Month: July 2025

Categories
ಮಂಗಳೂರು

ಆಳ್ವಾಸ್ ಪ್ರಗತಿಯಲ್ಲಿ ಮಾಧ್ಯಮ ಕ್ಷೇತ್ರದಲ್ಲಿ ನೂರಾರು ಉದ್ಯೋಗ

ಆಳ್ವಾಸ್ ಪ್ರಗತಿಯಲ್ಲಿ ಮಾಧ್ಯಮ ಕ್ಷೇತ್ರದಲ್ಲಿ ನೂರಾರು ಉದ್ಯೋಗ
– ರಾಜ್ಯ, ಪ್ರಾದೇಶಿಕ ಮೀಡಿಯಾ ಕಂಪನಿಗಳ ಸಂದರ್ಶನ
– ಕನ್ನಡ, ತಮಿಳು, ಮಲಯಾಳಂ, ಹಿಂದಿ, ಇಂಗ್ಲಿಷ್ ಬಲ್ಲವರಿಗೂ ಉದ್ಯೋಗ

NAMMUR EXPRESS NEWS
ಮೂಡಬಿದಿರೆ : ಆ.1,2ರಂದು ನಡೆಯಲಿರುವ ದೇಶದ ಅತೀ ದೊಡ್ಡ ಉದ್ಯೋಗ ಮೇಳದಲ್ಲಿ ಮಾಧ್ಯಮ ವಲಯದ ಅನೇಕ ಕಂಪನಿಗಳು ಭಾಗವಹಿಸಲಿವೆ. ಕನ್ನಡ, ತಮಿಳು, ಇಂಗ್ಲಿಷ್, ಮಲಯಾಳಂ, ಹಿಂದಿ ಭಾಷೆಯ ಉದ್ಯೋಗ ಆಕಾಂಕ್ಷಿಗಳಿಗೂ ಮಾಧ್ಯಮ ಕ್ಷೇತ್ರದಲ್ಲಿ ಉದ್ಯೋಗ ಸಿಗಲಿದೆ. ಜತೆಗೆ ಜಾಹೀರಾತು, ಡಿಜಿಟಲ್, ಕ್ರಿಯೇಟಿವ್ ಕ್ಷೇತ್ರದಲ್ಲಿ ಕೂಡ ಉದ್ಯೋಗ ಲಭ್ಯ.
ರಾಜ್ಯದ 10ಕ್ಕೂ ಹೆಚ್ಚು ಮೀಡಿಯಾ ಕಂಪನಿಗಳು 180ಕ್ಕೂ ಹೆಚ್ಚು ಉದ್ಯೋಗಾವಕಾಶಗಳನ್ನು ನೀಡಲಿವೆ.. * Zee entertainment, The Mysore Printers Pvt Ltd., Metro-politan Media company (Times of India, Bangalore Mirror, Vijaya-karnataka), Manipal Media Network (Udayavani, Taranga, Roopata-ra), Vartha Bharati, Hosdiganta, News Karnataka, Nammur Express ಸೇರಿ ಅನೇಕ ಸಂಸ್ಥೆಗಳು ಉದ್ಯೋಗ ನೀಡಲಿವೆ.
* ಮುದ್ರಣ ಮಾಧ್ಯಮ, ದೂರದರ್ಶನ, ಮನರಂಜನೆ, ಡಿಜಿಟಲ್ ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ, ಕಲಾ, ವಿಜ್ಞಾನ ಮತ್ತು ವಾಣಿಜ್ಯ ವಿಭಾಗದ ಪದವೀಧರ ವಿದ್ಯಾರ್ಥಿಗಳಿಗೆ ವಿವಿಧ ಹುದ್ದೆಗಳ ಅವಕಾಶಗಳು ಲಭ್ಯವಿವೆ.
News reporter, Graphic designer, Marketing, Advertisement, Video editor, Translator, Content creator, Social media handler, Page designer, Photographer, Executive producer ಮುಂತಾದ ಇನ್ನಿತರ ಹಲವು ಹುದ್ದೆಗಳಿಗೆ ಉದ್ಯೋಗಾವಕಾಶಗಳು ಲಭ್ಯವಿವೆ * ಮುಂಬೈ, ಚೆನ್ನೈ, ಹೈದರಾಬಾದ್, ಕೇರಳ, ಬೆಂಗಳೂರು, ಮಂಗಳೂರು, ಹುಬ್ಬಳ್ಳಿ ಮತ್ತು ಶಿವಮೊಗ್ಗ ಮುಂತಾದ ಮಹಾನಗರಗಳಲ್ಲಿ ಹಾಗೂ ಮಂಗಳೂರು, ಉಡುಪಿ, ಬೆಳ್ತಂಗಡಿ, ಪುತ್ತೂರು ಮುಂತಾದ ಸ್ಥಳೀಯ ಪ್ರದೇಶಗಳಲ್ಲಿ ಉದ್ಯೋಗ ಅವಕಾಶಗಳು ಇರಲಿವೆ.
ಆಳ್ವಾಸ್ ಕಾಲೇಜಲ್ಲಿ ದೇಶದ ಅತೀ ದೊಡ್ಡ ಉದ್ಯೋಗ ಮೇಳ ಆಗಸ್ಟ್ 1,2ರಂದು ಮೂಡಬಿದಿರೆಯಲ್ಲಿ ಆಳ್ವಾಸ್ ಪ್ರಗತಿ-2025 ಹೆಸರಲ್ಲಿ ನಡೆಯಲಿದೆ. 300+ ಕಂಪನಿಗಳು ಭಾಗಿ: ಸಾವಿರಾರು ಜನರಿಗೆ ಉದ್ಯೋಗ ನೀಡಲಿವೆ. 15ರಿಂದ 20 ಸಾವಿರ ಉದ್ಯೋಗ ಆಕಾಂಕ್ಷಿಗಳು ಭಾಗಿ ಸಾಧ್ಯತೆ ಇದೆ.

ರಿಜಿಸ್ಟರ್ ಹೇಗೆ…?
alvaspragati.com ವೆಬ್ ಮೂಲಕ ತಾವು ರಿಜಿಸ್ಟರ್ ಆಗಬಹುದು.
ಎಸ್ ಎಸ್ ಎಲ್ ಸಿಯಿಂದ ಹಿಡಿದು ಇಂಜಿನಿಯರಿಂಗ್ ಸೇರಿ ದೇಶ ವಿದೇಶದಲ್ಲಿ ಉದ್ಯೋಗಾವಕಾಶಗಳು ಲಭ್ಯವಿದೆ.

ಮಾಹಿತಿಗಾಗಿ:
Alvaspragathi.com ವೆಬ್ಸೈಟ್ ವೀಕ್ಷಿಸಿ.
9741440490
9611750531
7975223865

ನೀವೂ ಭಾಗವಹಿಸಿ… ನಿಮ್ಮ ಸ್ನೇಹಿತರಿಗೂ ಶೇರ್ ಮಾಡಿ…!

Categories
ದಕ್ಷಿಣ ಕನ್ನಡ

6ನೇ ಜಾಗದಲ್ಲಿ ಅಸ್ತಿ ಪಂಜರ ಪತ್ತೆ!.. ಇದೀಗ ಮತ್ತೊಂದು ಸಸ್ಪೆನ್ಸ್!

