Category: ವ್ಯವಹಾರ

WordPress is a favorite blogging tool of mine and I share tips and tricks for using WordPress here.

Categories
gutka ಅಡಿಕೆ-ದರ ಕೃಷಿ ರಾಜ್ಯ ವ್ಯವಹಾರ

ಗುಟ್ಕಾ ನಿಷೇಧ ವಾಪಾಸ್! – ಅಡಿಕೆ ಬೆಳೆಗಾರರಿಗೆ ನೆಮ್ಮದಿಯ ಸುದ್ದಿ – ಲಕ್ಷ ಲಕ್ಷ ರೈತರ ಪರ ನಿಂತ ಡಿಕೆಶಿ

ಬೆಂಗಳೂರು: ರಾಜ್ಯ ಸರ್ಕಾರ ಜಾರಿಗೊಳಿಸಿದ್ದ ಗುಟ್ಕಾ ಹಾಗೂ ನಿಕೋಟಿನ್ ಅಥವಾ ತಂಬಾಕು ಅಂಶ ಹೊಂದಿರುವ ಪಾನ್ ಮಸಾಲಾ ಉತ್ಪನ್ನಗಳ ಮೇಲಿನ ಒಂದು ವರ್ಷದ ನಿಷೇಧ ಆದೇಶ ಹಿಂಪಡೆದಿದೆ..
ಲಕ್ಷ ಲಕ್ಷ ಅಡಿಕೆ ಬೆಳೆಗಾರರ ಬದುಕು ಅಡಿಕೆ ಮೇಲೆ ನಿಂತಿದ್ದು ಏಕಾಏಕಿ ಈ ನಿಯಮ ಹಿಂಪಡೆಯಲು ಸಿಎಂ ಡಿಕೆ ಶಿವಕುಮಾರ್ ನಿರ್ಧಾರ ಮಾಡಿದ್ದಾರೆ. ಈ ಬಗ್ಗೆ ಅಧಿಕೃತ ಆದೇಶ ಹೊರ ಬಿದ್ದಿದೆ.
ಕೆಲವೇ ದಿನಗಳ ಹಿಂದೆ ಹೊರಡಿಸಿದ್ದ ನಿಷೇಧ ಆದೇಶದಿಂದ ಶಿವಮೊಗ್ಗ, ಚಿಕ್ಕಮಗಳೂರು, ಉತ್ತರ ಕನ್ನಡ, ದಾವಣಗೆರೆ ಸೇರಿದಂತೆ ಅಡಿಕೆ ಬೆಳೆಗೆ ಅವಲಂಬಿತ ಪ್ರದೇಶಗಳ ರೈತರು ಆತಂಕಕ್ಕೆ ಒಳಗಾಗಿದ್ದರು. ಈ ಬಗ್ಗೆ ಭಾರೀ ಆಕ್ರೋಶ ವ್ಯಕ್ತವಾಗಿತ್ತು. ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ಆದೇಶವನ್ನು ಮರುಪರಿಶೀಲಿಸುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದರು. ಇದೀಗ ಲಕ್ಷ ಲಕ್ಷ ಕುಟುಂಬಗಳ ಬದುಕಿನ ಭದ್ರತೆಗಾಗಿ ಈ ಆದೇಶ ಮಾಡಲಾಗಿದೆ.

ಸಿಎಂ ಭೇಟಿ ಮಾಡಿದ ಮಲೆನಾಡು ಭಾಗದ ನಿಯೋಗ

ಗುರುವಾರ ಬಿಜೆಪಿ ಶಾಸಕ, ಅಡಿಕೆ ಮಹಾ ಮಂಡಲ ಅಧ್ಯಕ್ಷರಾದ ಆರಗ ಜ್ಞಾನೇಂದ್ರ ಹಾಗೂ ಕಾಂಗ್ರೆಸ್ ಶಾಸಕ ಡಿ.ಜಿ. ಶಾಂತನೇಗೌಡ ನೇತೃತ್ವದ ನಿಯೋಗವು ಮುಖ್ಯಮಂತ್ರಿಯನ್ನು ಭೇಟಿ ಮಾಡಿ ಆದೇಶವನ್ನು ಹಿಂಪಡೆಯುವಂತೆ ಮನವಿ ಸಲ್ಲಿಸಿತ್ತು. ಅಡಿಕೆ ಬೆಳೆಯೇ ಮಲೆನಾಡಿನ ಆರ್ಥಿಕ ಜೀವನಾಡಿಯಾಗಿದ್ದು, ನಿಷೇಧದಿಂದ ರೈತರು ಸಂಕಷ್ಟಕ್ಕೆ ಸಿಲುಕುವ ಸಾಧ್ಯತೆ ಇದೆ ಎಂದು ನಿಯೋಗವು ಮುಖ್ಯಮಂತ್ರಿಯ ಗಮನ ಸೆಳೆದಿತ್ತು. ಇದೀಗ ಆದೇಶ ಹಿಂಪಡೆಯಲಾಗಿದೆ.

Categories
agumbe ಉಡುಪಿ ಕಾರ್ಕಳ ಜಿಲ್ಲಾ ವಾರ್ತೆ ಟೆಕ್ ದಕ್ಷಿಣ ಕನ್ನಡ ಪುತ್ತೂರು ಮಾಹಿತಿ ಸುದ್ದಿ ವ್ಯವಹಾರ ಶಿಕ್ಷಣ

350+ ಕಂಪನಿಗಳು, 24 ಸಾವಿರಕ್ಕೂ ಹೆಚ್ಚು ಉದ್ಯೋಗ!

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಮೂಡುಬಿದಿರೆ: ಮೂಡುಬಿದಿರೆಯ ಆಳ್ವಾಸ್ ವಿದ್ಯಾಗಿರಿಯಲ್ಲಿ ಆಗಸ್ಟ್ 7 ಮತ್ತು 8ರಂದು ಆಳ್ವಾಸ್ ಪ್ರಗತಿ-2026 ಬೃಹತ್ ಉದ್ಯೋಗ ಮೇಳ ನಡೆಯಲಿದೆ. 350ಕ್ಕೂ ಹೆಚ್ಚು ಕಂಪನಿಗಳು ಭಾಗವಹಿಸಲಿದ್ದು, 24,298ಕ್ಕೂ ಹೆಚ್ಚು ಉದ್ಯೋಗಾವಕಾಶಗಳು ಲಭ್ಯವಿವೆ.
ಹೊಸಬರು ಹಾಗೂ ಅನುಭವಿಗಳಿಬ್ಬರೂ ಭಾಗವಹಿಸಬಹುದು. ಆಸಕ್ತ ಅಭ್ಯರ್ಥಿಗಳು ಮುಂಚಿತವಾಗಿ ಆನ್‌ಲೈನ್‌ನಲ್ಲಿ ನೋಂದಣಿ ಮಾಡಿಕೊಳ್ಳಬೇಕಿದೆ. ರಾಜ್ಯದ ಅತೀ ದೊಡ್ಡ ಉದ್ಯೋಗ ಮೇಳ ಇದಾಗಿದೆ.

ಶಿಕ್ಷಣಕ್ಕೂ ಸೈ… ಉದ್ಯೋಗಕ್ಕೂ ಜೈ..!

ದಕ್ಷಿಣ ಕನ್ನಡ ಜಿಲ್ಲೆಯ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಗಳಲ್ಲಿ ಒಂದಾದ ಆಳ್ವಾಸ್ ಉತ್ತಮ ಗುಣಮಟ್ಟದ ಶಿಕ್ಷಣದ ಜೊತೆಗೆ ಕಲೆ, ಸಾಹಿತ್ಯ ಮತ್ತು ಸಂಸ್ಕೃತಿಗೆ ಸಂಬಂಧಿಸಿದಂತಹ ಕಾರ್ಯಕ್ರಮಗಳನ್ನು ಪ್ರತಿವರ್ಷ ನಡೆಸಿಕೊಂಡು ಬರುತ್ತಿದೆ. ಇದರ ಜೊತೆಗೆ ಉದ್ಯೋಗ ಮೇಳಗಳನ್ನು ಸಹ ಆಯೋಜಿಸುವ ಮೂಲಕ, ಸಾವಿರಾರು ನಿರುದ್ಯೋಗಿಗಳಿಗೆ ಉದ್ಯೋಗಾವಕಾಶ ಲಭಿಸುವಂತೆ ಮಾಡುತ್ತಿದೆ. ಈ ಬಾರಿಯ ಆಳ್ವಾಸ್ ಶಿಕ್ಷಣ ಸಂಸ್ಥೆಯ ಉದ್ಯೋಗ ಮೇಳದ 16ನೇ ಆವೃತ್ತಿಯನ್ನು ಆಗಸ್ಟ್ 7ರ ಶುಕ್ರವಾರ ಮತ್ತು 8ರ ಶನಿವಾರದಂದು ಆಳ್ವಾಸ್ ನ ವಿದ್ಯಾಗಿರಿ ಆವರಣದಲ್ಲಿ ಆಯೋಜಿಸಲಾಗಿದೆ.

ಯಾವ ಯಾವ ಕ್ಷೇತ್ರದ ಕಂಪನಿಗಳು ಭಾಗಿ?

ಐಟಿ, ಐಟಿಇಎಸ್, ಉತ್ಪಾದನೆ, ಆರೋಗ್ಯ ಮತ್ತು ಔಷಧ, ಬ್ಯಾಂಕಿಂಗ್ ಮತ್ತು ಹಣಕಾಸು, ಮಾರಾಟ ಮತ್ತು ಚಿಲ್ಲರೆ ವ್ಯಾಪಾರ, ಶಿಕ್ಷಣ, ಮಾಧ್ಯಮ, ಆತಿಥ್ಯ, ಎಲೆಕ್ಟ್ರಾನಿಕ್ಸ್ ಹಾಗೂ ದೂರಸಂಪರ್ಕ ಸೇರಿದಂತೆ ವಿವಿಧ ಕ್ಷೇತ್ರಗಳ ಸುಮಾರು 350ಕ್ಕೂ ಹೆಚ್ಚಿನ ಕಂಪನಿಗಳು ಭಾಗವಹಿಸುತ್ತಿದ್ದು, 24.298ಕ್ಕೂ ಹೆಚ್ಚಿನ ಉದ್ಯೋಗಗಳಿಗೆ ಅವಕಾಶವಿದೆ.‌ ಇದುವರೆಗೆ 326 ಕಂಪನಿಗಳು ತಮ್ಮ ಭಾಗವಹಿಸುವಿಕೆಯನ್ನು ದೃಢಪಡಿಸಿದ್ದು, ಸುಮಾರು 350ಕ್ಕೂ ಹೆಚ್ಚು ಕಂಪನಿಗಳು ಪಾಲ್ಗೊಳ್ಳಬಹುದು ಎಂದು ನಿರೀಕ್ಷಿಸಲಾಗಿದೆ.

