ಶಿರೂರು: ಗುಡ್ಡ ಕುಸಿದು, ಲಾರಿಯೊಳಗೆ ಅರ್ಜುನ್ ಮೃತದೇಹ ಪತ್ತೆ
– ಮುಳುಗಿದ್ದ ಟ್ರಕ್ ಒಳಗಡೆ ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆ
– ಬೆಂಗಳೂರು: ಮಹಾಲಕ್ಷ್ಮಿ ಕೊಲೆ ಪ್ರಕರಣ, ಆರೋಪಿ ಪತ್ತೆ!
– ಕಿವಿಯಲ್ಲಿದ್ದಾಗಲೇ ಇಯರ್ ಬಡ್ ಸ್ಫೋಟ: ಕಿವಿ ಕೇಳೋದೇ ಇಲ್ಲ!
NAMMUR EXPRESS NEWS
ಶಿರೂರು: ಎರಡು ತಿಂಗಳುಗಳ ಮುಂಚೆ ಗುಡ್ಡ ಕುಸಿದು ಕಣ್ಮರೆಯಾಗಿದ್ದ ಕೇರಳ ಅರ್ಜುನ್ ರವರ ಮೃತದೇಹ ಪತ್ತೆಯಾಗಿದೆ.
ಕಳೆದ ಎರಡು ತಿಂಗಳು ಮುಂಚೆ ಗುಡ್ಡ ಕುಸಿದು ಕಣ್ಮರೆಯಾಗಿದ್ದ ಅರ್ಜುನ್ ಮೃತದೇಹ ಪತ್ತೆಯಾಗಿದೆ ಎಂದು ತಿಳಿದು ಬಂದಿದೆ.
ಉತ್ತರ ಕನ್ನಡದ ಅಂಕೋಲಾದ ಶಿರೂರುನಲ್ಲಿ ಗುಡ್ಡ ಕುಸಿದು ಅರ್ಜುನ್ ರವರ ಲಾರಿ ಸಹಿತ ಹಲವಾರು ಮಂದಿ ಮಣ್ಣಿನಡಿಗೆ ಬಿದ್ದಿದ್ದರು ಆದರೆ ಕೇರಳ ನಿವಾಸಿ ಅರ್ಜುನ್ ರವರ ಪತ್ತೆ ಇಲ್ಲಿಯವರೆಗೆ ಸಿಕ್ಕಿರಲಿಲ್ಲ.
ಇಂದು ತೀವ್ರ ಅನ್ವೇಷಣೆ ಬಳಿಕ ಲಾರಿ ನೀರಿನಡಿಯಿಂದ ಸಿಕ್ಕಿದ್ದು ಲಾರಿಯೊಳಗಡೆ ಅರ್ಜುನ್ ರವರ ಮೃತದೇಹ ಸಿಕ್ಕಿದ್ದಾಗಿ ತಿಳಿದು ಬಂದಿದೆ.
ಮಹಾಲಕ್ಷ್ಮಿ ಕೊಲೆ ಪ್ರಕರಣ, ಆರೋಪಿ ಪತ್ತೆ!
ಬೆಂಗಳೂರು: ಕಳೆದ ಮೂರ್ನಾಲ್ಕು ದಿನಗಳಿಂದ ಇಡೀ ದೇಶವನ್ನೇ ಬೆಚ್ಚಿ ಬೀಳಿಸಿರುವ ಬೆಂಗಳೂರು ಮಹಿಳೆಯ ಭೀಕರ ಕೊಲೆ ಪ್ರಕರಣದ ಆರೋಪಿ ಸಿಕ್ಕಿ ಬಿದ್ದಿದ್ದಾನೆ. ಬೆಂಗಳೂರಿನ ವೈಯಾಲಿಕಾವಲ್ ಮನೆಯಲ್ಲಿ ವಾಸವಾಗಿದ್ದ ನೇಪಾಳಿ ಕನ್ನಡತಿ ಮಹಾಲಕ್ಷ್ಮಿಯನ್ನು ಭೀಕರವಾಗಿ ಕೊಲೆ ಮಾಡಿ ಆಕೆಯ ದೇಹದ ಮಾಂಸವನ್ನು ಫ್ರಿಡ್ಜ್‌ನಲ್ಲಿ ತುಂಬಿ ಪರಾರಿ ಆಗಿದ್ದ ಅಪರಾಧಿ ಯಾರು? ಎಂಬ ಮಾಹಿತಿ ತುಳಿದು ಬಂದಿದೆ.
