ನ್ಯಾಷನಲ್ ಸಿಲ್ವರ್ & ವಾಚಸ್ ಉದ್ಘಾಟನೆ ಸಂಭ್ರಮ!
– ರಾಜಕೀಯ, ಸಾಮಾಜಿಕ ಗಣ್ಯರು, ಗ್ರಾಹಕರ ಶುಭ ಹಾರೈಕೆ
– ನ್ಯಾಷನಲ್ ಗ್ರೂಪ್‌ ಸಂಸ್ಥಾಪಕರಾದ ಹಾಜಿ ಶೇಖ್ ಅಹಮದ್ ದಂಪತಿಗಳಿಂದ ಉದ್ಘಾಟನೆ
NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿಯ ಪ್ರತಿಷ್ಠಿತ ನ್ಯಾಷನಲ್ ಸಮೂಹ ಸಂಸ್ಥೆಯ ಹೊಸ ಉದ್ಯಮ ನ್ಯಾಷನಲ್ ಸಿಲ್ವರ್ & ವಾಚಸ್ ಸೋಮವಾರ ಉದ್ಘಾಟನೆಗೊಂಡಿದ್ದು ಸಾವಿರಾರು ಮಂದಿ ಗ್ರಾಹಕರು, ರಾಜಕೀಯ, ಸಾಮಾಜಿಕ ಕ್ಷೇತ್ರದ ಗಣ್ಯರು ಭಾಗವಹಿಸಿ ಶುಭ ಹಾರೈಸಿದರು. ಭಾನುವಾರ ತೀರ್ಥಹಳ್ಳಿಯಲ್ಲಿ ನಡೆದ ಸರಳ ಕಾರ್ಯಕ್ರಮಕ್ಕೆ ಮಾಜಿ ಸಚಿವ ಕಿಮ್ಮನೆ ರತ್ನಾಕರ್, ಸಹಕಾರ ನಾಯಕರಾದ ಡಾ.ಮಂಜುನಾಥ್ ಗೌಡ, ವಿದ್ಯಾಧರ್ ಗುರುಶಕ್ತಿ, ಮರಿಯಪ್ಪ, ಕಾಂಗ್ರೆಸ್ ನಾಯಕರಾದ ಶ್ರೀಕಾಂತ್, ಉದ್ಯಮಿಗಳಾದ ಕಿಮ್ಮನೆ ಜಯರಾಂ, ಧರ್ಮೇಶ್ ಸೇರಿ ತೀರ್ಥಹಳ್ಳಿ, ಶಿವಮೊಗ್ಗದ ಬಹುತೇಕ ಗಣ್ಯರು ಶುಭ ಕೋರಿದರು. ಶಿವಮೊಗ್ಗ ಸಂಸದ ರಾಘವೇಂದ್ರ ಅವರು ಮಳಿಗೆಗೆ ಭೇಟಿ ನೀಡಿ ಮೆಚ್ಚುಗೆ ವ್ಯಕ್ತಪಡಿಸಿದರು. ತೀರ್ಥಹಳ್ಳಿ ಪಟ್ಟಣದ ಆಜಾದ್ ರಸ್ತೆಯ ನ್ಯಾಷನಲ್ ಗೋಲ್ಡ್ ಅಂಡ್ ಡೈಮಂಡ್ಸ್ ಪಕ್ಕದ ವಿಶಾಲ ಮೂರಂತಸ್ಥಿನ ಕಟ್ಟಡದಲ್ಲಿ ಶುಭಾರಂಭಗೊಂಡಿದೆ. ನ್ಯಾಷನಲ್ ಸಮೂಹ ಸಂಸ್ಥೆಯ ಮುಖ್ಯಸ್ಥರಾದ ಷರೀಫ್, ರೆಹಮಾನ್, ಕಲಾಂ, ಸುಲೇಮಾನ್, ಹೈದರ್, ಕಬೀರ್ ಸೇರಿ ಕುಟುಂಬದವರು ಸರ್ವರನ್ನು ಸ್ವಾಗತಿಸಿದರು. ಇದೇ ವೇಳೆ ತೀರ್ಥಹಳ್ಳಿ ವರ್ತಕರ ಸಂಘದಿಂದ ನ್ಯಾಷನಲ್ ಗ್ರೂಪ್‌ ಸಂಸ್ಥಾಪಕರಾದ ಹಾಜಿ ಶೇಖ್ ಅಹಮದ್ ಅವರನ್ನು ಗೌರವಿಸಲಾಯಿತು.
