Categories
gutka ಅಪರಾಧ ಆರೋಗ್ಯ ಬ್ರೇಕಿಂಗ್ ನ್ಯೂಸ್ ಮಾಹಿತಿ ಮಾಹಿತಿ ಸುದ್ದಿ ರಾಜ್ಯ

ಗುಟ್ಕಾ, ಪಾನ್ ಮಸಾಲಾ ಬ್ಯಾನ್ ಬ್ಯಾನ್! – ರಾಜ್ಯದಲ್ಲಿ ಮಾರಾಟ ಒಂದು ವರ್ಷ ನಿಷೇಧ – ಉತ್ಪಾದನೆ, ಶೇಖರಣೆ, ವಿತರಣೆ, ಸಾಗಣೆ ಮತ್ತು ಮಾರಾಟ ಇಲ್ಲ

ಬೆಂಗಳೂರು: ರಾಜ್ಯದಲ್ಲಿ ಗುಟ್ಕಾ, ಪಾನ್ ಮಸಾಲಾ ಬ್ಯಾನ್ ಮಾಡಲಾಗಿದೆ. ರಾಜ್ಯ ಸರ್ಕಾರವು ಸಾರ್ವಜನಿಕರ ಆರೋಗ್ಯದ ಹಿತದೃಷ್ಟಿಯಿಂದ ಮಹತ್ವವಾದ ನಿರ್ಣಯವೊಂದನ್ನು ಕೈಗೊಂಡಿದ್ದು ಸಂಬಂಧಿಸಿದಂತೆ ತಂಬಾಕು ಮತ್ತು ನಿಕೋಟಿನ್ ಯುಕ್ತ ಗುಟ್ಕಾ ಮತ್ತು ಪಾನ್ ಮಸಾಲಾದಂತಹ ಉತ್ಪಾದನೆ, ಶೇಖರಣೆ, ವಿತರಣೆ, ಸಾಗಣೆ ಮತ್ತು ಮಾರಾಟವನ್ನು ಒಂದು ವರ್ಷಗಳ ಕಾಲ ನಿಷೇಧಿಸುವಂತೆ ಆದೇಶವನ್ನು ಹೊರಡಿಸಿದೆ.
ತಂಬಾಕು ಅಥವಾ ನಿಕೋಟಿನ್ ಅಂಶವನ್ನು ಪ್ರತ್ಯೇಕ ಪ್ಯಾಕೆಟ್ ಗಳಲ್ಲಿ ನೀಡಿ, ಗ್ರಾಹಕರು ಅದನ್ನು ಮತ್ತೊಂದು ಉತ್ಪನ್ನದೊಂದಿಗೆ ಸುಲಭವಾಗಿ ಮಿಶ್ರಣ ಮಾಡಿಕೊಂಡು, ಸೇವಿಸುವಂತೆ ಮಾರಾಟ ಮಾಡುವಂತಹ ಉತ್ಪನ್ನಗಳಿಗೂ ಕಡಿವಾಣ ಹಾಕಿದೆ.
ಆಹಾರ ಭದ್ರತೆ ಮತ್ತು ಗುಣಮಟ್ಟ ಕಾಯ್ದೆ-20೦6ರ ಸೆಕ್ಷನ್ 30(2)(ಎ) ಹಾಗೂ ಆಹಾರ ಭದ್ರತೆ ಮತ್ತು ಗುಣಮಟ್ಟ ನಿಯಮಾವಳಿ-2011ರ ನಿಯಮ 2.3.4ರ ಅಡಿಯಲ್ಲಿ ರಾಜ್ಯ ಆಹಾರ ಸುರಕ್ಷತಾ ಆಯುಕ್ತರು ಈ ಅಧಿಸೂಚನೆಯನ್ನು ಹೊರಡಿಸಿದ್ದಾರೆ ಎನ್ನಲಾಗಿದೆ.
ಮೂಲಗಳ ಪ್ರಕಾರ ಸಾರ್ವಜನಿಕ ಆರೋಗ್ಯ ಮತ್ತು ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಜಾರಿಗೊಳಿಸಿರುವ ಈ ನಿಷೇಧ, ಅಧಿಸೂಚನೆಯನ್ನು ಹೊರಡಿಸಿದ ದಿನದಿಂದಲೇ ಜಾರಿಗೆ ಬರಲಿದೆ. ಇದಕ್ಕೂ ಮೀರಿ ರಾಜ್ಯದಲ್ಲಿ ನಿಷೇಧಿತ ಉತ್ಪನ್ನಗಳ ಮಾರಾಟ ಮತ್ತು ಸಾಗಣೆ ನಡೆಯದಂತೆ ಎಚ್ಚರಿಕೆವಹಿಸಲು ಆಹಾರ ಸುರಕ್ಷತಾ ಅಧಿಕಾರಿಗಳು ಮತ್ತು ಸಂಬಂಧಿತ ಇಲಾಖೆಯವರು ಪರಿಶೀಲನೆಯನ್ನು ನಡೆಸುವುದು ಮತ್ತು ನಿಯಮವನ್ನು ಉಲ್ಲಂಘಿಸುವವರ ವಿರುದ್ಧ ಕಠಿಣ ಕಾನೂನು ಕ್ರಮವನ್ನು ಕೂಡ ಕೈಗೊಳ್ಳುವ ಸಾಧ್ಯತೆ ಇದೆ.

