ತೀರ್ಥಹಳ್ಳಿ ಅಶೋಕ್ ನಾಯಕ್ ಅವರಿಗೆ ಛಾಯಾ ಸಾಧಕ ಪ್ರಶಸ್ತಿ

ತೀರ್ಥಹಳ್ಳಿ ಅಶೋಕ್ ನಾಯಕ್ ಅವರಿಗೆ ಛಾಯಾ ಸಾಧಕ ಪ್ರಶಸ್ತಿ
– ಬೆಂಗಳೂರಲ್ಲಿ ನಡೆದ ಡಿಜಿ ಇಮೇಜ್ 2024 ಕಾರ್ಯಕ್ರಮದಲ್ಲಿ ಪ್ರಶಸ್ತಿ
– ಛಾಯಾಗ್ರಹಣದಲ್ಲಿ ಮಾಡಿರುವ ಸಾಧನೆ, ಸೇವೆ ಪರಿಗಣಿಸಿ ಸನ್ಮಾನ
– ಮಲೆನಾಡಿನಲ್ಲಿ ಫೋಟೋಗ್ರಫಿ ಮೂಲಕ ಹೆಸರು ಅಶೋಕ್ ನಾಯಕ್

NAMMUR EXPRESS NEWS
ಬೆಂಗಳೂರು/ ತೀರ್ಥಹಳ್ಳಿ: ಕರ್ನಾಟಕ ಛಾಯಾಚಿತ್ರಗ್ರಾಹಕರ ಸಂಘ (ನೋ) ಇದರ ವತಿಯಿಂದ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ತೀರ್ಥಹಳ್ಳಿಯ ಖ್ಯಾತ ಫೋಟೋಗ್ರಾಫರ್ ಸುರಭಿ ಸ್ಟುಡಿಯೋ ಮಾಲೀಕ ಅಶೋಕ್ ನಾಯಕ್ ಅವರಿಗೆ ಛಾಯಾ ಸಾಧಕ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.
ಅಶೋಕ್ ವಿ ನಾಯಕ್ ಶಿವಮೊಗ್ಗ ಜಿಲ್ಲೆಯ ಛಾಯಾಗ್ರಹಣ ಕ್ಷೇತ್ರದಲ್ಲಿ ಹಲವಾರು ವರ್ಷಗಳಿಂದಲೂ ವೃತ್ತಿಪರರಾಗಿ ಕಾರ್ಯನಿರ್ವಹಿಸುತ್ತಿದ್ದು, ಛಾಯಾಗ್ರಹಣದಲ್ಲಿ ಮಾಡಿರುವ ಸಾಧನೆ, ಸೇವೆಯನ್ನು ಪರಿಗಣಿಸಿ, ಕರ್ನಾಟಕ ಛಾಯಾಚಿತ್ರಗ್ರಾಹಕರ ಸಂಘದಿಂದ ಈ ಪ್ರಶಸ್ತಿ ನೀಡಲಾಗಿದೆ.
ಡಿಜಿ ಇಮೇಜ್ 2024ರ ವಸ್ತು ಪ್ರದರ್ಶನದಲ್ಲಿ ಶ್ರೀಯುತರಿಗೆ “ಛಾಯಾಸಾದಕ” ಪ್ರಶಸ್ತಿಯನ್ನು ನೀಡಿ ನಾಡಿನ ಸಮಸ್ತ ಛಾಯಾಗ್ರಾಹಕರ ಪರವಾಗಿ ಗೌರವ ಪೂರ್ವಕವಾಗಿ ಸನ್ಮಾನಿಸಲಾಯಿತು.
ಅಶೋಕ್ ಅವರು ಹಲವು ದಶಕಗಳಿಂದ ತೀರ್ಥಹಳ್ಳಿ ಸೇರಿ ಮಲೆನಾಡಿನಲ್ಲಿ ಫೋಟೋಗ್ರಫಿ ಮೂಲಕ ಹೆಸರು ಮಾಡಿದವರು. ಅಲ್ಲದೆ ಸಾಮಾಜಿಕವಾಗಿ ಕೂಡ ಸೇವೆ ಸಲ್ಲಿಸುತ್ತಿದ್ದಾರೆ.
ಅಶೋಕ್ ಅವರಿಗೆ ಸ್ನೇಹಿತರು, ಸಿಬ್ಬಂದಿ, ತೀರ್ಥಹಳ್ಳಿ ಫೋಟೋಗ್ರಾಫರ್ ಅಭಿನಂದನೆ ಸಲ್ಲಿಸಿದ್ದಾರೆ.