ಶ್ರೀ ವಿನಾಯಕ ಸೇವಾ ಸಮುದಾಯ ಸಮಿತಿ ಕೆರೆಮನೆ – ಬೇಗುವಳ್ಳಿ
– 50ನೇ ವರ್ಷದ ಅದ್ದೂರಿ ಗಣೇಶೋತ್ಸವ
– 11ನೇ ವರ್ಷದ ತೆಪ್ಪೋತ್ಸವ ಕಾರ್ಯಕ್ರಮ,ವಿವಿಧ ವೇಷ-ಭೂಷಣಗಳೊಂದಿಗೆ ರಾಜಬೀದಿ ಉತ್ಸವ ನೆರವೇರಿತು
NAMMUR EXPRESS NEWS
ಶ್ರೀ ವಿನಾಯಕ ಸೇವಾ ಸಮುದಾಯ ಸಮಿತಿ ಕೆರೆಮನೆ – ಬೇಗುವಳ್ಳಿ ಇವರ ನೇತೃತ್ವದಲ್ಲಿ 50ನೇ ವರ್ಷದ ಗಣೇಶೋತ್ಸವ ಕಾರ್ಯಕ್ರಮ ನೆರವೇರಿತು. 50 ನೇ ವರ್ಷ ಪೂರ್ಣಗೊಂಡಿರುವುದರಿಂದ 11 ವರ್ಷದ ತೆಪ್ಪೋತ್ಸವ ಕಾರ್ಯಕ್ರಮ ಕೂಡ ಜರಗಿತು. 
ಈ ಗಣೇಶೋತ್ಸವ ಕಾರ್ಯಕ್ರಮದಲ್ಲಿ ಮೂರು ದಿನಗಳ ಕಾಲ ಎರಡು ಸಾವಿರ ಜನರಿಗೆ ಅನ್ನಸಂತರ್ಪಣೆ ಮಾಡಲಾಯಿತು. ಅನೇಕ ಕಾರ್ಯಕ್ರಮಗಳು ನೆರವೇರಿದವು ಅದರಲ್ಲಿ 12.09.2024ನೇ ತಾರೀಕು ಶ್ರೀ ನವರಸ ಕಲಾವೃಂದ ಹೆಗಡೆಮನೆ ಇವರಿಂದ ರಸಮಂಜರಿ ಕಾರ್ಯಕ್ರಮ, 13.09. 2024 ಸೀತುರು ಮನೆ ಯಕ್ಷಗಾನ, 14.09.2024 ಮನು ಹಂದಾಡ ಅವರ ನಾಟಕ ಕೂಡ ನೆರವೇರಿತು ಅದರ ಜೊತೆಯಲ್ಲಿ ಮನು ಹಂದಾಡಿ ಅವರಿಗೆ ಸನ್ಮಾನ ಕೂಡ ಮಾಡಲಾಯಿತು. 15-09-2024 ಭಾನುವಾರ ಮಧ್ಯಾಹ್ನ 2-00 ರಿಂದ ಸಂಜೆ 7-30 ರವರೆಗೆ ಸ್ಥಳೀಯ ಕಲಾವಿದರಿಂದ ವಿವಿಧ ವೇಷ-ಭೂಷಣಗಳೊಂದಿಗೆ ರಾಜಬೀದಿ ಉತ್ಸವ ಹಾಗೂ ಸಂಜೆ 7-30 ರಿಂದ 10-30ರ ವರೆಗೆ 11ನೇ ವರ್ಷದ ತೆಪ್ಪೋತ್ಸವ ಕಾರ್ಯಕ್ರಮ ಅದ್ದೂರಿಯಾಗಿ ನೆರವೇರಿತು. ಸತತ 50ನೇ ವರ್ಷದ ಗಣೇಶೋತ್ಸವ ಹಾಗೂ 11ನೇ ವರ್ಷದ ತೆಪ್ಪೋತ್ಸವ ಕಾರ್ಯಕ್ರಮಕ್ಕೆ ಸಹಕರಿಸಿದ ಸಮಸ್ತ ಜನತೆಗೆ ಮತ್ತು ಅಧಿಕಾರಿ ವರ್ಗದವರಿಗೆ ಶ್ರೀ ವಿನಾಯಕ ಸೇವಾ ಸಮಿತಿ ಕೆರೆಮನೆ-ಬೇಗುವಳ್ಳಿ ಇವರಿಂದ ತುಂಬು ಹೃದಯದ ಧನ್ಯವಾದಗಳನ್ನ ಅರ್ಪಣೆ ಮಾಡಿದ್ದಾರೆ.