Categories
banking ಉದ್ಯೋಗ ಸುದ್ದಿ ಮಾಹಿತಿ ಮಾಹಿತಿ ಸುದ್ದಿ ವಿಶೇಷ ಸುದ್ದಿ

ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಭಾರೀ ನೇಮಕಾತಿ! – ಕರ್ನಾಟಕದಲ್ಲಿ 1414 ಹುದ್ದೆಗಳು ಭರ್ತಿ:

ಬೆಂಗಳೂರು: ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಉದ್ಯೋಗವನ್ನು ಪಡೆಯಲು ಬಯಸುವ ಅಭ್ಯರ್ಥಿಗಳಿಗೆ ಸಿಹಿ ಸುದ್ದಿಯೊಂದನ್ನು ಬ್ಯಾಂಕಿಂಗ್ ಸಿಬ್ಬಂದಿ ಆಯ್ಕೆ ಸಂಸ್ಥೆಯು ನೀಡಿದೆ.
ದೇಶದ ವಿವಿಧ ಸಾರ್ವಜನಿಕ ವಲಯದ ಬ್ಯಾಂಕ್ ಗಳಲ್ಲಿನ ಕಸ್ಟಮರ್ ಸರ್ವಿಸ್ ಅಸೋಸಿಯೇಟ್ ಹುದ್ದೆಗಳ ಭರ್ತಿಗೆ ಅಧಿಸೂಚನೆಯನ್ನು ಪ್ರಕಟಿಸಲಾಗಿದ್ದು, ಒಟ್ಟು ಬಾಕಿ ಇರುವ 11.403 ಹುದ್ದೆಗಳಿಗೆ ಅರ್ಹ ಅಭ್ಯರ್ಥಿಗಳಿಂದ ಆನ್ ಲೈನ್ ಮೂಲಕ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ. ಇದರಲ್ಲಿ ಕರ್ನಾಟಕ ರಾಜ್ಯವೊಂದರಲ್ಲೇ ಸುಮಾರು 1414 ಹುದ್ದೆಗಳು ಭರ್ತಿಯಾಗಲಿವೆ ಎನ್ನುವ ಮಾಹಿತಿ ಲಭಿಸಿದೆ. ಕರ್ನಾಟಕದಲ್ಲಿ ಬ್ಯಾಂಕ್ ವಾರು ಪ್ರಕಾರ ಬ್ಯಾಂಕ್ ಆಫ್ ಬರೋಡಾದಲ್ಲಿ 180 ಹುದ್ದೆಗಳು, ಬ್ಯಾಂಕ್ ಆಫ್ ಇಂಡಿಯಾದಲ್ಲಿ 40 ಹುದ್ದೆಗಳು, ಬ್ಯಾಂಕ್ ಆಫ್ ಮಹಾರಾಷ್ಟ್ರದಲ್ಲಿ 17 ಹುದ್ದೆಗಳು, ಕೆನರಾ ಬ್ಯಾಂಕ್ ನಲ್ಲಿ 800 ಹುದ್ದೆಗಳು, ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ 29 ಹುದ್ದೆಗಳು, ಇಂಡಿಯನ್ ಬ್ಯಾಂಕ್ ನಲ್ಲಿ 40 ಹುದ್ದೆಗಳು, ಇಂಡಿಯನ್ ಓವರ್ ಸೀಸ್ ಬ್ಯಾಂಕ್ ನಲ್ಲಿ 61 ಹುದ್ದೆಗಳು, ಪಂಜಾಬ್ ನ್ಯಾಷನಲ್ ಬ್ಯಾಂಕ್ ನಲ್ಲಿ 234 ಹುದ್ದೆಗಳು ಮತ್ತು ಪಂಜಾಬ್ ಆ್ಯಂಡ್ ಸಿಂಧ್ ಬ್ಯಾಂಕ್ ನಲ್ಲಿ 5 ಹುದ್ದೆಗಳು ಬಾಕಿ ಉಳಿದಿವೆ. ಈ ಹುದ್ದೆಗಳಿಗೆ ಅಕ್ಟೋಬರ್ ತಿಂಗಳ 10 ಮತ್ತು 11ರಂದು ಪೂರ್ವಭಾವಿ ಪರೀಕ್ಷೆಗಳು ನಡೆಯಲಿದ್ದು, ಡಿಸೆಂಬರ್ 27ರಂದು ಮುಖ್ಯ ಪರೀಕ್ಷೆ ನಡೆಯಲಿದೆ. ಮಾರ್ಚ್ 2027ರಂದು ಪರೀಕ್ಷೆಯ ಫಲಿತಾಂಶ ಪ್ರಕಟಗೊಳ್ಳಲಿದೆ ಎನ್ನುವ ಮಾಹಿತಿ ಮೂಲಗಳಿಂದ ಲಭಿಸಿದೆ.
ಎಸ್ ಸಿ/ಎಸ್ ಟಿ/ವಿಶೇಷ ಚೇತನ ಅಭ್ಯರ್ಥಿಗಳಿಗೆ ಅರ್ಜಿ ಶುಲ್ಕ 175 ಹಾಗೂ ಸಾಮಾನ್ಯ ಮತ್ತು ಇತರ ವರ್ಗಗಳ ಅಭ್ಯರ್ಥಿಗಳು 850 ರೂಪಾಯಿ ಅರ್ಜಿ ಶುಲ್ಕವನ್ನು ಪಾವತಿಸಬೇಕಿದೆ.

