ಆರೋಗ್ಯ ಎಕ್ಸ್ ಪ್ರೆಸ್!
ಪದೇ ಪದೇ ಮೈ ಕೈ ನೋವಿನಿಂದ ಬಳಲುತ್ತಿದ್ದೀರಾ?
* ಹಾಗಿದ್ದರೆ, ಈ 3 ಸುಲಭ ಉಪಾಯಗಳನ್ನು ಪ್ರಯತ್ನಿಸಲೇ ಬೇಕು!
NAMMUR EXPRESS NEWS
ದೇಹದ ನೋವಿನ ಹಿಂದೆ ಹಲವಾರು ಕಾರಣಗಳಿರುತ್ತವೆ. ದೇಹದ ನೋವು ಜೀವನದ ವಿವಿಧ ಹಂತಗಳಲ್ಲಿ ಜನರು ಎದುರಿಸುತ್ತಿರುವ ಸಾಮಾನ್ಯ ಸಮಸ್ಯೆಗಳಲ್ಲಿ ಒಂದಾಗಿದೆ. ಈ ರೀತಿಯ ದೇಹದ ನೋವಿಗೆ ಒಂದೇ ರೀತಿಯ ಕಾರಣವಾಗುತ್ತದೆ ಎಂದು ಹೇಳಲು ಬರುವುದಿಲ್ಲ. ದೇಹದ ನೋವಿಗೆ ಸಂಬಂಧಿಸಿದ ಸಾಮಾನ್ಯ ಕಾರಣವೆಂದರೆ ಒತ್ತಡ.
ಈ ರೀತಿಯ ದೇಹದ ನೋವು ರೋಗನಿರೋಧಕ ವ್ಯವಸ್ಥೆಯನ್ನು ಕಡಿಮೆಗೊಳಿಸುತ್ತದೆ ಅಥವಾ ದುರ್ಬಲಗೊಳಿಸುತ್ತದೆ.
ಉತ್ತಮ ಆಹಾರವನ್ನು ಸೇವಿಸುವುದರಿಂದ ಎಲ್ಲಾ ರೀತಿಯ ಆರೋಗ್ಯ ಪ್ರಯೋಜನಗಳನ್ನು ಪಡೆದುಕೊಳ್ಳಬಹುದು ಎಂಬ ವಿಷಯ ನಿಮಗೆ ಈಗಾಗಲೇ ತಿಳಿದಿರಬಹುದು.ದೇಹಕ್ಕೆ ಉತ್ತಮವಾದ ಪ್ರೊಟೀನ್, ಜೀವಸತ್ವಗಳು, ಖನಿಜಗಳು ,ಕೊಬ್ಬು ಮತ್ತು ಕಾರ್ಬೋಹೈಡ್ರೇಟ್ ಗಳ ಮಿಶ್ರಣವಿರುವ ಸಮತೋಲಿತ ಆಹಾರದ ಅವಶ್ಯಕತೆ ಇದೆ. ನೀವು ಸೇವಿಸುವ ಆಹಾರದಲ್ಲಿ ಎಲ್ಲಾ ರೀತಿಯ ಅಂಶಗಳು ಇರುವಂತೆ ನೋಡಿಕೊಳ್ಳಿ.
* ಉತ್ತಮ ಆಹಾರ ಸೇವನೆ
ನೀವು ಸೇವಿಸುವ ಆಹಾರದಲ್ಲಿ ಅದರಲ್ಲೂ ವಿಶೇಷವಾಗಿ ವಿಟಮಿನ್-ಡಿ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸಿ. ಏಕೆಂದರೆ ಇದು ನಿಮ್ಮ ದೇಹದಲ್ಲಿನ ಕ್ಯಾಲ್ಸಿಯಂ ಮತ್ತು ರಂಜಕದ ಪ್ರಮಾಣವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಮೂಳೆಗಳು ಮತ್ತು ಹಲ್ಲುಗಳು ಸದೃಡವಾಗಿರಲು ಮತ್ತು ಕೀಲು ನೋವು ತಡೆಯಲು ಕ್ಯಾಲ್ಸಿಯಂ ಅತ್ಯಗತ್ಯವಾಗಿ ಬೇಕಾಗಿದೆ. ಆದ್ದರಿಂದ ನಿಮ್ಮ ಆಹಾರದಲ್ಲಿ ವಿಟಮಿನ್ ಡಿ ಮತ್ತು ಕ್ಯಾಲ್ಸಿಯಂ ಅಧಿಕವಾಗಿರುವ ಆಹಾರವನ್ನು ಸೇವಿಸಿದರೆ ನಿಮ್ಮ ದೇಹದಲ್ಲಿರುವ ಮೂಳೆಗಳು ಮತ್ತು ಕೀಲುಗಳ ಆರೋಗ್ಯವನ್ನು ಹೊಂದುತ್ತವೆ. ನಿಮ್ಮ ಆಹಾರದ ಪಟ್ಟಿಯಲ್ಲಿ ದಿನನಿತ್ಯ ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಇರುವಂತೆ ನೋಡಿಕೊಳ್ಳಿ.