6ನೇ ಜಾಗದಲ್ಲಿ ಅಸ್ತಿ ಪಂಜರ ಪತ್ತೆ!.. ಇದೀಗ ಮತ್ತೊಂದು ಸಸ್ಪೆನ್ಸ್!
– ಧರ್ಮಸ್ಥಳ ವಿವಾದದಲ್ಲಿ ಅನಾಮಿಕನೇ ಕಳ್ಳ ಎಂದ ಗ್ರಾಪಂ ಅಧ್ಯಕ್ಷ
– ಚಿನ್ನ, ವಸ್ತು ದೋಚಿ ಈಗ ನಾಟಕ: ಹೆಚ್ಚಿದ ಕುತೂಹಲ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಬೆಳ್ತಂಗಡಿ: ಧರ್ಮಸ್ಥಳದಲ್ಲಿ ನೂರಾರು ಶವಗಳನ್ನು ಹೂತಿಟ್ಟ ಪ್ರಕರಣ ಸುಳ್ಳೋ ಸತ್ಯವೋ ಎಂಬ ನೂರಾರು ಚರ್ಚೆ, ಎಸ್ ಐ ಟಿ ತನಿಖೆ ನಡುವೆ ಇದೀಗ 6ನೇ ಜಾಗದಲ್ಲಿ ಅಸ್ತಿ ಪಂಜರ ಪತ್ತೆ ಆಗಿದೆ.
ಮತ್ತೊಂದು ಕುತೂಹಲಕಾರಿ ಬೆಳವಣಿಗೆಯಲ್ಲಿ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷರಾದ ಹಾಗೂ ಪ್ರಸ್ತುತ ವಕೀಲರಾಗಿರುವ ಕೇಶವ ಗೌಡ ಅವರು ನೀಡಿರುವ ಹೇಳಿಕೆ ಮತ್ತಷ್ಟು ಕುತೂಹಲವನ್ನು ಕೆರಳಿಸಿದೆ. ಅನಾಮಿಕ ವ್ಯಕ್ತಿ ಯಾರು ಎನ್ನುವುದು ಇಡೀ ಧರ್ಮಸ್ಥಳಕ್ಕೆ ಈಗ ಗೊತ್ತಾಗಿದೆ. ಆತ ನಟೋರಿಯಸ್ ಕೆಲಸ ಮಾಡಿದ್ದರಿಂದ, ಕ್ಷೇತ್ರದಿಂದಲೇ ಉಚ್ಚಾಟನೆಯಾಗಿದ್ದ. ಸಾವಿರಾರು ಜನರು ಧರ್ಮಸ್ಥಳಕ್ಕೆ ಆಗಮಿಸುತ್ತಿದ್ದರು, ಅನೇಕ ಸಮಸ್ಯೆಗಳಿಂದ ನೊಂದಿದ್ದ ಅವರು ಇಲ್ಲಿ ತಮ್ಮ ಜೀವನವನ್ನು ಅಂತ್ಯ ಮಾಡಿಕೊಳ್ಳುತ್ತಿದ್ದರು.‌ ಆ ಸಂದರ್ಭದಲ್ಲಿ ಶವವನ್ನು ಸಂಸ್ಕಾರ ಮಾಡುವುದೇ ಬಹಳ ಕಷ್ಟಕರ ವಿಚಾರವಾಗಿತ್ತು.‌ ಅನಾಮಿಕ ವ್ಯಕ್ತಿಯು ಶವವನ್ನು ಸಂಸ್ಕಾರ ಮಾಡುವ ಸಂದರ್ಭದಲ್ಲಿ, ತೀರಿಕೊಂಡವರ ಬಳಿ ಇದ್ದ ಹಣ ಒಡವೆಗಳನ್ನು ಕದಿಯುತ್ತಿದ್ದ. ಹೀಗಾಗಿ 2014 ರಿಂದ ಅನಾಮಿಕ ವ್ಯಕ್ತಿಯನ್ನು ಕೆಲಸದಿಂದ ತೆಗೆದು ಹಾಕಲಾಗಿತ್ತು. ಈ ಸಂಗತಿಗಳ ಹಿಂದೆ ಒಬ್ಬ ವ್ಯಕ್ತಿಯ ಕೈವಾಡವಿದ್ದು, ಅದು ಯಾರು ಎನ್ನುವುದು ಚೆನ್ನಾಗಿ ಗೊತ್ತಿದೆ. ಕ್ಷೇತ್ರದ ಮೇಲೆ ಆರೋಪ ಹೊರೆಸುವವರಿಗೆ ದೇವರು ತಕ್ಕ ಪಾಠವನ್ನು ಕಲಿಸುತ್ತಾನೆ ಎನ್ನುವ ಮಾತುಗಳನ್ನು ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

Categories
ಕರಾವಳಿ

ಟಾಪ್ ನ್ಯೂಸ್ ಕರಾವಳಿ

ಟಾಪ್ ನ್ಯೂಸ್ ಕರಾವಳಿ

* ಸುಳ್ಯ: ಕೊಕ್ಕೋ ಬೆಳೆಗೆ ಕಪ್ಪು ಕಾಯಿ ರೋಗ
* ಕಾಪು: ಕಡಲ್ಗೊರೆತ ವೀಕ್ಷಣೆ ಮಾಡಿದ ಕಂದಾಯ ಸಚಿವರು
* ಬಂಟ್ವಾಳ: ಕೆಲಸಕ್ಕೆಂದು ತೆರಳಿದ್ದ ವ್ಯಕ್ತಿ ನಾಪತ್ತೆ

* ಸುಳ್ಯ: ಕೊಕ್ಕೋ ಬೆಳೆಗೆ ಕಪ್ಪು ಕಾಯಿ ರೋಗ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್

ಸುಳ್ಯ: ಗಾಯದ ಮೇಲೆ ಬರೆ ಎಳೆದಂತೆ ಎಂಬ ಮಾತಿನಂತೆ ಮಳೆಯ ತೀವ್ರತೆಯಿಂದಾಗಿ ಅಡಿಕೆಗೆ ಕೊಳೆ ರೋಗ ಬಂದಂತೆ, ಇದೀಗ ಕೊಕ್ಕೋ ಬೆಳೆಗೆ ಕಪ್ಪು ಕಾಯಿ ರೋಗ ತಗಲುವ ಮೂಲಕ ಮತ್ತಷ್ಟು ನಷ್ಟ ಉಂಟಾಗುತ್ತಿದೆ. ಕಳೆದ ಕೆಲವು ವರ್ಷಗಳಿಂದ ಕೊಕ್ಕೋ ಬೆಳೆಗೆ ಉತ್ತಮ ಬೆಲೆಯಿದ್ದು, ಬೆಳೆಗಾರರಿಗೆ ಆರ್ಥಿಕವಾಗಿ ಅನುಕೂಲಕರವಾಗಿತ್ತು. ಇದೀಗ ಕೊಕ್ಕೋ ಬೆಳೆಗೂ ಈ ರೀತಿ ರೋಗ ಹರಡುತ್ತಿರುವುದರಿಂದ ಅಪಾರ ಪ್ರಮಾಣದ ಹಾನಿಯುಂಟಾಗುತ್ತಿದೆ. ಎಷ್ಟೇ ಮುನ್ನೆಚ್ಚರಿಕೆಯ ಕ್ರಮಗಳನ್ನು ಕೈಗೊಂಡರೂ ರೋಗದ ಸಮಸ್ಯೆ ಇದ್ದಿದ್ದೆ. ಇದೀಗ ಮತ್ತಷ್ಟು ಉಲ್ಬಣಗೊಂಡಿದೆ ಎನ್ನುವುದು ಕೃಷಿಕರ ಅಳಲು. ಕೊಕ್ಕೋ ಬೆಳೆಯುವ ಪ್ರದೇಶಗಳಲ್ಲಿ ಈ ರೋಗವು ಸಾಮಾನ್ಯವಾಗಿ ಜುಲೈ ಆಗಸ್ಟ್ ತಿಂಗಳಿನಲ್ಲಿ, ಅಂದರೆ ಮಳೆಗಾಲದಲ್ಲಿ ತಗಲುತ್ತದೆ. ರೋಗ ತಗುಲಿರುವ ಕಾಯಿಗಳು ಹಸಿರು ಕಂದು ಬಣ್ಣದಿಂದ, ಕಪ್ಪು ಬಣ್ಣಕ್ಕೆ ತಿರುಗಿ ಕರಟುವುದರಿಂದ ಕಪ್ಪು ಕಾಯಿ ರೋಗ ಎಂದು ಕರೆಯುತ್ತಾರೆ. ಫೈಟೊ ಫ್ತೋರಾ ಪಾಲ್ಮಿವೋರಾ ಎಂಬ ಶಿಲ್ಲೀಂಧ್ರ ಈ ರೋಗವನ್ನು ಹರಡುತ್ತದೆ ಎನ್ನಲಾಗಿದೆ. ಸರಿಯಾದ ಕ್ರಮವನ್ನು ಅನುಸರಿಸುವ ಮೂಲಕ ಇದನ್ನು ನಿಯಂತ್ರಿಸಬಹುದು ಎಂದು ವಿಜ್ಞಾನಿಗಳಾದ ಡಾ.‌ ವಿನಾಯಕ ಹೆಗ್ಡೆ ಅವರು ತಿಳಿಸಿದ್ದಾರೆ.