ಅರ್ಜಿಯನ್ನು ಸಲ್ಲಿಸಲು ಕೊನೆಯ ದಿನಾಂಕ 21 ಆಗಸ್ಟ್ 2026.

Categories
ಕೊಪ್ಪ ಚಿಕ್ಕಮಗಳೂರು ದೈವಿಕ ಮಾಹಿತಿ

ಬೊಮ್ಮಲಾಪುರ ಅಮ್ಮನವರ ಜಾತ್ರೆ ಸಂಭ್ರಮ!

ಬೊಮ್ಮಲಾಪುರ ಅಮ್ಮನವರ ಜಾತ್ರೆ ಸಂಭ್ರಮ!
– ಏ.23 ರಿಂದ ಏ.27ರವರೆಗೆ ತ್ರಿಪುರಾಂತಕಿ ಅಮ್ಮನವರ ರಥೋತ್ಸವ
– ಮಲೆನಾಡಿನ ಪ್ರಸಿದ್ಧ ಕಾರಣಿಕ ದೇವಾಲಯ ಬೊಮ್ಮಲಾಪುರ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಕೊಪ್ಪ: ಕೊಪ್ಪ ತಾಲೂಕಿನ ಬೊಮ್ಮಲಾಪುರದ ತ್ರಿಪುರಾಂತಕಿ ಅಮ್ಮನವರ ರಥೋತ್ಸವವು ಏಪ್ರಿಲ್ 23ರ ಗುರುವಾರದಿಂದ ಏಪ್ರಿಲ್ 27ರ ಸೋಮವಾರದವರೆಗೆ ನಡೆಯಲಿದೆ.
ಏ.23ರ ಗುರುವಾರದಂದು ಸಿದ್ಧಿವಿನಾಯಕ ಪೂಜೆ, ಏ.24ರ ಶುಕ್ರವಾರದಂದು ಧ್ವಜಾರೋಹಣ, ವಸಂತ ಪೂಜೆ, ಸಂತರ್ಪಣೆ ಮತ್ತು ರಾತ್ರಿ ದೀಪಾರಾಧನೆ ನೆರವೇರಲಿದೆ. ಏ.25ರ ಶನಿವಾರದಂದು ತ್ರಿಪುರಾಂತಕಿ ಅಮ್ಮನವರ ರಥೋತ್ಸವ ಜರುಗಲಿದೆ.
ಏ.26ರ ಭಾನುವಾರದಂದು ಕುಂಕುಮೋತ್ಸವ, ಅವಭೃತ ಸ್ನಾನ(ವಸಂತ ಪೂಜೆ), ಸುವಾಸಿನಿ ಪೂಜೆ, ಸಂತರ್ಪಣೆ ಮತ್ತು ರಾತ್ರಿ ಸಮಯದಲ್ಲಿ ಮಹೋತ್ಸವ ನಡೆಯಲಿದೆ.
ಕೊನೆಯ ದಿನವಾದ ಏ.27ರ ಸೋಮವಾರದಂದು ಶುದ್ಧ ಸಂಪ್ರೋಕ್ಷಣೆ, ಕಲಶಾಭಿಷೇಕ, ತುಲಾಭಾರ, ಸಂತರ್ಪಣೆ ಮತ್ತು ರಾತ್ರಿ ದೀಪಾರಾಧನೆ ನೆರವೇರಲಿದೆ ಎಂದು ತ್ರಿಪುರಾಂತಕಿ ಅಮ್ಮನವರ ಸೇವಾ ಸಂಘವು ಮಾಹಿತಿ ನೀಡಿದೆ.

Categories
ಮಲ್ನಾಡ್ ಮಾಹಿತಿ

ದಕ್ಷಿಣ ಭಾರತದ ಅತಿದೊಡ್ಡ ಹಲಸಿನ ಮಾರುಕಟ್ಟೆ

ದಕ್ಷಿಣ ಭಾರತದ ಅತಿದೊಡ್ಡ ಹಲಸಿನ ಮಾರುಕಟ್ಟೆ

– ಮಲೆನಾಡು, ಕರಾವಳಿ ಭಾಗದಲ್ಲೂ ಅತೀ ಹೆಚ್ಚು ಬೆಳೆ
– ಅನೇಕ ಖಾದ್ಯ ಮಾಡುವ ಹಲಸಿಗೆ ಈಗ ಡಿಮ್ಯಾಂಡ್

