ಮಂಗಳೂರು ವಿವಿಯಲ್ಲಿ ಮೇಳಿಗೆಯ ವಿಶ್ವೇಂದ್ರ ಸೇವೆಗೆ ಮೆಚ್ಚುಗೆ
– ಅತ್ಯುತ್ತಮ ಸೇವೆ, ಕಷ್ಟದಲ್ಲಿರುವವರಿಗೆ ನೆರವು
– ಕೌದಳ್ಳಿಯ ಶ್ರೀ ನಾಗರಕ್ತೇಶ್ವರಿ ಕ್ಷೇತ್ರದ ಧರ್ಮದರ್ಶಿ ಮಂಜುನಾಥ್ ಗುರೂಜಿ ಅವರ ಪರಮ ಭಕ್ತ
NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ತಾಲೂಕು ಮೇಳಿಗೆಯ ವಿಶ್ವೇಂದ್ರ ಅವರು ಮಂಗಳೂರು ಯೂನಿವರ್ಸಿಟಿಯಲ್ಲಿ ಉತ್ತಮ ಸೇವಕರಾಗಿ ಗುರುತಿಸಿಕೊಂಡಿದ್ದಾರೆ
ಕೌದಳ್ಳಿಯ ಶ್ರೀ ನಾಗರಕ್ತೇಶ್ವರಿ ಅಮ್ಮನವರ ಹಾಗೂ ಕ್ಷೇತ್ರದ ಧರ್ಮದರ್ಶಿಗಳಾದಂತಹ ಮಂಜುನಾಥ್ ಗುರೂಜಿ ಅವರ ಆಪ್ತ, ಪರಮ ಭಕ್ತರಾಗಿರುವ ಅವರು ಸದ್ದಿಲ್ಲದೇ ಸೇವೆ ಮಾಡುತ್ತಿದ್ದಾರೆ.
ತಮ್ಮ ವೃತ್ತಿ ಜತೆಗೆ ಯಾರೇ ಕಷ್ಟದಲ್ಲಿದ್ದರೂ ಅವರ ಸಹಕಾರ ಮಾಡುತ್ತಿದ್ದಾರೆ. ಮಂಗಳೂರು ವಿವಿಯ ಕಾವೇರಿ ಗೆಸ್ಟ್ ಹೌಸ್ ನಲ್ಲಿ ಅಡುಗೆಗಾರರಾಗಿ ಕೆಲಸ ಮಾಡುವ ವಿಶ್ವೆಂದ್ರ ಶುಚಿ ಹಾಗೂ ರುಚಿಯಾದ ಅಡುಗೆಗಳನ್ನು ತಮ್ಮ ಸೇವಾ ಮನೋಭಾವದಿಂದ ಮಾಡಿ ಬಡಿಸಿದ್ದಾರೆ. ಅಡುಗೆಯನ್ನು ಎಲ್ಲರೂ ಸವಿದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇವರು ಸಮಾಜದಲ್ಲಿ ಉತ್ತಮ ಕೆಲಸ ಕಾರ್ಯಗಳನ್ನು ಮಾಡುತ್ತಾರೆ ಹಾಗೆ ಬಡವರಿಗೆ, ಹಸಿದವರಿಗೆ ಹಾಗೂ ಕಷ್ಟದಲ್ಲಿ ಇರುವವರಿಗೆ ಕಾಣದ ಕೈಗಳಂತೆ ಸಹಾಯವನ್ನು ಮಾಡುತ್ತಾರೆ. ಸಮಾಜ ಸೇವೆ ಮಾಡುವ ವ್ಯಕ್ತಿತ್ವ ಇವರದಾಗಿದೆ. ವಿಶ್ವೇಂದ್ರ ಅವರಿಗೆ ಅವರ ಸ್ನೇಹಿತರು ಹಾಗೂ ಅಭಿಮಾನಿ ಬಳಗದವರು ಅವರ ಸೇವೆಗೆ ಅಭಿನಂದನೆ ಸಲ್ಲಿಸಿದ್ದಾರೆ. ರಾಘವೇಂದ್ರ, ರಮೇಶ್ ಹಾಗೂ ಅವರ ಅಭಿಮಾನಿ ಬಳಗ, ಸ್ನೇಹಿತರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