* ಕಾಪು: ಕಡಲ್ಗೊರೆತ ವೀಕ್ಷಣೆ ಮಾಡಿದ ಕಂದಾಯ ಸಚಿವರು

ಕಾಪು: ಉಡುಪಿ ಜಿಲ್ಲೆಗೆ ಕಂದಾಯ ಇಲಾಖೆಗೆ ಸಂಬಂಧಿಸಿದಂತೆ ನಡೆದ ಪ್ರಗತಿಯ ಪರಿಶೀಲನೆಗಾಗಿ ಆಗಮಿಸಿದ್ದ, ಕಂದಾಯ ಸಚಿವರಾದ ಕೃಷ್ಣಭೈರೇಗೌಡರು ಕಾಪು ತಾಲ್ಲೂಕಿಗೆ ಭೇಟಿ ನೀಡಿ, ಮೂಳೂರು ಗ್ರಾಮದ ತೊಟ್ಟಂನಲ್ಲಿ ಕಡಲ್ಗೊರೆತದಿಂದ ಹಾನಿಗೊಂಡ ಪ್ರದೇಶಗಳನ್ನು ವೀಕ್ಷಿಸಿದರು. ಬಳಿಕ ಅದಕ್ಕೆ ಸಂಬಂಧಿಸಿದಂತೆ ಮಾತನಾಡಿದ ಸಚಿವರು ಕಳೆದ ಇಪ್ಪತ್ತು ಮೂವತ್ತು ವರ್ಷಗಳಿಂದ ಮಳೆಗಾಲದ ಸಂದರ್ಭದಲ್ಲಿ ಈ ರೀತಿಯ ಸಮಸ್ಯೆಗಳು ತಲೆದೋರುತ್ತಿದ್ದು, ಇದಕ್ಕೆ ಶಾಶ್ವತವಾಗಿ ಪರಿಹಾರವನ್ನು ಒದಗಿಸುವ ನಿಟ್ಟಿನಲ್ಲಿ ಮದರಾಸು ಐಐಟಿ ತಜ್ಞರಿಗೆ ಈಗಾಗಲೇ ವರದಿಯನ್ನು ಸಲ್ಲಿಸಲಾಗಿದೆ. ಪ್ರತಿ ನೂರು ಮೀಟರ್ ಗೆ ಹದಿನೈದು ಕೋಟಿ ವೆಚ್ಚ ತಗಲುತ್ತದೆ. ಹೀಗಾಗಿ ಪರಿಶೀಲನೆಯನ್ನು ನಡೆಸಿ, ಯೋಜನೆಯನ್ನು ರೂಪಿಸಲಾಗುವುದು ಎಂದು ತಿಳಿಸಿದರು.

* ಬಂಟ್ವಾಳ: ಕೆಲಸಕ್ಕೆಂದು ತೆರಳಿದ್ದ ವ್ಯಕ್ತಿ ನಾಪತ್ತೆ

ಬಂಟ್ವಾಳ: ಕಡೇಶ್ವಾಲ್ಯ ಗ್ರಾಮದ ನಿವಾಸಿ, ನೀರು ಶುದ್ಧೀಕರಣ ಯಂತ್ರದ ಕಂಪನಿಯೊಂದರಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಹೇಮಂತ್ ಎನ್ನುವ ವ್ಯಕ್ತಿ ಜುಲೈ ಇಪ್ಪತ್ತೇಳರಂದು ಕೆಲಸಕ್ಕೆಂದು ತೆರಳಿದವರು ಮನೆಗೆ ಮರಳಿ ಬಂದಿಲ್ಲ. ಅವರ ಹುಡುಕಾಟದಲ್ಲಿದ್ದ ಸಂದರ್ಭದಲ್ಲಿ, ಜುಲೈ ಇಪ್ಪತ್ತೆಂಟರಂದು ಜಕ್ರಿಬೆಟ್ಟು ಕಿಂಡಿ ಅಣೆಕಟ್ಟಿನ ಬಳಿ ಹೇಮಂತ್ ಅವರ ಸ್ಕೂಟರ್ ಮತ್ತು ಮೊಬೈಲ್ ಕಂಡುಬಂದ ಹಿನ್ನೆಲೆಯಲ್ಲಿ ನದಿಗೆ ಬಿದ್ದಿರಬಹುದು ಎಂದು ಅನುಮಾನ ವ್ಯಕ್ತಗೊಂಡಿದ್ದು, ನೇತ್ರಾವತಿ ನದಿಯಲ್ಲಿ ಪರಿಶೀಲನೆ ನಡೆಸಿದರು ಸಹ ಪತ್ತೆಯಾಗಲಿಲ್ಲ. ಅಗ್ನಿಶಾಮಕ ದಳದವರೊಂದಿಗೆ ಸ್ಥಳೀಯರು ಜೊತೆಗೂಡಿ ಎಲ್ಲೆಡೆ ಹುಡುಕಾಟ ನಡೆಸಿದರು ಹೇಮಂತ್ ಗೆ ಸಂಬಂಧಿಸಿದಂತೆ ಯಾವುದೇ ಸುಳಿವು ಇಂದಿಗೂ ಲಭ್ಯವಾಗಿಲ್ಲ. ಕಳೆದ ಎರಡು ತಿಂಗಳಿನಿಂದ ಹೇಮಂತ್ ಯಾವುದೋ ವಿಚಾರವೊಂದಕ್ಕೆ ಬೇಸರ ಮಾಡಿಕೊಂಡು, ಮನೆಯಲ್ಲಿ ಯಾರೊಂದಿಗೂ ಸೇರದೆ ಒಬ್ಬಂಟಿಯಾಗಿ ಇರುತ್ತಿದ್ದ ಎನ್ನುವ ಸಂಗತಿ ತಿಳಿದು ಬಂದಿದೆ. ಘಟನೆಗೆ ಸಂಬಂಧಿಸಿದಂತೆ ಬಂಟ್ವಾಳ ಪೊಲೀಸ್ ಠಾಣೆಯಲ್ಲಿ ದೂರು ನೀಡಲಾಗಿದ್ದು, ಅಲ್ಲಿನ ಪೊಲೀಸರು ಮಂಗಳೂರು ನಗರದ ಪೊಲೀಸರಿಗೆ ನದಿಯಲ್ಲಿ ಯಾವುದೇ ಮೃತದೇಹ ಪತ್ತೆಯಾದರೆ ಮಾಹಿತಿ ನೀಡಬೇಕೆಂದು ಕೇಳಿಕೊಂಡಿದ್ದಾರೆ.

Categories
ಕರಾವಳಿ

ಕುಂದಾಪುರ: ತಲೆಮರೆಸಿಕೊಂಡಿದ್ದ ಆರೋಪಿಯ ಬಂಧನ

* ಕುಂದಾಪುರ: ತಲೆಮರೆಸಿಕೊಂಡಿದ್ದ ಆರೋಪಿಯ ಬಂಧನ

* ಉಡುಪಿ: ಬ್ರಹ್ಮಾವರ: ಅಕ್ರಮ ಮರಳು ಸಾಗಾಟ; ಪ್ರಕರಣ ದಾಖಲು

* ಪುತ್ತೂರು: ಭಾರತ್ ಆ್ಯಂಬುಲೆನ್ಸ್ ಲೋಕಾರ್ಪಣೆ

* ಮಂಗಳೂರು: ಚಾಲಕನಿಲ್ಲದ ಕಾರಿನಲ್ಲಿ ಸಂಚರಿಸಿದ ಯು ಟಿ ಖಾದರ್

* ಭಟ್ಕಳ: ಜಾಲಿ ಕಡಲ ತೀರದಿಂದ ನಾಲ್ವರು ಮೀನುಗಾರರು ನಾಪತ್ತೆ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್

* ಕುಂದಾಪುರ: ತಲೆಮರೆಸಿಕೊಂಡಿದ್ದ ಆರೋಪಿಯ ಬಂಧನ

ಕುಂದಾಪುರ: ಕಾಸರಗೋಡು ಮೂಲದ ಫಾರೂಕ್ ಎಂಬ ಆರೋಪಿಯ ವಿರುದ್ಧ ಎಲ್. ಪಿ.ಸಿ ವಾರೆಂಟ್ ಜಾರಿಗೊಳಿಸಲಾಗಿದ್ದು, ಶಂಕರನಾರಾಯಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಆದರೆ 2004 ರಿಂದ ನ್ಯಾಯಾಲಯದ ವಿಚಾರಣೆಯ ಸಂದರ್ಭದಲ್ಲಿ ಹಾಜರಾಗದೆ ತಲೆಮರಿಸಿಕೊಂಡಿದ್ದ. ಇದೀಗ ಫಾರೂಕ್ ನನ್ನು ವಿಶೇಷ ಪೊಲೀಸರ ತಂಡವೊಂದು ರಾಮನಗರ ಜಿಲ್ಲೆಯ ಮಾಗಡಿಯಲ್ಲಿ ಬಂಧಿಸಿ, ಉಡುಪಿಗೆ ಕರೆತರಲಾಗಿದ್ದು, ನ್ಯಾಯಾಧೀಶರು ಆರೋಪಿಗೆ ನ್ಯಾಯಾಂಗ ಬಂಧನವನ್ನು ವಿಧಿಸಿದ್ದಾರೆ.

* ಉಡುಪಿ: ಬ್ರಹ್ಮಾವರ: ಅಕ್ರಮ ಮರಳು ಸಾಗಾಟ; ಪ್ರಕರಣ ದಾಖಲು.

