ಮನುಕುಲದ ಸೇವೆ ರೋಟರಿ ಸಂಸ್ಥೆ ಗುರಿ
– ತೀರ್ಥಹಳ್ಳಿಗೆ ರೋಟರಿ ಜಿಲ್ಲಾ ಗವರ್ನರ್ ಬಿ.ಸಿ.ಗೀತಾ ಭೇಟಿ
– ತೀರ್ಥಹಳ್ಳಿ ರೋಟರಿ ಸಾಧನೆಗೆ ಮೆಚ್ಚುಗೆ
NAMMUR EXPRESS NEWS
ತೀರ್ಥಹಳ್ಳಿ: ಸಮಾಜದ ಋಣವನ್ನು ತೀರಿಸಲು ನಾವು ಸ್ವಾವಲಂಬನೆಯಿಂದ ಸಮರ್ಪಣಾ ಮನೋಭಾವದಿಂದ ನಮ್ಮ ಮನುಕುಲಕ್ಕೆ ಸಹಾಯ ಮಾಡಬೇಕು,ಆವಾಗ ಸೇವೆಯು ಸಾರ್ಥಕತೆ ಹೊಂದುತ್ತದೆ ಎಂದು ರೊ.ಬಿ.ಸಿ ಗೀತಾಹೇಳಿದ್ದಾರೆ.
ಜಿಲ್ಲಾ ಗವರ್ನರ್ ರೋಟರಿ ಜಿಲ್ಲೆ, 3182 ,ಇವರು ದಿನಾಂಕ 12.09.2023 ರಂದು ತೀರ್ಥಹಳ್ಳಿ ರೋಟರಿ ಕ್ಲಬ್ಬಿಗೆ ಅಧಿಕೃತ ಬೇಟಿ ಕಾರ್ಯಕ್ರಮಕ್ಕೆ ಆಗಮಿಸಿ ಸಭೆಯನ್ನು ಉದ್ದೇಶಿಸಿ ಮಾತನಾಡಿ, 1905ರಲ್ಲಿ ಸ್ಥಾಪನೆಯಾದ ರೋಟರಿ ಸಂಸ್ಥೆ ಇದೀಗ 118 ವರ್ಷಗಳನ್ನು ಪೂರೈಸಿದೆ. ಇದುವರೆಗೆ ಪ್ರಪಂಚದಾದ್ಯಂತ ಹಲವು ಜನ ಉಪಯೋಗಿ ಕಾರ್ಯಕ್ರಮಗಳು ಜನರಿಗೆ ತಲುಪುವಂತಾಗಿದೆ,. ಜೊತೆಯಲ್ಲಿ ಪ್ರಪಂದಲ್ಲಿ ಪೋಲಿಯೋ ನಿರ್ಮೂಲನೆ ಮಾಡುವಲ್ಲಿ ರೋಟರಿ ಸಂಸ್ಥೆ ಯಶಸ್ವಿಯಾಗಿದೆ. ಜಿಲ್ಲಾ ಕಾರ್ಯಕ್ರಮಗಳಾದ
ಮೌಲ್ಯ ಆಧಾರಿತ ಶಿಕ್ಷಣ, ರಸ್ತೆ ಸುರಕ್ಷತೆ, ಮಣ್ಣಿನ ಫಲವತ್ತತೆ ಹಾಗೂ ಇ -ವೇಸ್ಟ್ ಮ್ಯಾನೇಜ್ಮೆಂಟನ್ನು ಹಂತ ಹಂತವಾಗಿ ಜಾರಿಗೆ ತರಬೇಕೆನ್ನುವುದು ನಮ್ಮ ಗುರಿ ,ಈ ನಿಟ್ಟಿನಲ್ಲಿ ರೋಟರಿ ಸಂಸ್ಥೆ ಸರಕಾರದ ಸಹಾಯ ಪಡೆದು ಕಾರ್ಯ ನಿರ್ವಹಿಸಬೇಕೆಂದು ಕರೆ ನೀಡಿದರು. ತೀರ್ಥಹಳ್ಳಿ ರೋಟರಿ ಕ್ಲಬ್ ಈಗಾಗಲೇ ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸಿದ್ದು ಮೌಲ್ಯಾಧಾರಿತ ಶಿಕ್ಷಣದ ಅರಿವನ್ನು ವಿದ್ಯಾರ್ಥಿಗಳಿಗೆ ಪರಿಚಯಿಸಿರುವುದು, ಗ್ರಾಮೀಣ ಶಾಲೆಗಳಿಗೆ ಶಾಲಾ ಪರಿಕರಗಳನ್ನು ನೀಡಿರುವುದು ಹೆಮ್ಮೆಯ ವಿಷಯ ಎಂದು ತಿಳಿಸಿದರು. ರೋಟರಿ ರಕ್ತ ಕೇಂದ್ರ ಮತ್ತು ರೋಟರಿ ಡಯಾಲಿಸಿಸ್ ಕೇಂದ್ರವು ಅತ್ಯುತ್ತಮವಾಗಿ ಕಾರ್ಯ ನಿರ್ವಹಿಸುತ್ತಿರುವುದು ಶ್ಲಾಘನೀಯ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.
ರೊ ನಾಗರಾಜ್ ಎಸ್ ಚೇರ್ಮನ್ ರೋಟರಿ ಫೌಂಡೇಶನ್, ಇವರು ರೋಟರಿಯ ಸದಸ್ಯರು ನೀಡಿರುವ ದೇಣಿಗೆಯನ್ನು ರೋಟರಿ ಫೌಂಡೇಶನ್ ಗೆ ಹಸ್ತಾಂತತರಿಸಿದರು. ರೊ ರವಿ ಕೂಟೊಜಿ ಸಹಾಯಕ ಗವರ್ನರ್, ರೊ ಕೆ ಟಿ ಚಂದ್ರಪ್ಪ ಜೋನಲ್ ಲೆಫ್ಟಿನೆಂಟ್ ಇವರು ಗೌರವಾರ್ಪಣೆ ಪಡೆದು ಸಭೆಯನ್ನು ಉದ್ದೇಶಿಸಿ ಮಾತನಾಡಿದರು. ಸಭೆಯ ಅಧ್ಯಕ್ಷತೆಯನ್ನು ರೊ. ಭರತ್ ಕುಮಾರ್ ಕೋಡ್ಲು, ಅಧ್ಯಕ್ಷರು ರೋಟರಿ ಕ್ಲಬ್ ತೀರ್ಥಹಳ್ಳಿ ಇವರು ವಹಿಸಿ ಎಲ್ಲರನ್ನು ಸ್ವಾಗತಿಸಿ ಪ್ರಾಸ್ತಾವಿಕ ನುಡಿಗಳನ್ನಾಡಿದರು.