ಎಲ್ಲಾ ಕಡೆ ತರಬೇತಿ: ಮಾಹಿತಿ ಶಿಬಿರ

ಉದ್ಯೋಗ ಮೇಳದ ಕುರಿತು ಸಂಪೂರ್ಣ ಮಾಹಿತಿ ಮತ್ತು ಸಂದರ್ಶನಕ್ಕೆ ಅಗತ್ಯವಾಗಿರುವಂತಹ ಸಿದ್ಧತೆಗಾಗಿ ಬಂಟ್ವಾಳ, ಪುತ್ತೂರು, ಕುಂದಾಪುರ, ಸುಬ್ರಹ್ಮಣ್ಯ, ಮೂಡಬಿದರೆ, ಮಂಗಳೂರು, ಕಾಪು ಮತ್ತು ಉಳ್ಳಾಲದಲ್ಲಿ ಆಳ್ವಾಸ್ ನ ನುರಿತ ತಜ್ಞರ ತಂಡ ಒರಿಯಂಟೇಶನ್ ಕಾರ್ಯಕ್ರಮವನ್ನು ಸಹ ಹಮ್ಮಿಕೊಂಡಿದೆ. ಇದರಲ್ಲಿ ಪಾಲ್ಗೊಳ್ಳಲು ಇಚ್ಛಿಸುವ ಅಭ್ಯರ್ಥಿಗಳು ತಮಗೆ ಅನುಕೂಲವಾಗುವಂತಹ ಸಮೀಪದ ಕೇಂದ್ರಗಳಲ್ಲಿ ಭಾಗವಹಿಸಬಹುದು ಎಂದು ತಿಳಿಸಿದ್ದಾರೆ.
ಉದ್ಯೋಗ ಮೇಳದ ಮತ್ತೊಂದು ವಿಶೇಷತೆ ಎಂದರೆ ಎಕ್ಸ್ ಪರ್ಟೈಸ್ ಸಂಸ್ಥೆಯು ಡಿಪ್ಲೋಮಾ ಮತ್ತು ಐಟಿಐ ಅಭ್ಯರ್ಥಿಗಳಿಗಾಗಿ ಗಲ್ಫ್ ರಾಷ್ಟ್ರಗಳಲ್ಲಿ ಉದ್ಯೋಗಾವಕಾಶವನ್ನು ಒದಗಿಸುತ್ತಿದೆ. ಎಂಬಿಎ, ಎಂಎಚ್ಆರ್ ಡಿ, ಎಂಎಸ್ ಡಬ್ಲ್ಯೂ ಮತ್ತು ಬಿಎಸ್ ಡಬ್ಲ್ಯೂ ಅಭ್ಯರ್ಥಿಗಳಿಗಾಗಿ ಸುಮಾರು 70ಕ್ಕೂ ಹೆಚ್ಚಿನ ಮಾನವ ಸಂಪನ್ಮೂಲ ಹುದ್ದೆಗಳು ಲಭ್ಯವಿದೆ ಎಂದು ಮಾಹಿತಿ ನೀಡಿದ್ದಾರೆ.

ಆಳ್ವಾಸ್ ಸಂಸ್ಥೆಯ ಮ್ಯಾನೇಜಿಂಗ್ ಡೈರೆಕ್ಟರ್ ವಿವೇಕ್ ಆಳ್ವ ಸಾರಥ್ಯ!

ಆಳ್ವಾಸ್ ಸಂಸ್ಥೆಯ ಮ್ಯಾನೇಜಿಂಗ್ ಡೈರೆಕ್ಟರ್ ವಿವೇಕ್ ಆಳ್ವ ಅವರು ಮಾತನಾಡಿ, ಎಲ್ಲಾ ಉದ್ಯೋಗ ಆಕಾಂಕ್ಷಿಗಳು, “ಆಳ್ವಾಸ್ ಪ್ರಗತಿ-2026ರ ಸಂಪೂರ್ಣ ಮಾಹಿತಿಗಾಗಿ http://www.alvaspragati.com ವೆಬ್ ಸೈಟ್ ಗೆ ಭೇಟಿ ನೀಡಬಹುದು. ಮತ್ತು ಅಭ್ಯರ್ಥಿಗಳು ಕಡ್ಡಾಯವಾಗಿ ಆನ್ ಲೈನ್ ನೋಂದಣಿಯನ್ನು ಮಾಡಿಕೊಳ್ಳಬೇಕು. ಅಭ್ಯರ್ಥಿಗಳು ತಮ್ಮ ವಿದ್ಯಾರ್ಹತೆಗೆ ಅನುಗುಣವಾದ ಉದ್ಯೋಗಾವಕಾಶಗಳನ್ನು ಈ ವೆಬ್ ಸೈಟ್ ಮೂಲಕ ಸುಲಭವಾಗಿ ಹುಡುಕಬಹುದು. ಉದ್ಯೋಗ ಮೇಳಕ್ಕಾಗಿ ಹೊರಜಿಲ್ಲೆ ಮತ್ತು ಹೊರರಾಜ್ಯಗಳಿಂದ ಆಗಮಿಸುವ ಅಭ್ಯರ್ಥಿಗಳಿಗಾಗಿ ಆಗಸ್ಟ್ 6ರ ಗುರುವಾರದಿಂದ ಉಚಿತ ವಸತಿ ವ್ಯವಸ್ಥೆಯನ್ನು ಕಲ್ಪಿಸಲಾಗುತ್ತಿದೆ. ಐಟಿಐ ಹಾಗೂ ಡಿಪ್ಲೋಮಾ ವಿದ್ಯಾರ್ಥಿಗಳಿಗಾಗಿ ಉಚಿತ ಬಸ್ ಸೌಲಭ್ಯವನ್ನು ಒದಗಿಸಲಾಗುತ್ತದೆ” ಎಂದು ಮಾಹಿತಿ ನೀಡಿದ್ದಾರೆ.

ದೇಶದಲ್ಲೇ ಅತೀ ದೊಡ್ಡ ಉದ್ಯೋಗ ಮೇಳ!

ಸಾವಿರಾರು ಉದ್ಯೋಗ ಆಕಾಂಕ್ಷಿಗಳು ಭಾಗಿಯಾಗುವ ಆಳ್ವಾಸ್ ಪ್ರಗತಿ-2026 ಭಾರತದಲ್ಲೇ ಅತೀ ದೊಡ್ಡ ಉದ್ಯೋಗ ಮೇಳ ಇದಾಗಿದೆ.
ಅತೀ ಹೆಚ್ಚು ಜನ ರಾಜ್ಯದ ವಿವಿಧ ಮೂಲೆಯಿಂದ ಈ ಉದ್ಯೋಗ ಮೇಳದಲ್ಲಿ ಭಾಗಿಯಾಗಲಿದ್ದಾರೆ. ಅತ್ಯುತ್ತಮ ಆಯೋಜನೆ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.

Categories
cibercrime ಉಡುಪಿ ಕರಾವಳಿ ಕಾರ್ಕಳ ಕುಂದಾಪುರ ದಕ್ಷಿಣ ಕನ್ನಡ ಪುತ್ತೂರು ಮಂಗಳೂರು ಮಾಹಿತಿ ಸುದ್ದಿ ಮುಲ್ಕಿ ರಾಜಕೀಯ ವ್ಯವಹಾರ

ಕರಾವಳಿ ಟಾಪ್ ನ್ಯೂಸ್

ಕರಾವಳಿ ಟಾಪ್ ನ್ಯೂಸ್

* ಕುಂದಾಪುರ: ಲೈಂಗಿಕ ಕಿರುಕುಳ: ಆರೋಪಿಗೆ ಜಾಮೀನು
* ಪುತ್ತೂರು: ಹಾವಿನಿಂದ ಕಚ್ಚಿಸಿಕೊಂಡ ವ್ಯಕ್ತಿ ಪ್ರಾಣಾಪಾಯದಿಂದ ಪಾರು!
* ಮಂಗಳೂರು: ಮಾದಕ ವಸ್ತು ಮಾರಾಟ ಪ್ರಕರಣವನ್ನು ಭೇದಿಸಿದ ಪೊಲೀಸರು
* ಬಂಟ್ವಾಳ: 10 ವರ್ಷಗಳಿಂದ ತಲೆಮರೆಸಿಕೊಂಡಿದ್ದ ಆರೋಪಿ ಬಂಧನ
* ಬೆಳ್ತಂಗಡಿ: ನಿವೇಶನದ ಹೆಸರಿನಲ್ಲಿ ಲಕ್ಷಾಂತರ ರೂಪಾಯಿ ವಂಚನೆ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್

ಕುಂದಾಪುರ: ತಾಲ್ಲೂಕು ಪಂಚಾಯಿತಿ ಮಾಜಿ ಸದಸ್ಯ ನವೀನ್ ಚಂದ್ರ ಶೆಟ್ಟಿ ವಿರುದ್ಧ, ಮನೆಗೆ ಬಂದ ಮಹಿಳೆಯೊಬ್ಬಳ ಜೊತೆಗೆ ಅಸಭ್ಯವಾಗಿ ವರ್ತಿಸಿ, ಲೈಂಗಿಕ ಕಿರುಕುಳ ನೀಡಿದ ಪ್ರಕರಣ ದಾಖಲಾಗಿತ್ತು. ಈತನ ಬಂಧನಕ್ಕಾಗಿ ಪ್ರತಿಭಟನೆಗಳು ನಡೆದಿದ್ದವು ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ ನವೀನ್ ಚಂದ್ರ ರವಿಕಿರಣ್ ಎನ್ನುವ ವಕೀಲರ ಮೂಲಕ ನಿರೀಕ್ಷಣಾ ಜಾಮೀನಿಗಾಗಿ ಅರ್ಜಿಯನ್ನು ಸಲ್ಲಿಸಿದ್ದರು. ಇದೀಗ ಹೆಚ್ಚುವರಿ ಜಿಲ್ಲಾ ನ್ಯಾಯಾಲಯವು ಕೆಲವು ಷರತ್ತುಗಳನ್ನು ವಿಧಿಸುವ ಮೂಲಕ, ನಿರೀಕ್ಷಣಾ ಜಾಮೀನನ್ನು ಮಂಜೂರು ಮಾಡಿದೆ.