ಉಡುಪಿ: ಬ್ರಹ್ಮಾವರ: ಪ್ರಶಾಂತ್ ಕುಮಾರ್ ಎಂಬ ವ್ಯಕ್ತಿಯು ಮರಳನ್ನು ಟಿಪ್ಪರ್ ನಲ್ಲಿ ತುಂಬಿಸಿಕೊಂಡು, ಬ್ರಹ್ಮಾವರದ ಕಡೆಯಿಂದ ನಿಟ್ಟೂರಿನೆಡೆಗೆ ತೆರಳುತ್ತಿದ್ದನು. ಬ್ರಹ್ಮಾವರದ ಅಮ್ಮುಂಜೆ ಬಳಿಯ ಸರಕಾರಿ ಜಾಗದಲ್ಲಿ ರಾಶಿ ಹಾಕಿದ್ದ ಮರಳನ್ನು ಯಾವುದೇ ಪರವಾನಗಿ ಇಲ್ಲದೆ, ಅಕ್ರಮವಾಗಿ ಸಾಗಾಟ ಮಾಡುತ್ತಿದ್ದನು ಎಂಬ ಸಂಗತಿ ತಿಳಿದು ಬಂದಿದೆ. ಟಿಪ್ಪರ್ ನಲ್ಲಿ 1.5 ಯೂನಿಟ್ ನಷ್ಟು ಮರಳಿತ್ತು ಎನ್ನಲಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

* ಪುತ್ತೂರು: ಭಾರತ್ ಆ್ಯಂಬುಲೆನ್ಸ್ ಲೋಕಾರ್ಪಣೆ

ಪುತ್ತೂರು: ನೆಲ್ಯಾಡಿ ಪ್ರದೇಶದಲ್ಲಿ ಭಾರತ್ ಆ್ಯಂಬುಲೆನ್ಸ್ ಬುಧವಾರದಂದು ಲೋಕಾರ್ಪಣೆಗೊಂಡಿತು. ಈ ಕಾರ್ಯಕ್ರಮದಲ್ಲಿ ಆ್ಯಂಬುಲೆನ್ಸ್ ನ ಮಾಲೀಕರಾದ ಅಬ್ದುಲ್ ಸಲಾಂ ಅವರನ್ನು ಸನ್ಮಾನಿಸಲಾಯಿತು. ಜಿಲ್ಲಾ ಪಂಚಾಯತ್ ಸದಸ್ಯರಾದ ವರ್ಗೀಸ್, ದಿವಾಕರ್ ಗೌಡ ಶಿರಾಡಿ, ಉದನೆ ಸೆಂಟ್ ಥಾಮಸ್ ಫೊರೇನ್ ಚರ್ಚ್ ನ ಫಾದರ್ ಸಿಬಿ ಥಾಮಸ್ ಪಣಿಚಿಕ್ಕಲ್, ಮಲೆನಾಡು ಜನಹಿತ ರಕ್ಷಣಾ ವೇದಿಕೆಯ ಸಂಚಾಲಕರಾದ ಕಿಶೋರ್ ಶಿರಾಡಿ, ಬ್ಯಾಂಕ್ ಆಫ್ ಬರೋಡ ಉದನೆ ಶಾಖೆಯ ಮ್ಯಾನೇಜರ್, ಸಿಬ್ಬಂದಿಗಳು, ಶಿರಾಡಿ ಗ್ರಾಮ ಪಂಚಾಯಿತಿ ಸದಸ್ಯರು, ಉದನೆ ಹಾಲು ಉತ್ಪಾದಕರ ಸಹಕಾರ ಸಂಘದ ಸಿಬ್ಬಂದಿಗಳು, ಆಟೋ ಚಾಲಕರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

* ಮಂಗಳೂರು: ಚಾಲಕನಿಲ್ಲದ ಕಾರಿನಲ್ಲಿ ಸಂಚರಿಸಿದ ಯು ಟಿ ಖಾದರ್

ಮಂಗಳೂರು: ಅಮೆರಿಕಾದ ಬೋಸ್ಟನ್ ನಲ್ಲಿ ನಡೆಯುತ್ತಿರುವ ಅಂತರಾಷ್ಟ್ರೀಯ ಸಭಾಧ್ಯಕ್ಷರ ಸಮ್ಮೇಳನದಲ್ಲಿ ಭಾಗವಹಿಸಲು ತೆರಳಿರುವ ಕರ್ನಾಟಕದ ವಿಧಾನಸಭಾಧ್ಯಕ್ಷರಾದ ಯು ಟಿ ಖಾದರ್ ಚಾಲಕನಿಲ್ಲದ ಕಾರಿನಲ್ಲಿ ಸಂಚರಿಸುತ್ತಿರುವ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಚಾಲಕನಿಲ್ಲದೆ ಕಾರು ಎಲೆಕ್ಟ್ರಿಕ್ ಸಹಾಯದಿಂದ ಸಂಚರಿಸುವ ಸಂಗತಿಯನ್ನು ಎಲ್ಲರೂ ಕೇಳಿದ್ದಾರೆ. ಅಂತಹ ಕಾರಿನಲ್ಲಿ ಸಭಾಧ್ಯಕ್ಷರು ಅಮೇರಿಕಾದಲ್ಲಿ ಸಂಚಾರ ನಡೆಸುತ್ತಿರುವ ಸುದ್ಧಿ ವ್ಯಾಪಕವಾಗಿ ಹರಡಿದೆ.

* ಭಟ್ಕಳ: ಜಾಲಿ ಕಡಲ ತೀರದಿಂದ ನಾಲ್ವರು ಮೀನುಗಾರರು ನಾಪತ್ತೆ

ಭಟ್ಕಳ: ಸಾಂಪ್ರದಾಯಿಕ ದೋಣಿಯಲ್ಲಿ ಬುಧವಾರದಂದು ನಾಲ್ವರು ಮೀನುಗಾರರು ಮೀನುಗಾರಿಕೆ ನಡೆಸಲು ತೆರಳಿದ್ದು, ಅಲೆಗಳ ರಭಸಕ್ಕೆ ಮೀನುಗಾರರಿದ್ದ ದೋಣಿ ಮುಗುಚಿ ಬಿದ್ದಿದ್ದು, ಅಲೆಗಳ ಮೇಲೆ ತೇಲಿಕೊಂಡು, ದಡಕ್ಕೆ ಬಂದು ತಲುಪಿದೆ. ಆದರೆ ದೋಣಿಯಲ್ಲಿದ್ದ ನಾಲ್ವರು ಮೀನುಗಾರರು ನಾಪತ್ತೆಯಾಗಿದ್ದಾರೆ.‌ ಸಮುದ್ರದ ಅಲೆಗಳಿಗೆ ಸಿಲುಕಿ ಮೀನುಗಾರರು ಕಣ್ಮರೆಯಾಗಿರಬಹುದು ಎನ್ನುವುದು ಸ್ಥಳೀಯರ ಅಭಿಪ್ರಾಯವಾಗಿದೆ. ದೋಣಿಯಲ್ಲಿ ಆರು ಜನ ಮೀನುಗಾರಿಕೆಗೆ ತೆರಳಿದ್ದು ಅದರಲ್ಲಿ ಇಬ್ಬರು ಅಲೆಗಳ ರಭಸದ ನಡುವೆಯೇ ಈಜಿಕೊಂಡು ದಡವನ್ನು ಸೇರಿದ್ದಾರೆ. ಜಾಲಿ ಕಡಲ ತೀರಕ್ಕೆ ಭೇಟಿ ನೀಡಿದ ಪೊಲೀಸರು, ರಾಮಕೃಷ್ಣ ಮೊಗೇರ, ಸತೀಶ್ ಮೊಗೇರ, ಗಣೇಶ್ ಮೊಗೇರ ಮತ್ತು ನಿಶ್ಚಿತ್ ಮೊಗೇರ ಎನ್ನುವವರು ಪತ್ತೆಯಾಗಿಲ್ಲ ಎಂದು ಮಾಹಿತಿ ನೀಡಿದ್ದಾರೆ.

