ತೀರ್ಥಹಳ್ಳಿ ಶ್ರೀರಾಮಚಂದ್ರಾಪುರ ಮಠದಲ್ಲಿ ಧರ್ಮ ಸಭೆ

ತೀರ್ಥಹಳ್ಳಿ ಶ್ರೀರಾಮಚಂದ್ರಾಪುರ ಮಠದಲ್ಲಿ ಧರ್ಮ ಸಭೆ
– ನ.23ರಂದು ಕಾಂಚೀ ಮಠದ ಶ್ರೀಗಳಿಂದ ಶ್ರೀಚಂದ್ರಮೌಳೀಶ್ವರ ದೇವರ ಪೂಜೆ
– ನ.24ಕ್ಕೆ ಮಠದಲ್ಲಿ ಧರ್ಮ ಸಭೆ: ಮಠಾಧೀಶರು ಭಾಗಿ
– ಭಕ್ತರಿಗೆ ಕಾರ್ಯಕ್ರಮಕ್ಕೆ ಸ್ವಾಗತಿಸಿದ ಮಠ

NAMMUR EXPRESS NEWS
ತೀರ್ಥಹಳ್ಳಿ: ಶ್ರೀಕಾಂಚೀ ಕಾಮಕೋಟಿ ಪೀಠಾಧಿಪತಿಗಳಾದ ಪರಮಪೂಜ್ಯ ಜಗದ್ಗುರು ಶ್ರೀಶಂಕರಾಚಾರ್ಯ ಶ್ರೀಶ್ರೀಶಂಕರ ವಿಜಯೇಂದ್ರ ಸರಸ್ವತೀ ಮಹಾಸ್ವಾಮಿಗಳು ನವೆಂಬರ್ 23ರಂದು ಶ್ರೀರಾಮಚಂದ್ರಾಪುರ ಮಠದ ತೀರ್ಥಹಳ್ಳಿ ಶಾಖೆಗೆ ಚಿತ್ತೈಸಿ, ವಸತಿ ಮಾಡಿ ಸಪರಿವಾರ ಶ್ರೀಚಂದ್ರಮೌಳೀಶ್ವರ ದೇವರ ಪೂಜೆಯನ್ನು ಸಂಪನ್ನಗೊಳಿಸಲಿದ್ದಾರೆ.
ನವೆಂಬರ್ 24ರ ಅಪಾರಹ್ನ 3.30ಕ್ಕೆ ನಡೆಯಲಿರುವ ಧರ್ಮಸಭೆಯಲ್ಲಿ ಶ್ರೀರಾಮಚಂದ್ರಾಪುರ ಮಠದ ಪೀಠಾಧಿಪತಿಗಳಾದ ಶ್ರೀಮಜ್ಜಗದ್ಗುರು ಶಂಕರಾಚಾರ್ಯ ಶ್ರೀಶ್ರೀರಾಘವೇಶ್ವರಭಾರತೀ ಮಹಾಸ್ವಾಮಿಗಳು, ಶ್ರೀಕಾಂಚೀ ಕಾಮಕೋಟಿ ಪೀಠಾಧಿಪತಿಗಳಾದ ಪರಮಪೂಜ್ಯ ಜಗದ್ಗುರು ಶ್ರೀಶಂಕರಾಚಾರ್ಯ ಶ್ರೀಶ್ರೀಶಂಕರ ವಿಜಯೇಂದ್ರ ಸರಸ್ವತೀ ಮಹಾಸ್ವಾಮಿಗಳು, ಶ್ರೀವಿದ್ಯಾಪೀಠ ಶಕಟಪುರದ ಪೀಠಾಧಿಪತಿಗಳಾದ ಶ್ರೀಜಗದ್ಗುರು ಶಂಕರಾಚಾರ್ಯ ಶ್ರೀಶ್ರೀಕೃಷ್ಣಾನಂದತೀರ್ಥ ಮಹಾಸ್ವಾಮಿಗಳ ಸಾನ್ನಿಧ್ಯವಿರಲಿದೆ.
ಶ್ರೀರಾಮಚಂದ್ರಾಪುರ ಮಠದ ತೀರ್ಥಹಳ್ಳಿ ಶಾಖೆಯಲ್ಲಿ ಸಂಪನ್ನವಾಗಲಿರುವ ಅತ್ಯಂತ ಅಪರೂಪದ ವಿಶೇಷವಾದ ದಿವ್ಯಾರಾಧನೆಯನ್ನು, ದಿವ್ಯಸಾನ್ನಿಧ್ಯವನ್ನು ಕಣ್ದುoಬಿಕೊಂಡು ದಿವ್ಯಾನುಗ್ರಹ, ದಿವ್ಯಾಶೀರ್ವಾದಕ್ಕೆ ಪಾತ್ರರಾಗಬೇಕಾಗಿ ಶ್ರೀರಾಮಚಂದ್ರಾಪುರ ಮಠ ಶಾಸನತಂತ್ರದ ಸರ್ವಪದಾಧಿಕಾರಿಗಳು, ಹವ್ಯಕ ಮಹಾಮoಡಲದ ಅಧ್ಯಕ್ಷರು ಮತ್ತು ಪದಾಧಿಕಾರಿಗಳು, ಶ್ರೀರಾಮಚಂದ್ರಾಪುರ ಮಠದ ತೀರ್ಥಹಳ್ಳಿ ಶಾಖೆಯ ಪದಾಧಿಕಾರಿಗಳು ಪ್ರಕಟಣೆಯ ಮೂಲಕ ಮನವಿ ಮಾಡಿದ್ದಾರೆ.