ಆಗಸ್ಟ್ ತಿಂಗಳಲ್ಲಿ ದೇಶದಲ್ಲಿ 14 ದಿನ ಬ್ಯಾಂಕ್ ಬಂದ್!
– ಬ್ಯಾಂಕ್ ರಜೆಯಲ್ಲಿದ್ದರೂ ಗ್ರಾಹಕರಿಗೆ ತೆರೆದಿರಲಿದೆ ಎಟಿಎಂ ಸೇವೆ
– ಯಾವ ಯಾವ ದಿನ ರಜೆ…? ಇಲ್ಲಿದೆ ಡೀಟೇಲ್ಸ್
NAMMUR EXPRESS NEWS
ಬೆಂಗಳೂರು: ಇಂದು ಕೇವಲ ಹಣ ಜಮೆ ಅಥವಾ ಹಿಂತೆಗೆತಕ್ಕೆ ಮಾತ್ರ ಜನರು ಬ್ಯಾಂಕ್‌ಗಳಿಗೆ ಹೋಗಲ್ಲ. ಇದನ್ನು ಹೊರತುಪಡಿಸಿ ಹಲವು ಹಣಕಾಸಿನ ಸೇವೆಗಳನ್ನು ಬ್ಯಾಂಕ್‌ಗಳು ಒದಗಿಸುತ್ತವೆ. ಹಾಗಾಗಿ ಬ್ಯಾಂಕ್ ರಜಾದಿನಗಳ ಬಗ್ಗೆ ತಿಳಿದುಕೊಂಡಿರಬೇಕು. ಭಾನುವಾರದ ಜೊತೆಗೆ ಎರಡು ಮತ್ತು ನಾಲ್ಕನೇ ಶನಿವಾರ ಬ್ಯಾಂಕ್‌ಗಳಿಗೆ ರಜೆ ಇರುತ್ತದೆ. ಈ ರಜೆಗಳನ್ನು ಹೊರತುಪಡಿಸಿಯೂ ಹಲವು ಸರ್ಕಾರಿ ರಜೆಗಳು ಎಲ್ಲಾ ಖಾಸಗಿ ಮತ್ತು ಸರ್ಕಾರಿ ಬ್ಯಾಂಕ್‌ಗಳಿಗೆ ಅನ್ವಯವಾಗುತ್ತವೆ. ಮುಂದಿನ ತಿಂಗಳು ಆಗಸ್ಟ್‌ನಲ್ಲಿ ಬ್ಯಾಂಕ್‌ಗಳು ಬರೋಬ್ಬರಿಗೆ 14 ದಿನ ಬಾಗಿಲು ಮುಚ್ಚಿವೆ. ಬ್ಯಾಂಕ್‌ಗಳಿಗೆ ರಜೆ ಇದ್ರೂ ಬ್ಯಾಂಕಿಂಗ್ ವ್ಯವಹಾರಗಳ ಮೇಲೆ ವ್ಯತಿತರಿಕ್ತ ಪರಿಣಾಮ ಬೀರಲ್ಲ. ಆನ್ಲೈನ್ ಸೇವೆಗಳು 24*7 ಕಾರ್ಯನಿರ್ವಹಿಸುತ್ತಿರುತ್ತವೆ.
ಆಗಸ್ಟ್ ತಿಂಗಳಲ್ಲಿ ಮೂರು ಪ್ರಮುಖ ಹಬ್ಬಗಳು ಬರುತ್ತವೆ. ರಕ್ಷಾ ಬಂಧನ, ಜನ್ಮಾಷ್ಠಮಿ ಮತ್ತು ಸ್ವತಂತ್ರ ದಿನಾಚರಣೆಗಳಿಗೆ ಸರ್ಕಾರಿ ರಜೆ ಘೋಷಣೆ ಮಾಡಲಾಗಿದೆ. ಮೂರು ಹಬ್ಬಗಳ ಜೊತೆ ನಾಲ್ಕು ಭಾನುವಾರ ಮತ್ತು ಎರಡು ಶನಿವಾರ ಸೇರಿಸಿದ್ರೆ 10 ರಜೆ ಆಗುತ್ತದೆ. ಇನ್ನುಳಿದ ನಾಲ್ಕು ರಜೆ ಯಾವುದು ಎಂಬುದರ ಮಾಹಿತಿ ಇಲ್ಲಿದೆ ನೋಡಿ.
ಆಗಸ್ಟ್ 2024- ಬ್ಯಾಂಕ್ ರಜಾದಿನಗಳ ಪಟ್ಟಿ
ಆಗಸ್ಟ್ 4: ಭಾನುವಾರ
ಆಗಸ್ಟ್ 10: ತಿಂಗಳ ಎರಡನೇ ಶನಿವಾರ
ಆಗಸ್ಟ್ 11: ಭಾನುವಾರ
ಆಗಸ್ಟ್ 15: ಸ್ವತಂತ್ರ ದಿನಾಚರಣೆ
ಆಗಸ್ಟ್ 18: ಭಾನುವಾರ
ಆಗಸ್ಟ್ 24: ನಾಲ್ಕನೇ ಶನಿವಾರ
ಆಗಸ್ಟ್ 25: ಭಾನುವಾರ
ಆಗಸ್ಟ್ 24: ಕೃಷ್ಣ ಜನ್ಮಷ್ಠಮಿ
ಈ ರಜೆಗಳ ದಿನಗಳಂದು ಬ್ಯಾಂಕ್‌ಗೆ ಸಂಬಂಧಿಸಿದ ಯಾವುದೇ ಕೆಲಸವನ್ನು ಆನ್ಲೈನ್ ಮೂಲಕ ಮಾಡಿಕೊಳ್ಳಬಹುದು. ಬ್ಯಾಂಕ್ ರಜೆಯಲ್ಲಿದ್ದರೂ ಎಟಿಎಂ ಸೇವೆ ಗ್ರಾಹಕರಿಗೆ ತೆರೆದಿರುತ್ತದೆ. ಡೆಬಿಟ್ ಕಾರ್ಡ್ ಸಹಾಯದಿಂದ ಎಟಿಎಂ ಮೂಲಕ ಹಣ ಹಿಂಪಡೆದುಕೊಳ್ಳಬಹುದಾಗಿದೆ. ಹಣ ಜಮೆ ಮಾಡುವ ಸೌಲಭ್ಯವೂ ಗ್ರಾಹಕರಿಗೆ ಲಭ್ಯವಿರುತ್ತದೆ.
