ತೀರ್ಥಹಳ್ಳಿ ಪಟ್ಟಣಕ್ಕೆ ಬರಲಿದೆ ಇಂದಿರಾ ಕ್ಯಾಂಟೀನ್!
– ಹೊಸ ವರ್ಷದ ಹೊತ್ತಿಗೆ ಉದ್ಘಾಟನೆ ಸಾಧ್ಯತೆ
– ಜಿಲ್ಲಾ ಪಂಚಾಯತ್ ಕಚೇರಿ ಪಕ್ಕ ಶಂಕುಸ್ಥಾಪನೆ
NAMMUR EXPRESS NEWS
ತೀರ್ಥಹಳ್ಳಿ: ಇಂದಿರಾ ಕ್ಯಾಂಟಿನ್ ನಿರ್ಮಾಣ ಕಾಮಗಾರಿಯ ಭೂಮಿ ಪೂಜಾ ಸಮಾರಂಭ ಕಾರ್ಯಕ್ರಮ ವಿಜಯದಶಮಿಯಂದು ನಡೆಯಲಿದೆ. ತೀರ್ಥಹಳ್ಳಿ ಗುರು ಭವನ ಪಕ್ಕದ ಜಿಲ್ಲಾ ಪಂಚಾಯತ್ ಅವರಣ, ಕೊಪ್ಪ ಸರ್ಕಲ್, ತೀರ್ಥಹಳ್ಳಿ ಇಲ್ಲಿ ನೂತನವಾಗಿ ಇಂದಿರಾ ಕ್ಯಾಂಟೀನ್ ಶಂಕು ಸ್ಥಾಪನೆ ನಡೆಯಲಿದೆ.
ಮುಖ್ಯ ಅತಿಥಿಗಳಾಗಿ ಮಧು ಬಂಗಾರಪ್ಪ, ಶಾಸಕ ಆರಗ ಜ್ಞಾನೇಂದ್ರ, ಸಹಕಾರ ನಾಯಕ ಡಾ.ಆರ್ ಎಂ ಮಂಜುನಾಥಗೌಡ, ರಹಮತ್ ಉಲ್ಲಾ ಅಸಾದಿ, ಗೀತಾ ರಮೇಶ್, ಬಿ ಗಣಪತಿ, ತೀರ್ಥಹಳ್ಳಿ ಪಟ್ಟಣ ಪಂಚಾಯಿತಿ ಚುನಾಯಿತಾ ಸದಸ್ಯರು ಮುಖ್ಯ ಅಧಿಕಾರಿಗಳು ಹಾಗೂ ಸಿಬ್ಬಂದಿ ವರ್ಗ ಹೀಗೆ ಇನ್ನೂ ಅನೇಕ ಅತಿಥಿಗಳು ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ, ಸರ್ವರಿಗೂ ಕೂಡ ಸ್ವಾಗತವನ್ನು ಕೋರಿದೆ.
ಹೊಸ ವರ್ಷಕ್ಕೆ ಸೇವೆ ಶುರು
ನೂತನ ಇಂದಿರಾ ಕ್ಯಾಂಟೀನ್ ಹೊಸ ವರ್ಷಕ್ಕೆ ಆರಂಭವಾಗುವ ಸಾಧ್ಯತೆ ಇದೆ. ಈಗಾಗಲೇ ಜಿಲ್ಲೆಯ ಅನೇಕ ಕಡೆ ಇಂದಿರಾ ಕ್ಯಾಂಟೀನ್ ಶುರುವಾಗಿದೆ.