ಇದೀಗ ಹಲಸಿನ ಸೀಸನ್, ಎಲ್ಲೆಡೆ ಹಲಸಿನ ಹಣ್ಣು ಕಾಣುತ್ತದೆ. ಕರ್ನಾಟಕದಲ್ಲಿ ಅತಿ ಹೆಚ್ಚು ಹಲಸಿನ ಹಣ್ಣುಗಳ ಉತ್ಪಾದನೆಯಾಗುವುದು ತುಮಕೂರು ಜಿಲ್ಲೆಯಲ್ಲಿ 147 ಹೆಕ್ಟೇರ್ ಪ್ರದೇಶದಲ್ಲಿ ಹಲಸಿನ ಮರಗಳಿವೆ. ವರ್ಷಕ್ಕೆ ಸುಮಾರು 5279 ಟನ್ ನಷ್ಟು ಹಲಸಿನ ಇಳುವರಿ ಲಭ್ಯವಾಗುತ್ತದೆ. ಹೀಗಾಗಿ ರಾಜ್ಯದಲ್ಲಿ ಹಲಸಿನ ಹಣ್ಣಿನ ವಿಚಾರಕ್ಕೆ ಬಂದಾಗ ತುಮಕೂರು ಜಿಲ್ಲೆ ಮೊದಲ ಸ್ಥಾನದಲ್ಲಿದೆ. ತುಮಕೂರು ಜಿಲ್ಲೆಯ ಗುಬ್ಬಿ ತಾಲ್ಲೂಕಿನ ಚೇಳೂರು ಗ್ರಾಮ ದಕ್ಷಿಣ ಭಾರತದಲ್ಲೇ ಅತಿ ದೊಡ್ಡ ಹಲಸಿನ ಮಾರುಕಟ್ಟೆಯನ್ನು ಹೊಂದಿದೆ. ಈ ಮಾರುಕಟ್ಟೆಯಲ್ಲಿ ಪ್ರತಿ ಗುರುವಾರ ವಿವಿಧ ತಳಿಯ ಹಲಸಿನ ಹಣ್ಣುಗಳ ವ್ಯಾಪಾರ ನಡೆಯಲಿದ್ದು, ಕೋಟ್ಯಂತರ ರೂಪಾಯಿ ವಹಿವಾಟನ್ನು ಹೊಂದಿದೆ.

ಒಂದು ಹಣ್ಣಿಗೆ ನೂರರಿಂದ ನಾಲ್ನೂರು ರೂಪಾಯಿ ಬೆಲೆ ನಿಗದಿಗೊಳ್ಳುತ್ತದೆ. ಜಿಲ್ಲೆಯ ವಿವಿಧ ಭಾಗಗಳಿಂದ ಅಷ್ಟೇ ಅಲ್ಲದೆ ಬೇರೆ ಬೇರೆ ರಾಜ್ಯಗಳಿಂದ ಹಲಸಿನ ವ್ಯಾಪಾರಿಗಳು ಈ ಮಾರುಕಟ್ಟೆಗೆ ಆಗಮಿಸಿ, ತಮ್ಮ ವ್ಯಾಪಾರವನ್ನು ಕುದುರಿಸುತ್ತಾರೆ. ತುಮಕೂರಿನ ಹಲಸಿನ ಹಣ್ಣುಗಳು ದೇಶದ ಎಂಟು ರಾಜ್ಯಗಳಿಗೆ ಕೂಡ ರವಾನೆಯಾಗುತ್ತದೆ. ಹಲಸಿನ ವ್ಯಾಪಾರವು ಚೇಳೂರು ಮಾರುಕಟ್ಟೆಯಲ್ಲಿ ಮೇ ತಿಂಗಲಿನಿಂದ ಜುಲೈ ವರೆಗೆ ನಡೆಯುತ್ತದೆ. ಪ್ರತಿ ಗುರುವಾರ ವಿವಿಧ ಭಾಗಗಳಿಂದ ಹಲಸಿನ ವ್ಯಾಪಾರಿಗಳು ಇಲ್ಲಿಗೆ ಆಗಮಿಸಿ ಲಾರಿ, ಟ್ರ‍್ಯಾಕ್ಟರ್, ಆಟೋಗಳಲ್ಲಿ ಹಲಸಿನ ಹಣ್ಣಗಳನ್ನು ತುಂಬಿಕೊAಡು ಹೋಗುತ್ತಾರೆ. ಬೆಂಗಳೂರಿನ ವ್ಯಾಪಾರಿಗಳು ಚೇಳೂರಿನಲ್ಲಿ ಹಣ್ಣುಗಳನ್ನು ಖರೀದಿಸಿ ಆನ್ಲೈನ್ ಮೂಲಕ ಮಾರಾಟ ಮಾಡುತ್ತಾರೆ.

ಚೇಳೂರು ಮಾರುಕಟ್ಟೆಗೆ ಹಳದಿ, ಕೆಂಪು, ಬಿಳಿ ಹಲಸಿನ ಹಣ್ಣುಗಳು ಬರುತ್ತಿವೆ. ಕೆಂಪು ತೊಳೆಯ ಹಲಸಿನ ಹಣ್ಣುಗಳಿಗೆ ಅಧಿಕ ಬೇಡಿಕೆಯಿದೆ ಎನ್ನಲಾಗಿದೆ. ಹಲಸಿನ ಹಣ್ಣುಗಳಲ್ಲೇ ಉತ್ತಮವಾದುದು ಎಂದು ಗುರುತಿಸಲಾದ ತುಮಕೂರಿನ ಹೆಮ್ಮೆಯ ಹಲಸಿನ ತಳಿಗಳಾದ ಸಿದ್ಧು ಮತ್ತು ಶಂಕರ ಹಣ್ಣಿಗೆ ಪೇಟೆಂಟ್ ಕೂಡ ಲಭಿಸಿದೆ. ಈ ಎರಡೂ ತಳಿಗಳು ರುಚಿ ಮತ್ತು ಆರೋಗ್ಯದ ದೃಷ್ಟಿಯಿಂದ ಹೆಚ್ಚಿನ ಮಹತ್ವವನ್ನು ಪಡೆದುಕೊಂಡಿದೆ.

