳದಲ್ಲಿ ವಿಶೇಷ ಪೂಜೆ ಮಾಡಿಸಲಾಗಿತ್ತು ಎಂದು ಯಡೂರು ರಾಜಾರಾಂ ತಿಳಿಸಿದ್ದಾರೆ.