Categories
ತೀರ್ಥಹಳ್ಳಿ

ಸಾಮಾಜಿಕ ಸೇವೆಯ ಜನ ಸೇವಕ ಲಯನ್ಸ್ ಪಾಂಡುರಂಗಪ್ಪ

ಸಾಮಾಜಿಕ ಸೇವೆಯ ಜನ ಸೇವಕ ಲಯನ್ಸ್ ಪಾಂಡುರಂಗಪ್ಪ
– ಧಾರ್ಮಿಕ ಕಾರ್ಯದಲ್ಲಿ ಮುಂಚೂಣಿಯಲ್ಲಿ ಇರುವ ಏಕೈಕ ವ್ಯಕ್ತಿ
– 70ನೇ ವರ್ಷದ ಜನ್ಮ ದಿನದ ಶುಭಾಶಯಗಳು

NAMMUR EXPRESS NEWS
ತೀರ್ಥಹಳ್ಳಿ ತಾಲೂಕಿನ ಸಾಮಾಜಿಕ, ಧಾರ್ಮಿಕ ಸೇವೆಯಲ್ಲಿ ಮುಂಚೂಣಿ ಹೆಸರು ಲಯನ್ಸ್ ಪಾಂಡುರಂಗಪ್ಪ. ತಮ್ಮ ಕೈಯಲ್ಲಿ ಇರಲಿ ಬಿಡಲಿ ಇಡೀ ತಾಲೂಕು ಸೇರಿ ಮಲೆನಾಡ ಅನೇಕ ಸಾಮಾಜಿಕ ಕೆಲಸಗಳು ಹಾಗೂ ಇತರೆ ಕೆಲಸಗಳಿಗೆ ತಮ್ಮದೇ ಕೊಡುಗೆ ನೀಡಿರುವ ಮಹಾನ್ ವ್ಯಕ್ತಿ. ಇದೀಗ ಅವರು 70ನೇ ವರ್ಷದ ಜನ್ಮ ದಿನದ ಸಂಭ್ರಮದಲ್ಲಿದ್ದಾರೆ.
ಹೌದು. ಜುಲೈ 31ಕ್ಕೆ ಅವರಿಗೆ 70 ವರ್ಷ ತುಂಬುತ್ತದೆ. ಈ ಸಂದರ್ಭದಲ್ಲಿ ಅವರ ಸಾವಿರಾರು ಅಭಿಮಾನಿಗಳು, ಸ್ನೇಹಿತರು, ಎಲ್ಲಾ ಕ್ಷೇತ್ರದ ಗಣ್ಯರು ಅಭಿಮಾನದಿಂದ ಶುಭಾಶಯ ಸಲ್ಲಿಸಿದ್ದಾರೆ. ಜತೆಗೆ ದೇವರು ಇನ್ನಷ್ಟು ಸೇವೆ ಮಾಡಲು ಶಕ್ತಿ, ಆಯುಷ್ಯ, ಐಶ್ವರ್ಯ, ಅರೋಗ್ಯ ನೀಡಲಿ ಎಂದು ಪ್ರಾರ್ಥಿಸಿದ್ದಾರೆ.

– ಶ್ರಮದಿಂದಲೇ ದುಡಿಮೆ ಜತೆಗೆ ಸಮಾಜ ಸೇವೆ..!

ರಾಮಕೃಷ್ಣ ವೈನ್ಸ್ ಎಂಬ ಉದ್ಯಮದ ಜತೆಗೆ ತಮ್ಮ ಕೈಯಲ್ಲಿ ಆದಷ್ಟು ಸೇವೆ ಮಾಡಿದ ಪಾಂಡುರಂಗಣ್ಣ ಲಯನ್ಸ್, ರೋಟರಿ ಸೇರಿ ನೂರಾರು ಸಮಾಜ ಸೇವಾ ಸಂಘ ಸಂಸ್ಥೆಗಳ ರೂವಾರಿ.
ಈಡಿಗ ಸಮುದಾಯದ ಪ್ರಭಾವಿ ನಾಯಕರು ಆಗಿರುವ ಪಾಂಡುರಂಗಪ್ಪ ಅವರು ಆರ್ಯ ಈಡಿಗ ಸಂಘ ತೀರ್ಥಹಳ್ಳಿ
ನಿರ್ದೇಶಕರು, ಶಿವಮೊಗ್ಗ ಬ್ರಹ್ಮಶ್ರೀ ನಾರಾಯಣ ಗುರು ಸಹಕಾರ ಸಂಘದ ನಿರ್ದೇಶಕರಾಗಿ, ಕವಲೆದುರ್ಗ ಸೊಸೈಟಿ ನಿರ್ದೇಶಕರು ಹಾಗೆಯೇ ರಾಮೇಶ್ವರ ದೇವಸ್ಥಾನದ ಭಕ್ತರು, ಲಯನ್ಸ್ ಆಜೀವ ಸದಸ್ಯರು. ನೂರಾರು ಸಂಘ ಸಂಸ್ಥೆಗಳ ಸದಸ್ಯರು.

– ಧಾರ್ಮಿಕ ಕಾರ್ಯದಲ್ಲಿ ಮುಂಚೂಣಿಯಲ್ಲಿ ಇರುವ ಏಕೈಕ ವ್ಯಕ್ತಿ..!!

ಹೊನ್ನಪ್ಪ ಹಾಗೂ ಶಾರದಮ್ಮ ರವರ ಮೊದಲನೇ ಪುತ್ರರಾದ ಇವರು ಅಬಕಾರಿ ಗುತ್ತಿಗೆದಾರರಾದ ಎಚ್. ಇ. ಎಬ್ರಾಹಿಂ ಸಾಹೇಬರ ಕಂಪನಿಯಲ್ಲಿ ಮ್ಯಾನೇಜರ್ ಅಗಿದ್ದರು. ತೀರ್ಥಹಳ್ಳಿ ಹಳ್ಳಿ ಹಳ್ಳಿಯಲ್ಲೂ ಚಿರಪರಿಚಿತರಾಗಿರುವ ಪಾಂಡುರಂಗಪ್ಪ ಸೌಮ್ಯ ಸ್ವಭಾವದ ಮಾನವೀಯ ನಾಯಕರು. ಯಾವುದೇ ಜಾತಿ, ಧರ್ಮದ ಹಂಗಿಲ್ಲದೆ ಎಲ್ಲರಿಗೂ ಪ್ರೀತಿ ತೋರುವ ವ್ಯಕ್ತಿತ್ವ.
ಹೊಸದುರ್ಗ ತಾಲೂಕಿನ ದೊಡ್ಡಘಟ್ಟ ಅನ್ನುವಲ್ಲಿ ಜನಿಸಿದ ಅವರು ತೀರ್ಥಹಳ್ಳಿಯನ್ನು ತನ್ನ ಕಾರ್ಯಕ್ಷೇತ್ರವಾಗಿಸಿಕೊಂಡವರು. 45 ವರ್ಷಗಳ ಹಿಂದೆ ಇಬ್ರಾಹಿಂ ಸಾಹೇಬರ ಜೊತೆಗೆ ಅಂದಿನ ಸಾರಾಯಿ ವ್ಯಾಪಾರದಲ್ಲಿದ್ದು ಏಳು ಬೀಳು ನಡುವೆ ಕೂಡ ಎಂದು ಸಮಾಜಕ್ಕೆ ತನ್ನ ಸೇವೆ ನಿಲ್ಲಿಸಿಲ್ಲ. ಈ ಇಳಿ ವಯಸ್ಸಿನಲ್ಲಿ ಕೂಡ ತೀರ್ಥಹಳ್ಳಿಯಲ್ಲಿ ನಡೆಯುವ ಎಲ್ಲಾ ಕಾರ್ಯಕ್ರಮ, ಧಾರ್ಮಿಕ ಕಾರ್ಯದಲ್ಲಿ ಮುಂಚೂಣಿಯಲ್ಲಿರುವ ಏಕೈಕ ವ್ಯಕ್ತಿ.

ಮಕ್ಕಳು ಕೂಡ ತಂದೆಯ ಹಾದಿಯಲ್ಲಿ ಸೇವೆ

ಲಯನ್ಸ್ ಪಾಂಡುರಂಗಪ್ಪ ಅವರ ಸಾಮಾಜಿಕ ಸೇವಾ ಕೆಲಸವನ್ನು ಅವರ ಮಕ್ಕಳು ಕೂಡ ಮುಂದುವರಿಸುತ್ತಿದ್ದಾರೆ. ಇವರಿಗೆ 4 ಜನ ಮಕ್ಕಳು. ತೀರ್ಥಹಳ್ಳಿಯಲ್ಲಿ ಅನೇಕ ಸಂಘ ಸಂಸ್ಥೆಗಳಲ್ಲಿ ಸೇವೆಯಲ್ಲಿರುವ ಉದ್ಯಮಿ ವಿಶಾಲಕುಮಾರ್, ದಂತ ವೈದ್ಯ ಡಾ.ರೋಹಿತ್, ಇಂಜಿನಿಯರ್ ರೇವಂತ್, ಮಗಳು ಉಷಾ, ಪತ್ನಿ ವೈಷ್ಣವಿ ರಂಗನಾಥ್, ಮೊಮ್ಮಕ್ಕಳು ಹಾಗೂ ಇದ್ದಾರೆ. ಸುರಾನಿಯಲ್ಲಿ ನಿವಾಸದಲ್ಲಿ ನೆಲೆಸಿದ್ದಾರೆ.

