ಕ್ರಿಕೆಟ್ ಆಯ್ತು, ಈಗ ನಟನೆಯತ್ತ ಧೋನಿ?

ಕ್ರಿಕೆಟ್ ಆಯ್ತು, ಈಗ ನಟನೆಯತ್ತ ಧೋನಿ?
– ಧೋನಿ ಅವರ ಚೊಚ್ಚಲ ಸಿನಿಮಾ ಶೀಘ್ರ ನಿರ್ಮಾಣ
– ಧೋನಿ ಪತ್ನಿ ಕೂಡ ಬಣ್ಣ ಹಚ್ಚುತ್ತಾರಾ?

NAMMUR EXPRESS NEWS
ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಎಂಎಸ್ ಧೋನಿ ಈಗ ಸಿನಿಮಾ ರಂಗಕ್ಕೆ ಕಾಲಿಡಲಿದ್ದಾರೆ.
ಕ್ರಿಕೆಟ್ ಜಗತ್ತಿನಲ್ಲಿ ತಮ್ಮ ಆಟ ಮತ್ತು ಸ್ವಭಾವದ ಮೂಲಕ ವಿಶ್ವ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ಮಹೇಂದ್ರ ಸಿಂಗ್ ಧೋನಿ ಈಗ ನಿವೃತ್ತಿ ಬಳಿಕ ಸಿನಿಮಾ ಕಡೆ ಆಸಕ್ತಿ ವಹಿಸಿದ್ದಾರೆ. ಧೋನಿ ಅವರು ಚೊಚ್ಚಲ ಸಿನಿಮಾ ನಿರ್ಮಾಣ ಮೂಲಕ ಸಿನಿ ಕ್ಷೇತ್ರದಲ್ಲಿ ಗುರುತಿಸಿಕೊಳ್ಳುತ್ತಿದ್ದು ನಟನೆಯನ್ನು ಮಾಡುವ ಸಾಧ್ಯತೆ ಇದೆ. ಈ ಬಗ್ಗೆ ಅವರ ಪತ್ನಿ ಸಾಕ್ಷಿ ಧೋನಿ ಅವರು ಸುಳಿವು ಬಿಟ್ಟು ಕೊಟ್ಟಿದ್ದು, ಇತ್ತೀಚೆಗೆ ತಮ್ಮ ಚೊಚ್ಚಲು ನಿರ್ಮಾಣದ ಲೆಟ್ಸ್ ಗೇಟ್ ಮ್ಯಾರಿಡ್ ತಮಿಳು ಚಿತ್ರದ ಪತ್ರಿಕಾಗೋಷ್ಠಿಯಲ್ಲಿ ಈ ಸಂಗತಿಯನ್ನು ಹೇಳಿದ್ದಾರೆ.

ಹಲವು ವರ್ಷಗಳಿಂದ ಜಾಹೀರಾತುಗಳಲ್ಲಿ ನಟಿಸುತ್ತಿರುವ ಧೋನಿ ಅವರು ಕ್ಯಾಮರಾ ಎದುರು ನಿಲ್ಲಲು ಹಿಂಜರಿಯುವುದಿಲ್ಲ ಎನ್ನುವ ಮೂಲಕ ಧೋನಿ ನಟನೆಯ ಬಗ್ಗೆ ಸಾಕ್ಷಿ ಸೂಕ್ಷ್ಮವಾಗಿ ಹೇಳಿದ್ದಾರೆ ಎನ್ನಲಾಗುತ್ತಿದೆ. ಅಲ್ಲದೆ ಕ್ರಿಕೆಟಿಗರು ಆಕ್ಷನ್ ಸಿನಿಮಾ ಗಳಿಗೆ ಸೂಟ್ ಆಗುತ್ತಾರೆ ಎಂದಿರುವ ಅವರು, ಎಂತಹ ಕಥೆ ಪಾತ್ರಗಳು ಬಂದರೆ ಧೋನಿ ನಟನೆಯ ಬಗ್ಗೆ ಯೋಚಿಸುತ್ತಾರೆ ಎಂಬ ಸಂಗತಿಯನ್ನು ಬಹಿರಂಗ ಪಡಿಸಿದ್ದಾರೆ.