ಮಲೆನಾಡು, ಕರಾವಳಿಯಲ್ಲೂ ಹಲಸು ಬೆಳೆ ಹೆಚ್ಚು!
ರಾಜ್ಯದ ವಿವಿಧ ಕಡೆ ಹಲಸು ಬೆಳೆಯುತ್ತದೆ. ಮಲೆನಾಡು ಕರಾವಳಿಯಲ್ಲಿ ಕಾಡು ಬೆಟ್ಟ ಗುಡ್ಡಗಳಲ್ಲೂ ಹಲಸು ಬೆಳೆಯುತ್ತದೆ. ಹಲಸಿನಿಂದ ಚಿಪ್ಸ್, ಮುಲ್ಕ, ಪಲ್ಯ ಸೇರಿ ಅನೇಕ ಖಾದ್ಯ ಮಾಡಲಾಗುತ್ತದೆ.

Categories
ಮಾಹಿತಿ

ಹಳೆ ಪದ್ಧತಿಯೂ ಹೋಯ್ತು.. ಲೈಫು ಹೋಯ್ತು!

ಹಳೆ ಪದ್ಧತಿಯೂ ಹೋಯ್ತು.. ಲೈಫು ಹೋಯ್ತು!
– ಓಡುವ ಜಗತ್ತಲ್ಲಿ ಈಗ ಓಡಿದವನೇ ಜಾಣ…
– ಮರೆಯಾದ ಹಳೆಯ ಸಂಪ್ರದಾಯ ಮತ್ತು ಜೀವನ ಶೈಲಿ
– ಸಂಸ್ಕೃತಿಯ ಮೌಲ್ಯಗಳನ್ನು ಉಳಿಸಿಕೊಳ್ಳುವುದು ನಮ್ಮ ಪೀಳಿಗೆಯ ಪ್ರಮುಖ ಹೊಣೆ
– ಮಾನವೀಯ ಮೌಲ್ಯಗಳು, ಪ್ರಾಮಾಣಿಕತೆಗೆ ಬೆಲೆ ಇಲ್ಲವಯ್ಯಾ…!

ಸಂಸ್ಕೃತಿಯ ತವರೂರು, ಕಲೆ, ಸಾಹಿತ್ಯ, ಸಂಪ್ರದಾಯಗಳ ಸೂರು. ಭಾರತದ ಹಿಂದೂ ಸಂಪ್ರದಾಯವು ಅತ್ಯಂತ ಪವಿತ್ರವಾದದ್ದು. ಏಕೆಂದರೆ ಭಾರತದ ಇತಿಹಾಸದಲ್ಲಿ ಹಿಂದೂ ಧರ್ಮವೂ ತನ್ನದೇ ಆದ ಇತಿಹಾಸವನ್ನು ಹೊಂದಿದೆ. ಆದರೆ ವಿಪರ್ಯಾಸವೆಂದರೆ ಬದಲಾಗುತ್ತಿರುವ ಕಾಲಘಟ್ಟದಲ್ಲಿ ಆಧುನೀಕರಣ , ಪಾಶ್ಚಾತ್ಯ ಸಂಸ್ಕೃತಿ ಸೇರಿದಂತೆ ಹೀಗೆ ಅನೇಕ ಕಾರಣಗಳಿಂದಾಗಿ ನಮ್ಮ ಪ್ರಾಚೀನ ಸಂಪ್ರದಾಯ ಮತ್ತು ಜೀವನ ಶೈಲಿಯಲ್ಲಿ ಬದಲಾವಣೆ ಕಾಣುತ್ತಿದೆ. ಇದರಿಂದಾಗಿ ಮಾನವೀಯ ಮೌಲ್ಯಗಳು ಕುಂಠಿತವಾಗಿ, ಸಂಸ್ಕೃತಿಯೂ ನಶಿಸಿಹೋಗುತ್ತಿದೆ. ಒಳ್ಳೆತನ, ಪ್ರಾಮಾಣಿಕತೆ ಮರೆಯಾಗುತ್ತಿದೆ. ಆಧುನಿಕ ಲೋಕದ ವೇಗದಲ್ಲಿ ಹಣ ಮೊದಲ ಸ್ಥಾನ ಪಡೆಯುತ್ತಿದೆ. ಹಳೆಯ ಸಂಪ್ರದಾಯ ಮತ್ತು ಜೀವನಶೈಲಿ ಬದಲಾವಣೆಯ ಪ್ರಮುಖ ಕಾರಣಗಳನ್ನು ಹುಡುಕುತ್ತಾ ಹೋದರೆ ಒಂದಷ್ಟು ಪ್ರಭಾವಗಳು ಇಲ್ಲಿ ಕಾಣುತ್ತವೆ.

