-ರಾಬರ್ಟ್ ಸಿನಿಮಾದ ರಿಲೀಸ್ ಡೇಟ್ ಕೂಡ ಅನೌನ್ಸ್
-ಫೇಸ್‍ಬುಕ್ ಲೈವ್ ಮೂಲಕ ಅಭಿಮಾನಿಗಳೊಂದಿಗೆ ಮಾತಾನಾಡಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸಾಮಾಜಿಕ ಜಾಲತಾಣಗಳನ್ನು ಬಳಸುವುದು ತೀರ ಅಪರೂಪ. ಸಿನಿಮಾಗಳ ಬಗ್ಗೆ ಅಪ್ ಡೇಟ್ ಬಿಟ್ಟರೆ ಸಾಮಾಜಿಕ ಜಾಲತಾಣದಲ್ಲಿ ದರ್ಶನ್ ಸಕ್ರೀಯರಾಗಿರುವುದು ತುಂಬಾ ಕಡಿಮೆ. ಆದರೆ ಲೈವ್ ಬರುವುದಾಗಿ ಹೇಳಿ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದ್ದರು.
ಬಾನುವಾರ ಲೈವ್ ಬಂದಿದ್ದ ಡಿ ಬಾಸ್ ಸಾಕಷ್ಟು ಮಾಹಿತಿಯನ್ನು ರಿವೀಲ್ ಮಾಡಿದ್ದಾರೆ. ಮುಖ್ಯವಾಗಿ ಅಭಿಮಾನಿಗಳು ವರ್ಷದಿಂದ ಕಾಯುತ್ತಿದ್ದ ರಾಬರ್ಟ್ ಸಿನಿಮಾದ ರಿಲೀಸ್ ಡೇಟ್ ಅನೌನ್ಸ್ ಮಾಡುವ ಮೂಲಕ ಅಭಿಮಾನಿಗಳ ಸಂಭ್ರಮಿಸುವಂತೆ ಮಾಡಿದರು.?
ಸಹೋದರ ದಿನಕರ್ ಜೊತೆ ಯಾವಾಗ ಸಿನಿಮಾ ಮಾಡುತ್ತಾರೆ? ಎನ್ನುವ ಪ್ರಶ್ನೆಗಳನ್ನು ಅಭಿಮಾನಿಗಳು ಕೇಳಿದ್ದಾರೆ. ಮುಂದಿನ ಸಿನಿಮಾಗಳ ಬಗ್ಗೆ ದರ್ಶನ್ ಮಾತನಾಡಿದ್ದಾರೆ.
ಫೇಸ್ ಬುಕ್ ಲೈವ್ ನಲ್ಲಿ ಅಭಿಮಾನಿಯೊಬ್ಬ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ದರ್ಶನ್, ‘ದಿನಕರ್ ಮತ್ತು ನನ್ನ ಸಿನಿಮಾವನ್ನು ಯಾವಾಗ ಬೇಕಾದರೂ ಮಾಡಬಹುದು. ಇರುವ ಪ್ರಾಜೆಕ್ಟ್ ಮುಗಿಸುವುದಕ್ಕೆ ಸಮಯವಿಲ್ಲ.’ ಎಂದಿದ್ದಾರೆ. ಮೊದಲು ಚಿತ್ರಮಂದಿರಗಳು ಓಪನ್ ಆಗಲಿ ಎಂದು ಕಾಯುತ್ತಿದ್ದೆವು ಇದೀಗ ಓಪನ್ ಆಗಿದೆ ಎಂದು ದರ್ಶನ್ ಹೇಳಿದ್ದಾರೆ.
ಸಿನಿಮಾಗಳೆಲ್ಲಾ ಸಾಲ ಸಾಲಾಗಿ ರೆಡಿಯಾಗಿದೆ. ಶೈಲಜಾ ನಾಗ್, ಸಂದೇಶ ನಾಗರಾಜ್, ಮಿಲನ ಪ್ರಕಾಶ್, ರಾಕ್ ಲೈನ್ ವೆಂಕಟೇಶ್, ಹೈದರಾಬಾದ್ ಪ್ರಸಾದ್ ಹೀಗೆ ಸುಮಾರು ಜನರ ಜೊತೆ ಸಿನಿಮಾಗಳು ರೆಡಿಯಾಗುತ್ತಿದೆ.
ರಾಜವೀರ ಮದಕರಿ ನಾಯಕ ಸಿನಿಮಾ ಸದ್ಯ ಚಿತ್ರೀಕರಣ ಪ್ರಾರಂಭ ಮಾಡಿ ನಿಲ್ಲಿಸಲಾಗಿದೆ. ಹಾಗಾಗಿ ರಾಬರ್ಟ್ ಬಳಿಕ ಮದಕರಿ ನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಸಿನಿಮಾತಂಡ ಈಗಾಗಲೇ ಲೊಕೇಶನ್ ಹುಡುಕಾಟ ಮಾಡಿದೆ.