* ಪುತ್ತೂರು: ಹಾವಿನಿಂದ ಕಚ್ಚಿಸಿಕೊಂಡ ವ್ಯಕ್ತಿ ಪ್ರಾಣಾಪಾಯದಿಂದ ಪಾರು

ಪುತ್ತೂರು: ಶೀನಪ್ಪಾ ಗೌಡ ಎನ್ನುವ ವ್ಯಕ್ತಿಯು ವಿಷಕಾರಿ ಹಾವಿನಿಂದ ಕಚ್ಚಿಸಿಕೊಂಡು, ಪ್ರಾಣಾಪಾಯದಿಂದ ಪಾರಾದ ವಿಸ್ಮಯಕಾರಿ ಘಟನೆ ಪುತ್ತೂರಿನಲ್ಲಿ ನಡೆದಿದೆ. ಭಾನುವಾರದಂದು ಶೀನಪ್ಪ ಗೌಡರು ತಮ್ಮ ತೋಟಕ್ಕೆ ತೆರಳಿ, ಬಾಳೆಗೊನೆಯನ್ನು ತೆಗೆದುಕೊಂಡು ಬರುತ್ತಿದ್ದ ಸಂದರ್ಭದಲ್ಲಿ, ನಾಗರಹಾವೊಂದು ಅವರ ಎಡಗಾಲಿನ ಹಿಂಭಾಗಕ್ಕೆ ಕಚ್ಚಿದ ಪರಿಣಾಮವಾಗಿ, ಶೀನಪ್ಪ ಗೌಡರು ಅಸ್ವಸ್ಥರಾಗಿದ್ದರು. ತಕ್ಷಣ ಮನೆಯವರು ಅವರನ್ನು ಪ್ರಥಮ ಚಿಕಿತ್ಸೆಗಾಗಿ ನೆಲ್ಯಾಡಿನ ಖಾಸಗಿ ಆಸ್ಪತ್ರೆಗೆ ಕರೆದುಕೊಂಡು ಹೋದರು. ಮಧ್ಯಾಹ್ನದ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಪುತ್ತೂರಿನ ಆದರ್ಶ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆ ಸಂದರ್ಭದಲ್ಲಿ ಶೀನಪ್ಪ ಗೌಡರು ವಿಷದ ಪ್ರಮಾಣದ ಏರಿಕೆಯಿಂದಾಗಿ ಪ್ರಜ್ಞಾ ಶೂನ್ಯರಾಗಿದ್ದರು. ಆದರ್ಶ ಆಸ್ಪತ್ರೆಯ ವೈದ್ಯರು ಅವರಿಗೆ ತುರ್ತು ಚಿಕಿತ್ಸೆಯನ್ನು ನೀಡಿ, ಸುಮಾರು 90 ಎಎಸ್‌ವಿ ಇಂಜೆಕ್ಷನ್ ನೀಡಿದ ಬಳಿಕ, ಶೀನಪ್ಪ ಗೌಡರಿಗೆ ಪ್ರಜ್ಞೆ ಬಂದಿದ್ದು, ಆ ಮೂಲಕ ಚೇತರಿಸಿಕೊಂಡು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎನ್ನಲಾಗಿದೆ.‌

* ಮಂಗಳೂರು: ಮಾದಕ ವಸ್ತು ಮಾರಾಟ ಪ್ರಕರಣವನ್ನು ಭೇದಿಸಿದ ಪೊಲೀಸರು

ಮಂಗಳೂರು: ಮಾದಕ ವಸ್ತು ಮಾರಾಟಕ್ಕೆ ಸಂಬಂಧಿಸಿದಂತೆ ಎರಡು ಪ್ರತ್ಯೇಕ ಪ್ರಕರಣಗಳನ್ನು ಭೇದಿಸುವಲ್ಲಿ, ಮಂಗಳೂರಿನ ಪೊಲೀಸರು ಯಶಸ್ವಿಯಾಗಿದ್ದಾರೆ. ಮುಂಬೈನಿಂದ ಮಾದಕ ವಸ್ತುಗಳನ್ನು ಆಮದು ಮಾಡಿಕೊಂಡು, ಮಂಗಳೂರಿನಲ್ಲಿ ಮಾರಾಟ ಮಾಡಲಾಗುತ್ತಿದೆ ಎನ್ನುವ ಸುಳಿವು ದೊರೆತ ಹಿನ್ನೆಲೆಯಲ್ಲಿ, ಪೊಲೀಸರು ಕಾರ್ಯಪ್ರವೃತ್ತರಾಗಿದ್ದರು. ಆರೋಪಿಗಳನ್ನು ಪತ್ತೆ ಹಚ್ಚುವ ಮೂಲಕ ಆರು ಮಂದಿಯನ್ನು ಬಂಧಿಸಿದ್ದಾರೆ. ಆರೋಪಿಗಳ ವಿಚಾರಣೆ ನಡೆಸಿದಾಗ, ಈಗಾಗಲೇ ತಮ್ಮ ಬಳಿ ಇದ್ದ ಕೊಕೇನ್ ಎಂಬ ಮಾದಕ ವಸ್ತುವನ್ನು ಮೂರು ವ್ಯಕ್ತಿಗಳಿಗೆ ಮಾರಾಟ ಮಾಡಲಾಗಿದೆ ಎಂದು ತಮ್ಮ ತಪ್ಪನ್ನು ಒಪ್ಪಿಕೊಂಡಿದ್ದಾರೆ. ಆರೋಪಿಗಳು ನೀಡಿದ ಮಾಹಿತಿಯ ಆಧಾರದ ಮೇಲೆ ಸಿಸಿಬಿ ಘಟಕದ ಉಪನಿರೀಕ್ಷಕರು ಭಾನುವಾರದಂದು ಮಂಗಳೂರಿನ ಸೆಂಟ್ರಲ್ ವೇರ್ ಹೌಸ್ ಬಳಿ ಸ್ಕೂಟರ್ ಮೇಲೆ ಕುಳಿತು ಹರಟೆ ಹೊಡೆಯುತ್ತಿದ್ದ, ಜಗನ್ನಾಥ್, ರಾಜೇಶ್ ಬಂಗೇರ ಮತ್ತು ವರುಣ್ ಗಾಣಿಗ ಅವರ ಮೇಲೆ ದಾಳಿ ನಡೆಸಿದ್ದಾರೆ. ಮೂವರು ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದ್ದು, ಅವರನ್ನು ಕೂಡ ಸೆರೆಹಿಡಿಯುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಆರು ಮಂದಿ ಆರೋಪಿಗಳಿಂದ ಸುಮಾರು 22.30 ಲಕ್ಷ ರೂಪಾಯಿ ಮೌಲ್ಯದ 111.83ಗ್ರಾಂ ಎಂಡಿಎಂಎ ಮತ್ತು 1.90 ಲಕ್ಷ ಮೌಲ್ಯದ 21.03 ಗ್ರಾಂ ಕೊಕೇನ್ ಅನ್ನು ವಶಪಡಿಸಿಕೊಳ್ಳಲಾಗಿದೆ. ಘಟನೆಗೆ ಸಂಬಂಧಿಸಿದಂತೆ ಕಾವೂರು ಪೊಲೀಸ್ ಠಾಣೆಯಲ್ಲಿ ಎನ್ ಡಿಪಿಎಸ್ ಕಾಯ್ದೆ 8(ಸಿ), 21 (ಸಿ), 22 (ಸಿ) ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.

* ಬಂಟ್ವಾಳ: ಹತ್ತು ವರ್ಷಗಳಿಂದ ತಲೆಮರೆಸಿಕೊಂಡಿದ್ದ ಆರೋಪಿಯ ಬಂಧನ

ಬಂಟ್ವಾಳ: ಕಳೆದ 10 ವರ್ಷಗಳ ಹಿಂದೆ ಅಕ್ಟೋಬರ್ ಏಳರಂದು ವಿಟ್ಲ ಪೇಟೆಯಲ್ಲಿ, ಜಗದೀಶ್ ಕಾಮತ್ ಎನ್ನುವ ವ್ಯಕ್ತಿಯ ಮೇಲೆ ಮೆಣಸಿನ ಪುಡಿ ಎರಚಿ, ದರೋಡೆ ಮಾಡಿದ ಘಟನೆಗೆ ಸಂಬಂಧಿಸಿದಂತೆ ಆರೋಪಿಯಾದ ಅಶ್ರಫ್ ವಿರುದ್ಧ ಪ್ರಕರಣ ದಾಖಲಾಗಿತ್ತು. ಅಲ್ಲದೆ 2016ರ ಜನವರಿ 23ರಂದು ಕೊಳ್ನಾಡು ಗ್ರಾಮದ ಮದ್ಯದಂಗಡಿಯ ಬಾಗಿಲು ಮುರಿದು, ಕಳ್ಳತನ ಮಾಡಿದ ಮತ್ತೊಂದು ಪ್ರಕರಣ ಕೂಡ ದಾಖಲಾಗಿತ್ತು. ಈ ಹಿನ್ನೆಲೆಯಲ್ಲಿ ನ್ಯಾಯಾಲಯದಿಂದ 82 ಮತ್ತು 83 ವಾರೆಂಟ್ ಅನ್ನು ಜಾರಿಗೊಳಿಸಲಾಗಿತ್ತು. ಆದರೂ ಅಶ್ರಫ್ ಪೊಲೀಸರ ಕೈಗೆ ಸಿಗದೇ ಕಳೆದ ಹತ್ತು ವರ್ಷಗಳಿಂದ ತಲೆಮರೆಸಿಕೊಂಡಿದ್ದ ಎನ್ನಲಾಗಿದೆ. ಇದೀಗ ಪೊಲೀಸರು ಆತನನ್ನು ಮಂಜೇಶ್ವರದ ಕೂಳೂರಿನಲ್ಲಿ ಭಾನುವಾರದಂದು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಆರೋಪಿಯನ್ನು ನ್ಯಾಯಾಲಯಕ್ಕೆ ‌ ಹಾಜರುಪಡಿಸಲಾಗಿದ್ದು, ನ್ಯಾಯಾಲಯವು ಅಶ್ರಫ್ ಗೆ ನ್ಯಾಯಾಂಗ ಬಂಧನ ವಿಧಿಸಿದೆ.

* ಬೆಳ್ತಂಗಡಿ: ನಿವೇಶನದ ಹೆಸರಿನಲ್ಲಿ ಲಕ್ಷಾಂತರ ರೂಪಾಯಿ ವಂಚನೆ.

ಬೆಳ್ತಂಗಡಿ: ಪ್ರವೀಣ್ ಭಂಡಾರಿ ಮತ್ತು ಶಾಂತ ಎಂಬ ಇಬ್ಬರು ವ್ಯಕ್ತಿಗಳು, ನಿವೇಶನ ಪರವಾನಿಗೆ ಮಾಡಿಸಿ ಕೊಡುವುದಾಗಿ ನಂಬಿಸಿ, 45 ಲಕ್ಷ ರೂಪಾಯಿ ಲಪಟಾಯಿಸಿದ ಘಟನೆ ನಡೆದಿದೆ. ಪ್ರವೀಣ್ ಭಂಡಾರಿ ಶಾಂತ ಅವರಿಂದ ಒಟ್ಟು 4೦ ಸೈಂಟ್ಸ್ ಜಾಗವನ್ನು ಖರೀದಿಸಿ, ಅದನ್ನು ವಿಶ್ವನಾಥ ರೈ ಎನ್ನುವವರಿಗೆ ಮಾರಾಟ ಮಾಡುವುದಾಗಿ ತಿಳಿಸಿ, 45 ಲಕ್ಷ ರೂಪಾಯಿ ಪಡೆದುಕೊಂಡಿದ್ದು, ಮೂರು ತಿಂಗಳ ಒಳಗಾಗಿ ದಾಖಲೆಗಳನ್ನು ಸರಿಪಡಿಸಿ ಬರೆದುಕೊಡುವುದಾಗಿ ಕಳೆದ ವರ್ಷ ಕರಾರುಪತ್ರ ಮಾಡಿಕೊಂಡಿದ್ದರು. ಅತ್ತ ನಿವೇಶನವನ್ನು ಮಾರಾಟ ಮಾಡದೆ, ಈ ಕಡೆ ಹಣವನ್ನೂ ಹಿಂತಿರುಗಿಸದೆ ವಿಶ್ವನಾಥ ರೈ ಅವರನ್ನು ವಂಚಿಸಿದ್ದಾರೆ ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ ವಿಶ್ವನಾಥ ರೈ ಅವರು ಪ್ರವೀಣ್ ಭಂಡಾರಿ ಮತ್ತು ಶಾಂತ ವಿರುದ್ಧ ಬೆಳ್ತಂಗಡಿ ಪೊಲೀಸರಿಗೆ ದೂರು ನೀಡಿದ್ದಾರೆ.‌ ದೂರಿನ ಆಧಾರದ ಮೇಲೆ ಶನಿವಾರದಂದು ಬೆಳ್ತಂಗಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣವನ್ನು ದಾಖಲಿಸಲಾಗಿದೆ.

