ರಾಜ್ಯಮಟ್ಟದಲ್ಲಿ ಟೀಚರ್ಸ್ ಸೊಸೈಟಿ ಸಾಧನೆ

ರಾಜ್ಯಮಟ್ಟದಲ್ಲಿ ಟೀಚರ್ಸ್ ಸೊಸೈಟಿ ಸಾಧನೆ
– ರಾಜ್ಯ ಪ್ರಾಥಮಿಕ ಶಿಕ್ಷಕರ ಸೌಹಾರ್ದ ಸಹಕಾರಿಯ ಹಿರಿಮೆ
– ಸೆ. 22ಕ್ಕೆ ಶಿಕ್ಷಕರ ಸೌಹಾರ್ದ ಭವನ ಉದ್ಘಾಟನೆ: ಸ್ವಾಗತ

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿಯಲ್ಲಿ ಪ್ರಾರಂಭವಾಗಿ ರಾಜ್ಯಮಟ್ಟದಲ್ಲಿ ಹೆಸರು
ಮಾಡುತ್ತಿರುವ ರಾಜ್ಯ ಪ್ರಾಥಮಿಕ ಶಿಕ್ಷಕರ ಸೌಹಾರ್ದ ಸಹಕಾರಿಯ ನೂತನ ಕಚೇರಿ ಶಿಕ್ಷಕರ ಸೌಹಾರ್ದ ಭವನ ಉದ್ಘಾಟನೆ ಸೆ. 22ರಂದು ತೀರ್ಥಹಳ್ಳಿಯಲ್ಲಿ ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ ಎಲ್ಲಾ ಷೇರುದಾರರು, ಜನರನ್ನು ಶಿಕ್ಷಕರ ಸೌಹಾರ್ದ ಸಹಕಾರಿ ಅಧ್ಯಕ್ಷ ಮಹಾಬಲೇಶ್ವರ ಹೆಗಡೆ ಸ್ವಾಗತಿಸಿದ್ದಾರೆ.
ಸೆ.22ರಂದು ಶಿಕ್ಷಕರ ಸೌಹಾರ್ದ ಭವನದ ಉದ್ಘಾಟನೆ ಮಹಾಸಭೆ, ಪ್ರತಿಭಾ ಪುರಸ್ಕಾರ, ನಿವೃತ್ತ ಶಿಕ್ಷಕರಿಗೆ ಸನ್ಮಾನ ನಡೆಯಲಿದೆ.
ತೀರ್ಥಹಳ್ಳಿ, ಆಗುಂಬೆ ಸರ್ಕಲ್ಲಿನ ಟಿ,ಎಸ್‌,ಟಿ, ಹೈಪರ್ ಮಾರ್ಟ್ ಾಂಣದಲ್ಲಿ ಪತ್ರಿಕಾಗೋಷ್ಠಿಯನ್ನು ನಡೆಸಿ ಅವರು ಮಾತನಾಡಿದರು.
ಪ್ರಧಾನ ಶಾಖೆಯ ಕಟ್ಟಡಕ್ಕೆ ತೀರ್ಥಹಳ್ಳಿ ಪಟ್ಟಣದ ಹತ್ತಿರ ಕುವೆಂಪು ನಗರದಲ್ಲಿ 5 ವರ್ಷಗಳ ಹಿಂದೆ 7 ನಿವೇಶನವನ್ನು ಖರೀದಿಸಿ, ಏಕ ನಿವೇಶನವನ್ನಾಗಿ ಪರಿವರ್ತಿಸಿ ಈಗ ಸಹಕಾರಿಗೆ ಸ್ವಂತ ಕಟ್ಟಡವನ್ನು ನಿರ್ಮಿಸಲಾಗುತ್ತಿದೆ. ಈ ಕಟ್ಟಡಕ್ಕೆ “ಶಿಕ್ಷಕರ ಸೌಹಾರ್ದಭವನ” ಎಂದು ನಾಮಕರಣ ಮಾಡಿದ್ದು, ಈ ಕಟ್ಟಡವು ರಾಜ್ಯದಲ್ಲಿಯೇ ಪ್ರಾಥಮಿಕ ಶಾಲಾ ಶಿಕ್ಷಕರ ಮೊದಲ ಹೆಮ್ಮೆಯ ಕಟ್ಟಡವೆಂದು ಹೇಳಬಹುದಾಗಿದೆ.
