ಆಂಬುಲೈನ್ಸ್‌ಗೆ ಕೈ ಅಡ್ಡಹಾಕಿ ದಾರಿ ಬಿಡದೇ ಸತಾಯಿಸಿದ ಕುಡುಕರು!
– ತರೀಕೆರೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಡೆದ ಘಟನೆ
– ಭೀಕರ ಅಪಘಾತದಲ್ಲಿ 25ಕ್ಕೂ ಹೆಚ್ಚು ಜನರಿಗೆ ಗಾಯವಾಗಿದ್ದ ಘಟನೆ
NAMMUR EXPRESS NEWS
ತರೀಕೆರೆ: ತರೀಕೆರೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಎಣ್ಣೆ ನಶೆಯಲ್ಲಿ ಬೈಕ್ ಸವಾರರು ಅಂಬುಲೈನ್ಸ್‌ಗೆ ದಾರಿ ಬಿಡದೇ ಸತಾಯಿಸಿದ ಘಟನೆ ನಡೆದಿದೆ.
ಸೈರನ್ ಹಾಕಿ,ಹಾರನ್ ಮಾಡಿದರೂ ಜಾಗ ಬಿಡದೇ ಸತಾಯಿಸಿದ ಕಿಡಿಗೇಡಿಗಳು ತರೀಕೆರೆ ತಾಲೂಕಿನ ಕೆಂಚಾಪುರ ಗೇಟ್ ಬಳಿ ಬುಲೆರೋ ಹಾಗೂ ಟ್ರಾಕ್ಟರ್ ನಡೆವೆ ನಡೆದಿದ್ದ ಭೀಕರ ಅಪಘಾತದಲ್ಲಿ 25ಕ್ಕೂ ಹೆಚ್ಚು ಜನರಿಗೆ ಗಾಯಗಳಾಗಿ ಗಾಯಾಳುಗಳನ್ನು ತರೀಕೆರೆ ಆಸ್ಪತ್ರೆಗೆ ಸಾಗಿಸುವಾಗ ಕುಡುಕರು ಈ ಕಿರಿಕ್ ಮಾಡಿದ್ದಾರೆ.
ಘಟನೆಯಲ್ಲಿ ಗಂಭೀರವಾಗಿ ಗಾಯಗೊಂಡ 15 ಜನರನ್ನು ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ದಾಖಲಿಸಿದ್ದು, ಲಿಂಗದಹಳ್ಳಿ ಪೋಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