Categories
Uncategorized ಕಾರ್ಯಕ್ರಮಗಳು ಚಿಕ್ಕಮಗಳೂರು ತೀರ್ಥಹಳ್ಳಿ ಪ್ರಶಸ್ತಿ ಮಲ್ನಾಡ್ ವ್ಯವಹಾರ ಶಿವಮೊಗ್ಗ

ಸೆ.24ರಂದು ಪ್ರಾಥಮಿಕ ಶಾಲಾ ಶಿಕ್ಷಕರ ಸೌಹಾರ್ದ ಮಹಾಸಭೆ!

ಸೆ.24ರಂದು ಪ್ರಾಥಮಿಕ ಶಾಲಾ ಶಿಕ್ಷಕರ ಸೌಹಾರ್ದ ಮಹಾಸಭೆ!
– ಪ್ರತಿಭಾ ಪುರಸ್ಕಾರ-ಸನ್ಮಾನ ಕಾರ್ಯಕ್ರಮ: ಸರ್ವರಿಗೂ ಸ್ವಾಗತ
– ರಾಜ್ಯದ ಮೂಲೆ ಮೂಲೆಯಿಂದ ತೀರ್ಥಹಳ್ಳಿಗೆ ಶಿಕ್ಷಕರ ಆಗಮನ

NAMMUR EXPRESS NEWS
ತೀರ್ಥಹಳ್ಳಿ: ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸೌಹಾರ್ದ ಸಹಕಾರಿ ಸಂಘದಿಂದ ಸೆ. 24ರ ಬುಧವಾರ ಬೆಳಿಗ್ಗೆ 10 ಗಂಟೆಗೆ ಟಿಎಸ್‌ಟಿ ಕನ್ವೆನ್ನನ್ ಹಾಲ್ ಶಿಕ್ಷಕರ ಸೌಹಾರ್ದ ಭವನದಲ್ಲಿ 11ನೇ ಮಹಾಸಭೆ, ಪ್ರತಿಭಾ ಪುರಸ್ಕಾರ ಹಾಗೂ ನಿವೃತ್ತ ಶಿಕ್ಷಕರಿಗೆ ಸನ್ಮಾನಕಾರ್ಯ ಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ.

ಸಭೆಯನ್ನು ಎಂಎಡಿಬಿ ಅಧ್ಯಕ್ಷ ಆ‌ರ್.ಎಂ.ಮಂಜುನಾಥಗೌಡರು ಉದ್ಘಾಟಿಸುವರು. ಮುಖ್ಯ ಅತಿಥಿಗಳಾಗಿ ಶಾಸಕರಾದ ಆರಗ ಜ್ಞಾನೇಂದ್ರ, ಬೇಳೂರು ಗೋಪಾಲಕೃಷ್ಣ, ಮಾಜಿ ಸಚಿವ ಕಿಮ್ಮನೆ ರತ್ನಾಕ‌ರ್, ಶಿವಮೊಗ್ಗ ಹಾಲು ಒಕ್ಕೂಟದ ಅಧ್ಯಕ್ಷ ವಿದ್ಯಾಧರ್, ಕ.ರಾ.ಸೌ.ಸಂ.ಸ.ನಿ ಉಪಾಧ್ಯಕ್ಷ ಪ್ರಸನ್ನಕುಮಾ‌ರ್ ಎ.ಆರ್., ಮ್ಯಾಮ್ ಕೋಸ್ ಉಪಾಧ್ಯಕ್ಷ ಮಹೇಶ್ ಹುಲ್ಕುಳಿ,ಸಹ್ಯಾದ್ರಿ ವಿವಿಧೋದ್ದೇಶ ಸಹಕಾರಿಯ ಅಧ್ಯಕ್ಷ ಹೆಚ್‌.ಎನ್‌. ವಿಜಯದೇವ್, ಪ.ಪಂ.ಅಧ್ಯಕ್ಷ ರೆಹಮತ್ ಉಲ್ಲಾ ಅಸಾದಿ, ಉಪಾಧ್ಯಕ್ಷೆ ಗೀತಾ ರಮೇಶ್, ಕ.ರಾ.ಪ್ರಾ.ಶಾ.ಶಿ.ಸಂಘದ ಅಧ್ಯಕ್ಷ ಚಂದ್ರಶೇಖರ್ ನುಗ್ಗಲಿ, ಬೆಂಗಳೂರು ಕ.ರಾ. ಪ್ರಾ.ಶಾ.ಶಿ. ಸಂಘದ ಪ್ರಧಾನ ಕಾರ್ಯದರ್ಶಿ ಚೇತನ್ ಹೆಚ್.ಎಸ್., ಶಾ.ಶಿ.ಇಲಾಖೆ ಉಪನಿರ್ದೇಶಕರಾದ ಎಸ್.ಆರ್.ಮಂಜುನಾಥ್, ಕೃಷ್ಣಮೂರ್ತಿ ಹೆಚ್.ಆರ್., ಕ್ಷೇತ್ರ ಶಿಕ್ಷಣಾಧಿಕಾರಿಗಳಾದ ರಮೇಶ್, ನಾಗೇಂದ್ರಪ್ಪ, ಗಣೇಶ್ ವೈ., ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ರಾಘವೇಂದ್ರ ಎಸ್‌. ಪಾಲ್ಗೊಳ್ಳುವರು. ಕ.ರಾ.ಪ್ರಾ.ಶಾ.ಶಿ.ಸಂಘ ಸಹಕಾರಿ ನಿ., ತೀರ್ಥಹಳ್ಳಿಯ ಅಧ್ಯಕ್ಷ ಮಹಾಬಲೇಶ್ವರ ಹೆಗಡೆ ಅಧ್ಯಕ್ಷತೆ ವಹಿಸುವರು. ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಎಲ್ಲಾ ಜಿಲ್ಲೆಯ ಹಾಗೂ ಎಲ್ಲಾ ತಾಲ್ಲೂಕುಗಳ ಅಧ್ಯಕ್ಷರು ಮತ್ತು ಪದಾಧಿಕಾರಿಗಳು ಉಪಸ್ಥಿತರಿರುವರು.
ಸಮಾರಂಭಕ್ಕೆ ಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷರು, ಉಪಾಧ್ಯಕ್ಷರು ಹಾಗೂ ಮುಖ್ಯಕಾರ್ಯನಿರ್ವಹಣಾಧಿಕಾರಿ ಸ್ವಾಗತಿಸಿದ್ದಾರೆ.

Categories
ರಾಜ್ಯ ವ್ಯವಹಾರ

ಚಿನ್ನ ಇನ್ನು ಮುಟ್ಟೋಕೂ ಆಗಲ್ಲ!

ಚಿನ್ನ ಇನ್ನು ಮುಟ್ಟೋಕೂ ಆಗಲ್ಲ!
– ಚಿನ್ನದ ಬೆಲೆ ಶೀಘ್ರದಲ್ಲೇ 1 ಲಕ್ಷ ರೂಪಾಯಿ?
– ದಿನೇ ದಿನೇ ಏರುತ್ತಿದೆ ಚಿನ್ನದ ದರ!

NAMMUR EXPRESS NEWS
ಚಿನ್ನ ಭಾರತೀಯರು ಅತೀ ಹೆಚ್ಚು ಇಷ್ಟ ಪಡುವ ವಸ್ತು. ಆದರೆ ಈಗ ಚಿನ್ನವನ್ನು ಸಾಮಾನ್ಯ ಜನರು ಮುಟ್ಟದ ಸ್ಥಿತಿ ಬಂದಿದೆ. ಚಿನ್ನದ ಬೆಲೆ ಇದೇ ವರ್ಷ 1 ಲಕ್ಷ ರೂಪಾಯಿ ತಲುಪುವ ಸಾಧ್ಯತೆ ದಟ್ಟವಾಗಿದೆ. ಭಾರತದಲ್ಲಿ ಇದೀಗ 10 ಗ್ರಾಂನ 22 ಕ್ಯಾರಟ್ ಚಿನ್ನದ ಬೆಲೆ 66,850 ರೂಪಾಯಿ ಇದ್ರೆ, 24 ಕ್ಯಾರಟ್‌ನ ಅಪರಂಜಿ ಚಿನ್ನದ ಬೆಲೆ 72,930 ರೂಪಾಯಿಗೆ ತಲುಪಿದೆ. 100 ಗ್ರಾಂ ಬೆಳ್ಳಿ ಬೆಲೆ 8,400 ರೂಪಾಯಿ ಇದ್ದರೆ, ಬೆಂಗಳೂರಿನಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ ಬರೋಬ್ಬರಿ 66,850 ರೂಪಾಯಿಗೆ ತಲುಪಿದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಈಗ ರಾಜಕೀಯ ಪರಿಸ್ಥಿತಿ, ಯುದ್ಧ ಹಾಗೂ ಭಾರತದ ಆರ್ಥಿಕತೆ ಕಾರಣಗಳಿಂದ ಚಿನ್ನದ ಬೆಲೆ ಇದೀಗ ಹೆಚ್ಚಾಗುತ್ತಿದೆ. 22 ಕ್ಯಾರಟ್‌ನ 10 ಗ್ರಾಂ ಚಿನ್ನಕ್ಕೆ ಬೆಂಗಳೂರು ನಗರದಲ್ಲಿ 66,850 ರೂಪಾಯಿ, ಚೆನ್ನೈನಲ್ಲಿ 67,700 ರೂಪಾಯಿ, ಮುಂಬೈ ನಗರದಲ್ಲಿ 66,850 ರೂಪಾಯಿ, ದೆಹಲಿಯಲ್ಲಿ 67,000 ರೂಪಾಯಿ, ಕೊಲ್ಕತ್ತಾ ನಗರದಲ್ಲಿ 66,850 ರೂ. ಕೇರಳದಲ್ಲಿ 66,850 ರೂಪಾಯಿ ಇದೆ.

ಮದುವೆ ಸೀಸನ್ ಚಿನ್ನ ದುಬಾರಿ!

ರಾಜ್ಯದಲ್ಲಿ ಮದುವೆ ಮತ್ತು ಕಾರ್ಯಕ್ರಮಗಳ ಸೀಜನ್ ಇದು. ಇಲ್ಲಿ ಚಿನ್ನ ಕೊಳ್ಳಲೇ ಬೇಕು. ಆದರೆ ದರ ಏರಿಕೆ ಬರೆ ಜನರನ್ನು ಕಾಡುತ್ತಿದೆ.

