ಶೃಂಗೇರಿ: ತುಂಗಾ ನದಿಯಲ್ಲಿ ಮುಳುಗಿವಿದ್ಯಾರ್ಥಿ ಸಾವು!
– ಆಯನೂರು: ನಿಶ್ವಿತಾರ್ಥ ಕ್ಯಾನ್ಸಲ್ ಆದ ಹಿನ್ನೆಲೆ ನೇಣಿಗೆ ಶರಣಾದ ಯುವತಿ!
– ಶಿಗ್ಗಾವ್: ಮೆಡಿಕಲ್ ಶಾಪ್ನಲ್ಲಿ ನಡೀತು ಲವ್ ವಾರ್!
– ಸಾಗರ: ಬ್ಯೂಟಿಷಿಯನ್ ಹಿಂದೆ ಬಿದ್ದವನು ಆಸ್ಪತ್ರೆಗೆ!
NAMMUR EXPRESS NEWS
ಶಿವಮೊಗ್ಗದ ಆಯನೂರು ಸಮೀಪ ಯುವತಿಯೊಬ್ಬಳು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಬಗ್ಗೆ ತಡವಾಗಿ ವರದಿಯಾಗಿದೆ. ಇಲ್ಲಿನ ಗ್ರಾಮವೊಂದರ ನಿವಾಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. 20 ವರ್ಷದ ಯುವತಿಗೆ ನಿಶ್ಚಿತಾರ್ಥವಾಗಿತ್ತು. ಮದುವೆಗೆ ದಿನಾಂಕ ನಿಗದಿಯಾಗಿ, ಕೆಲವೇ ದಿನಗಳಲ್ಲಿ ಮದುವೆ ಸಹ ನಡೆಯುವುದರಲ್ಲಿತ್ತು. ಈ ನಡುವೆ ಮದುವೆ ಕ್ಯಾನ್ಸಲ್ ಆಗಿತ್ತು. ಹುಡುಗನಿಗೆ ಇಷ್ಟವಾಗದ ಕಾರಣಕ್ಕೆ ಮದುವೆ ಕ್ಯಾನ್ಸಲ್ ಆಗಿತ್ತು. ಇದೇ ಕಾರಣಕ್ಕೆ ಬೇಸರಗೊಂಡಿದ್ದ ಯುವತಿ ಈ ರೀತಿ ಮಾಡಿಕೊಂಡಿದ್ದಾಳೆ ಎಂದು ಹೇಳಲಾಗುತ್ತಿದೆ. ನಿಶ್ಚಿತಾರ್ಥ ಮುರಿದು ಬಿದ್ದ ಕಾರಣಕ್ಕೆ ಮನನೊಂದ ಯುವತಿ ಮಲಗುತ್ತೇನೆ ಎಂದು ಹೇಳಿ, ಮಲಗುವ ಕೋಣೆಗೆ ಹೋಗಿದ್ದಾಳೆ. ಅಲ್ಲಿ ನೇಣಿಗೆ ಶರಣಾಗಿದ್ದಾಳೆ.ಇನ್ನೂ ಘಟನೆ ಸಂಬಂಧ ಕುಂಸಿ ಪೊಲೀಸ್ ಸ್ಟೇಷನ್ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು ತನಿಖೆ ನಡೆಸ್ತಿದ್ದಾರೆ.
