Month: March 2021

Categories
Uncategorized

ಮಲೆನಾಡಿನ ಸಾಧಕ ಈಗ ಅರೆಸ್ಸೆಸ್ ಆಗ್ರ ನಾಯಕ!

  • ಸೊರಬದ ದತ್ತಾತ್ರೇಯ ಹೊಸಬಾಳೆಗೆ ಮಹತ್ವದ ಹುದ್ದೆ
  • ಪ್ರಧಾನ ಕಾರ್ಯದರ್ಶಿ ಸ್ಥಾನ


ಶಿವಮೊಗ್ಗ: ರಾಜಕೀಯ ಕ್ಷೇತ್ರದಲ್ಲಿ ದೇಶ ಮಟ್ಟದಲ್ಲಿ ಇದೀಗ ಶಿವಮೊಗ್ಗ ಜಿಲ್ಲೆ ಸದ್ದು ಮಾಡುತ್ತಿದೆ. ಈ ನಡುವೆ ದೇಶದ ಆರೆಸ್ಸೆಸ್ ಆಗ್ರ ಸ್ಥಾನ ಸರ ಕಾರ್ಯ ವಾಹಕ್ ಸ್ಥಾನಕ್ಕೆ ಶಿವಮೊಗ್ಗ ಜಿಲ್ಲೆ ಸೊರಬ ಮೂಲದ ದತ್ತಾತ್ರೇಯ ಹೊಸಬಾಳೆ ನೇಮಕವಾಗಿದ್ದಾರೆ.
ಸೊರಬದಲ್ಲಿ ಜನಿಸಿದ ದತ್ತ ಖ್ಯಾತಿಯ ಸಂಘಟಕ ದತ್ತಾತ್ರೇಯ ಈ ಹಿಂದೆ ಸಂಘದಲ್ಲಿ ಎಲ್ಲಾ ಜವಾಬ್ದಾರಿಯನ್ನು ನಿರ್ವಹಿಸಿದ್ದರು. 1975-77ರವರೆಗೆ 16 ತಿಂಗಳು ತುರ್ತು ಪರಿಸ್ಥಿತಿ ವಿರುದ್ಧ ಹೋರಾಡಿ ಜೈಲು ವಾಸ ಅನುಭವಿಸಿದ್ದರು. ಶನಿವಾರ ಬೆಂಗಳೂರಲ್ಲಿ ನಡೆದ ಅಖಿಲ ಭಾರತ ಪ್ರತಿನಿಧಿ ಸಭೆಯಲ್ಲಿ ಈ ಆಯ್ಕೆ ನಡೆದಿದೆ.
ಎಬಿವಿಪಿಯಲ್ಲಿ ಸುಮಾರು 12 ವರ್ಷಗಳ ಕಾಲ ವಿವಿಧ ಹುದ್ದೆಯಲ್ಲಿ ಸೇವೆ ಸಲ್ಲಿಸಿರುವ ಹೊಸಬಾಳೆ ಅವರು ಮೈಸೂರು ವಿವಿ ಇಂಗ್ಲಿಷ್ ಸ್ನಾತಕೋತ್ತರ ಪದವೀಧರರು. ಪತ್ರಕರ್ತರಾಗಿಯೂ ಸೇವೆ ಸಲ್ಲಿಸಿರುವ ಇವರು ಅಸೀಮ ಎಂಬ ಕನ್ನಡ ಮ್ಯಾಗಜೀನ್ ಹುಟ್ಟು ಹಾಕಿದರು. ಈಗಾಗಲೇ ಶಿವಮೊಗ್ಗ ಮೂಲದ ಸಂತೋಷ್ ಜೀ ಸಂಘದ ಮಹತ್ವದ ಹುದ್ದೆ ಹೊಂದಿದ್ದಾರೆ.
ರಾಷ್ಟ್ರ ಮಟ್ಟದ ರಾಜಕೀಯದಲ್ಲಿ ಶಿವಮೊಗ್ಗ ಈಗ ಮತ್ತೊಂದು ಸ್ಥಾನ ಪಡೆದಂತಾಗಿದೆ.ಇದು ಸಂಘದಲ್ಲಿ ಟಾಪ್ 2 ಸ್ಥಾನ ಆಗಿದೆ.
ರಾಜ್ಯದ ಎಲ್ಲಾ ಸುದ್ದಿಗಳಿಗೆ nammurexpress.in ವೀಕ್ಷಿಸಿ..!.

Categories
ಕೃಷಿ

ರೈತ ಮಹಾ ಪಂಚಾಯತ್: ಮಲೆನಾಡು ಸಜ್ಜು!

  • ಮಾ.20ಕ್ಕೆ ಶಿವಮೊಗ್ಗದಲ್ಲಿ ಸಮಾವೇಶ
  • ಸಾವಿರಾರು ರೈತರು ಹಾಜರ್
  • ರಾಜ್ಯದಲ್ಲಿ ಹೊಸ ಹೋರಾಟಕ್ಕೆ ನಾಂದಿ