Categories
ಮಾಹಿತಿ ರಾಜ್ಯ ರಾಷ್ಟ್ರೀಯ ವಾರ್ತೆ ವ್ಯವಹಾರ

ಹೊಸ ಆರ್ಥಿಕ ವರ್ಷಕ್ಕೆ ಸ್ವಾಗತ!

ಹೊಸ ಆರ್ಥಿಕ ವರ್ಷಕ್ಕೆ ಸ್ವಾಗತ!
– ಏ.1ರಿಂದ ಏನೇನ್ ಜಾಸ್ತಿ ಆಗುತ್ತೆ?
– ಹಲವು ನಿಯಮ ಬದಲು: ಏನೇನು ಬದಲಾಗುತ್ತೆ?

NAMMUR EXPRESS NEWS
ಏ.1ರಿಂದ ಹೊಸ ಆರ್ಥಿಕ ವರ್ಷ ಆರಂಭವಾಗಲಿದೆ. ಎನ್ ಪಿ ಎಸ್‌ಗೆ ಲಾಗಿನ್ ಆಗಲು ಆಧಾರ್ ಕಡ್ಡಾಯ, ಎಸ್ ಬಿ ಐ ಡೆಬಿಟ್ ಕಾರ್ಡ್ ಶುಲ್ಕ ಹೆಚ್ಚಳ, ಇಪಿಎಫ್‌ ಒ ನಿಯಮ ಬದಲಾವಣೆ, ಫಾಸ್‌ ಟ್ಯಾಗ್‌ ಗೆ ಕೆವೈಸಿ ಇವೂ ಸೇರಿದಂತೆ ಏ.1ರಿಂದ ವಿತ್ತೀಯ ಜಗತ್ತಿನಲ್ಲಿ ಹಲವು ಬದಲಾವಣೆಗಳು ಆಗಲಿವೆ. ಜನಸಾಮಾನ್ಯರ ಜೇಬಿಗೆ ನೇರ ಪರಿಣಾಮ.

-ಫಾಸ್‌ಟ್ಯಾಗ್ ಕೆವೈಸಿ ಕಡ್ಡಾಯ

ಏ . 1ಕ್ಕೂ ಮೊದಲು ಫಾಸ್ಟ್‌ ಟ್ಯಾಗ್ ಕೆವೈಸಿ ಅನ್ನು ಅಪ್‌ಡೇಟ್ ಮಾಡುವಂತೆ ಎನ್ ಎಚ್ ಎಐ ಸೂಚನೆ ನೀಡಿದೆ. ಒಂದೊಮ್ಮೆ ಕೆವೈಸಿ ಮಾಡಲು ವಿಫಲವಾದರೆ ನಿಮ್ಮ ಫಾಸ್ಟ್ ಟ್ರ್ಯಾಕ್ ಖಾತೆ ನಿಷ್ಕ್ರಿಯವಾಗಲಿದೆ. ನಂತರ ಖಾತೆಯಲ್ಲಿ ಹಣವಿದ್ದರೂ, ನಿಮ್ಮ ಟೋಲ್ ಪಾವತಿಸಲು ನಿಮಗೆ ಸಾಧ್ಯವಾಗುವುದಿಲ್ಲ.

– ಇನ್ಮುಂದೆ ಇ-ಇನ್ಸೂರೆನ್ಸ್ ಅಷ್ಟೇ !

ಏ .1ರ ಬಳಿಕ ಲೈಫ್, ಹೆಲ್ತ್ ಅಥವಾ ಯಾವುದೇ ಜನರಲ್ ವಿಮೆ ಪಾಲಿಸಿ ಖರೀದಿಸಿದರೂ, ವಿಮಾ ಕಂಪನಿಗಳು ಕಾಗದದ ರೂಪದ ದಾಖಲೆ ಪತ್ರಗಳನ್ನು ನೀಡುವುದಿಲ್ಲ. ಕೇವಲ ಡಿಜಿಟಲ್ ಫಾರ್ಮೆಟ್‌ ನಲ್ಲಷ್ಟೇ ಪಾಲಿಸಿಯನ್ನು ಗ್ರಾಹಕರಿಗೆ ನೀಡುತ್ತವೆ.

-ಮ್ಯೂಚುವಲ್ ಫಂಡ್ ಬಂದ್ ಆಗಬಹುದು!

ಮ್ಯೂಚುವಲ್ ಫಂಡ್ ಗಳಿಗೂ ಕೆವೈಸಿ ಏ.1ರಿಂದ ಕಡ್ಡಾಯವಾಗಲಿದೆ ಯಾರು ಕೆವೈಸಿ ಮಾಡಿಸಿಲ್ಲವೋ ಅವರ ಎಂಎಫ್ ವಹಿವಾಟುಗಳು ಸ್ಥಗಿತಗೊಳ್ಳಲಿದೆ.

– ವಿಮೆ ನಿಯಮ ಬದಲಾವಣೆ

ಏಪ್ರಿಲ್ 1ರಿಂದ ವಿಮಾ ಕ್ಷೇತ್ರದಲ್ಲೂ ಮಹತ್ವದ ಬದಲಾವಣೆ ಆಗಲಿದೆ. ಐಆರ್ ಡಿಎಐ ನಿಯಮಗಳನ್ನು ಬದಲಾಯಿಸುವ ಮೂಲಕ ಸರೆಂಡರ್ ಮೌಲ್ಯದ ನಿಯಮಗಳನ್ನು ಬದಲಾಯಿಸಿದೆ. ಇನ್ನು ಮುಂದೆ ಗ್ರಾಹಕರು ಪಾಲಿಸಿಯನ್ನು ಎಷ್ಟು ತಡವಾಗಿ ಸರೆಂಡರ್ ಮಾಡುತ್ತಾರೋ ಅಷ್ಟು ಹೆಚ್ಚು ಸರೆಂಡರ್ ಮೌಲ್ಯ ಪಡೆಯಲಿದ್ದಾರೆ. ಪ್ರಸ್ತುತ ವರ್ಷಗಳೊಳಗೆ ಪಾಲಿಸಿಯನ್ನು ಸರೆಂಡರ್ ಮಾಡಿದರೆ ಮುಖ ಬೆಲೆಗಿಂತ ಕಡಿಮೆ ಮೌಲ್ಯ ದೊರೆಯುತ್ತಿದೆ.

– ಎನ್‌ಪಿಎಸ್‌ ಗೆ ಆಧಾರ್ ಭದ್ರತೆ

ಎನ್‌ಪಿಎಸ್‌ ಖಾತೆಗೆ ಲಾಗಿನ್ ಆಗುವ ನಿಯಮಗಳನ್ನು ಪಿಂಚಣಿ ನಿಯಂತ್ರಕ ಸಂಸ್ಥೆ ಪಿಇಆ‌ರ್ ಡಿವಿ ಬದಲಾಯಿಸಿದೆ. ಇನ್ನು ಮುಂದೆ ‘ಎನ್‌ಪಿಎಸ್’ ಖಾತೆಗೆ ಲಾಗಿನ್ ಆಗಲು ಬಳಕೆದಾರರ ಐಡಿ ಮತ್ತು ಪಾಸ್ ವರ್ಡ್ ಅಲ್ಲದೆ ಆಧಾ‌ರ್ ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಯೂ ಅಗತ್ಯವಾಗಿದೆ. ನಿಮ್ಮ ಆಧಾ‌ರ್ ಗೆ ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಗೆ ಒಟಿಪಿ ಬರಲಿದ್ದು, ಇದನ್ನು ನಮೂದಿಸಿದ ನಂತರದೇ ನೀವು ಎನ್‌ಪಿಎಸ್ ಖಾತೆಗೆ ಲಾಗಿನ್ ಆಗಬಹುದು.

– ಹೊಸ ತೆರಿಗೆ ಪದ್ಧತಿ ಡೀಫಾಲ್ಟ್ ಆಯ್ಕೆ

ಏಪ್ರಿಲ್ 1ರಿಂದ ಆದಾಯ ತೆರಿಗೆ ನಿಯಮಗಳಲ್ಲಿಯೂ ಪ್ರಮುಖ ಬದಲಾವಣೆ ಜಾರಿಗೆ ಬರಲಿದೆ. ಇದರ ಅಡಿಯಲ್ಲಿ ಹೊಸ ತೆರಿಗೆ ಪದ್ಧತಿಯು ಡೀಫಾಲ್ಟ್ ತೆರಿಗೆ ಪದ್ಧತಿಯಾಗಿರಲಿದೆ. ಅಂದರೆ, ನೀವು ಹಳೆಯ ಮತ್ತು ಹೊಸ ತೆರಿಗೆ ಪದ್ಧತಿಯ ನಡುವೆ ನಿಮಗೆ ಬೇಕಾದ ಆಯ್ಕೆಯನ್ನು ಆಯ್ದು ಕೊಳ್ಳದೇ ಇದ್ದಲ್ಲಿ ನಿಮ್ಮ ಐಟಿಆರ್ ‘ಅನ್ನು ಹೊಸ ತೆರಿಗೆ ಪದ್ದತಿಯ ಅಡಿಯಲ್ಲಿ ಸಲ್ಲಿಸಲಾಗುತ್ತದೆ. ಒಮ್ಮೆ ಹೊಸ ತೆರಿಗೆ ಪದ್ಧತಿ ಆಯ್ದುಕೊಂಡರೆ ಹಳೆ ತೆರಿಗೆ ಪದ್ದತಿ ಆಯ್ದುಕೊಳ್ಳುವ ಆಯ್ಕೆ ಇರುವುದಿಲ್ಲ, ಹೊಸ ತೆರಿಗೆ ಪದ್ಧತಿಯಲ್ಲಿ 7 ಲಕ್ಷ ರೂ.ವರೆಗೂ ತೆರಿಗೆ ಪಾವತಿಸಬೇಕಾಗಿಲ್ಲ,

– ಕ್ರೆಡಿಟ್ ಕಾರ್ಡ್ ಗ್ರಾಹಕರಿಗೆ ಸೌಲಭ್ಯ

• “ಯೆಸ್ ಬ್ಯಾಂಕ್’ ತನ್ನ ಕ್ರೆಡಿಟ್ ಕಾರ್ಡ್ ನಿಯಮಗಳನ್ನು ಬದಲಾಯಿಸಿದೆ. ಕ್ರೆಡಿಟ್ ಕಾರ್ಡ್ ಬಳಕೆದಾರರು ತ್ರೈಮಾಸಿಕದಲ್ಲಿ ಕನಿಷ್ಠ 10,000 ರೂ.ಗಳನ್ನು ಖರ್ಚು ಮಾಡಿದರೆ, ಅವರು ದೇಶೀಯ ವಿಮಾನ ನಿಲ್ದಾಣದ ಲಾಂಜ್ ಪ್ರವೇಶವನ್ನು ಪಡೆಯುತ್ತಾರೆ. ಈ ಸೌಲಭ್ಯ ಏ.1ರಿಂದ ಜಾರಿಗೆ ಬರಲಿದೆ.