ಜನ್ಮ ದಿನದ ಶುಭಾಶಯಗಳು

Categories
ಕಾರ್ಕಳ

ಎಕನೋವನ್ಸಾ ವಿವಿಧ ಸ್ಪರ್ಧಾವಳಿ..!!

ಎಕನೋವನ್ಸಾ ವಿವಿಧ ಸ್ಪರ್ಧಾವಳಿ..!!
– ಕ್ರಿಯೇಟಿವ್ ಕಾಲೇಜಿಗೆ ಚಾಂಪಿಯನ್ ಶಿಪ್ ಗರಿ
– ಪುರಸ್ಕಾರವನ್ನು ಪಡೆದು ಸಂಸ್ಥೆಗೆ ಕೀರ್ತಿ ತಂದ ವಿದ್ಯಾರ್ಥಿಗಳು

NAMMUR EXPRESS NEWS
ಸೈಂಟ್ ಅಲೋಶಿಯಸ್ ಕಾಲೇಜು ಮಂಗಳೂರಿನಲ್ಲಿ ವಾಣಿಜ್ಯ ವಿಭಾಗದ ವಿದ್ಯಾರ್ಥಿಗಳಿಗೆ ಕಾಮರ್ಸ್ ಫೆಸ್ಟ್ ಪ್ರಯುಕ್ತ ನಡೆಸಲ್ಪಟ್ಟ ಎಕನಾವಾಂಝ ಇಂಟರ್ ಕಾಲೇಜುಗಳ ವಿವಿಧ ಸ್ಪರ್ಧಾವಳಿಗಳಲ್ಲಿ ಕ್ರಿಯೇಟಿವ್ ಕಾಲೇಜಿನ ವಿದ್ಯಾರ್ಥಿಗಳು ಸಮಗ್ರ ಪ್ರಶಸ್ತಿ ಪಡೆಯುವುದರ ಮೂಲಕ ಚಾಂಪಿಯನ್ ಶಿಪ್ ನೊಂದಿಗೆ, ನಗದು ಪುರಸ್ಕಾರವನ್ನು ಪಡೆದುಕೊಂಡು ಸಂಸ್ಥೆಗೆ ಕೀರ್ತಿ ತಂದಿರುತ್ತಾರೆ. ವಿದ್ಯಾರ್ಥಿಗಳಾದ ಆದ್ಯ ಪಡ್ರೆ, ಚಿರಾಯು, ಸುಜೀತ್, ಶ್ರೇಯಸ್, ಮಂಗಿಲಲ್, ಅನ್ವಿತ್, ಕಿಶನ್, ಚಿನ್ಮಯ್, ಸೃಷ್ಟಿ, ಅರುಷಿ, ಸೋನಿಯಾ, ಸಂಜನಾ, ಪ್ರೇರಣಾ, ಹರ್ಷಿತ, ಅನಿಷಾ, ವೃದ್ಧಿ, ದ್ಯುತಿ, ಪೂರ್ವಿ ವಿವಿಧ ಸ್ಪರ್ಧೆಯಲ್ಲಿ ಭಾಗವಹಿಸಿ ಕಾಲೇಜಿಗೆ ಸಮಗ್ರ ಪ್ರಶಸ್ತಿಯನ್ನು ತಂದು ಕಾಲೇಜಿನ ಕೀರ್ತಿ ಹೆಚ್ಚಿಸಿರುತ್ತಾರೆ. ವಿದ್ಯಾರ್ಥಿಗಳ ಸಾಧನೆಗೆ ಆಡಳಿತ ಮಂಡಳಿ, ಬೋಧಕ ಬೋಧಕೇತರ ವೃಂದ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.

Categories
ರಾಜ್ಯ

ಮತ್ತೆ ಭಾರೀ ಮಳೆ ಅಲರ್ಟ್!

ಮತ್ತೆ ಭಾರೀ ಮಳೆ ಅಲರ್ಟ್!
– ಮುಂದಿನ 7 ದಿನ ಈ ಭಾಗದಲ್ಲಿ ಮಳೆಯ ಮುನ್ಸೂಚನೆ
– ಭಾರೀ ಮಳೆ ಸಾಧ್ಯತೆ ಎಂದು ಭಾರತೀಯ ಹವಾಮಾನ ಇಲಾಖೆ ಸೂಚನೆ

NAMMUR EXPRESS NEWS 
ಮುಂಗಾರು ಮಳೆ ಆರ್ಭಟ ಇನ್ನೂ ಮುಂದುವರಿದಿದ್ದು, ಕರ್ನಾಟಕ ಸೇರಿದಂತೆ ಅನೇಕ ರಾಜ್ಯಗಳಲ್ಲಿ ಭಾರೀ ಮಳೆ ಸುರಿಸುತ್ತಿದೆ. ಒಂದು ತಿಂಗಳು ಕಳೆದರೂ ಸಹಿತ ನಿಲ್ಲದ ಮಳೆಗೆ ಈ ಭಾಗದ ಜನರು ನಲುಗಿದ್ದಾರೆ. ವಿವಿಧ ಕಡೆಗಳಲ್ಲಿ ಚಂಡಮಾರುತ ಪ್ರಸರಣ, ವಾಯುಭಾರ ಕುಸಿತಗಳು ಸಂಭವಿಸಿವೆ. ಅವುಗಳು ಮತ್ತಷ್ಟು ತೀವ್ರಗೊಂಡ ಹಿನ್ನೆಲೆಯಲ್ಲಿ ಮುಂದಿನ 7 ದಿನಗಳ ಕಾಲ ಬಿರುಗಾಳಿ ಸಹಿತ ಭಾರೀ ಮಳೆ ಆಗುವ ನಿರೀಕ್ಷೆ ಇದೆ ಎಂದು ಭಾರತೀಯ ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.

ಬಂಗಾಳ ಉಪಸಾಗರದಲ್ಲಿ ಮುಂಗಾರು ಸ್ಟ್ರಫ್ ಉಂಟಾಗಿದೆ. ಮಧ್ಯ ಪ್ರದೇಶ ಹಾಗೂ ಅದರ ಸುತ್ತಮುತ್ತಲಿನ ಭಾಗಗಳಲ್ಲಿ ಭಾರೀ ಎತ್ತರದಲ್ಲಿ ಬಿರುಗಾಳಿ ಕೇಂದ್ರೀಕೃತವಾಗಿದೆ. ಚಂಡಮಾರುತ ಪರಿಚಲನೆ ಇದಾಗಿದ್ದು, ಸಮುದ್ರಮಟ್ಟದಿಂದ 7.2 ಕಿಲೋ ಮೀಟರ್ ಎತ್ತರದಲ್ಲಿ ಬೀಸುತ್ತಿದೆ. ಇದರಿಂದ ಮುಂಗಾರು ಸುರಿಸುವ ಮೋಡಗಳು ಒಂದೆಡೆ ಜಮಾಯಿತ್ತಿವೆ. ಮತ್ತೊಂದು ಚಂಡಮಾರುತ ಪರಿಚಲನೆಯು ಪಶ್ಚಿಮ ಬಂಗಾಳ, ಒಡಿಶಾ ಕರಾವಳಿ ಭಾಗ ಅಂದರೆ ಪಶ್ಚಿಮ ಬಂಗಾಳ ವ್ಯಾಪ್ತಿಯಲ್ಲಿವೆ. ಇದು 1.5 ಕಿಲೋ ಮೀಟರ್‌ನಿಂದ 5.8 ಕಿಲೋ ಮೀಟರ್ ಎತ್ತದಲ್ಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ. ಇದರೊಂದಿಗೆ ಒಡಿಶಾ, ಆಂಧ್ರಪ್ರದೇಶ, ಕೇರಳ, ತಮಿಳುನಾಡು, ಕರ್ನಾಟಕ ಕರಾವಳಿ ಭಾಗಗಳಲ್ಲಿ ಸಹ ಸಾಧಾರಣದಿಂದ ಭಾರೀ ಮಳೆ ಆಗಲಿದೆ. ಉಳಿದಂತೆ ಕೆಲವು ರಾಜ್ಯಗಳಲ್ಲಿ ಮಬ್ಬು ವಾತಾವರಣ ಕಂಡು ಬರಲಿದ್ದು, ಮಳೆಯ ಪ್ರಮಾಣ ಕಡಿಮೆ ನಿರೀಕ್ಷಿಸಲಾಗಿದೆ.

