ಜೆಡಿಎಸ್ ನಾಯಕ ಕುಮಾರಸ್ವಾಮಿ ಮನೆಯಲ್ಲಿ ತೀರ್ಥಹಳ್ಳಿ ನೇಗಿಲು!
– ತೀರ್ಥಹಳ್ಳಿ ಜೆಡಿಎಸ್ ನಾಯಕರಿಂದ ಕೊಟ್ಟ ನೆನಪಿನ ಕಾಣಿಕೆ
– ಕುಮಾರಸ್ವಾಮಿ ಅವರ ರೈತ ಪರ ಕಾಳಜಿಗೆ ಗೌರವ
NAMMUR EXPRESS NEWS
ತೀರ್ಥಹಳ್ಳಿ: ಮಾಜಿ ಕೇಂದ್ರ ಸಚಿವರಾದ ಎಚ್.ಡಿ.
ಕುಮಾರಸ್ವಾಮಿ ಅವರು ಶಿವಮೊಗ್ಗಕ್ಕೆ ಆಗಮಿಸಿದ ಸಂದರ್ಭದಲ್ಲಿ ತೀರ್ಥಹಳ್ಳಿ ತಾಲೂಕು ಜಾತ್ಯಾತೀತ ಜನತಾದಳ ವತಿಯಿಂದ ಅಧ್ಯಕ್ಷರಾದ ಕುಣಜೆ ಕಿರಣ್ ಪ್ರಭಾಕರ್ ಮತ್ತು ಯುವ ಜೆಡಿಎಸ್ ಅಧ್ಯಕ್ಷರಾದ ರಾಘವೇಂದ್ರ ತಲಬಿ ಅವರ ನೇತೃತ್ವದಲ್ಲಿ ಎಲ್ಲಾ ಜೆಡಿಎಸ್ ಪದಾಧಿಕಾರಿಗಳ ಸಮ್ಮುಖದಲ್ಲಿ ಅವರನ್ನು ಸನ್ಮಾನಿಸಿ ರೈತರ ಜೀವ, ಜೀವನ, ರೈತಧರ್ಮದ ಗುರುತಾದ ನೇಗಿಲನ್ನು ನೀಡಿದ್ದು, ಆ ನೇಗಿಲನ್ನು ಕುಮಾರಸ್ವಾಮಿ ಅವರ ಮನೆಯ ಕಪಾಟಿನ ಒಳಗೆ ದೇವರ ಪಟದ ಮುಂದೆ ಇಡಲಾಗಿದೆ.
ಕುಮಾರಸ್ವಾಮಿ ಅವರ ರೈತ ಪರ ಕಾಳಜಿ, ರೈತರ ಮೇಲಿನ ಪ್ರೀತಿ, ರೈತರ ವಸ್ತುಗಳ ಮೇಲಿನ ಪ್ರೀತಿ ಇಲ್ಲಿ ಬಿಂಬಿತವಾಗಿದೆ. ರೈತರ ಪ್ರತೀಕವಾದ ನೇಗಿಲು ಜೋಪಾನವಾಗಿ ಮನೆಯ ದೇವರ ಫೋಟೋದ ಮುಂದಿಟ್ಟಿರುವುದು ತೀರ್ಥಹಳ್ಳಿಯ ಕಾರ್ಯಕರ್ತರಿಗೆ ಸಂತೋಷದ ವಿಚಾರವಾಗಿದೆ. ಸಾಮಾನ್ಯ ಕಾರ್ಯಕರ್ತರ ಉಡುಗೊರೆಯನ್ನು ಪ್ರೀತಿಯಿಂದ ಅಪ್ಪಿಕೊಳ್ಳುವ ಕುಮಾರಸ್ವಾಮಿ ಅವರ ಗುಣ ನಮಗೆ ಸಂತಸ ತಂದಿದೆ ಎಂದು ತೀರ್ಥಹಳ್ಳಿ ಯುವ ಜನತಾ ದಳದ ಅಧ್ಯಕ್ಷ ರಾಘವೇಂದ್ರ ಗೌಡ ತಲಬಿ ಸಂತಸ ವ್ಯಕ್ತಪಡಿಸಿದ್ದಾರೆ.
