ಪಾಠಶಾಲಾ ಚಲನಚಿತ್ರದ ಮುಹೂರ್ತಕ್ಕೆ ಸಜ್ಜು
– ಮೇ 23ಕ್ಕೆ ತೀರ್ಥಹಳ್ಳಿ ರಾಮೇಶ್ವರ ದೇವಸ್ಥಾನದಲ್ಲಿ ಸಮಾರಂಭ
– ಮಕ್ಕಳು – ಶಿಕ್ಷಕರ ಕಥೆಯುಳ್ಳ ವಿಭಿನ್ನ ಕಂಟೆಂಟ್ ಸಿನಿಮಾ
– ಖ್ಯಾತ ನಿರ್ದೇಶಕ ಮಂಜು ಹೆದ್ದೂರು ನಿರ್ದೇಶನದ ಚಲನಚಿತ್ರ
NAMMUR EXPRESS NEWS
ಎನ್ ಎಸ್ ಸ್ಕ್ವಯರ್ ಮೂವೀಸ್ ಬ್ಯಾನರ್ ಅಡಿ ಬರುತ್ತಿರುವ “ಪಾಠಶಾಲಾ” ಸಿನಿಮಾ ಇದೀಗ ಉದ್ಘಾಟನೆಗೆ ಸಜ್ಜಾಗಿದೆ. ಸುಮಾರು 18 ಕಲಾವಿದ ಮಕ್ಕಳು ಈ ಸಿನಿಮಾದಲ್ಲಿ ಬಣ್ಣ ಹಚ್ಚಲಿದ್ದಾರೆ. ಮೇ 23ರ ಬೆಳಿಗ್ಗೆ ಶಿವಮೊಗ್ಗ ಜಿಲ್ಲೆ ತೀರ್ಥಹಳ್ಳಿಯ ರಾಮೇಶ್ವರ ದೇವಸ್ಥಾನದಲ್ಲಿ ಸಿನಿಮಾ ಮುಹೂರ್ತ ನಡೆಯಲಿದೆ. 80 ಮತ್ತು 90ನೇ ದಶಕದಲ್ಲಿ ಶಿಕ್ಷಕರು ಮತ್ತು ಮಕ್ಕಳ ನಡುವಿನ ಬಾಂಧವ್ಯ ಹಾಗೂ ಅವರ ಜೀವನ ಕಥೆಯನ್ನು ಹೇಳುವಂತ ಕಥೆ ಇದಾಗಿದ್ದು, ಮಲೆನಾಡಿನ ಕಲೆಯಲ್ಲಿ ಚಿತ್ರೀಕರಣಗೊಳ್ಳಲಿದೆ. ನಟನಾ ಪ್ರಶಾಂತ್ ಮತ್ತು ಕಿರಣ್ ನಾಯ್ಕ್ ಅವರು ಪ್ರಮುಖ ಪಾತ್ರ ನಿರ್ವಹಿಸಲಿದ್ದಾರೆ. ಕಮರ್ಷಿಯಲ್ ಮತ್ತು ಒಂದೊಳ್ಳೆ ಕಂಟೆಂಟ್ ಸಿನಿಮಾ ಕನ್ನಡಕ್ಕೆ ಬರಲಿದ್ದು ಮಳಿಯಾಳಂ ಶೈಲಿಯಲ್ಲಿ ಈ ಸಿನಿಮಾ ಬರಲಿದೆ. ಮಂಜು ಹೆದ್ದೂರು ನಿರ್ದೇಶನ ಮಾಡಿದ್ದು, ಈ ಸಿನಿಮಾ ಒಂದು ಒಳ್ಳೆ ಕಂಟೆಂಟ್ ಸಿನಿಮಾ. ತೀರ್ಥಹಳ್ಳಿ ಸೇರಿ ಮಲೆನಾಡಿನ ಅನೇಕ ಭಾಗದಲ್ಲಿ ಶೂಟಿಂಗ್ ನಡೆಯಲಿದೆ ಎಂದು ಅವರು ತಿಳಿಸಿದ್ದಾರೆ.