ಶಿವಮೊಗ್ಗ: ರಾಜ್ಯದಲ್ಲಿ ರೈತರ ಹೋರಾಟಕ್ಕೆ ರೈತರ ನಾಡು, ಹೋರಾಟಗಳ ಬೀಡು ಶಿವಮೊಗ್ಗ ಸಜ್ಜಾಗಿದೆ.
ಮಾ.20ರಂದು ಶಿವಮೊಗ್ಗದ ಸೈನ್ಸ್ ಮೈದಾನದಲ್ಲಿ ರೈತ ಪಂಚಾಯತ್ ಆಯೋಜನೆ ಮಾಡಲಾಗಿದೆ.
ಸಾವಿರಾರು ಜನ ರೈತರು, ಹೋರಾಟಗಾರರು ಈಗಾಗಲೇ ಆಗಮಿಸಲು ಸಿದ್ಧತೆ ನಡೆಸಿದ್ದಾರೆ.
ಕೇಂದ್ರ ಹಾಗೂ ರಾಜ್ಯ ಸರಕಾರಗಳ ಕೃಷಿ, ಕಾರ್ಮಿಕ ಕಾಯ್ದೆ ವಿರೋಧಿಸಿ, ರೈತರ ಹೋರಾಟ ಬೆಂಬಲಿಸಿ ಈ ರೈತ ಪಂಚಾಯತ್ ಹಮ್ಮಿಕೊಳ್ಳಲಾಗಿದೆ.
ಬಹುತೇಕ ಎಲ್ಲಾ ಸಮುದಾಯ, ಸಂಘಟನೆ, ಸಂಘ ಸಂಸ್ಥೆಗಳು ಸಹಕಾರ ನೀಡಿವೆ.
ರಾಷ್ಟ್ರದ ಪ್ರಮುಖ ರೈತ ಹೋರಾಟಗಾರರಾದ ರಾಕೇಶ್ ಟಿಕಾಯತ್, ಡಾ. ದರ್ಶನ್ ಪಾಲ್, ಯಧುವೀರ್ ಸಿಂಗ್ ಸೇರಿದಂತೆ ದೇಶ ಹಾಗೂ ರಾಜ್ಯದ ಪ್ರಮುಖ ರೈತ ಹೋರಾಟಗಾರರು ಭಾಗಿಯಾಗಲಿದ್ದಾರೆ.
ಶನಿವಾರ ಸಂಜೆ 3ಕ್ಕೆ ಸಮಾವೇಶ ಶುರುವಾಗಲಿದ್ದು, ಈಗಾಗಲೇ ತಾಲೂಕುವಾರು ಸಾವಿರಾರು ರೈತರು ಸಿದ್ಧತೆ ನಡೆಸಿದ್ದಾರೆ.
ಸಂಯುಕ್ತ ಕಿಸಾನ್ ಮೋರ್ಚಾ, ಐಕ್ಯ ಹೋರಾಟ ಸಮಿತಿ, ಕರ್ನಾಟಕ ರೈತ ಸಂಘ, ಹಸಿರು ಮನೆ ಈ ಸಮಾವೇಶ ಅಯೋಜನೆ ಮಾಡಿದೆ.
ಮೆರವಣಿಗೆ ಇಲ್ಲ: ಕರೋನಾ ಮಾರ್ಗಸೂಚಿ ಹಿನ್ನೆಲೆ ಮೆರವಣಿಗೆ ಇರಲ್ಲ. ಸಮಾವೇಶಕ್ಕೆ 40 ಸಾವಿರಕ್ಕೂ ಹೆಚ್ಚು ಮಂದಿ ಭಾಗವಹಿಸಲಿದ್ದಾರೆ ಎಂದು ಆಯೋಜಕರು ಹೇಳಿದ್ದಾರೆ.
ಪ್ರತಿ ಹಳ್ಳಿ ಹಳ್ಳಿಯಲ್ಲೂ ರೈತರು ಬೆಂಬಲಿಸಿದ್ದಾರೆ. ಸರಕಾರದ ಜನ ವಿರೋಧಿ ನಡೆ ವಿರುದ್ಧದ ಹೋರಾಟ ಇದಾಗಿದೆ ಎಂದು ಆಯೋಜಕರಲ್ಲಿ ಪ್ರಮುಖರಾದ ವಕೀಲ ಶ್ರೀಪಾಲ್ ಹೇಳಿದ್ದಾರೆ.
ರಾಜ್ಯದ ಎಲ್ಲಾ ಸುದ್ದಿಗಳಿಗೆ nammurexpress.in ವೀಕ್ಷಿಸಿ..!.

Categories
ರಾಜಕೀಯ

ಬಸವ ಕಲ್ಯಾಣದಿಂದ ವಿಜಯೇಂದ್ರ?!

  • ರಾಜಕೀಯ ಶಕ್ತಿ ತುಂಬಲು “ಹೊಸ ಪ್ಲಾನ್”
  • ಬೆಳಗಾವಿಯಿಂದ ಸತೀಶ್ ಜಾರಕಿಹೊಳಿ!?

ಬೆಂಗಳೂರು: ರಾಜ್ಯದ ಮೂರು ವಿಧಾನ ಸಭಾ ಉಪ ಚುನಾವಣೆಗೆ ಈಗಾಗಲೇ ವೇದಿಕೆ ಸಿದ್ದಗೊಂಡಿದೆ.
ಮೂರು ಪಕ್ಷಗಳಲ್ಲಿ ರಾಜಕೀಯ ಗರಿಗೆದರಿದೆ. ಈ ನಡುವೆ
ಕಾಂಗ್ರೆಸ್​ ಇದೇ ಮೊದಲ ಬಾರಿಗೆ ಎಲ್ಲಾ ಪಕ್ಷಗಳಿಗಿಂತ ಮೊದಲೇ ಅಭ್ಯರ್ಥಿಗಳ ಹೆಸರು ಘೋಷಣೆ ಮಾಡಿದ್ದಾರೆ.
ಏಪ್ರಿಲ್​ 17ರಂದು ಮತದಾನ ನಡೆಯಲಿದ್ದು, ಮೇ 2ರಂದು ಫಲಿತಾಂಶ ಪ್ರಕಟವಾಗಲಿದೆ
ಸಿಂದಗಿ, ಬಸವಕಲ್ಯಾಣ, ಮಸ್ಕಿ, ವಿಧಾನಸಭಾ ಕ್ಷೇತ್ರಗಳಿಗೆ ಚುನಾವಣೆ ನಡೆಯಲಿದೆ. ಬೆಳಗಾವಿ ಲೋಕಸಭಾ ಉಪಚುನಾವಣೆ ಅಭ್ಯರ್ಥಿ ಆಯ್ಕೆಯನ್ನು ಮಾತ್ರ ಪ್ರಕಟಗೊಳಿಸಿಲ್ಲ. ಬಸವಕಲ್ಯಾಣದಿಂದ ಮಾಜಿ ಶಾಸಕ ನಾರಾಯಣ ರಾವ್​ ಹೆಂಡತಿ ಮಲ್ಲಮ್ಮ, ಸಿಂದಗಿ ಕ್ಷೇತ್ರದಿಂದ ಇತ್ತೀಚೆಗಷ್ಟೇ ಜೆಡಿಎಸ್​ ತೊರೆದು ಪಕ್ಷ ಸೇರ್ಪಡಗೊಂಡ ಅಶೋಕ್​ ಮನಗೂಳಿ, ಮಸ್ಕಿಯಿಂದ ಬಸವನಗೌಡ ತುರವಿಹಾಳ್ ಅವರಿಗೆ ಟಿಕಟ್​ ಘೋಷಣೆ ಮಾಡಲಾಗಿದೆ. ಬಿಜೆಪಿ ರಾಜ್ಯ ಉಸ್ತುವಾರಿ ಅರುಣ್​ ಸಿಂಗ್​ ನೇತೃತ್ವದ ಕೋರ್​​ ಕಮಿಟಿಯು ಅಭ್ಯರ್ಥಿಗಳ ಬಗ್ಗೆ ತೀರ್ಮಾನಿಸಿದ ಬಳಿಕ ಈ ಹೆಸರನ್ನು ಹೈ ಕಮಾಂಡ್​ಗೆ ಕಳುಹಿಸಲಾಗುವುದು. ಬಳಿಕ ಬಿಜೆಪಿ ಕೇಂದ್ರ ಚುನಾವಣಾ ಸಮಿತಿ ಅಭ್ಯರ್ಥಿಗಳ ಹೆಸರನ್ನು ಅಂತಿಮಗೊಳಿಸಲಿದೆ ಎನ್ನಲಾಗಿದೆ.