ತುಂಗಾ ನದಿಯಲ್ಲಿ ಮುಳುಗಿ ಶಾಲೆ ವಿದ್ಯಾರ್ಥಿನಿ ಸಾವು
ಶೃಂಗೇರಿ: ಚಿಕ್ಕಮಗಳೂರು ಜಿಲ್ಲೆ ಶೃಂಗೇರಿ ತಾಲೂಕಿನಲ್ಲಿ ಈಜಲು ತೆರಳಿದ್ದ ಶಾಲಾ ಬಾಲಕ ನೀರು ಪಾಲಾಗಿದ್ದಾನೆ. ಈತ ಶೃಂಗೇರಿ ಸರ್ಕಾರಿ ಶಾಲೆಯಲ್ಲಿ 9ನೇ ತರಗತಿ ಓದುತ್ತಿದ್ದ ವಿದ್ಯಾರ್ಥಿಯಾಗಿದ್ದಾನೆ. ಶುಕ್ರವಾರದ ದಿನ ಮೂವರು ವಿದ್ಯಾರ್ಥಿಗಳು ಹೊಳೆಯಲ್ಲಿ ಈಜಲು ಬಂದಿದ್ದಾಗ ಈ ಅವಘಡ ಸಂಭವಿಸಿದೆ. ಇವತ್ತಿನ ದಿನ ಗಾಂಧಿ ಮೈದಾನದ ಹಿಂದೆ ಶವ ಪತ್ತೆಯಾಗಿದ್ದು ನೆಮ್ಮಾರು ಮೂಲದ ಋಷೇಶ್ (14) ಸಾವನ್ನಪ್ಪಿದ ವಿದ್ಯಾರ್ಥಿ ಎಂದು ಗುರುತಿಸಲಾಗಿದೆ. ಅಗ್ನಿಶಾಮಕ ದಳದ ಕಾರ್ಯಾಚರಣೆ ಮೂಲಕ ಶವ ಪತ್ತೆ ಮಾಡಲಾಗಿದೆ.
ಮೆಡಿಕಲ್ ಶಾಪ್ನಲ್ಲಿ ನಡೀತು ಲವ್ ವಾರ್!
ಶಿಗ್ಗಾಂವಿ: ಯುವಕನೊಬ್ಬ ತಾನು ಪ್ರೀತಿಸ್ತಿದ್ದ ಯುವತಿಗೆ ಚಾಕುವಿನಿಂದ ಇರಿಯಲು ಪ್ರಯತ್ನಿಸಿದ ಘಟನೆ ನಡೆದಿದೆ. ಈ ಗಲಾಟೆಯಲ್ಲಿ ಯುವಕ ಹಾಗೂ ಯುವತಿಗೂ ಗಾಯಗಳಾಗಿದ್ದು ಇಬ್ಬರನ್ನ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿದೆ. ಪ್ರೀತಿಸ್ತಿದ್ದ ಯುವತಿಯ ಬಗ್ಗೆ ಅನುಮಾನಗೊಂಡಿದ್ದ ಯುವಕನೊಬ್ಬ, ಆಕೆ ಕೆಲಸ ಮಾಡುತ್ತಿದ್ದ ಮೆಡಿಕಲ್ ಶಾಪ್ಗೆ ಬಂದು ಚಾಕುವಿನಿಂದ ಇರಿಯಲು ಯತ್ನಿಸಿದ್ದಾನೆ. ಈ ವೇಳೆ ಅಲ್ಲಿದ್ದವರು ಆತನನ್ನು ತಡೆದಿದ್ದಾರೆ. ಇನ್ನೂ ಘಟನೆ ಸಂಬಂಧ ಪೊಲೀಸರು ಆರೋಪಿಯನ್ನ ವಶಕ್ಕೆ ಪಡೆದಿದ್ದು, ಪ್ರಕರಣ ದಾಖಲಿಸಿದ್ದಾರೆ.