• ದೇಶದ ಪ್ರಮುಖ ಖಾಸಗಿ ಬ್ಯಾಂಕ್ ‘ಐಸಿಐಸಿಐ ತನ್ನ ಗ್ರಾಹಕರಿಗೆ ಒಂದು ತ್ರೈಮಾಸಿಕದಲ್ಲಿ 35,000 ರೂ.ವರೆಗೆ ವೆಚ್ಚ ಮಾಡಿದಲ್ಲಿ ಕಾಂಪ್ಲಿಮೆಂಟರಿ ಏರ್ ಪೋರ್ಟ್ ಲಾಂಜ್ ಪ್ರವೇಶವನ್ನು ನೀಡುತ್ತಿದೆ.

– ಇಪಿಎಫ್‌ಒ ನಿಯಮ ಬದಲು

ಏಪ್ರಿಲ್ 1ರಿಂದ ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಒ) ನಿಯಮಗಳಲ್ಲಿ ದೊಡ್ಡ ಬದಲಾವಣೆಯೊಂದು ಜಾರಿಗೆ ಬರುತ್ತಿದೆ. ಇನ್ನು ಮುಂದೆ ಉದ್ಯೋಗ ಬದಲಾವಣೆಯ ಸಂದರ್ಭದಲ್ಲಿ ಉದ್ಯೋಗಿಯ ಇಪಿಎಫ್ ಒ ಖಾತೆಯನ್ನು ಸ್ವಯಂಚಾಲಿತವಾಗಿ ಹೊಸ ಉದ್ಯೋಗದಾತರಿಗೆ ವರ್ಗಾಯಿಸಲಾಗುತ್ತದೆ. ಈ ಹಿಂದೆ ಖಾತೆದಾರರ ಕೋರಿಕೆಯ ಮೇರೆಗೆ ಮಾತ್ರ ಖಾತೆಗಳನ್ನು ವರ್ಗಾಯಿಸಲಾಗುತ್ತಿತ್ತು.

Categories
ತೀರ್ಥಹಳ್ಳಿ ವ್ಯವಹಾರ

ಫ್ಯಾಷನ್ ಬ್ರಿಗೇಡ್ ವಾರ್ಷಿಕ ಡ್ರಾ..!

ಫ್ಯಾಷನ್ ಬ್ರಿಗೇಡ್ ವಾರ್ಷಿಕ ಡ್ರಾ..!
– 9 ಮಂದಿ ಗ್ರಾಹಕರಿಗೆ ವಿಶೇಷ ಬಹುಮಾನ.. ಯಾರಿಗೆ ಲಕ್?..ಇಲ್ಲಿದೆ ಡೀಟೇಲ್ಸ್
– ಸಂತೋಷ್ ದೇವಾಡಿಗ, ಸುಜಿತ್ ಸಾಲಿಯಾನ್, ಕಟ್ಟೆ ಕರಣ್, ಉಮೇಶ್ ಶೆಟ್ಟಿ, ಶ್ರೀನಂದಾ ಅವರಿಂದ ಡ್ರಾ

NAMMUR EXPRESS BUSINESS NEWS
ತೀರ್ಥಹಳ್ಳಿಯ ಪ್ರಸಿದ್ಧ ಪುರುಷರ ಫ್ಯಾಷನ್ ವಸ್ತ್ರ ಮಳಿಗೆ ಫ್ಯಾಷನ್ ಬ್ರಿಗೇಡ್ ಸಂಸ್ಥೆಯ ವಾರ್ಷಿಕ ಡ್ರಾ ನಡೆದಿದ್ದು, ಸುಮಾರು 9 ಮಂದಿ ಗ್ರಾಹಕರಿಗೆ ವಿಶೇಷ ಬಹುಮಾನ ಲಭ್ಯವಾಯಿತು. ಪುರುಷರ ಎಲ್ಲಾ ರೀತಿಯ ವಸ್ತ್ರಗಳು, ಫ್ಯಾಷನ್ ಬಟ್ಟೆಗಳು ಲಭ್ಯವಿರುವ ಅಪಾರ ಗ್ರಾಹಕರ ಮೆಚ್ಚಿನ ಅಂಗಡಿಯಲ್ಲಿ ನಡೆದ ಸರಳ ಕಾರ್ಯಕ್ರಮದಲ್ಲಿ ಬಿಜೆಪಿ ಯುವ ಘಟಕದ ತಾಲೂಕು ಅಧ್ಯಕ್ಷರಾದ ಸಂತೋಷ್ ದೇವಾಡಿಗ, ತೀರ್ಥಹಳ್ಳಿ ಎನ್ ಎಸ್ ಯು ಐ ಅಧ್ಯಕ್ಷ ಸುಜಿತ್ ಸಾಲಿಯಾನ್, ಕರವೇ ಪ್ರಮುಖರೂ ಉದ್ಯಮಿ ಕಟ್ಟೆ ಕರಣ್, ಉಮೇಶ್ ಶೆಟ್ಟಿ, ದಬ್ಬಣಗದ್ದೆ ಶ್ರೀನಂದಾ ಡ್ರಾ ನಡೆಸಿಕೊಟ್ಟರು.

ಏನಿದು ಯೋಜನೆ..?

ವಿಶೇಷ ಬಂಪರ್ ಬಹುಮಾನ ಪ್ರತಿ 1000 ರೂ ಖರೀದಿ ಮೇಲೆ ಒಂದು ಕೂಪನ್ ನೀಡಲಾಗಿತ್ತು. ಗ್ರಾಹಕರು ಈ ಯೋಜನೆ ಜತೆಗೆ ಅತ್ಯಂತ ಉತ್ತಮ ಡಿಸೈನ್, ಗುಣಮಟ್ಟ, ಸೇವೆಗಾಗಿ ಫ್ಯಾಷನ್ ಬ್ರಿಗೇಡ್ ಬಟ್ಟೆ ಅಂಗಡಿಯಲ್ಲಿ ಖರೀದಿ ಮಾಡಿದ್ದರು. ಈ ಹಿಂದೆ ತಿಲಿ ಫ್ಯಾಷನ್ ಇದ್ದ ಅಂಗಡಿ ಹೊಸ ಮ್ಯಾನೇಜ್ ಮೆಂಟ್ ಜತೆ ಫ್ಯಾಷನ್ ಬ್ರಿಗೇಡ್ ಆಗಿ ಬದಲಾಗಿ ಇದೀಗ ವಸ್ತ್ರ ಉದ್ಯಮದಲ್ಲಿ ತಮ್ಮದೇ ಗ್ರಾಹಕರನ್ನು ಹೊಂದಿದೆ.

ಬಹುಮಾನ ಗೆದ್ದವರು ಯಾರು ಯಾರು..?

ಬಂಪ‌ರ್ ಬಹುಮಾನ: ವಾಷಿಂಗ್ ಮೆಷಿನ್
ಶ್ರೇಯಸ್ ಕುಕ್ಕೆ 9901310067

ಮೊದಲ ಬಹುಮಾನಃ  ಸ್ಮಾರ್ಟ್ ಎಲ್‌.ಇ. ಡಿ ಟಿವಿ
ಮಹಾಬಲೇಶ್ ಪುರ್ಲೆಕೊಪ್ಪ 9481063239

ದ್ವಿತೀಯ ಬಹುಮಾನ: ಸ್ಪೋರ್ಟ್ಸ್ ಸೈಕಲ್
ಸುನಿಲ್ S L ಶಿವಳ್ಳಿ 9480766112

ತೃತೀಯ ಬಹುಮಾನ : ಸ್ಮಾರ್ಟ್ ವಾಚ್
ಸುನಿಲ್ H R ಹುಲಿಗುದ್ದು 8762329033

ಆಕರ್ಷಕ 5 ಸಮಾಧಾನಕರ ಬಹುಮಾನಗಳು

ಮಹೇಶ್ R ಬೆಟ್ಟಮಕ್ಕಿ 9731315573

ಸುನಿಲ್ ಕುಮಾರ್ V M ವರ್ತೆಕೇರಿ 8147651947

ಶಿವರಾಜ್ ಬಂಡಿಗಡಿ 9731368464

ಪವನ್ K ದವಣೆಬೈಲು 8217047189

ರಥನ್ ನಾಲೂರು 8277331235

ಕೂಡಲೇ ಭೇಟಿ ನೀಡಿ ಬಹುಮಾನ ಪಡೆದುಕೊಳ್ಳಿ

ಕಟ್ಟೆ ಕಾಂಪ್ಲೆಕ್ಸ್, ಮಾರಿಕಾಂಬಾ ದೇವಸ್ಥಾನ ಪಕ್ಕ ಆಜಾದ್ ರಸ್ತೆ, ತೀರ್ಥಹಳ್ಳಿ

9740556069, 9845497914

Categories
ಬೆಂಗಳೂರು ಮಾಹಿತಿ ರಾಜ್ಯ ವ್ಯವಹಾರ

ಮಹಿಳಾ ಉದ್ಯಮಿಗಳಾಗಲು ಸುವರ್ಣಾವಕಾಶ

ಮಹಿಳಾ ಉದ್ಯಮಿಗಳಾಗಲು ಸುವರ್ಣಾವಕಾಶ
– 3 ಲಕ್ಷ ರೂ. ವರೆಗೆ ಬಡ್ಡಿರಹಿತ ಸಾಲ!
– ಉದ್ಯೋಗಿನಿ ಯೋಜನೆಯನ್ನು ಎಲ್ಲಿ ಪಡೆಯಬಹುದು?
– ಯಾವೆಲ್ಲ ಉದ್ದಿಮೆಗಳಿಗೆ ಸಾಲ? ಇಲ್ಲಿದೆ ವಿವರ

NAMMUR EXPRESS NEWS
ಬೆಂಗಳೂರು: ಮಹಿಳೆಯರು ಸ್ವಾವಲಂಬಿಯಾಗಿ ಜೀವನ ನಡೆಸಲು, ಆರ್ಥಿಕವಾಗಿ ಸದೃಢರಾಗಲು, ಒಬ್ಬ ಯಶಸ್ವಿ ಉದ್ಯಮಿಯಾಗಿ ರೂಪುಗೊಳ್ಳಲು ಕೇಂದ್ರ ಸರ್ಕಾರವು “ಉದ್ಯೋಗಿನಿ ಯೋಜನೆ”ಯನ್ನು ಜಾರಿಗೆ ತಂದಿದೆ. ಇದರ ಅಡಿ ಗರಿಷ್ಠ 3 ಲಕ್ಷ ರೂಪಾಯಿವರೆಗೆ ಮಹಿಳೆಯರಿಗೆ ಬಡ್ಡಿ ರಹಿತ ಸಾಲ ಸೌಲಭ್ಯ ಸಿಗಲಿದೆ. ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದ ಫಲಾನುಭವಿಗಳಿಗೆ ಸಾಲದ ಘಟಕ ವೆಚ್ಚ ರೂಪದಲ್ಲಿ ಕನಿಷ್ಠ 1 ಲಕ್ಷ ರೂಪಾಯಿಯಿಂದ ಗರಿಷ್ಠ 3 ಲಕ್ಷ ರೂಪಾಯಿವರೆಗೆ ಸಾಲ ಸೌಲಭ್ಯ ಸಿಗುತ್ತದೆ. ಇದಕ್ಕೆ ಶೇ.50ರಂತೆ ಗರಿಷ್ಠ 1.50 ಲಕ್ಷ ರೂ. ವರೆಗೆ ಸಹಾಯಧನ ಇರಲಿದೆ. ಇನ್ನು ಕುಟುಂಬದ ವಾರ್ಷಿ‍ಕ ಆದಾಯದ ಗರಿಷ್ಠ ಮಿತಿ 2 ಲಕ್ಷ ರೂಪಾಯಿ ಆಗಿರಬೇಕು ಎಂಬ ಷರತ್ತುಗಳಿವೆ.