ಇತ್ತ ಲಿಂಗಾಯತ ಮತ್ತು ಮರಾಠಿ ಪ್ರಾಬಲ್ಯ ಇರುವ ಬಸವ ಕಲ್ಯಾಣದಿಂದ ಬಿಜೆಪಿ ಯುವ ನಾಯಕ, ಯಡಿಯೂರಪ್ಪ ಪುತ್ರ ವಿಜಯೇಂದ್ರ ಬಿಜೆಪಿಯಿಂದ ಸ್ಪರ್ಧೆ ಮಾಡುವ ಸಾಧ್ಯತೆ ಇದೆ. ಇದಕ್ಕಾಗಿಯೇ ಲಿಂಗಾಯತ ಹಾಗೂ ಮರಾಠ ಅಭಿವೃದ್ಧಿ ಮಂಡಳಿಯನ್ನು ಬಿಜೆಪಿ ಸರ್ಕಾರ ರಚಿಸಿದೆ ಎಂಬ ಚರ್ಚೆ ನಡೆಯುತ್ತಿದೆ. ಇನ್ನು ಬಸವ ಕಲ್ಯಾಣದಲ್ಲಿ ಮೃತ ಕಾಂಗ್ರೆಸ್ ಶಾಸಕರ ಪತ್ನಿ ವಿರುದ್ಧ ವಿಜಯೇಂದ್ರ ಗೆಲುವು ಸುಲಭ ಇದೆ. ಜೊತೆಗೆ ರಾಜ್ಯ ರಾಜಕೀಯಕ್ಕೆ ಎಂಟ್ರಿ ಮಾಡುವ ಪ್ಲಾನ್ ಮಾಡಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಇತ್ತ ಬೆಳಗಾವಿ ಲೋಕ ಸಭೆಗೆ ಸುರೇಶ್ ಅಂಗಡಿ ಪುತ್ರಿ, ಕಾಂಗ್ರೆಸ್ನಿಂದ ಸತೀಶ್ ಜಾರಕಿಹೊಳಿ ಹೆಸರು ಚಾಲ್ತಿಯಲ್ಲಿದೆ.
ಎಲ್ಲಾ ಸುದ್ದಿಗಳಿಗೆ nammurexpress.in ವೀಕ್ಷಿಸಿ..!

Categories
ಬೆಂಗಳೂರು

ಮುಂದುವರಿದ ಅಧ್ಯಾಯ ಸಿನಿಮಾದಲ್ಲಿ ಆಶಿಕಾ!

  • ಹೊಸ ನಿರೀಕ್ಷೆ ಮೂಡಿಸಿದ ಮಲೆನಾಡು ಮೂಲದ ನಟಿ
  • ಇಂಜಿನಿಯರ್ ಈಗ ನಟಿ..!

ಬೆಂಗಳೂರು: ಮಲೆನಾಡು ಪ್ರತಿಭೆಗಳ ಅಗರ. ಸಾಹಿತ್ಯ, ಸಂಗೀತ, ಸಿನಿಮಾ, ರಂಗಭೂಮಿ ಹೀಗೆ ಎಲ್ಲಾ ಕ್ಷೇತ್ರದಲ್ಲಿ ಮಲೆನಾಡು ಮೂಲದವರ ಕಾಣಿಕೆ ಅಪಾರ.
ಇದೀಗ ಶಿವಮೊಗ್ಗ ಜಿಲ್ಲೆ ತೀರ್ಥಹಳ್ಳಿ ಮೂಲದ ಇಂಜಿನಿಯರಿಂಗ್ ಪದವಿಧರೆ ಆಶಿಕಾ ಸೋಮಶೇಖರ್ “ಮುಂದುವರಿದ ಅಧ್ಯಾಯ” ಸಿನಿಮಾದಲ್ಲಿ ನಟಿಯಾಗಿ ಬಣ್ಣ ಹಚ್ಚುವ ಮೂಲಕ ಚಂದನವನದಲ್ಲಿ ಗಮನ ಸೆಳೆದಿ ದ್ದಾರೆ.


ಸಾಹಿತ್ಯ, ರಂಗಭೂಮಿ, ಶಾರ್ಟ್ ಮೂವಿ ಕ್ಷೇತ್ರದ ಬಳಿಕ ಆಶಿಕಾ ಸ್ಯಾಂಡಲ್ವುಡ್ನಲ್ಲಿ ಹೊಸ ಭರವಸೆ ಮೂಡಿಸಲಿದ್ದಾರೆ. ಆಶಿಕಾ ಸೋಮಶೇಖರ್ ಮೂಲತಃ ಕೃಷಿ ಕುಟುಂಬದವರಾಗಿದ್ದು, ತೀರ್ಥಹಳ್ಳಿ ತಾಲ್ಲೂಕಿನ ಮೇಗರವಳ್ಳಿ ಗ್ರಾಮದ ಅನಿತಾ ಹಾಗೂ ಸೋಮಶೇಖರ ದಂಪತಿಗಳ ಪುತ್ರಿ. ಬೆಂಗಳೂರಿನಲ್ಲಿ ಉದ್ಯಮ ನಡೆಸುತ್ತಿರುವ ಸೋಮಶೇಖರ್ ಮಗಳ ಸಾಧನೆಗೆ ಸಾಥ್ ನೀಡುತ್ತಿದ್ದಾರೆ. ತುಂಬಾ ದಿನಗಳಿಂದ ಒಳ್ಳೆಯ ಕಥೆಯ ಹುಡುಕಾಟದಲ್ಲಿದ್ದ ನಟಿ ಆಶಿಕಾ ಸೋಮಶೇಖರ್ ಅವರ ಸಿನಿ ಜರ್ನಿ ಭಾರಿ ಕುತೂಹಲ ಮೂಡಿಸಿದೆ.