ಪಾಶ್ಚಾತ್ಯ ಸಂಸ್ಕೃತಿಯ ಪರಿಣಾಮ
ಪಾಶ್ಚಾತ್ಯ ದೈನಂದಿನ ಜೀವನ, ಫ್ಯಾಷನ್, ಈಗಿನ ಆಹಾರ, ಡಿಜೆ ಹಾಡುಗಳು ಹಾಗೂ ಪಬ್ ಚಟುವಟಿಕೆಗಳು ನಮ್ಮ ಸಂಸ್ಕೃತಿಯ ಮೇಲೆ ಗಾಢ ಪ್ರಭಾವ ಬೀರಿವೆ. “ಜೀನ್ಸ್ ಮತ್ತು ಟಿ-ಶರ್ಟ್” ಹಾಗೂ “ಫಾಸ್ಟ್ ಫುಡ್” ಎಂಬ ಪಾಶ್ಚಾತ್ಯ ಪ್ರಭಾವದಿಂದ ಸಾಂಪ್ರದಾಯಿಕ ಉಡುಗೆ ಅಥವಾ ಆಹಾರ ಪದ್ಧತಿಗಳೇ ನಶಿಸಿ ಹೋಗುತ್ತಿರುವುದು ಕಣ್ಣ ಮುಂದೆ ಎದ್ದು ಕಾಣುತ್ತಿದೆ. ಸಾಮಾಜಿಕ ಜಾಲ ತಾಣ, ಟಿವಿಯಲ್ಲಿ ನೋಡುವುದೇ ನಿಜ ಎಂಬ ಭ್ರಮೆ ನಮ್ಮ ಬದುಕನ್ನು ನಿಧಾನವಾಗಿ ಬಲಿ ತೆಗೆದುಕೊಳ್ಳುತ್ತಿದೆ. ಸಂಬಂಧಗಳು ಈಗ ಫ್ಯಾಷನ್ ಆಗಿವೆ. ಪರಸ್ಪರ ಗೌರವ, ಅಭಿಮಾನಗಳು ಮರೆಯಾಗಿವೆ. ಕೂಡು ಕುಟುಂಬಗಳು ಇಲ್ಲದೆ ಯುವ ಜನತೆಯ ಬದುಕಿಗೆ ಒಂದು ಗುರಿ- ಗುರು ಇಲ್ಲವಾಗಿದೆ.

ಆರ್ಥಿಕ ಬದಲಾವಣೆ!
ಹಳೆಯ ಕಾಲದಲ್ಲಿ ಕೃಷಿ, ಕರಕುಶಲ ಮತ್ತು ಸ್ಥಳೀಯ ವೃತ್ತಿಗಳನ್ನು ಜೀವನಾಧಾರವಾಗಿ ಬಳಸಲಾಗುತ್ತಿತ್ತು. ಈಗ ಆರ್ಥಿಕ ಚಟುವಟಿಕೆಗಳು ಕೈಗಾರಿಕೆ, ತಂತ್ರಜ್ಞಾನ, ಮತ್ತು ಐಟಿ ಕ್ಷೇತ್ರದ ಕಡೆ ಹೆಚ್ಚು ಗಮನ ಹರಿಸುತ್ತಿರುವುದರಿಂದ ಹಳೆಯ ವೃತ್ತಿಗಳು ಮತ್ತು ಸಂಬಂಧಿತ ಜೀವನಶೈಲಿಗಳು ಮೌನವಾಗುತ್ತಿವೆ. ದುಡ್ಡೇ ಪ್ರಾಧಾನ್ಯತೆ ಪಡೆದಿದ್ದು ಸೇವೆಗೆ ಬೆಲೆ ಇಲ್ಲವಾಗಿದೆ.

ಹಳ್ಳಿಯಿಂದ ನಗರಕ್ಕೆ ವಲಸೆ
ಹೆಚ್ಚಿನ ಜನರು ಉದ್ಯೋಗ, ಶಿಕ್ಷಣ ಅಥವಾ ಜೀವನಮಟ್ಟವನ್ನು ಹೆಚ್ಚಿಸಲು ಹಳ್ಳಿಗಳಿಂದ ನಗರಗಳಿಗೆ ವಲಸೆ ಹೋಗುತ್ತಿದ್ದಾರೆ. ಇದರಿಂದ ಹಳ್ಳಿಗಳ ಸಂಪ್ರದಾಯಗಳು ಮತ್ತು ಸಾಂಸ್ಕೃತಿಕ ವೈಶಿಷ್ಟ್ಯತೆಗಳು ಕಣ್ಮರೆಯಾಗಿದೆ. ಹಳ್ಳಿಗಳು ವೃದ್ಧರ ಆಶ್ರಮಗಳಾಗುತ್ತಿವೆ. ಕೃಷಿ ಮರೆಯಾಗುತ್ತಿದೆ.ಹಳೆಯ ಬಾಂಧವ್ಯ ಮಾಸಿ ಹೋಗುತ್ತಿದೆ. ಒಟ್ಟಿನಲ್ಲಿ ಆಧುನಿಕ ಬದುಕಿನ ಆಸೆಗಳು ಸಂಬಂಧಗಳಿಗೂ ಕೊಳ್ಳಿ ಇಟ್ಟಿವೆ. ಮಾಧ್ಯಮ ಮತ್ತು ಗ್ಲೋಬಲೈಸೇಶನ್ ಇಂಟರ್ನೆಟ್ ಮತ್ತು ಸಾಮಾಜಿಕ ಮಾಧ್ಯಮಗಳ ಯುಗದಲ್ಲಿ ಪಾಶ್ಚಾತ್ಯ ಚಟುವಟಿಕೆಗಳನ್ನು ಹೆಚ್ಚು ಪ್ರಚಾರ ಮಾಡುತ್ತಿದೆ.