ಶಿಗ್ಗಾಂವಿ ಪೊಲೀಸ್ ಸ್ಟೇಷನ್ ಲಿಮಿಟ್ಸ್ನಲ್ಲಿ ಈ ಘಟನೆ ನಡೆದಿದೆ. ಇಲ್ಲಿನ ಪ್ರೀತಿ (ಹೆಸರು ಬದಲಾಯಿಸಲಾಗಿದೆ) ಮೆಡಿಕಲ್ ಶಾಪ್ ಒಂದರಲ್ಲಿ ಕೆಲಸ ಮಾಡುತ್ತಾರೆ. 20 ವರ್ಷದ ಇವರನ್ನ 25 ವರ್ಷದ ಪ್ರಿಯಕರ (ಹೆಸರು ಬದಲಾಯಿಸಲಾಗಿದೆ ) ಪ್ರೀತಿಸುತ್ತಿದ್ದ . 2 ವರ್ಷದಿಂದ ಪ್ರೀತಿ ಸುಗಮವಾಗಿತ್ತು. ಈ ಮಧ್ಯೆ ಅನುಮಾನದ ಗಾಳಿ ಬೀಸಿದೆ. ಪ್ರೀತಿ ಇನ್ನೊಬ್ಬರ ಪ್ರೇಮದ ಸಂಪರ್ಕದಲ್ಲಿದ್ದಾಳೆ ಎಂಬ ಅನುಮಾನ ಪ್ರಿಯಕರನಿಗೆ ಬಂದಿತ್ತು. ಇದೇ ಕಾರಣಕ್ಕೆ ಈ ಕೃತ್ಯ ಎಸೆಗಿದ್ದಾನೆ ಎನ್ನಲಾಗುತ್ತಿದೆ. ಸದ್ಯ ಪೊಲೀಸರು ತನಿಖೆ ನಡೆಸ್ತಿದ್ದಾರೆ
ಬ್ಯೂಟಿಷಿಯನ್ ಹಿಂದೆ ಬಿದ್ದವನು ಆಸ್ಪತ್ರೆಗೆ!
ಸಾಗರ: ಸಾಗರದ ಕರೂರು ಹೋಬಳಿ ಬ್ರಾಹ್ಮಣಕೆಪ್ಪಿಗೆಯಲ್ಲಿ ಎರಡನೇ ಪತ್ನಿ ಇದ್ದು ಎರಡನೇ ಪತ್ನಿ ಇದ್ದಾಗಲೇ ಮತ್ತೋರ್ವ ಬ್ಯೂಟಿಷಿಯನ್ ಹಿಂದೆ ಬಿದ್ದ ವ್ಯಕ್ತಿಗೆ ನಂತರದ ದಿನಗಳಲ್ಲಿ ಕೈಕೊಟ್ಟಾಗ ಕೇಳಲು ಹೋಗಿದ್ದಕ್ಕೆ ಹಲ್ಲೆ ನಡೆಸಲಾಗಿದೆ. ಈ ಪ್ರಕರಣ ಸಾಗರ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ. ಬ್ಯೂಟಿ ಪಾರ್ಲರ್ ನಡೆಸುತ್ತಿದ್ದ ಬ್ಯೂಟಿಷಿಯನ್ ಜೊತೆ ಎರಡು ವರ್ಷ ಕಾಲಕಳೆದಿದ್ದು ಆಕೆಯ ಸಂಸಾರಕ್ಕೆ ಹಣವನ್ನೂ ಖರ್ಚು ಮಾಡಿದ್ದಾನೆ. ನಂತರದ ದಿನಗಳಲ್ಲಿ ಬರೊಲ್ಲ ಎಂದು ಹೇಳಿದಾಗ ಮಂಜುನಾಥ್ ಕೋಪಗೊಂಡು ಗ್ಲಾಸ್ ಒಡೆದ ಕಾರಣ ಪಾರ್ಲರ್ ನಲ್ಲಿದ್ದ ಇಬ್ಬರು ಯುವಕರು ಸಂತ್ರಸ್ತ ಮಂಜುನಾಥ್ ಅವರ ಮೇಲೆ ಹಲ್ಲೆ ಮಾಡಿ ಕೈ ನರಕಟ್ ಆಗುವ ರೀತಿ ಹೊಡೆದಿದ್ದಾರೆ. ಅವರನ್ನ ಶಿವಮೊಗ್ಗದ ಮೆಗ್ಗಾನ್ ಗೆ ದಾಖಲಿಸಲಾಗಿದೆ.
