ಮಾನವೀಯತೆ ಮೆರೆದ ನಿಲುವಾಗಿಲು ಹುಡುಗರು!
– ಕಳೆದುಕೊಂಡ ಹಣ ಮತ್ತು ಪರ್ಸ್ ಹಿಂತಿರುಗಿಸಿ ನಿಷ್ಠೆ ಮೆರದ ಯುವಕರು!
– ಹರಿಹರಪುರದಲ್ಲಿ ಸಿಕ್ಕ ಪರ್ಸ್ ಹಾಗೂ ಅದರಲ್ಲಿದ್ದ 16,000/- ರೂ.ಹಣ
NAMMUR EXPRESS NEWS
ಕೊಪ್ಪ: ಕೊಪ್ಪ ತಾಲೂಕು ನಿಲುವಾಗಿಲು ಹುಡುಗರು ಈಗ ಮಾನವೀಯತೆ ಮೂಲಕ ಸುದ್ದಿಯಲ್ಲಿದ್ದಾರೆ.
ಹರಿಹರಪುರ ಮುಖ್ಯರಸ್ತೆಯಲ್ಲಿ ಸಿಕ್ಕ ಪರ್ಸ್ ಹಾಗೂ ಅದರಲ್ಲಿದ್ದ 16,000/-ರೂ ಕಳೆದುಕೊಂಡವರಿಗೆ ಹಿಂತಿರುಗಿಸಿ ಯುವಕರು ಸಾರ್ವಜನಿಕರ ಪ್ರಶಂಸೆಗೆ ಪಾತ್ರರಾಗಿದ್ದಾರೆ.
ನಿಲುವಾಗಿಲು ಗ್ರಾಮದ ಶರತ್ ಹಾಗೂ ಮುರಳಿ ಎಂಬುವರಿಗೆ ಹರಿಹರಪುರದಲ್ಲಿ ಪರ್ಸ್ ಹಾಗೂ ಅದರಲ್ಲಿ 16,000/- ರೂ. ಹಣ ಸಿಕ್ಕಿತ್ತು. ಪ್ರಾಮಾಣಿಕತೆ ಮೆರೆದ ಯುವಕರು ಹರಿಹರಪುರ ಪೋಲೀಸ್ ಠಾಣೆಗೆ ಒಪ್ಪಿಸಿ ನಂತರ ಪೋಲೀಸರ ಸಮ್ಮುಖದಲ್ಲಿ ಪರ್ಸ್‌ನ ವಾರಸುದಾರರಾದ ಕಮ್ಮರಡಿ ಮೂಲದ ವ್ಯಕ್ತಿಗೆ ಹಿಂದಿರುಗಿಸಿದ್ದಾರೆ. ಈ ಯುವಕರ ಪ್ರಾಮಾಣಿಕತೆಗೆ ಎಲ್ಲೆಡೆಯಿಂದ ಪ್ರಶಂಸೆ ಲಭಿಸಿದೆ.