ಇದು ಯುವಜನರನ್ನು ತಮ್ಮ ಮೂಲ ಸಂಸ್ಕೃತಿಯ ಬದಲು ಪಾಶ್ಚಾತ್ಯ ಶೈಲಿಯ ಕಡೆ ಆಕರ್ಷಿಸುತ್ತಿದೆ. ನಮ್ಮ ಸಾಂಸ್ಕೃತಿಕ ವೈಭವಗಳು ಹಾಸ್ಯಪ್ರಾಯವಾಗುತ್ತಿದ್ದು, ಮುಂದಿನ ತಲೆಮಾರುಗಳ ಬಗೆ ನೆನೆದರೆ ಭಯ ಉಂಟಾಗುವುದು ಸಹಜ. ಪಾಶ್ಚಾತ್ಯ ಆಹಾರ ಪದ್ಧತಿಗಳು ಮತ್ತು ನೈಜ ಪ್ರಾಕೃತಿಕ ಜೀವನ ಜನರ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುವುದಲ್ಲದೇ ,ಪಾಶ್ಚಾತ್ಯ ಸಂಸ್ಕೃತಿಯ ಅಳವಡಿಕೆ ನಮ್ಮ ಭಾಷೆ, ಕಲೆ, ಮತ್ತು ಪರಂಪರೆಯ ಮಹತ್ವವನ್ನು ಕುಗ್ಗಿಸಿದೆ. ಮಾಧ್ಯಮಗಳು ಕೂಡ ತನ್ನ ಹೊಣೆಗಾರಿಕೆ ಮರೆತಿವೆ. ಅತೀರಂಜಿತ ಟಿ. ಆರ್ ಪಿ ಕಾರಣಕ್ಕೆ ಸಮಾಜಕ್ಕೆ ಬೇಕಾದ ಮೌಲ್ಯಕ್ಕಿಂತ ಬೇಡವಾದ್ದನ್ನೇ ನೀಡುತ್ತಿದೆ. ಜನ ಕೂಡ ಈಗ ನಕಾರಾತ್ಮಕ ವಿಷಯಗಳಿಗೆ ಹೆಚ್ಚು ಮನ್ನಣೆ ನೀಡುತ್ತಿರುವುದು ದುರಂತ.

ಹಳೆ ಸಂಸ್ಕೃತಿ ಕಾಪಾಡೋಣ.. ಭಾರತ ಗಟ್ಟಿಗೊಳಿಸೋಣ!
ಸಂಪ್ರದಾಯ ಉಳಿಸುವ ಮಾರ್ಗವೆಂದರೆ ಸಾಂಸ್ಕೃತಿಕ ಶಿಕ್ಷಣ, ಪದ್ಧತಿ, ಪರಂಪರೆಯನ್ನು ಶಾಲೆ ಮತ್ತು ಕಾಲೇಜುಗಳಲ್ಲಿ ಮಕ್ಕಳಿಗೆ ಪರಿಚಯಿಸಬೇಕು. ಹಬ್ಬ ಮತ್ತು ಹಳೆಯ ಆಚರಣೆಗಳನ್ನು ಮರು ಆಚರಿಸಿ, ಹಬ್ಬಗಳಿಗೆ ಪುನರ್ಜೀವ ನೀಡುವ ಪ್ರಯತ್ನ ಅಗತ್ಯವಾಗಿದೆ. ಹಳ್ಳಿಗಳ ಸಾಮೂಹಿಕ ಆಚಾರ-ವಿಚಾರಗಳ ಪ್ರಾಮುಖ್ಯತೆಯನ್ನು ಕಾಪಾಡಿಕೊಳ್ಳಬೇಕು. ಆಧುನೀಕರಣ ಅನಿವಾರ್ಯವಾದರೂ, ನಮ್ಮ ಸಂಸ್ಕೃತಿಯ ಮೌಲ್ಯಗಳನ್ನು ಉಳಿಸಿಕೊಳ್ಳುವುದು ನಮ್ಮ ಪೀಳಿಗೆಯ ಪ್ರಮುಖ ಹೊಣೆಗಾರಿಕೆಯಾಗಿದೆ. ಭವ್ಯ ಭಾರತದ ಒಗ್ಗಟ್ಟು ನಮ್ಮ ಮೂಲ ಸಂಸ್ಕೃತಿ ಹಾಗೂ ಸನಾತನ ಸಂಪ್ರದಾಯದಲ್ಲೇ. ಹಾಗಾಗಿ ನಾವೆಲ್ಲರೂ ಮತ್ತೆ ಭವ್ಯ ಭಾರತ ಕಟ್ಟುವ ಸಂಕಲ್ಪ ತೊಡಬೇಕಿದೆ.

Categories
ಮಾಹಿತಿ ಶಿಕ್ಷಣ

ಎಸ್. ಎಸ್. ಎಲ್. ಸಿ ಪಿಯುಸಿ ಮುಂದೇನು?