Categories
ಚಿಕ್ಕಮಗಳೂರು

ಚಿಕ್ಕಮಗಳೂರು ಟಾಪ್ ನ್ಯೂಸ್

ಚಿಕ್ಕಮಗಳೂರು ಟಾಪ್ ನ್ಯೂಸ್

* ಕುಡಿದು ಮತ್ತಿನಲ್ಲಿ ತಾಯಿಯನ್ನೇ ಕೊಂದ ಮಗ
* ಕೋಡಿ ಬಿದ್ದ ಐತಿಹಾಸಿಕ ಅಯ್ಯನಕೆರೆ ಹಾಗೂ ಮದಗದಕೆರೆ

NAMMUR EXPRESS NEWS

* ಕುಡಿದು ಮತ್ತಿನಲ್ಲಿ ತಾಯಿಯನ್ನೇ ಕೊಂದ ಮಗ
ಚಿಕ್ಕಮಗಳೂರು: ಕುಡಿದ ಮತ್ತಿನಲ್ಲಿ ಪುತ್ರನೇ ತಾಯಿಯನ್ನ ಕೊಂದು, ಆಕೆ ಮೃತ ದೇಹಕ್ಕೆ ಬೆಂಕಿ ಹಾಕಿ ಪಕ್ಕದಲ್ಲೇ ಮಲಗಿರುವ ಹೃದಯವಿದ್ರಾವಕ ಘಟನೆ ತಾಲೂಕಿನ ಅರೆನೂರು ಸಮೀಪದ ಹಕ್ಕಿಮಕ್ಕಿ ಗ್ರಾಮದಲ್ಲಿ ನಡೆದಿದೆ. ಮೃತಳನ್ನ 52 ವರ್ಷದ ಭವಾನಿ ಎಂದು ಗುರುತಿಸಲಾಗಿದೆ.
ಅಮ್ಮನನ್ನೇ ಕೊಂದ ಮಗ ಪವನ್ 28 ವರ್ಷದ ಯುವಕ. ಪವನ್ ಮದುವೆ ಕೂಡ ಆಗಿರಲಿಲ್ಲ. ಕೂಲಿ ಕೆಲಸ ಮಾಡಿಕೊಂಡು ಅಮ್ಮನ ಜೊತೆಯಲ್ಲಿದ್ದ. ಕಳೆದ ರಾತ್ರಿ ತಾಯಿಯನ್ನ ಕೊಂದು ಮನೆಯೊಳಗೆ ಬೆಂಕಿ ಹಾಕಿ ಸುಟ್ಟು ಹಾಕಿದ್ದಾನೆ. ಬಳಿಕ ತಾಯಿ ಮೃತದೇಹ ಬೆಂಕಿಯಲ್ಲಿ ಬೇಯುತ್ತಿದ್ದರೆ ಕೊಲೆಗಾರ ಮಗ ಪ್ರಜ್ಞೆ ಇಲ್ಲದವನಂತೆ ಅಲ್ಲೇ ಪಕ್ಕದಲ್ಲಿ ಮಲಗಿದ್ದಾನೆ. ತಾಯಿ ಭವಾನಿ ಮೃತದೇಹ ಬಹುತೇಕ ಸುಟ್ಟುಹೋಗಿದ್ದು ಕಾಲು ಹಾಗೂ ಕೈ ಮಾತ್ರ ಉಳಿದಿದೆ.
ಅಕ್ಕಪಕ್ಕದವರಿಂದ ವಿಷಯ ತಿಳಿದ ಆಲ್ದೂರು ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಆಲ್ದೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ತಾಯಿಯನ್ನ ಕೊಂದ ಮಗ ಪವನ್ ನನ್ನ ಆಲ್ದೂರು ಪೊಲೀಸರು ಬಂಧಿಸಿದ್ದಾರೆ.

* ಕೋಡಿ ಬಿದ್ದ ಐತಿಹಾಸಿಕ ಅಯ್ಯನಕೆರೆ ಹಾಗೂ ಮದಗದಕೆರೆ 
ಕಡೂರು: ತಾಲೂಕಿನ ಸಖರಾಯಪಟ್ಟಣ ಸಮೀಪದ 2800 ಎಕರೆಗೂ ಹೆಚ್ಚು ವಿಸ್ತೀರ್ಣದ ಐತಿಹಾಸಿಕ ಅಯ್ಯನಕೆರೆ ಹಾಗೂ ಮದಗದ ಕೆರೆ ತುಂಬಿ ಕೋಡಿ ಬಿದ್ದಿವೆ.
ಏಳು ಗುಡ್ಡಗಳ ಮಧ್ಯೆ ಇರುವ ಬೃಹತ್ ಕೆರೆಗಳು ತುಂಬಿ ಕೋಡಿ ಬಿದ್ದಿವುದರಿಂದ ರೈತರ ಮೊಗದಲ್ಲಿ ಮಂದಹಾಸ ಮೂಡಿದೆ. ಮುಳ್ಳಯ್ಯನಗಿರಿ ಭಾಗದಲ್ಲಿ ಸುರಿದ ಭಾರೀ ಮಳೆಯಿಂದಾಗಿ ಚಂದ್ರದ್ರೋಣ ಪರ್ವತಗಳ ಸಾಲಿನಲ್ಲಿರುವ ಅಯ್ಯನಕೆರೆ ಹಾಗೂ ಮದಗದ ಕೆರೆ ತುಂಬಿ ಕೋಡಿ ಬಿದ್ದಿದೆ. ಇದರಿಂದ ಕೆರೆ ಸುತ್ತಮುತ್ತಲಿನ 34 ಹಳ್ಳಿಯ ಜನ-ಜಾನುವಾರುಗಳ ನೀರಿನ ಬವಣೆ ತಪ್ಪಿದಂತಾಗಿದೆ.

Categories
ಮಲ್ನಾಡ್

ಅ. 3ಕ್ಕೆ ರಾಜಧಾನಿಯಲ್ಲಿ ಮಲೆನಾಡ ಸಾಂಸ್ಕೃತಿಕ ಸಮಾಗಮ!

ಅ. 3ಕ್ಕೆ ರಾಜಧಾನಿಯಲ್ಲಿ ಮಲೆನಾಡ ಸಾಂಸ್ಕೃತಿಕ ಸಮಾಗಮ!
– ಮಲೆನಾಡು ಮಿತ್ರ ವೃಂದದಿಂದ ಮಲೆನಾಡು ಮಿತ್ರ ಪ್ರಶಸ್ತಿ ಹಾಗೂ ಮಲೆನಾಡು ಸಾಧಕರು ಪ್ರಶಸ್ತಿ ಪ್ರದಾನ ಸಮಾರಂಭ
– ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮ: ಸರ್ವರಿಗೂ ಸ್ವಾಗತ

