ಶೃಂಗೇರಿ ಶ್ರೀಶಾರದಾ ಶರನ್ನವರಾತ್ರಿ – ಇದು ನಮ್ಮೂರ್ ನವರಾತ್ರಿ..!!
* ಶೃಂಗೇರಿ ಶಾರದಾ ಶರನ್ನವರಾತ್ರಿ ಉತ್ಸವ ಮೊದಲನೇ ದಿನದ ಬೀದಿ ಉತ್ಸವದ ರಂಗು
* ಅಡ್ಡಗದ್ದೆ ಗ್ರಾಮ ಪಂಚಾಯ್ತಿ ನೇತೃತ್ವ ಅದ್ದೂರಿ ಬೀದಿ ಉತ್ಸವ
NAMMUR EXPRESS NEWS
ಶೃಂಗೇರಿ: ಶ್ರೀಶಾರದಾ ಶರನ್ನವರಾತ್ರಿಯ ಮೊದಲನೇ ದಿನದ ಬೀದಿ ಉತ್ಸವದಲ್ಲಿ ತಾಯಿ ಶಾರದೆ ಹಂಸವಾಹಿನಿ ಬ್ರಾಹ್ಮೀ ಅಲಂಕಾರದಲ್ಲಿ ಕಂಗೊಳಿಸಿದಳು.
ಮೊದಲನೇ ದಿನದ ಬೀದಿ ಉತ್ಸವ ನೂತನ ರಥದ ಉದ್ಘಾಟನೆಯನ್ನು ಉಭಯ ಜಗದ್ಗುರುಗಳಿಂದ ನೆರವೇರಿತು.ಮೊದಲ ದಿನದ ಜವಾಬ್ದಾರಿಯನ್ನು ತಾಲೂಕಿನ ಅಡ್ಡಗದ್ದೆ ಗ್ರಾಮ ಪಂಚಾಯ್ತಿ ವಹಿಸಿತ್ತು. ಪಂಚಾಯ್ತಿ ವ್ಯಾಪ್ತಿಯ ಎಲ್ಲಾ ಸಂಘ,ಸಂಸ್ಥೆಗಳ ಕಾರ್ಯಕರ್ತರು,ಗ್ರಾಮಸ್ಥರು ಪಾಲ್ಗೊಂಡಿದ್ದರು. ಶಾಲಾ ಮಕ್ಕಳು,ಸಂಘ ಸಂಸ್ಥೆಗಳ ಸದಸ್ಯರು ಅತ್ಯಾಕರ್ಷಕ ಸ್ಥಬ್ಧಚಿತ್ರಗಳನ್ನು ಪ್ರದರ್ಶಿಸಿದರು,ಉತ್ಸವದಲ್ಲಿ ಭಜನೆ, ಹುಲಿವೇಷ ಕುಣಿತ,ನಾಸಿಕ್ ಬ್ಯಾಂಡ್,ಮಲೆನಾಡು ಹಾಗೂ ರಾಜ್ಯ,ದೇಶದ ಕಲೆ,ಸಂಸ್ಕೃತಿಯ ಕುರಿತಾದ ಸ್ಥಬ್ಥ ಚಿತ್ರಗಳು ಉತ್ಸವದ ಮೆರಗು ಹೆಚ್ಚಿಸಿದವು.
ಮಾಜಿ ಶಾಸಕ,ಮಾಜಿ ಸಚಿವ ಡಿ.ಎನ್ ಜೀವರಾಜ್ ಭಾಗಿ..!!
ಹುಟ್ಟುಹಬ್ಬದ ದಿನದಂದು ಕ್ಷೇತ್ರದ ಮಾಜಿ ಶಾಸಕ,ಮಾಜಿ ಸಚಿವ ಡಿ.ಎನ್ ಜೀವರಾಜ್ ಸಂಜೆಯ ಬೀದಿ ಉತ್ಸವದಲ್ಲಿ ಪಾಲ್ಗೊಂಡು ನಂತರ ನಡೆದ ಜಗದ್ಗುರುಗಳ ದರ್ಬಾರ್‌ನಲ್ಲಿ ಪಾಲ್ಗೊಂಡು ಆಶೀರ್ವಾದ ಪಡೆದರು.
ಉತ್ಸವದಲ್ಲಿ ಅಡ್ಡಗದ್ದೆ ಗ್ರಾಮಪಂಚಾಯ್ತಿಯ ಗ್ರಾಮಸ್ಥರು,ಪಂಚಾಯ್ತಿ ಅಧ್ಯಕ್ಷರಾದ ಹಂಚಲಿ ರಾಘವೇಂದ್ರ ಮತ್ತು ಸರ್ವ ಸದಸ್ಯರು,ಮಾಜಿ ಶಾಸಕ ಡಿ.ಎನ್ ಜೀವರಾಜ್,ಪಟ್ಟಣ ಪಂಚಾಯ್ತಿ ಅಧ್ಯಕ್ಷ ವೇಣುಗೋಪಾಲ್,ಉಪಾಧ್ಯಕ್ಷ ಪ್ರಕಾಶ್,ಸದಸ್ಯರಾದ ಹರೀಶ್ ವಿ ಶೆಟ್ಟಿ ಇತರರು ಭಾಗವಹಿಸಿದ್ದರು.