ಚಿಕ್ಕ ವಯಸ್ಸಿನಲ್ಲೇ ರಂಗಭೂಮಿ,ಸಿನಿಮಾ ರಂಗದ ಪ್ರಿಯರಾಗಿದ್ದು, ಈ ಮೊದಲು ರಂಗಭೂಮಿಯಲ್ಲಿ ಕಲಾವಿದೆಯಾಗಿ ತಮ್ಮದೇ ಛಾಪು ಮೂಡಿಸಿದ್ದಾರೆ. ಚಿತ್ರರಂಗದಲ್ಲಿ ಅವಕಾಶಗಿಟ್ಟಿಸಿಕೊಂಡ ಮಲೆನಾಡಿನ ಯುವ ಪ್ರತಿಭೆ ಆಶಿಕಾ ಅಭಿನಯದ ಸಿನಿಮಾ ಮಾ.19ರಂದು ರಾಜ್ಯದ 200ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ. ಈಗಾಗಲೇ ಈ ಚಿತ್ರ ಭಾರಿ ನಿರೀಕ್ಷೆ ಹುಟ್ಟಿಸಿದೆ.


ಬಾಲು ಚಂದ್ರಶೇಖರ್ ಮೊದಲ ಬಾರಿಗೆ ನಿರ್ದೇಶಿಸುತ್ತಿರುವ ಸಿನಿಮಾವು ಪ್ರಸ್ತುತ ಸಮಾಜ ಮತ್ತು ಸಮಾಜದ ಉದ್ಧಾರದ ಪರಿಕಲ್ಪನೆ ಹೊಂದಿದೆ.
ಸಾಕ್ಷಿ ಎಂಬ ಹೆಸರಿನ ಜರ್ನಲಿಸ್ಟ್ ಪಾತ್ರದಲ್ಲಿ ಆಶಿಕಾ ಕಾಣಿಸಿಕೊಂಡಿದ್ದಾರೆ. ನಟ ಆದಿತ್ಯ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಅಜಯ್ ರಾಜ್ ಕೂಡ ನಟಿಸುತ್ತಿದ್ದು, ಅವರಿಗೆ ಜೋಡಿಗಾಗಿ ಆಶಿಕಾ ಸೋಮಶೇಖರ್ ಕಾಣಿಸಿಕೊಂಡಿದ್ದಾರೆ.
ಶುಕ್ರವಾರ ರಾಜ್ಯಾದಂತ ಬೆಳ್ಳಿತೆರೆಗೆ ಬರಲಿದ್ದು, ಸಿನಿ ಪ್ರಿಯರು ಥೀಯೇಟರ್ ಅಲ್ಲೇ ಸಿನಿಮಾ ನೋಡುವ ಮೂಲಕ ಚಿತ್ರ ತಂಡಕ್ಕೆ ಪ್ರೋತ್ಸಾಹಿಸುವ ಮೂಲಕ ಶುಭ ಹಾರೈಸೋಣ.


ರಾಜ್ಯದ ಎಲ್ಲಾ ಸುದ್ದಿಗಳಿಗೆ nammurexpress.in ವೀಕ್ಷಿಸಿ.
Report By: ಸುರಭಿ

Categories
ಬೆಂಗಳೂರು

ಧನ್ಯವಾದಗಳು ಕರ್ನಾಟಕ..!

5ನೇ ವರ್ಷದತ್ತ “ನಮ್ಮೂರ್ ಎಕ್ಸ್ಪ್ರೆಸ್”!

  • ಕಲ್ಲು ಮುಳ್ಳಿನ ಹಾದಿಯಲ್ಲಿ ಸಾರ್ಥಕ ಸೇವೆ
  • ಮಾಧ್ಯಮ ಕ್ಷೇತ್ರದಲ್ಲಿ ಹೊಸ ಇತಿಹಾಸ!

ರಾಜ್ಯದ ಮುಂಚೂಣಿ ಡಿಜಿಟಲ್ ಮಾಧ್ಯಮ ನಿಮ್ಮ ನಮ್ಮೂರ್ ಎಕ್ಸ್ಪ್ರೆಸ್.
ನಿಮ್ಮ ಕೈಗೆ ಸುದ್ದಿಯನ್ನು ನಿಖರವಾಗಿ, ನಿಷ್ಪಕ್ಷಪಾತವಾಗಿ ಕಳೆದ 5 ವರ್ಷದಿಂದ ನೀಡುತ್ತಾ ಬಂದಿದ್ದೇವೆ.ಸಾಮಾಜಿಕ ಜಾಲತಾಣಗಳಲ್ಲಿ ಇವರೆಗೆ ಸುಮಾರು 30,000ಕ್ಕೂ ಹೆಚ್ಚು ವಸ್ತು ನಿಷ್ಠ ವರದಿ ಮಾಡಿದ್ದೇವೆ. ನುರಿತ ಕೆಲಸಗಾರರ ಸಮಸ್ಯೆ, ಗ್ರಾಮೀಣ ಭಾಗದ ತಂತ್ರಜ್ಞಾನ ಸಮಸ್ಯೆ,ಬಂಡವಾಳ, ಜಾಹಿರಾತುಗಳ ಕೊರತೆಯ ನಡುವೆಯೂ ನಮ್ಮ ಸೇವೆ ನಡೆಯುತ್ತಲೇ ಬಂದಿದೆ. ಸುಮಾರು 1 ಕೋಟಿವರೆಗೆ ಬಂಡವಾಳ ಹೂಡಿಕೆಯಾಗಿದ್ದು, ಇದೀಗ ಹೂಡಿಕೆದಾರರ ನಿರೀಕ್ಷೆಯಲ್ಲಿ ಸಂಸ್ಥೆ ಇದೆ. ಸಂಸ್ಥೆ ರಾಜ್ಯದ ಎಲ್ಲಾ ತಾಲೂಕಲ್ಲಿ ಸೇವೆ ಮತ್ತು ಉದ್ಯಮ ಶುರು ಮಾಡುವ ಯೋಜನೆ ಹಾಕಿಕೊಂಡಿದೆ.
ಜನರ ದನಿಯಾಗಿ, ಕಷ್ಟದಲ್ಲಿರುವರಿಗೆ ನೇರವಾಗಿ, ಆಡಳಿತವನ್ನು ಜನಪರವಾಗಿರುವಂತೆ ಎಚ್ಚರಿಸುತ್ತಾ ಬಂದಿದ್ದೇವೆ. ಸಾವಿರಾರು ಪ್ರತಿಭೆಗಳಿಗೆ ಪ್ರೋತ್ಸಾಹ ನೀಡಿದ್ದೇವೆ. ಆರ್ಥಿಕ ಹಿಂಜರಿತ, ಕರೋನಾ ಕಾಟದಿಂದ ಪ್ರತಿ ದಿನವೂ ಸಂಸ್ಥೆಯನ್ನು ನಷ್ಟದಲ್ಲೇ ಬೃಹತ್ ಸಂಸ್ಥೆಯಾಗಿ ಬೆಳೆಸಿದ್ದೇವೆ. ಯಾವುದೇ ಕಪ್ಪು ಚುಕ್ಕೆ ಇಲ್ಲದೆ ಮಾಧ್ಯಮ ಕ್ಷೇತ್ರದಲ್ಲಿ ತಮ್ಮದೇ ಛಾಪು ಮೂಡಿಸಿದ್ದೇವೆ.


