ಶಿರುಪತಿಯಲ್ಲಿ ಮರ ಬಿದ್ದರೂ ಕ್ಯಾರೆ ಎನ್ನದ ಆಡಳಿತ!
ಶಿರುಪತಿಯಲ್ಲಿ ಮರ ಬಿದ್ದರೂ ಕ್ಯಾರೆ ಎನ್ನದ ಆಡಳಿತ!
– ಕೆಇಬಿ ಅವರಿಗೆ ಕರೆ ಮಾಡಿದರೂ ಕೂಡ ಯಾವುದೇ ಉತ್ತರ ಸಿಗುತ್ತಿಲ್ಲ
– ಮಕ್ಕಳು, ಜನರು ಓಡಾಡುವಾಗ ಅಪಾಯ
NAMMUR EXPRESS NEWS
ತೀರ್ಥಹಳ್ಳಿ: ಮಲೆನಾಡಿನಲ್ಲಿ ಮಳೆ ಹೆಚ್ಚಾಗಿದ್ದು, ಪಟ್ಟಣ ಸಮೀಪದ ನೆರಟೂರು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಶಿರುಪತಿಯಲ್ಲಿ ದೊಡ್ಡ ಮರ ರಸ್ತೆಗೆ ಬಿದ್ದು ಕೆಲ ಕಾಲ ಜನ ತೊಂದರೆಗೆ ಒಳಗಾದರು.
ಶಿರುಪತಿಯಿಂದ ಖುಷ್ಕಿ ರೋಡಿನಲ್ಲಿ ಮರ ಬಿದ್ದಿದ್ದು ಕೆಇಬಿ ಅವರಿಗೆ ಕರೆ ಮಾಡಿದರೂ ಕೂಡ ಯಾವುದೇ ಉತ್ತರ ಸಿಗುತ್ತಿಲ್ಲ. ಇದರಿಂದ ಗ್ರಾಮಸ್ಥರಿಗೆ ತೊಂದರೆಯಾಗಿದ್ದು ನೆರಟೂರು ಗ್ರಾಮ ಪಂಚಾಯತ್ ಅವರಿಗೂ ಕೂಡ ತಿಳಿಸಿದರೂ ಯಾವುದೇ ಪ್ರಯೋಜನವಾಗಿಲ್ಲ ಎಂದು ಸ್ಥಳೀಯರು ದೂರಿದ್ದಾರೆ.
ಅಂಗನವಾಡಿ ಹಾಗೂ ಶಾಲೆಗೆ ಹೋಗುವ ಮಕ್ಕಳು ಬಿದ್ದ ಮರದ ಕೆಳಗಡೆ ನುಗ್ಗಿ ಹೋಗುವ ಪರಿಸ್ಥಿತಿ ಇದ್ದು, ಆದರೂ ಕೂಡ ಸಂಬಂಧಪಟ್ಟವರು ಗಮನಿಸುತ್ತಿಲ್ಲ. ಪದೇಪದೇ ಇಂತ ಘಟನೆಗಳು ನಡೆಯುತ್ತಿದ್ದರು ಕೂಡ ಮರವನ್ನು ತೆಗೆಸುವ ಕೆಲಸ ಮಾತ್ರ ನಡೆಯುತ್ತಿಲ್ಲ ಎಂದು ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