ಗ್ಯಾಪಲ್ಲಿ ಒಂದು ಸಿನಿಮಾ, ಓಮಿನಿ ಸಿನಿಮಾ ಹಾಗೂ ಪಾರ್ವತಿ ಪರಮೇಶ್ವರ ಧಾರವಾಹಿ ಸೇರಿದಂತೆ ಅನೇಕ ಸಿನಿಮಾ ಧಾರಾವಾಹಿಗಳನ್ನು ನಿರ್ದೇಶನ ಮಾಡಿರುವ ತೀರ್ಥಹಳ್ಳಿ ಮೂಲದ ಮಂಜು ಹೆದ್ದೂರು ಅವರು ಈ ಸಿನಿಮಾದ ನಿರ್ದೇಶನ ಮಾಡಲಿದ್ದಾರೆ. ಮಲೆನಾಡಿನ ಕಲಾವಿದರು ಕೂಡ ಇದರಲ್ಲಿ ಬಣ್ಣ ಹಚ್ಚಲಿದ್ದಾರೆ.
ತೀರ್ಥಹಳ್ಳಿ ರಾಮೇಶ್ವರ ದೇವಾಲಯದಲ್ಲಿ ಪೂಜೆ
ಪಾಠಶಾಲಾ ಚಲನಚಿತ್ರದ ಮುಹೂರ್ತ ಸಮಾರಂಭವು ಮೇ 23ರ ಬೆಳಗ್ಗೆ 8ಕ್ಕೆ ರಾಮೇಶ್ವರ ದೇವಸ್ಥಾನ ತೀರ್ಥಹಳ್ಳಿಯಲ್ಲಿ ನಡೆಯಲಿದೆ. ಕಾರ್ಯಕ್ರಮದ ಉದ್ಘಾಟನೆಯನ್ನು ಶಾಸಕ ಆರಗ ಜ್ಞಾನೇಂದ್ರ, ಮಾಜಿ ಶಿಕ್ಷಣ ಸಚಿವ ಕಿಮ್ಮನೆ ರತ್ನಾಕರ್, ಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಆರ್ ಎಂ ಮಂಜುನಾಥ್ ಗೌಡ ಅವರು ಉದ್ಘಾಟಿಸಲಿದ್ದು, ತಾಲೂಕಿನ ಪ್ರಮುಖರು, ಮುಖಂಡರುಗಳು, ಪಟ್ಟಣ ಪಂಚಾಯತ್ ಸದಸ್ಯರು, ವಿವಿಧ ಸಂಘ ಸಂಸ್ಥೆಗಳ ಪ್ರಮುಖರು, ಅಧಿಕಾರಿಗಳು, ಗಣ್ಯರು, ಕಲಾವಿದರು ಸೇರಿದಂತೆ ಹಲವರು ಆಗಮಿಸಲಿದ್ದಾರೆ.
ಸಿನಿಮಾ ತಂಡದಲ್ಲಿ ಪ್ರಮುಖರ ಕೆಲಸ: ಯಾರು ಯಾರು?
ನಿರ್ದೇಶಕರು: ಮಂಜು ಹೆದ್ದೂರು
ಛಾಯಾಗ್ರಹಣ : ಜೀವನ್ ಗೌಡ
ಸಂಗೀತ: ಹೇಮಂತ್ ಜೋಯಿಸ್
ಸಾಹಿತ್ಯ: ಪ್ರಮೋದ್ ಮರವಂತೆ
ಸಂಕಲನ: ಕಿರಣ್
ನಿರ್ವಹಣೆ: ಸೋಮನಾಥ್
ಸಂಭಾಷಣೆ: ಹೆದ್ದೂರು ಮಂಜುನಾಥ್ ಶೆಟ್ಟಿ, ನರೇಂದ್ರ ಕಬ್ಬಿನಾಲೆ, ಕೃಪ ಸಂತೋಷ್
ಸಹ ಶಿಕ್ಷಕರು : ನರೇಂದ್ರ ಕಬ್ಬಿನಾಲೆ, ಸಚಿನ್ ಸಿದ್ದು, ಸಂದೇಶ್ ವಿ ಆಚಾರ್, ಸಜಿತ್ ಕೊಡ್ಲು, ಪ್ರೀತಿ ಕೆ ವಿ, ಕೃಪಾ ಸಂತೋಷ್
ಮುಖ್ಯ ಶಿಕ್ಷಕರು: ಹೆದ್ದೂರು ಮಂಜುನಾಥ್ ಶೆಟ್ಟಿ
ಕಲಾವಿದರು: ನಟನಾ ಪ್ರಶಾಂತ್, ಕಿರಣ್ ನಾಯ್ಕ್ ಸೇರಿ ಅನೇಕ ಪ್ರಮುಖರು