2021 ಮಾರ್ಚ್ 15ರವರೆಗೆ ಸುಮಾರು 60 ಲಕ್ಷ ಓದುಗರು ನಮ್ಮ ಸುದ್ದಿಯನ್ನು ಮೆಚ್ಚಿಕೊಂಡು ಸುದ್ದಿ ಪಡೆಯಲು ಸಿದ್ದರಾಗಿದ್ದಾರೆ.
ಕಷ್ಟದ ದಿನಗಳಲ್ಲಿ ಕೆಲವೊಮ್ಮೆ ಸೇವೆ ನೀಡಲು ಎಡವಿದ್ದೇವೆ. ಕ್ಷಮೆ ಇರಲಿ.
ದೇಶದಲ್ಲೇ ಮೊದಲ ಬಾರಿಗೆ ಡಿಜಿಟಲ್ ಮಾಧ್ಯಮ ಕ್ಷೇತ್ರದಲ್ಲಿ ಹೊಸ ಹೊಸ ಪ್ರಯೋಗ ಮಾಡಿದ ಹೆಗ್ಗಳಿಕೆ ನಿಮ್ಮ ಹೆಮ್ಮೆಯ ನಮ್ಮೂರ್ ಎಕ್ಸ್ಪ್ರೆಸ್ ಮೇಲಿದೆ.


ಸತತವಾಗಿ ಸೋಲು ಕಂಡರೂ, ಆರ್ಥಿಕ ಹೊಡೆತದ ನಡುವೆಯೂ ಸಂಸ್ಥೆ ಇದೀಗ ಮತ್ತಷ್ಟು ಹೊಸತನ, ಪ್ರಯೋಗ, ವ್ಯವಹಾರ ಕಲ್ಪನೆಗಳೊಂದಿಗೆ 5 ವರ್ಷದ ಸಂಭ್ರಮಕ್ಕೆ ಮುನ್ನಡಿ ಇಟ್ಟಿದೆ.


ಓದುಗರು, ಜಾಹಿರಾತುದಾರರು, ಮಾರ್ಗದರ್ಶಕರು, ಹಿತೈಷಿಗಳು, ಸಂಸ್ಥೆಯ ಸಿಬ್ಬಂದಿ ಸಹಕಾರದೊಂದಿಗೆ ಇನ್ನಷ್ಟು ಸಾಧನೆ ಮಾಡುವ ಬಯಕೆ ನಮ್ಮದು. ಸುದ್ದಿ ಜತೆ ಜತೆಗೆ
ತಮ್ಮೆಲ್ಲರ ಸಹಕಾರ, ಸಲಹೆ, ಸಹಭಾಗಿತ್ವ ಸಂಸ್ಥೆಯ ಉಳಿವಿಗೆ ಬೇಕಿದೆ. ಹೊಸತನದೊಂದಿಗೆ ಹೊಸ ಹೊಸ ಯೋಜನೆಗಳೊಂದಿಗೆ ಓದುಗರ ಬಳಿ ಬರಲಿದ್ದೇವೆ.
ಧನ್ಯವಾದಗಳು..
ಸಂಪಾದಕರು
ಸುದ್ಧಿಗಾಗಿ:
9481949101
ಜಾಹಿರಾತಿಗಾಗಿ: 9480181535.

Categories
ಹುಬ್ಬಳ್ಳಿ

ಸಿಡಿ ಕೇಸ್: ಯುವತಿ ಮನೆಗೆ ನೋಟಿಸ್!

  • ವಿಜಯಪುರದ ಬಸವನ ಬಾಗೇವಾಡಿಯ ಹಳ್ಳಿ
  • ಮನೆಯಲ್ಲಿದ್ದವರು ನಾಪತ್ತೆ

ಬೆಂಗಳೂರು: ಮಾಜಿ ಸಚಿವ ರಮೇಶ್ ಜಾರಕಿಹೊಳಿ ‘ಸಿಡಿ’ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬೆಂಗಳೂರಿನ ಕಬ್ಬನ್ ಪಾರ್ಕ್‌ ಪೊಲೀಸ್ ಠಾಣೆ ಪೊಲೀಸರು ವಿಚಾರಣೆಗೆ ಹಾಜರಾಗುವಂತೆ ಸಂತ್ರಸ್ತ ಯುವತಿಗೆ ನೋಟಿಸ್ ಕೊಟ್ಟಿದ್ದಾರೆ.
ವಿಜಯಪುರ ಜಿಲ್ಲೆಯ ಬಸವನ ಬಾಗೇವಾಡಿ ತಾಲೂಕಿನ ನಿಡಗುಂದಿ ಪಟ್ಟಣದಲ್ಲಿರುವ ಸಂತ್ರಸ್ತ ಯುವತಿಯ ಸಂಬಂಧಿಕರ ಮನೆಗೆ ಪೊಲೀಸ್ ನೋಟಿಸ್ ಅಂಟಿಸಲಾಗಿದೆ. ಸಂತ್ರಸ್ತೆಯ ತಾಯಿಯ ತವರು ಮನೆ ವಿಜಯಪುರ ಜಿಲ್ಲೆಯ ನಿಡಗುಂದಿ ಪಟ್ಟಣದಲ್ಲಿದೆ. ಇದೀಗ ಆ ಮನೆಗೆ ಪೊಲೀಸರು ನೋಟಿಸ್ ಅಂಟಿಸಿದ್ದಾರೆ. ಕಬ್ಬನ್ ಪಾರ್ಕ್ ಪೊಲೀಸ್ ಠಾಣೆಯ ಇಬ್ಬರು ಸಿಬ್ಬಂದಿ ಮನೆಯಲ್ಲಿ ಯಾರೂ ಇರದ ಕಾರಣ ಬೀಗ ಹಾಕಿರುವ ಮನೆಗೆ ನೋಟಿಸ್ ಅಂಟಿಸಿದ್ದಾರೆ. ಆದರೆ ಕುಟುಂಬ ನಾಪತ್ತೆಯಾಗಿದೆ. ಈಗಾಗಲೇ 5ಕ್ಕೂ ಹೆಚ್ಚು ಮಂದಿಯನ್ನು SIಖಿ ಪೊಲೀಸರು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.

