ಕಾಸರವಳ್ಳಿ ಗ್ರಾಪಂ ಚುನಾವಣೆ: ಬಿಜೆಪಿ ಬೆಂಬಲಿತ ಅಭ್ಯರ್ಥಿಗೆ ಗೆಲುವು!
– 17 ಮತಗಳ ಅಂತರದಿಂದ ರೂಪ ಶ್ರೀನಿವಾಸ್ ಜಯಭೇರಿ
– ಅಭಿನಂದನೆ ಸಲ್ಲಿಸಿದ ಜ್ಞಾನೇಂದ್ರ, ಹೆದ್ದೂರು ನವೀನ್
NAMMUR EXPRESS NEWS
ತೀರ್ಥಹಳ್ಳಿ : ತೀರ್ಥಹಳ್ಳಿ ತಾಲೂಕು ತೀರ್ಥಮುತ್ತೂರು ಗ್ರಾಮಪಂಚಾಯಿತಿ ವ್ಯಾಪ್ತಿಯ
ಕಾಸರವಳ್ಳಿ ಗ್ರಾಮದ ಪರಿಶಿಷ್ಠ ಪಂಗಡ ಮೀಸಲು ಕ್ಷೇತ್ರದ ಉಪಚುನಾವಣೆಯಲ್ಲಿ ಬಿಜೆಪಿ ಜಯಭೇರಿ ಭಾರಿಸಿದೆ.
ಬಿಜೆಪಿ ಬೆಂಬಲಿತ ಅಭ್ಯರ್ಥಿಯಾಗಿ ಮಾಜಿ ಜಿಲ್ಲಾ ಪಂಚಾಯತ್‌ ಸದಸ್ಯರಾದ ಕಾಸರವಳ್ಳಿ ಶ್ರೀನಿವಾಸ್ ಪತ್ನಿ ರೂಪ ಶ್ರೀನಿವಾಸ್ ಸ್ಪರ್ಧಿಸಿದ್ದರು. ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿಯಾಗಿ ಜಯಲಕ್ಷ್ಮಿ ರುದ್ರಣ್ಣ ಸ್ಪರ್ಧೆ ಮಾಡಿದ್ದರು. ನವೆಂಬರ್ 26 ರ ಮಂಗಳವಾರ ನಡೆದ ಮತ ಎಣಿಕೆಯಲ್ಲಿ ಒಟ್ಟು ಮತ 615, ಚಲಾವಣೆಯಾದ ಮತ 438, ರೂಪ ಶ್ರೀನಿವಾಸ್ 223, ಜಯಲಕ್ಷ್ಮಿ ರುದ್ರಣ್ಣ 206 ತಿರಸ್ಕಾರ ಆದ ಮತ 9 ಆಗಿದ್ದು ಒಟ್ಟು 17 ಮತಗಳ ಅಂತರದಿಂದ ರೂಪ ಶ್ರೀನಿವಾಸ್ ಜಯಗಳಿಸಿದ್ದಾರೆ. ನೂತನ ಸದಸ್ಯರಿಗೆ ಶಾಸಕರಾದ ಅರಗ ಜ್ಞಾನೇಂದ್ರ, ಬಿಜೆಪಿ ಅಧ್ಯಕ್ಷರಾದ ಹೆದ್ದೂರು ನವೀನ್ ಸೇರಿದಂತೆ ಬಿಜೆಪಿ ಮುಖಂಡರು, ಕಾರ್ಯಕರ್ತರು ಅಭಿನಂದನೆ ಸಲ್ಲಿಸಿದ್ದಾರೆ.