* ನೀರು ಕುಡಿಯಬೇಕು!
ದೇಹಕ್ಕೆ ಅಗತ್ಯವಾದ ಪ್ರಮಾಣದಲ್ಲಿ ನೀರನ್ನು ಒದಗಿಸಬೇಕು.ಒಂದು ವೇಳೆ ನೀರನ್ನು ಉತ್ತಮ ರೀತಿಯಲ್ಲಿ ನೀರು ಕುಡಿಯದಿದ್ದರೆ ಅನೇಕ ಆರೋಗ್ಯ ಸಮಸ್ಯೆಗಳು ಬರುತ್ತವೆ.ದೇಹವು ಸಾಮಾನ್ಯ ಮತ್ತು ಆರೋಗ್ಯಕರ ರೀತಿಯಲ್ಲಿ ಕಾರ್ಯನಿರ್ವಹಿಸಲು ನೀರು ಸಹಾಯ ಮಾಡುತ್ತದೆ. ಬೆವರು ಮತ್ತು ಮೂತ್ರದ ಮೂಲಕ ನಾವು ನಿಯಮಿತವಾಗಿ ನಮ್ಮ ದೇಹದಿಂದ ನೀರನ್ನು ಕಳೆದುಕೊಳ್ಳುತ್ತೇವೆ. ನಾವು ನಮ್ಮ ದೇಹವನ್ನು ಹೈಡ್ರೀಕರಿಸದಿದ್ದಲ್ಲಿ, ನಿರ್ಜಲೀಕರಣವೂ ನಮ್ಮ ಅಂಗಾಂಶಗಳಿಂದ ದ್ರವವನ್ನು ಹೊರತೆಗೆಯುತ್ತದೆ.
* ನೈಸರ್ಗಿಕ ಮಸಾಲೆಗಳನ್ನು ಸೇವಿಸಿ
ದೇಹ ನೋವಿನಿಂದ ಬಳಲುತ್ತಿರುವಾಗ ನಿಮ್ಮ ಊಟದಲ್ಲಿ ಸಾಕಷ್ಟು ನೈಸರ್ಗಿಕ ಮಸಾಲೆಗಳನ್ನು ನೀವು ಸೇವಿಸುತ್ತಿರುವುದನ್ನು ಖಚಿತಪಡಿಸಿಕೊಳ್ಳಿ. ವಿಶೇಷವಾಗಿ ಶುಂಠಿ, ಅರಿಶಿಣ, ದಾಲ್ಚಿನ್ನಿ ಮತ್ತು ಬೆಳ್ಳುಳ್ಳಿ, ಈ ಎಲ್ಲಾ ಮಸಾಲೆ ಪದಾರ್ಥಗಳು ನೈಸರ್ಗಿಕ ಉರಿಯೂತದ ಗುಣ ಲಕ್ಷಣಗಳನ್ನು ಒಳಗೊಂಡಿವೆ.ಆದ್ದರಿಂದ ಇವುಗಳನ್ನು ನಿಮ್ಮ ದೈನಂದಿನ ಆಹಾರ ಪದಾರ್ಥಗಳ ಜೊತೆಗೆ ಸೇವಿಸುವುದರಿಂದ ನಿಮಗೆ ಯಾವುದೇ ರೀತಿಯ ಕೀಲೂ ನೋವು ಮತ್ತು ಅದಕ್ಕೆ ಸಂಬಂಧಿಸಿದ ನೋವುಗಳನ್ನು ನೀವು ತಡೆಗಟ್ಟಬಹುದು. ಈ ಎಲ್ಲಾ ಪದಾರ್ಥಗಳು ಉರಿಯೂತವನ್ನು ಕಡಿಮೆ ಮಾಡುವ ಮೂಲಕ ನೋವುಗಳನ್ನು ಕಡಿಮೆ ಮಾಡುತ್ತದೆ.