Categories
ಆರೋಗ್ಯ

ಮತ್ತೆ ಬಂದ ಕರೋನಾ ರಾಕ್ಷಸ!

  • ರಾಜ್ಯದಲ್ಲೂ ಹೊಸ ನಿಯಮ ಜಾರಿ
  • 6 ಜಿಲ್ಲೆಯಲ್ಲಿ ಮಾಸ್ಕ್, ಲಸಿಕೆ ಕಡ್ಡಾಯ
  • ಮದುವೆ, ಅಂತ್ಯ ಸಂಸ್ಕಾರ, ಕಾರ್ಯಕ್ರಮಕ್ಕೆ ಏನು ನಿಯಮ?

ಬೆಂಗಳೂರು: ರಾಜ್ಯದಲ್ಲಿ ಮತ್ತೆ ಕರೋನಾ ಅಲರ್ಟ್ ಘೋಷಣೆ ಮಾಡಲಾಗಿದೆ. ಮಾಸ್ಕ್ ಧರಿಸುವುದು ಕಡ್ಡಾಯ ಮಾಡಿ ಆದೇಶ ಹೊರಡಿಸಲಾಗಿದೆ. ಜೊತೆಗೆ ಸಭೆ, ಸಮಾರಂಭಗಳ ಮೇಲೆ ನಿಗಾ ಇಡಲಾಗಿದೆ.
ಸೋಂಕಿತರ ಸಂಪರ್ಕಿತರನ್ನು ಪತ್ತೆಹಚ್ಚುವ ಕಾರ್ಯವನ್ನು ಚುರುಕುಗೊಳಿಸಲು ದಕ್ಷಿಣಕನ್ನಡ, ಬೀದರ್, ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಕಲಬುರಗಿ ಮತ್ತು ಉಡುಪಿ ಜಿಲ್ಲೆಗಳ ಆರೋಗ್ಯ ಇಲಾಖೆ ಮತ್ತು ಜಿಲ್ಲಾಡಳಿತಕ್ಕೆ ಸೂಚಿಸಲಾಗಿದೆ.
ಮಾಸ್ಕ್ ಧರಿಸುವುದು ಮತ್ತು ದೈಹಿಕ ಅಂತರವನ್ನು ಪರಿಣಾಮಕಾರಿಯಾಗಿ ಜಾರಿಗೆ ತರಲು ರಾಜ್ಯದ ಎಲ್ಲಾ ಜಿಲ್ಲಾಡಳಿತಗಳಿಗೆ ರಾಜ್ಯ ಆರೋಗ್ಯ ಇಲಾಖೆ ಸೂಚಿಸಿದೆ.ಕಡ್ಡಾಯ
ಕೋವಿಡ್ ಲಸಿಕೆ ಪಡೆದುಕೊಳ್ಳುವುದು ಮತ್ತು ಕೋವಿಡ್ ಪರೀಕ್ಷೆಗೆ ಒಳಪಡುವುದನ್ನು ವ್ಯಾಪಕವಾಗಿ ಹೆಚ್ಚಿಸಲು ಪರಿಣಾಮಕಾರಿ ಕ್ರಮವನ್ನು ತೆಗೆದುಕೊಳ್ಳಲು, ಮುಖ್ಯಮಂತ್ರಿಗಳ ಮತ್ತು ಆರೋಗ್ಯ ಸಚಿವರ ಸಂದೇಶವನ್ನು ಜನರಿಗೆ ತಲುಪಿಸಲು ಸೂಚಿಸಲಾಗಿದೆ.
ವಿವಿಧ ಸಮಾರಂಭಗಳಲ್ಲಿ ಹೆಚ್ಚು ಜನರು ಸೇರುತ್ತಿರುವುದರಿಂದ ಕೋವಿಡ್ ಪಸರಿಸುವ ಸಾಧ್ಯತೆ ಹೆಚ್ಚಿದೆ. ಹಾಗಾಗಿ, ಇಂತಹ ಕಾರ್ಯಕ್ರಮಗಳಲ್ಲಿ ಭಾರತೀಯ ಸರಕಾರದ ಮಾನದಂಡದ ಪ್ರಕಾರ 3.25 sq.mಣಡಿ ಮಾನದಂಡವನ್ನು ಪಾಲಿಸುವುದನ್ನು ಕಡ್ಡಾಯ ಮಾಡಲಾಗಿದೆ.
ಮದುವೆ ಸಮಾರಂಭ (ಹಾಲ್, ಸಭಾಂಗಣ ಇತ್ಯಾದಿ, ಮುಚ್ಚಿದ ಪ್ರದೇಶಗಳಲ್ಲಿ) – 200 ಜನ ಮೀರಬಾರದು. ತೆರೆದ ಜಾಗದಲ್ಲಿ 500 ಮೀರಬಾರದು.
ಜನ್ಮದಿನ ಮತ್ತು ಇತರ ಸಮಾರಂಭಗಳು – (ತೆರೆದ ಪ್ರದೇಶಗಳಲ್ಲಿ) – 100 ಜನ ಮೀರಬಾರದು
ಜನ್ಮದಿನ ಮತ್ತು ಇತರ ಸಮಾರಂಭಗಳು – (ಹಾಲ್, ಸಭಾಂಗಣ ಇತ್ಯಾದಿ, ಮುಚ್ಚಿದ ಪ್ರದೇಶಗಳಲ್ಲಿ) – 50 ಜನ ಮೀರಬಾರದು ಎಂದು ಸರ್ಕಾರ ಆದೇಶ ಹೊರಡಿಸಿದೆ.
ನೆರೆಯ ಮಹಾರಾಷ್ಟ್ರದಲ್ಲಿ ಲಾಕ್ ಡೌನ್ ಘೋಷಣೆ ಮಾಡಲಾಗಿದೆ.
ಎಲ್ಲಾ ಸುದ್ದಿಗಳಿಗೆ ಟಿಚಿmmuಡಿ exಠಿಡಿess ವೀಕ್ಷಿಸಿ..!