ಸಾಮಾನ್ಯ ವರ್ಗ ಮತ್ತು ವಿಶೇಷ ವರ್ಗದ ಫಲಾನುಭವಿಗಳಿಗೆ ಸಾಲದ ಘಟಕ ವೆಚ್ಚವು ಗರಿಷ್ಠ 3 ಲಕ್ಷ ರೂಪಾಯಿ ಇದ್ದರೆ, ಶೇ. 30ರವರೆಗೆ ಅಂದರೆ ಗರಿಷ್ಠ 90,000 ರೂಪಾಯಿವರೆಗೆ ಸಹಾಯಧನದ ಮೊತ್ತ ಸಿಗಲಿದೆ. ಆದರೆ, ಕುಟುಂಬದ ವಾರ್ಷಿಕ ಆದಾಯದ ಗರಿಷ್ಠ ಮಿತಿ 1.50 ಲಕ್ಷ ರೂಪಾಯಿ ಇರಬೇಕು. ಎಲ್ಲ ವರ್ಗದ ಮಹಿಳೆಯರಿಗೆ ಉದ್ಯೋಗಿನಿ ಯೋಜನೆಯ ಪ್ರಯೋಜನ ಪಡೆಯಲು ಅವಕಾಶವಿದ್ದು, 18 ರಿಂದ 55 ವ‍‍ರ್ಷಗಳ ವಯೋಮಿತಿಯನ್ನು ನಿಗದಿ ಪಡಿಸಲಾಗಿದೆ. ಇನ್ನು ವಿಧವೆ ಅಥವಾ ವಿಶೇಷ ಚೇತನ ಮಹಿಳೆಯರಿಗೆ ಮೇಲಾಧಾರ ಅಗತ್ಯವಿಲ್ಲ.

ಉದ್ಯೋಗಿನಿ ಯೋಜನೆಯನ್ನು ಎಲ್ಲಿ ಪಡೆಯಬಹುದು?

ಉದ್ಯೋಗಿನಿ ಯೋಜನೆಯು ಪಂಜಾಬ್ ಮತ್ತು ಸಿಂಧ್ ಬ್ಯಾಂಕ್, ಸಾರಸ್ವತ ಬ್ಯಾಂಕ್ ಮತ್ತು ಕರ್ನಾಟಕ ರಾಜ್ಯ ಮಹಿಳಾ ಅಭಿವೃದ್ಧಿ ನಿಗಮ ಸೇರಿದಂತೆ ಹಲವಾರು ವಾಣಿಜ್ಯ ಮತ್ತು ಸಾರ್ವಜನಿಕ ವಲಯದ ಬ್ಯಾಂಕ್‌ಗಳಲ್ಲಿ ಪಡೆದುಕೊಳ್ಳಬಹುದಾಗಿದೆ. ಅಲ್ಲದೆ, ಕರ್ನಾಟಕ ರಾಜ್ಯ ಮಹಿಳಾ ಅಭಿವೃದ್ಧಿ ನಿಗಮವು ಮಹಿಳೆಯರಿಗೆ ವೃತ್ತಿಪರ ಅಭಿವೃದ್ಧಿ ತರಬೇತಿ ಕಾರ್ಯಕ್ರಮಗಳನ್ನು ಸಹ ಸಂಘಟಿಸುತ್ತದೆ.

ಉದ್ಯೋಗಿನಿ ಯೋಜನೆಯ ಉದ್ದೇಶ

ಈ ಕಾರ್ಯಕ್ರಮವನ್ನು ಅನುಷ್ಠಾನಗೊಳಿಸುವಲ್ಲಿ ಕರ್ನಾಟಕ ರಾಜ್ಯದ ಪ್ರಮುಖ ಗುರಿಯೆಂದರೆ ಮಹಿಳೆಯರು ತಮ್ಮದೇ ಆದ ಕಂಪನಿಗಳು ಮತ್ತು ಕಿರು ಉದ್ಯಮಗಳನ್ನು ಪ್ರಾರಂಭಿಸುವ ಮೂಲಕ ಸ್ವಾವಲಂಬಿಯಾಗಲು ಸಹಾಯ ಮಾಡುವುದು. ಜತೆಗೆ ಲೇವಾದೇವಿಗಾರರಿಂದ ಹೆಚ್ಚಿನ ಬಡ್ಡಿದರದಲ್ಲಿ ಸಾಲ ಪಡೆಯುವುದನ್ನು ತಪ್ಪಿಸುವುದಾಗಿದೆ. ಆರ್ಥಿಕ ಸಹಾಯದ ಜತೆಗೆ ಕೌಶಲ್ಯ ಅಭಿವೃದ್ಧಿ ಕೋರ್ಸ್‌ಗಳನ್ನು ಈ ಮೂಲಕ ನೀಡಲಾಗುತ್ತದೆ.

ಉದ್ಯೋಗಿನಿ ಯೋಜನೆಗೆ ಅರ್ಹತೆ ಏನು?

* ಅಭ್ಯರ್ಥಿಯು ಮಹಿಳೆಯಾಗಿರಬೇಕು
* ಅರ್ಹ ಮಹಿಳೆಯ ವಯೋಮಿತಿ 18 ರಿಂದ 55 ರವರೆಗೆ ಇರಬೇಕು
ಆದಾಯದ ಮಿತಿ 1.5 ಲಕ್ಷ ರೂ.
* ಮಹಿಳಾ ವ್ಯಾಪಾರ ಮಾಲೀಕರು ಮಾತ್ರ ವ್ಯಾಪಾರ ಸಾಲಗಳಿಗೆ ಅರ್ಹರು
* ಹಣಕಾಸು ಸಂಸ್ಥೆಗಳಿಂದ ಹಿಂದಿನ ಯಾವುದೇ ಸಾಲಗಳನ್ನು ಡಿಫಾಲ್ಟ್ ಮಾಡಿಕೊಳ್ಳದೇ ಇರುವುದು

ಅಗತ್ಯ ದಾಖಲೆಗಳು ಏನು?

* ಪಾಸ್ಪೋರ್ಟ್ ಅಳತೆಯ ಭಾವಚಿತ್ರಗಳು
* ಅರ್ಜಿದಾರರ ಆಧಾರ್ ಕಾರ್ಡ್
* ಜನನ ಪ್ರಮಾಣಪತ್ರ
* ಸರಿಯಾಗಿ ಭರ್ತಿ ಮಾಡಿದ ಅರ್ಜಿ ನಮೂನೆ
* ವಿಳಾಸ ಮತ್ತು ಆದಾಯದ ಪುರಾವೆ
* ಬಡತನ ರೇಖೆಗಿಂತ ಕೆಳಗಿರುವ ಅರ್ಜಿದಾರರ (BPL) ಕಾರ್ಡ್ ಮತ್ತು ಪಡಿತರ ಚೀಟಿ
* ಜಾತಿ ಪ್ರಮಾಣಪತ್ರ
* ಬ್ಯಾಂಕ್ ಪಾಸ್‌ಬುಕ್‌ನ ಪ್ರತಿ (ಖಾತೆ, ಬ್ಯಾಂಕ್ ಮತ್ತು ಶಾಖೆಯ ಹೆಸರುಗಳು, ಹೊಂದಿರುವವರ ಹೆಸರು, IFSC, ಮತ್ತು MICR)
* ಬ್ಯಾಂಕ್/NBFC ಗೆ ಅಗತ್ಯವಿರುವ ಯಾವುದೇ ಇತರ ದಾಖಲೆ

ಯಾವೆಲ್ಲ ಉದ್ದಿಮೆಗಳಿಗೆ ಸಾಲ ಪಡೆಯಬಹುದು?

ಅಗರ್‌ಬತ್ತಿ ತಯಾರಿಕೆ ಡಯೋಗ್ನೋಸ್ಟಿಕ್‌ ಲ್ಯಾಬರ್‌, ಲೀಫ್‌ ಕಪ್‌ಗಳ ತಯಾರಿಕೆ, ರಿಬ್ಬನ್‌ ತಯಾರಿಕೆ. ಬೇಕರಿ, ಮೀನು ಮಾರಾಟ, ದಿನಸಿ ಅಂಗಡಿ, ಉಪ್ಪಿನಕಾಯಿ, ಕಾಫಿ – ಟೀ ಅಂಗಡಿ, ಟೈಲರಿಂಗ್, ಬಳೆ ಅಂಗಡಿ, ಎಸ್‌ಟಿಡಿ ಬೂತ್‌, ಬ್ಯೂಟಿ ಪಾರ್ಲರ್‌, ಕ್ಲಿನಿಕ್‌, ಜಿಮ್‌, ಹಿಟ್ಟಿನ ಗಿರಣಿ, ಪೋಟೋ ಸ್ಟೂಡಿಯೋ, ಕಾಂಡಿಮೆಂಟ್ಸ್, ಚಪ್ಪಲಿ ಮಾರಾಟ ಮಳಿಗೆ, ಮ್ಯಾಚ್‌ ಬಾಕ್ಸ್‌ ತಯಾರಿಕೆ, ಸೋಪ್‌ ಆಯಿಲ್‌, ಸೋಪ್‌ ಪೌಡರ್‌, ಡಿಟರ್ಜೆಂಟ್‌ ತಯಾರಿಕೆ, ನ್ಯಾಯಬೆಲೆ ಅಂಗಡಿ ಸೇರಿದಂತೆ 88ಕ್ಕೂ ಹೆಚ್ಚು ಪ್ರಮಾಣದ ಸಣ್ಣ ಉದ್ಯಮಗಳ ಆರಂಭಿಸಲು ಉದ್ಯೋಗಿನಿ ಯೋಜನೆ ಅಡಿ ಸಾಲ ಸಿಗಲಿದೆ.

Categories
ವ್ಯವಹಾರ

300 ಕೆಜಿಗೆ ಇದ್ದ ಟೊಮೇಟೊ ಈಗ 10 ರೂ.!?

300 ಕೆಜಿಗೆ ಇದ್ದ ಟೊಮೇಟೊ ಈಗ 10 ರೂ.!?
– ಅಂದ್ರದ ಮಾರುಕಟ್ಟೆಯಲ್ಲಿ 10 ರೂ.
– ಇತರೆ ಮಾರುಕಟ್ಟೆಯಲ್ಲಿ ಎಷ್ಟಿದೆ ದರ..?