2008ರಲ್ಲಿ ಸಂಸ್ಥೆ 490 ಸದಸ್ಯರನ್ನು ಒಳಗೊಂಡು ತೀರ್ಥಹಳ್ಳಿ ತಾಲೂಕಿಗೆ ಮಾತ್ರ ಸೀಮಿತವಾಗಿತ್ತು. 2015ರಲ್ಲಿ ಸೌಹಾರ್ದವಾಗಿ ಐದು ಜಿಲ್ಲೆಗೆ ವಿಸ್ತರಣೆಯಾಗಿದ್ದು, ನಂತರ ರಾಜ್ಯದ ಸೌಹಾರ್ದ ಸಂಘಟನೆಯಾಗಿ ರೂಪುಗಗೊಂಡಿದೆ ಎಂದು ತಮ್ಮ ಜರ್ನಿ ವಿವರಿಸಿದರು.
ತೀರ್ಥಹಳ್ಳಿ ಎಂಬ ಹಳ್ಳಿಯಲ್ಲಿ ಪ್ರಾರಂಭವಾಗಿ ರಾಜ್ಯಮಟ್ಟದ ಸಂಸ್ಥೆಯಾಗಿ ರೂಪುಗೊಂಡಿರುವುದು ನಮ್ಮೆಲ್ಲರ ಹೆಮ್ಮೆ ಹಾಗೂ 22-09-2024ರಂದು ನಡೆಯುವ ಈ ಎಲ್ಲಾ ಕಾರ್ಯಕ್ರಮದಲ್ಲಿ ತಾವುಗಳು ಉಪಸ್ಥಿತರಿರುವಂತೆ ಈ ಮೂಲಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸೌಹಾರ್ದ ಸಹಕಾರಿ ಸಂಘ ತೀರ್ಥಹಳ್ಳಿ ಶಿವಮೊಗ್ಗ ಜಿಲ್ಲೆ ವಿನಂತಿಸಿಕೊಳ್ಳುತ್ತದೆ ಎಂದರು.
ಪತ್ರಿಕಾಗೋಷ್ಠಿಯಲ್ಲಿ ಶಿಕ್ಷಕರ ಸೌಹಾರ್ದ ಸಹಕಾರಿ ಅಧ್ಯಕ್ಷ ಮಹಾಬಲೇಶ್ವರ ಹೆಗ್ಗಡೆ, ಸೌಹಾರ್ದ ಸಂಘದ ಉಪಾಧ್ಯಕ್ಷರಾದ ತಿಮ್ಮಪ್ಪ, ತೀರ್ಥಹಳ್ಳಿ ತಾಲೂಕು ಶಿಕ್ಷಕರ ಸಂಘದ ಅಧ್ಯಕ್ಷರಾದ ಪುಟ್ಟಪ್ಪ ಕೆ.,ಮುಖ್ಯ ಕಾರ್ಯನಿರ್ವಹಣಾಧಿಕಾರರಾದ ಸಂತೋಷ್,, ಶ್ರೀಕಾಂತ್ ಎಸ್, ಮಹದೇವಪ್ಪ,ಜಗದೀಶ್ ಸೇರಿ ನಿರ್ದೇಶಕರು, ಸಿಬ್ಬಂದಿ ಉಪಸ್ಥಿತರಿದ್ದರು.

 

ತೀರ್ಥಹಳ್ಳಿಯಲ್ಲೇ ಹೈಟೆಕ್ ಕಟ್ಟಡದಲ್ಲಿ ಏನೇನಿದೆ?

ನೂತನ ಕಚೇರಿ, ಶಾಪಿಂಗ್ ಸ್ಟೋರ್, ಅಪಾರ್ಟ್ಮೆಂಟ್, ಮಿನಿ ಹಾಲ್, ಕಚೇರಿ ಜಾಗಗಳು, ಲಾಡ್ಜ್ ಸೇರಿ ಅತೀ ದೊಡ್ಡ ಕಟ್ಟಡ ಇದಗಿದೆ.
ತೀರ್ಥಹಳ್ಳಿ ಸ್ ನಿಲ್ದಾಣ ಕೆಳ ಭಾಗದ ಕುವೆಂಪು ಲೇ ಔಟ್ ನಲ್ಲಿ ಇದು ನಿರ್ಮಾಣವಾಗಿದೆ.