Categories
ಕೃಷಿ

ರೈತರಿಗೆ ಸಾಲ ಮನ್ನಾ ಭಾಗ್ಯ!

  • 1 ಲಕ್ಷದವರೆಗೆ ಅಲ್ಪಾವಧಿ ಬೆಳೆ ಸಾಲ ಮನ್ನಾ
  • ಬ್ಯಾಂಕ್

ಬೆಂಗಳೂರು: ಅಲ್ಪಾವಧಿ ಬೆಳೆ ಸಾಲ ಪಡೆದ ರಾಜ್ಯದ ರೈತರಿಗೆ ಬಿಎಸ್‌ ಯಡಿಯೂರಪ್ಪ ಸರಕಾರ ಸಿಹಿ ಸುದ್ದಿ ನೀಡಿದೆ.
ಈ ಮೂಲಕ ಕರೋನಾದ ಸಂಕಟದಲ್ಲೂ ಸರಕಾರ ರೈತರ ನೆರವಿಗೆ ಧಾವಿಸಿದೆ.
ರಾಜ್ಯ ರೈತ ಸಹಕಾರ ಸಂಘ ಮತ್ತು ಸಹಕಾರಿ ಬ್ಯಾಂಕ್‌ಗಳಲ್ಲಿ ಅಲ್ಪಾವಧಿ ಬೆಳೆ ಸಾಲ ಪಡೆದು 2018ರ ಜು.7ರೊಳಗೆ ಹೊರ ಬಾಕಿಯಲ್ಲಿ ಗರಿಷ್ಠ 1 ಲಕ್ಷ ರೂ.ವರೆಗಿನ ಅಲ್ಪಾವಧಿ ಸಾಲದ ಮೊತ್ತವನ್ನು ಮನ್ನಾ ಮಾಡಲು ಸರಕಾರ ತೀರ್ಮಾನಿಸಿದೆ ಎಂದು ಸಹಕಾರ ಸಚಿವ ಎಸ್‌.ಟಿ. ಸೋಮಶೇಖರ್‌ ತಿಳಿಸಿದ್ದಾರೆ.
ಸಾಲ ಮನ್ನಾ ಕುರಿತು ಶುಕ್ರವಾರ ಆದೇಶಿಸಿರುವ ಅವರು, 295.15 ಕೋಟಿ ರೂ. ಮೊತ್ತವನ್ನು ನೆಫ್ಟ್‌ ಮೂಲಕ ಅರ್ಹ 57,229 ರೈತರ ಉಳಿತಾಯ ಖಾತೆಗಳಿಗೆ ವರ್ಗಾವಣೆ ಮಾಡಲು ಸಂಬಂಧಪಟ್ಟ ಇಲಾಖೆಗೆ ಸೂಚಿಸಿದ್ದಾರೆ.
ಅಲ್ಪಾವಧಿ ಬೆಳೆ ಸಾಲ ಮನ್ನಾ ಮಾಡಲು ಪ್ರಸಕ್ತ ಆಯವ್ಯಯದಲ್ಲಿ 260.41 ಕೋಟಿ ರೂ. ಸರಕಾರ ಮೀಸಲಿಟ್ಟಿತ್ತು. ಜತೆಗೆ ಅಪೆಕ್ಸ್‌ ಬ್ಯಾಂಕಿನಲ್ಲಿ ಲಭ್ಯವಿರುವ 34.73 ಕೋಟಿ ರೂ.ಗಳನ್ನೂ ಉಪಯೋಗಿಸಿಕೊಳ್ಳಲು ಇಲಾಖೆಗೆ ಅನುಮತಿ ನೀಡಿದೆ. ಮಾರ್ಚ್ ಅಂತ್ಯದೊಳಗೆ ಸಾಲ ಮನ್ನಾ ಪ್ರಕ್ರಿಯೆ ಮುಕ್ತಾಯಗೊಳಿಸಲು ಬ್ಯಾಂಕಿನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗಳಿಗೆ ಸೂಚಿಸಲಾಗಿದೆ.
ಎಲ್ಲಾ ಸುದ್ದಿಗಳಿಗೆ nammur express ವೀಕ್ಷಿಸಿ..!

Categories
ಮಲ್ನಾಡ್

ಮತ್ತೆ ತೀರ್ಥಹಳ್ಳಿಗೆ ಉಗ್ರರ ನಂಟು ಶಂಕೆ!

  • ಇಬ್ಬರ ಮನೆಗೆ ಎನ್ಐಎ ಅಧಿಕಾರಿಗಳ ಭೇಟಿ, ತನಿಖೆ
  • ತೀರ್ಥಹಳ್ಳಿಗೆ ಈ ಕಳಂಕ ಏಕೆ..?