NAMMUR EXPRESS NEWS
ಟೊಮೆಟೊ ಹೆಸರು ಕೇಳಿದ್ರೆ ಬೇಡ ಅನ್ನುವಷ್ಟು ದರ ಏರಿದ್ದು ಈಗ ಇತಿಹಾಸ. ಟೊಮೆಟೊ ಕಳ್ಳತನ ಮಾಡಿ, ಲಾರಿಯನ್ನೇ ಹೈಜಾಕ್ ಮಾಡಿದ ಘಟನೆ ಕೂಡ ನಡೆದಿದ್ದವು. ಅಲ್ಲದೆ ಮನೆಯಲ್ಲಿ ಟೊಮೆಟೊ ತರುವುದನ್ನೇ ಜನ ನಿಲ್ಲಿಸಿದ್ದರು.
ಅದಕ್ಕೆ ಹೇಳೋದು ಕಾಲ ಒಂದೇ ತರ ಇರಲ್ಲ. ಕಾಲ ಚಕ್ರದಲ್ಲಿ ಈಗ ಟೊಮೆಟೊ ಬೆಲೆ ಕೆಜಿಗೆ ಕೆಲವೆಡೆ 10 ರೂ. ಗೆ ಬಂದು ನಿಂತಿದೆ. ಕಳೆದೆರಡು ತಿಂಗಳಿಂದ ಬೆಲೆಯಲ್ಲಿ ಭಾರಿ ಏರಿಕೆ ಕಂಡಿದ್ದು, ಸಾಮಾನ್ಯ ಹಾಗೂ ಮಧ್ಯಮ ವರ್ಗದ ಜನ ಕೊಳ್ಳೋದಾ ಬೇಡವಾ ಎಂಬ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಬಾರಿ ಒಂದು ಕಿಲೋ ಟೊಮೆಟೊ ರೂ. 250ಕ್ಕೆ ತಲುಪಿತ್ತು.
ಸದ್ಯ ಟೊಮೇಟೊ ಬೆಲೆಯಲ್ಲಿ ಇಳಿಕೆ ಕಂಡಿದ್ದು, ಅಂದ್ರ ಪ್ರದೇಶದಲ್ಲಿ ಒಂದು ಕಿಲೋ ಟೊಮೆಟೊ ಬೆಲೆ ರೂ. 10ಕ್ಕೆ ತಲುಪಿದ ಬಳಿಕ ಸಾಮಾನ್ಯ ಹಾಗೂ ಮಧ್ಯಮ ವರ್ಗದ ಜನರು ಉಸಿರು ಬಿಗಿ ಹಿಡಿದಿದ್ದಾರೆ.

ಆಗಸ್ಟ್ ಮೊದಲ ವಾರದಿಂದಲೇ ಬೆಲೆಯಲ್ಲಿ ಕೊಂಚ ಇಳಿಕೆಯಾಗಿದೆ. ಈಗ ಒಂದು ಕಿಲೋ ಟೊಮೆಟೊ ರೂ. 10ಕ್ಕೆ ತಲುಪಿದೆ. ಕರ್ನೂಲ್ ಜಿಲ್ಲೆಯ ಪಟಿಕೊಂಡ ಕೃಷಿ ಮಾರುಕಟ್ಟೆ ಯಾರ್ಡ್‌ನಲ್ಲಿ ಶುಕ್ರವಾರ ಟೊಮೇಟೊ ಖರೀದಿ ಭರದಿಂದ ಆರಂಭವಾಗಿದೆ. ರೈತರು ಮೊದಲ ದಿನವೇ ಸುಮಾರು 10 ಟನ್ ಮಾರುಕಟ್ಟೆಗೆ ತಂದಿದ್ದರು. ಹರಾಜಿನಲ್ಲಿ ಕ್ವಿಂಟಾಲ್ ಟೊಮೆಟೊ ರೂ. ಬೆಲೆ 1000 ಕ್ಕಿಂತ ಕಡಿಮೆಗೆ ಮಾರಾಟವಾಗಿದೆ. ಆದರೆ, ಮುಕ್ತ ಮಾರುಕಟ್ಟೆಯಲ್ಲಿ ಈಗಲೂ ಟೊಮ್ಯಾಟೋ ರೂ. 40ರಿಂದ 50ಕ್ಕೆ ಮಾರಾಟವಾಗುತ್ತಿದೆ. ನಗರ ಕೇಂದ್ರಗಳಲ್ಲಿನ ಮಾರುಕಟ್ಟೆಯಲ್ಲಿ ಟೊಮೆಟೊ ಬೆಲೆ ರೂ. 50ರವರೆಗೆ ಇವೆ. ಟೊಮ್ಯಾಟೋ ಕೊಯ್ದು ಮುಗಿಯುತ್ತಿದ್ದಂತೆ ಮುಂದಿನ ದಿನಗಳಲ್ಲಿ ನಗರ ಪ್ರದೇಶದ ಮಾರುಕಟ್ಟೆಗಳಲ್ಲೂ ಟೊಮ್ಯಾಟೋ ಬೆಲೆ ಕಡಿಮೆಯಾಗಲಿದೆ.

ಇದನ್ನೂ ಓದಿ : ಜಿಯೋ ಕಂಪನಿ ಆಫರ್ ಹೆಸರಲ್ಲಿ ಮಹಾ ಮೋಸ!

Categories
ಕೃಷಿ ತೀರ್ಥಹಳ್ಳಿ ವ್ಯವಹಾರ ಶಿವಮೊಗ್ಗ

ಕೆಂಪಡಕೆಗೆ ಈಗ ಭಾರಿ ಬೆಲೆ..!

  • 51 ಸಾವಿರಕ್ಕೆ ಮಾರಾಟ: ಈಗ ಎಲ್ಲೂ ದಾಸ್ತಾನಿಲ್ಲ
  • ಪ್ರತಿ ಕ್ವಿಂಟಲ್ ಗೆ 2-3 ಸಾವಿರ ರೂ.ಏರಿಕೆ

ಶಿವಮೊಗ್ಗ: ಚುನಾವಣೆ ವೇಳೆ ಶಿವಮೊಗ್ಗ ಮಾರುಕಟ್ಟೆಯಲ್ಲಿ ಕುಸಿತ ಕಂಡಿದ್ದ ಕೆಂಪಡಕೆ ಧಾರಣೆ ಇದೀಗ ಚೇತರಿಸಿಕೊಳ್ಳುತ್ತಿದ್ದು ಜೂನ್ ಆರಂಭದಲ್ಲಿಯೇ ಎಲ್ಲಾ ಬಗೆಯ ಅಡಕೆ ಪ್ರತಿ ಕ್ವಿಂಟಲ್ ಗೆ 2-3 ಸಾವಿರ ರೂ.ಏರಿಕೆಯಾಗಿದೆ.
ಮಲೆನಾಡ ಬಹುತೇಕ ಬೆಳೆಗಾರರ ಬಳಿ ಕೆಂಪಡಿಕೆ ಇಲ್ಲ. ದೊಡ್ಡ ಬೆಳೆಗಾರರು ಮಾತ್ರ ಕಾದು ನೋಡುವ ತಂತ್ರದಲ್ಲಿ ಅಡಕೆ ದಾಸ್ತನಿರಿಸಿದ್ದು, ಅಂಥವರಿಗೆ ಮಾತ್ರ ಈ ಧಾರಣೆ ಸಿಗುತ್ತಿದೆ. ಮುಂದಿನ ದಿನಗಳಲ್ಲಿ ಮಾರುಕಟ್ಟೆ ಇನ್ನೆಷ್ಟು ಚೇತರಿಕೆ ಆಗಬಹುದೆಂಬ ನಿರೀಕ್ಷೆ ಬೆಳೆಗಾರರದ್ದಾಗಿದೆ. ಬಹುತೇಕ ಅಡಕೆ ಮಾರುಕಟ್ಟೆ ಉತ್ತರ ಭಾರತದ ಕಂಪನಿಗಳನ್ನೇ ಅವಲಂಬಿತವಾಗಿದೆ. ಮಾರ್ಚ್ ನಲ್ಲಿ ಆರ್ಥಿಕ ವರ್ಷ ಕೊನೆಗೊಳ್ಳುವುದರಿಂದ ಧಾರಣೆ ಕಡಿಮೆ ಇತ್ತು. ಏಪ್ರಿಲ್ ನಲ್ಲಿ ಆರ್ಥಿಕ ವರ್ಷ ಆರಂಭವಾಗುತ್ತಿದ್ದಂತೆ ಚುನಾವಣೆ ಸಂಹಿತೆ ಜಾರಿಯಾಗಿದ್ದರಿಂದಾಗಿ ಇದು ಅಡಕೆ ಮಾರುಕಟ್ಟೆ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಿತ್ತು. ಚುನಾವಣಾ ಆಯೋಗ ಹಣಕಾಸು ವಹಿವಾಟಿನ ಮೇಲೆ ನಿಗಾ ಇಟ್ಟಿದ್ದರಿಂದಾಗಿ ಗುಜರಾತ್, ಉತ್ತರ ಪ್ರದೇಶ ಬಿಹಾರ ಮೊದಲಾದ ಕಡೆಗಳಲ್ಲಿನ ಕಂಪನಿಗಳು ಹಾಗೂ ವ್ಯಾಪಾರಸ್ಥರು ಅಡಿಕೆ ಖರೀದಿ ಮಾಡಿರಲಿಲ್ಲ ಇದರಿಂದಾಗಿ ಧಾರಣೆ ಕೂಡ ಕಡಿಮೆಯಾಗಿತ್ತು. ಈಗ ವಹಿವಾಟು ಆರಂಭವಾಗಿ ಬೇಡಿಕೆ ಬಂದಿರುವುದರಿಂದ ಬೆಲೆ ಕೂಡ ಸ್ವಲ್ಪ ಏರಿಕೆಯಾಗಿದೆ.
ಮೇ ಅಂತ್ಯದವರೆಗೆ ಪ್ರತಿ ಕ್ವಿಂಟಲ್ ಸರಕು ಗರಿಷ್ಠ 80 ಸಾವಿರ ರೂ ನಲ್ಲಿತ್ತು. ಅದೀಗ 83,000 ಕ್ಕೆ ಏರಿಕೆಯಾಗಿದೆ. ಹೆಚ್ಚಿನ ಪ್ರಮಾಣದಲ್ಲಿರುವ ರಾಶಿ ಇಡಿಗೆ 47 ಸಾವಿರ ರೂ. ಇತ್ತು ಅದೀಗ 50,000 ದಾಟಿದೆ. ಗರಿಷ್ಠ 50 ಸಾವಿರ ರೂ ಇದ್ದ ಬೆಟ್ಟ 52,000 ದಾಟಿದೆ. ಚಾಲಿ ಅಡಕೆಯ ದೊಡ್ಡ ಮಾರುಕಟ್ಟೆಯಾಗಿರುವ ಸಾಗರದಲ್ಲಿ ಕೂಡ ಎರಡು ಸಾವಿರ ರೂ ಏರಿಕೆಯಾಗಿದೆ.

 

ಶಿವಮೊಗ್ಗ ಮಾರುಕಟ್ಟೆ ದರ

ಬೆಟ್ಟೆ- 45500-52569
ಗೊರಬಲು- 17009-37000
ರಾಶಿ- 38000-50099
ಸರಕು- 54069-82769
ಸಿಪ್ಪೆಗೋಟು- 20215-21499
ಚಾಲಿ- 36049-36589