ಆರೋಪಿ ಪೋಟೋ ಸಮೇತ ರಿವೀಲ್ ಮಾಡುತ್ತಿದ್ದು, ಮಹಾಲಕ್ಷ್ಮಿಯನ್ನ ಕೊಲೆ ಮಾಡಿದ್ದು ಬೇರೆ ಯಾರು ಅಲ್ಲ ಅವಳ ಜೊತೆ ಕೆಲಸ ಮಾಡುತ್ತಿರುವ ವ್ಯಕ್ತಿ. ಮಹಾಲಕ್ಷ್ಮಿ ಜೊತೆ ಫ್ಯಾಶನ್ ಫ್ಯಾಕ್ಟರಿಯಲ್ಲಿ ಕೆಲಸ ಮಾಡುತ್ತಿರುವ ವ್ಯಕ್ತಿಯೇ ಆಕೆಯನ್ನ ಕೊಂದಿದ್ದು. ಫ್ಯಾಶನ್ ಫ್ಯಾಕ್ಟರಿಯಲ್ಲಿ ಕೆಲಸ ಮಾಡುತ್ತಿರುವ ಟೀಮ್ ಹೆಡ್ ಮುಕ್ತಿ ರಂಜನ್ ರಾಯರಿಂದಲೇ ಕೊಲೆ ಎಂಬ ಸತ್ಯಾಂಶ ಬಯಲಾಗಿದೆ.
ಸದ್ಯ ಮಹಾಲಕ್ಷ್ಮಿಯನ್ನ ಭೀಕರವಾಗಿ ಕೊಂದು,ಪರಾರಿಯಾಗಿರೋ ಮುಕ್ತಿ ರಂಜನ್ ಮೂಲ ಒಡಿಶಾದವನು. ಈತ ಪೊಲೀಸರ ಕಾಣ್ತಪ್ಪಿಸಿ ಪರಾರಿ ಆಗಲೆಂದೇ ತಮ್ಮ ಮನೆಗೂ ಹೋಗದೇ ಪಶ್ಚಿಮ ಬಂಗಾಳಕ್ಕೆ ಹೋಗಿದ್ದಾನೆ. ಇದೀಗ ಪೋನ್ ಬಳಸದೇ ಪೊಲೀಸರಿಗೆ ಚಳ್ಳೆ ಹಣ್ಣು ತಿನ್ನಿಸಿದ್ದಾನೆ, ಕರ್ನಾಟಕ ಆರೋಪಿಯನ್ನು ಬಂಧಿಸಲು ಪಶ್ಚಿಮ ಬಂಗಾಳಕ್ಕೆ ತೆರಳಿದ್ದಾರೆ.
ಕಿವಿಯಲ್ಲಿದ್ದಾಗಲೇ ಇಯರ್ ಬಡ್ ಸ್ಫೋಟ…!
ಯುವತಿಯೊಬ್ಬಳು ಇಯರ್ ಬಡ್‌ನಲ್ಲಿ ಹಾಡು ಆಲಿಸುತ್ತಿರುವಾಗ ಕಿವಿಯಲ್ಲಿಯೇ ಸ್ಫೋಟಗೊಂಡ ಘಟನೆಯೊಂದು ಬೆಳಕಿಗೆ ಬಂದಿದೆ.
ಟರ್ಕಿ ಮೂಲದ ವ್ಯಕ್ತಿ ಈ ಘಟನೆಯನ್ನು ಹಂಚಿಕೊಂಡಿದ್ದು, ಸ್ಫೋಟದಿಂದಾಗಿ ಯುವತಿ ಸಂಪೂರ್ಣವಾಗಿ ಶ್ರವಣದೋಷ ಅನುಭವಿಸುತ್ತಿದ್ದಾಳೆ.
ಯವತಿ ಗ್ಯಾಲಕ್ಸಿ ಎಸ್‌23 ಅಲ್ಮಾಸ್ಮಾರ್ಟ್‌ಫೋನ್ ನೊಂದಿಗೆ ಬಳಸಲು ಖರೀದಿಸುತ್ತಾಳೆ. ಇಯರ್ ಬಡ್ 36% ಚಾರ್ಜ್‌ನಲ್ಲಿತ್ತು. ಅದನ್ನು ಕಂಡು ಸ್ನೇಹಿತೆ ಬಳಿಯಿಂದ ಚಾರ್ಜ್ ಮಾಡದೆ ಇರುವ ಇಯರ್‌ಬಡ್ ತೆಗೆದುಕೊಳ್ಳುತ್ತಾಳೆ ಬಳಿಕ ಬಳಕೆ ಮಾಡುತ್ತಾಳೆ.
ದುರಾದೃಷ್ಟಕರ ಸಂಗತಿ ಎಂದರೆ ಯುವತಿ ಇಯರ್ ಬಡ್ಸ್ ಕಿವಿಯಲ್ಲಿ ಇರಿಸಿದ್ದಾಗ ಸ್ಫೋಟಗೊಂಡಿದೆ. ಇದರಿಂದ ಯುವತಿ ಶಾಶ್ವತ ಶ್ರವಣ ನಷ್ಟ ಅನುಭವಿಸುತ್ತಿದ್ದಾಳೆ. ಸದ್ಯ ಸ್ಫೋಟಗೊಂಡ ಇಯರ್ ಬಡ್ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