ತೀರ್ಥಹಳ್ಳಿ: ತೀರ್ಥಹಳ್ಳಿ ಮೂಲದ ಇಬ್ಬರು ಯುವಕರು ಉಗ್ರರೊಂದಿಗೆ ಸಂಪರ್ಕ ಹೊಂದಿರುವ ಶಂಕೆ‌ ಹಿನ್ನೆಲೆಯಲ್ಲಿ ಎನ್ ಐಎ ಅಧಿಕಾರಿಗಳ ತಂಡ ತಲೆಮರೆಸಿಕೊಂಡಿರುವ ಇಬ್ಬರು ಯುವಕರ ಮನೆಗೆ ಭೇಟಿ‌ ನೀಡಿ ವಿಚಾರಣೆ ನಡೆಸಿದ್ದಾರೆ. ಈ ಹಿಂದೆ ಕೂಡ ಇದೇ ರೀತಿಯ ತನಿಖೆ ನಡೆದಿತ್ತು.
ಸ್ಯಾಟಲೈಟ್ ಫೋನ್ ಬಳಕೆಯ ಹಿನ್ನೆಲೆಯಲ್ಲಿ ಕಳೆದ ವರ್ಷ ಮಾರ್ಚ್ನಲ್ಲಿ ತೀರ್ಥಹಳ್ಳಿ ತಾಲೂಕಿನಾದ್ಯಂತ ಎನ್ ಐಎ ಅಧಿಕಾರಿಗಳು ಕೂಬಿಂಗ್ ನಡೆಸಿದ್ದ‌ರು. ಈ ವೇಳೆ ತೀರ್ಥಹಳ್ಳಿಯ ಇಬ್ಬರು ಯುವಕರು ಉಗ್ರರೊಂದಿಗೆ ಸಂಪರ್ಕ ಹೊಂದಿರುವುದು ದೃಢಪಟ್ಟಿತ್ತು. ಆದರೆ ಅಷ್ಟರಲ್ಲಾಗಲೇ ಯುವಕರು ನಾಪತ್ತೆಯಾಗಿದ್ದರು.
ನಂತರ ಕಳೆದ‌ ವರ್ಷ ಮಾರ್ಚ್ 19 ರಂದು ಎನ್ ಐ ಎ ಅಧಿಕಾರಿಗಳು ತೀರ್ಥಹಳ್ಳಿಯ ಯುವಕರ ಮನೆಗೆ ಬಂದು ವಿಚಾರಣೆ ನಡೆಸಿದ್ದರು.
ಇದೀಗ ಹೆಚ್ಚಿನ ತನಿಖೆಗಾಗಿ ಮತ್ತೆ ಯುವಕರ ಮನೆಗೆ ಭೇಟಿ ನೀಡಿರುವ ಎನ್ಐಎ ಅಧಿಕಾರಿಗಳು ತಲೆಮರೆಸಿಕೊಂಡಿರುವ ಯುವಕರು ತಮ್ಮ ಕುಟುಂಬದೊಂದಿಗೆ ಸಂಪರ್ಕ ಸಾಧಿಸಿದ್ದಾರೆಯೇ ಎಂದು ತನಿಖೆಗೆ ನಡೆಸಿದ್ದಾರೆ. ಕಳೆದ ವರ್ಷ ಮಂಗಳೂರಲ್ಲಿ ಉಗ್ರರ ಪರ ಗೋಡೆ ಬರಹ ಪ್ರಕರಣದಲ್ಲೂ ತೀರ್ಥಹಳ್ಳಿ ಯುವಕನ ಹೆಸರು ಬಂದಿತ್ತು.
ಎಲ್ಲಾ ಸುದ್ದಿಗಳಿಗೆ ನಮ್ಮೂರ್ ಎಕ್ಸ್ಪ್ರೆಸ್ ವೀಕ್ಷಿಸಿ..!

Categories
ರಾಜಕೀಯ

ಮಲೆನಾಡ ಜೆಡಿಎಸ್ ಅನಾಥ..!?

  • ಮಧು, ಮಂಜುನಾಥ ಗೌಡ ಜಂಪ್
  • ಕಾಂಗ್ರೆಸ್ ಬಲ: ಶ್ರೀಕಾಂತ್ ಯಾವ ಕಡೆ?

ಶಿವಮೊಗ್ಗ: ಶಿವಮೊಗ್ಗ ಜಿಲ್ಲೆಯಲ್ಲಿ ಒಂದು ಕಾಲದಲ್ಲಿ 3 ಮಂದಿ ಶಾಸಕರನ್ನು ಹೊಂದಿದ್ದ ಜೆಡಿಎಸ್ ಪಕ್ಷ ಇದೀಗ ಅನಾಥವಾಗುವ ಎಲ್ಲಾ ಸೂಚನೆಗಳಿವೆ.
ಈಗಾಗಲೇ ಶಿವಮೊಗ್ಗ ಜೆಡಿಎಸ್ ಪ್ರಮುಖ ನಾಯಕರು, ರಾಜ್ಯ ಜೆಡಿಎಸ್ ಕಾರ್ಯದರ್ಶಿಯಾಗಿದ್ದ ಮಧು ಬಂಗಾರಪ್ಪ ಕಾಂಗ್ರೆಸ್ ಸೇರಲು ದಿನಗಣನೆ ಆರಂಭವಾಗಿದೆ. ಇತ್ತ ಡಿಸಿಸಿ ಬ್ಯಾಂಕ್ ಹಗರಣದಲ್ಲಿ ಸಿಲುಕಿ ಗೊಂದಲದಲ್ಲಿರುವ ಹಾಲಿ ಜೆಡಿಎಸ್ ಜಿಲ್ಲಾಧ್ಯಕ್ಷ,ಸಹಕಾರಿ ನಾಯಕ ಡಾ.ಮಂಜುನಾಥ ಗೌಡ ಕೂಡ ಬಾಗಿಲು ತಟ್ಟಿದ್ದು ಬಹುತೇಕ ಮಧು ಬಂಗಾರಪ್ಪ ಅವರ ಜೊತೆಯೇ ಕಾಂಗ್ರೆಸ್ ಸೇರಲು ಸಿದ್ದರಾಗಿದ್ದಾರೆ. ಹೀಗಾಗಿ ನಾಯಕನಿಲ್ಲದ ಹಡಗು ಜೆಡಿಎಸ್ ಆಗುವ ಸಾಧ್ಯತೆ ಇದೆ. ಒಂದು ಕಾಲದಲ್ಲಿ ಸೊರಬ, ಭದ್ರಾವತಿ, ಶಿವಮೊಗ್ಗ ಗ್ರಾಮಾಂತರದಲ್ಲಿ ಜೆಡಿಎಸ್ ಶಾಸಕರಿದ್ದರು. ಎಲ್ಲಾ ಕ್ಷೇತ್ರದಲ್ಲಿ ಪಕ್ಷ ಪ್ರಬಲವಾಗಿತ್ತು. ಆದರೆ ಪಕ್ಷದ ನಾಯಕರ ಬೇಜವಾಬ್ದಾರಿ, ಪಕ್ಷ ಸಂಘಟನೆ ಇಲ್ಲದಿರುವುದು ಇಂದು ಪಕ್ಷಕ್ಕೆ ಒಬ್ಬ ಸಾರಥಿ ಇಲ್ಲದ ಸ್ಥಿತಿ ನಿರ್ಮಾಣ ಮಾಡಿದೆ. ಇಡೀ ಮಲೆನಾಡಿನಲ್ಲಿ ಓರ್ವ ಶಾಸಕ ಇಲ್ಲದ ಸ್ಥಿತಿ ನಿರ್ಮಾಣವಾಗಿದೆ.
ಶಿವಮೊಗ್ಗ ಜಾತ್ಯತೀತ ಶಕ್ತಿಗಳ ತವರು. ಆದ್ರೆ ಇಲ್ಲಿಯೇ ಜೆಡಿಎಸ್ ತನ್ನ ಅಸ್ತಿತ್ವ ಕಳೆದುಕೊಂಡಿದೆ.