NAMMUR EXPRESS NEWS
ಮಲೆನಾಡು ಮಿತ್ರ ವೃಂದ (ರಿ.) ಬೆಂಗಳೂರು ಇವರಿಂದ 2025ನೇ ಸಾಲಿನ ಮಲೆನಾಡು ಮಿತ್ರ ಪ್ರಶಸ್ತಿ ಹಾಗೂ ಮಲೆನಾಡು ಸಾಧಕರು ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಹಾಗೂ ಮಲೆನಾಡು ಸಾಂಸ್ಕೃತಿಕ ಸಂಜೆ ಕಾರ್ಯಕ್ರಮವನ್ನು 3 ಆಗಸ್ಟ್ 2025, ಭಾನುವಾರ, ಸಂಜೆ 4.00 ಗಂಟೆಗೆ ಡಾ.ರಾಜ್‌ಕುಮಾರ್ ಕಲಾ ಭವನ, ಮಹಾಲಕ್ಷ್ಮೀಪುರ, ಬೆಂಗಳೂರಿನಲ್ಲಿ ನೆರವೇರಲಿದೆ.
ಮಲೆನಾಡು ಮಿತ್ರ ಪ್ರಶಸ್ತಿ-2025 ಅನ್ನು ಬಿ.ಕೆ.ಸುಮಿತ್ರ ಖ್ಯಾತ ಗಾಯಕಿ ಹಾಗೂ ಮಲೆನಾಡು ಸಾಧಕ ಪ್ರಶಸ್ತಿ-2025 ಅನ್ನು ಅಚ್ಚುತ್ ಗೌಡ ಉದ್ಯಮ ಕ್ಷೇತ್ರ, ರಿತುಪರ್ಣ ಶಿಕ್ಷಣ ಹಾಗೂ ಸಾಧನೆ ಕ್ಷೇತ್ರ, ರೆಹಮತ್ ಹೊಸನಗರ ಕೃಷಿ ಕ್ಷೇತ್ರಕ್ಕೆ ನೀಡಲಾಗುವುದು ಎಂದು ಆಯೋಜಕರು ತಿಳಿಸಿದ್ದಾರೆ.
ಸಂಜೆ 4.00 ಗಂಟೆಯಿಂದ ಜಗದೀಶ್ ಕಣದಮನೆ, ಪ್ರದೀಪ್ ಯಡದಾಳ್, ಭಾಗ್ಯಶ್ರೀ ಗೌಡ, ಹಾಗೂ ತಂಡದವರಿಂದ ಗೀತ ಗಾಯನ ಕಾರ್ಯಕ್ರಮ., ಮಲೆನಾಡು ಭಾಷೆಯ ಕಿರು ನಗೆ ನಾಟಕವನ್ನು ಗುತ್ತುಳಿಕೆ ಕೇಶವ್ ತಂಡದವರಿಂದ ಆಯೋಜನೆ, ಸ್ಯಾಕ್ಸೋಫೋನ್ ಹಾಗೂ ಕೊಳಲು ವಾದನ ಅಶೀಶ್ ದೇವಾಡಿಗ ತಂಡದವರಿಂದ ಆಯೋಜನೆ ಮಾಡಲಾಗಿದೆ. ಸಭಾ ಕಾರ್ಯಕ್ರಮ ಸಂಜೆ 5.30 ಗಂಟೆಯಿಂದ ಶುರುವಾಗಲಿದೆ.
ನಾಡಗೀತೆಯನ್ನು ಫಿಲಂ ಫೇರ್ ಮತ್ತು ರಾಜ್ಯ ಪ್ರಶಸ್ತಿ ವಿಜೇತ ಗಾಯಕಿ
ಡಾ.ಶಮಿತ ಮಲ್ನಾಡ್ ಇವರು ನಡೆಸಿಕೊಡಲಿದ್ದಾರೆ. ಕಾರ್ಯಕ್ರಮದ ಉದ್ಘಾಟನೆಯನ್ನು ಶಿಕ್ಷಣ ಸಚಿವ ಮಧು ಬಂಗಾರಪ್ಪ, ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಪ್ರದೀಪ್ ಹೆಗ್ಗೋಡು ಅಧ್ಯಕ್ಷರು, ಮಲೆನಾಡು ಮಿತ್ರ ವೃಂದ ಇವರು, ಮುಖ್ಯ ಅತಿಥಿಗಳಾಗಿ ತೀರ್ಥಹಳ್ಳಿ ಶಾಸಕರಾದ ಆರಗ ಜ್ಞಾನೇಂದ್ರ, ಶೃಂಗೇರಿ ಶಾಸಕರಾದ ಟಿ.ಡಿ.ರಾಜೇಗೌಡ, ಮಹಾಲಕ್ಷ್ಮೀಪುರ ವಿಧಾನಸಭಾ ಕ್ಷೇತ್ರ ಹಾಗೂ ಮಾಜಿ ಸಚಿವರಾದ ಕೆ.ಗೋಪಾಲಯ್ಯ ಸೇರಿ ಅನೇಕ ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ಈ ಕಾರ್ಯಕ್ರಮಕ್ಕೆ ಸರ್ವರಿಗೂ ಆದರದ ಸುಸ್ವಾಗತವನ್ನು ಪ್ರದೀಪ್ ಹೆಗ್ಗೋಡ್, ಹರೀಶ್ ಹಿಂಬ್ರವಳ್ಳಿ, ಸಂದೇಶ್ ಹಂದಿಗೋಡ್ ಹಾಗೂ ಮಲೆನಾಡು ಮಿತ್ರ ವೃಂದದ ಎಲ್ಲಾ ನಿರ್ದೇಶಕರು ಕೋರಿದ್ದಾರೆ.

ಪ್ರಶಸ್ತಿ ಪುರಸ್ಕೃತರು

ಮಲೆನಾಡು ಮಿತ್ರ ಪ್ರಶಸ್ತಿ-2025 ಅನ್ನು ಬಿ.ಕೆ.ಸುಮಿತ್ರ ಖ್ಯಾತ ಗಾಯಕಿ ಹಾಗೂ ಮಲೆನಾಡು ಸಾಧಕ ಪ್ರಶಸ್ತಿ-2025 ಅನ್ನು ಅಚ್ಚುತ್ ಗೌಡ ಉದ್ಯಮ ಕ್ಷೇತ್ರ, ರಿತುಪರ್ಣ ಶಿಕ್ಷಣ ಹಾಗೂ ಸಾಧನೆ ಕ್ಷೇತ್ರ, ರೆಹಮತ್ ಹೊಸನಗರ ಕೃಷಿ ಕ್ಷೇತ್ರಕ್ಕೆ ನೀಡಲಾಗುವುದು.

ಸರ್ವರಿಗೂ ಕಾರ್ಯಕ್ರಮಕ್ಕೆ ಸುಸ್ವಾಗತ
ಪ್ರದೀಪ್ ಹೆಗ್ಗೋಡು
ಅಧ್ಯಕ್ಷರು, ಮಲೆನಾಡು ಮಿತ್ರ ವೃಂದ (ರಿ)
ಬೆಂಗಳೂರು 

Categories
ಚಿಕ್ಕಮಗಳೂರು

ಕೌರಿ ಪೃಥ್ವಿ ಅವರಿಗೆ ಪ್ರತಿಷ್ಠಿತ ಪ್ರಶಸ್ತಿ

ಕೌರಿ ಪೃಥ್ವಿ ಅವರಿಗೆ ಪ್ರತಿಷ್ಠಿತ ಪ್ರಶಸ್ತಿ
– ಸಮಾಜ ಸೇವೆ, ಮೋಟಾರ್ ಸ್ಪೋರ್ಟ್ಸ್ ಕ್ಷೇತ್ರದಲ್ಲಿ ಸೇವೆ
– ಕೊಪ್ಪದಲ್ಲಿ ಯುವ ಸಂಘಟನೆಯಲ್ಲಿ ಮೇಲುಗೈ
– ವಿಜಯ ಕರ್ನಾಟಕದ ಪ್ರತಿಷ್ಠಿತ ಪ್ರಶಸ್ತಿ ನೀಡಿ ಗೌರವ

ಕೊಪ್ಪ: ಕೊಪ್ಪ ಯುವ ಒಕ್ಕಲಿಗರ ಸಂಘದ ಅಧ್ಯಕ್ಷರು, ಜಿಲ್ಲಾ ಒಕ್ಕಲಿಗರ ಸಂಘದ ನಿರ್ದೇಶಕರು, ಕೊಪ್ಪ ಸ್ಪೋರ್ಟ್ಸ್ ಕ್ಲಬ್ ಟ್ರಸ್ಟ್ ಪ್ರಮುಖರು, ಪ್ರಗತಿ ಪರ ಕೃಷಿಕರು, ಯುವ ಸಂಘಟಕರು ಆದ ಪೃಥ್ವಿರಾಜ್ ಕೌರಿ ಅವರು ವಿಜಯ ಕರ್ನಾಟಕ ಕೊಡ ಮಾಡುವ ಪ್ರತಿಷ್ಠಿತ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ಕೊಪ್ಪದ ಯುವ ಒಕ್ಕಲಿಗ ಸಂಘ ಹಾಗೂ ಕೊಪ್ಪ ಸ್ಪೋರ್ಟ್ಸ್ ಕ್ಲಬ್ ಟ್ರಸ್ಟ್ ವತಿಯಿಂದ ಪ್ರತಿ ವರ್ಷ ಸರ್ಕಾರಿ ಶಾಲೆಗಳಿಗೆ ವಿವಿಧ ವಸ್ತು ನೀಡುವ ಮೂಲಕ ಮಾದರಿ ಹೆಜ್ಜೆ ಇಟ್ಟಿದ್ದು ಸಮಾಜ ಸೇವೆ, ಮೋಟಾರ್ ಸ್ಪೋರ್ಟ್ಸ್ ಕ್ಷೇತ್ರದಲ್ಲಿ ಜಿಲ್ಲೆಯಲ್ಲಿ ಅತೀ ಹೆಚ್ಚು ಸಾಧನೆ ಮಾಡಿದ್ದಾರೆ. ಅಲ್ಲದೆ ತಂದೆ ಪ್ರಕಾಶ್ ಕೌರಿ ಅವರ ಹಾದಿಯಲ್ಲೇ ಸಮಾಜ ಸೇವೆ, ದಾನ ಧರ್ಮದ ಕೆಲಸ ಮಾಡುತ್ತಿದ್ದಾರೆ.
ಬೆಂಗಳೂರಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಬೃಹತ್ ಕೈಗಾರಿಕಾ ಸಚಿವರು ಈ ಪ್ರಶಸ್ತಿಯನ್ನು ವಿತರಣೆ ಮಾಡಿದ್ದು ಪೃಥ್ವಿರಾಜ್ ಅವರ ಕುಟುಂಬ ಹಾಗೂ ಸ್ನೇಹಿತರು ಈ ವರ್ಣರಂಜಿತ ಕಾರ್ಯಕ್ರಮದಲ್ಲಿ ಹಾಜರಿದ್ದು ಶುಭ ಕೋರಿದರು.