ವಕೀಲರ ಮೇಲೆ ಯುವಕರ ತಂಡ ಹಲ್ಲೆ!!
– ಯುವಕರ ಮೇಲೆ ಪ್ರಕರಣ ದಾಖಲಿಸುವಂತೆ ವಕೀಲರ ಜಮಾವಣೆ!
– ಚಿಕ್ಕಮಗಳೂರು ಬಾರ್ ಕೌನ್ಸಿಲ್ ಆಕ್ರೋಶ
NAMMUR EXPRESS NEWS
ಚಿಕ್ಕಮಗಳೂರು: ಚಿಕ್ಕಮಗಳೂರು ಬಸವನಹಳ್ಳಿ ಮುಖ್ಯ ರಸ್ತೆಯಲ್ಲಿ ವಕೀಲರ ಮೇಲೆ ಯುವಕರ ತಂಡ ಹಲ್ಲೆ ನಡೆಸಿದ ಘಟನೆ ನಡೆದಿದೆ.ಹಲ್ಲೆ ಮಾಡಿದ ಯುವಕರ ಮೇಲೆ ಪ್ರಕರಣ ದಾಖಲಿಸುವಂತೆ ವಕೀಲರು ಜಮಾವಣೆ ನಡೆಸಿದ್ದಾರೆ.
ಬುಲೆರೋ ವಾಹನದಲ್ಲಿ ರೋಗಿಯನ್ನು ಆಸ್ಪತ್ರೆಗೆ ಸಾಗಿಸುತ್ತಿದ್ದು, ಬುಲೆರೋ ಚಾಲಕ ಕಾರಿಗೆ ಅಡ್ಡ ಬಂದು ನಿಂತದ್ದು, ಬುಲೆರೋ ಚಾಲಕನಿಗೆ ವಕೀಲ ಪ್ರಶ್ನೆ ಮಾಡಿದ್ದಾರೆ. ನಂತರ ವಕೀಲರು, ಆಸ್ಪತ್ರೆ ಮುಂಭಾಗ ರೋಗಿಯನ್ನು ನೋಡಿ ಕ್ಷಮೆ ಕೇಳಿದ್ದಾರೆ.
ವಕೀಲರು ಕ್ಷಮೆ ಕೇಳಿದ್ದರೂ ಬುಲೆರೋ ವಾಹನದಲ್ಲಿದ್ದ ನಾಲ್ವರು ಯುವಕರಿಂದ ಹಲ್ಲೆ ನಡೆಸಿದ್ದಾರೆ. ವಕೀಲ,ಪೃಥ್ವಿ ಮಂಜುನಾಥ್ ಮೇಲೆ ಹಲ್ಲೆ ಎಸಗಿದ ಘಟನೆ ನಡೆದಿದೆ.ಹಲ್ಲೆ ಖಂಡಿಸಿ ಬಸವನಹಳ್ಳಿ ಪೊಲೀಸ್ ಠಾಣೆಯ ಮುಂದೆ ವಕೀಲರು ಪಟ್ಟು ಹಿಡಿದಿದ್ದಾರೆ. ಹಲ್ಲೆ ನಡೆಸಿದ ಯುವಕರ ಮೇಲೆ ಪ್ರಕರಣ ದಾಖಲಿಸುವಂತೆ ಚಿಕ್ಕಮಗಳೂರು ಬಾರ್ ಕೌನ್ಸಿಲ್ ಆಕ್ರೋಶ ವ್ಯಕ್ತಪಡಿಸಿದೆ.