ಎಸ್. ಎಸ್. ಎಲ್ ಸಿ ಪಿಯುಸಿ ಮುಂದೇನು?
ಡಾಕ್ಟರ್, ಇಂಜಿನಿಯರ್ ಆಗೋದು ಹೇಗೆ…?
ನಿಮ್ಮ ಮುಂದಿದೆ ನೂರಾರು ಆಯ್ಕೆ.. ನೂರಾರು ಅವಕಾಶ
ಕೌಶಲ್ಯ, ಜ್ಞಾನ ಇದ್ರೆ ಎಲ್ಲಾದ್ರೂ ಕೆಲಸ ಗ್ಯಾರಂಟಿ

ಎಸ್ ಎಸ್ ಎಲ್ ಸಿ ಆದ ಬಳಿಕ ವಿದ್ಯಾರ್ಥಿಗಳು ತೆಗೆದುಕೊಳ್ಳುವ ನಿರ್ಧಾರಗಳು ಅವರ ಭವಿಷ್ಯವನ್ನು ರೂಪಿಸುತ್ತವೆ. ಎಸ್ ಎಸ್ ಎಲ್ ಸಿ ಬಳಿಕ ಮುಂದೇನು? ಎಂಬ ಪ್ರಶ್ನೆ ಹೆಚ್ಚಿನ ವಿದ್ಯಾರ್ಥಿಗಳಲ್ಲಿರುತ್ತದೆ. ಆಸಕ್ತಿ, ತನ್ನಲ್ಲಿರುವ ಕೌಶಲ್ಯವನ್ನು ಪರಿಗಣಿಸಿ ತನಗೆ ಸೂಕ್ತ ಹೊಂದುವ ವೃತ್ತಿಯ ಕಡೆಗೆ ಸಾಗಬೇಕಾಗಿರುವುದು ಇಂದಿನ ಅನಿವಾರ್ಯತೆ, ಭಾರತದಲ್ಲಿ ಉದ್ಯೋಗಗಳ ಕೊರತೆಯಿಲ್ಲ. ಬದಲಾಗಿ ಇರುವ ಉದ್ಯೋಗಗಳಿಗೆ ಸರಿಹೊಂದುವ ಉದ್ಯೋಗಿಗಳು ಸಿಗುತ್ತಿಲ್ಲ’ ಎಂಬ ಮಾತಿದೆ. ಹಾಗಾಗಿ ಇಂದಿನ ವಿದ್ಯಾರ್ಥಿಗಳು ಬಹಳ ಜಾಗರೂಕತೆಯಿಂದ ಮುಂದಿನ ಹೆಜ್ಜೆ ಇಡಬೇಕಾಗಿದೆ. ಈಗಿನ ವಿದ್ಯಾರ್ಥಿಗಳ ಹಾಗೂ ಪೋಷಕರ ಪ್ರಮುಖ ಗುರಿ ಡಾಕ್ಟರ್, ಇಂಜಿನಿಯರ್..!.

ಡಾಕ್ಟರ್ ಆಗೋದು ಹೇಗೆ?
‘ವೈದ್ಯ’ರಾಗಬೇಕೆಂಬ ಕನಸುಗಳನ್ನು ಹೊತ್ತವರು ಪಿಯುಸಿಯಲ್ಲಿ ವಿಜ್ಞಾನವನ್ನೇ ಆಯ್ಕೆಮಾಡಬೇಕು. ಅದರಲ್ಲಿ ‘ಪಿಸಿಎಂಬಿ’ ಅಂದರೆ ಭೌತಶಾಸ್ತ್ರ, ರಸಾಯನಶಾಸ್ತ್ರ, ಗಣಿತ ಹಾಗೂ ಜೀವಶಾಸ್ತ್ರ ವಿಷಯಗಳನ್ನು ಓದಬೇಕಾಗುತ್ತದೆ. ಪಿಯುಸಿ ಬಳಿಕ ವೈದ್ಯಕೀಯ ಕಾಲೇಜಿಗೆ ಪ್ರವೇಶ ಪಡೆಯಲು ‘ನೀಟ್’ ಪರೀಕ್ಷೆಯನ್ನು ಬರೆಯಬೇಕು. ಅದಕ್ಕಾಗಿ ಪ್ರಥಮ ಪಿಯುಸಿಯಿಂದಲೇ ತಯಾರಿಯನ್ನು ನಡೆಸುವುದು ಉತ್ತಮ. ಇತ್ತೀಚೆಗೆ ಹೆಚ್ಚಿನ ಪಿಯು ಕಾಲೇಜುಗಳಲ್ಲಿ ಮಧ್ಯಾಹ್ನದವರೆಗೂ ಪಿಯುಸಿಯ ಪಠ್ಯಕ್ರಮಗಳನ್ನು ಹಾಗೂ ಮಧ್ಯಾಹ್ನದ ಬಳಿಕ ನೀಟ್ ಪರೀಕ್ಷೆಗೆ ಸಂಬಂಧಿಸಿದ ತರಬೇತಿಗಳನ್ನು ನೀಡಲಾಗುತ್ತದೆ. ನೀಟ್ ಪರೀಕ್ಷೆಗಳಲ್ಲಿ ಉತ್ತಮ ರ‍್ಯಾಂಕ್ ಪಡೆಯಲು ಅವು ಪೂರಕ.

ಏನಿದು ನೀಟ್ ಪರೀಕ್ಷೆ?
ನೀಟ್’ ಪರೀಕ್ಷೆಯನ್ನು ಕೇಂದ್ರ ಸರಕಾರದ ಎನ್‌ಟಿಎ (ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ) ನಡೆಸುತ್ತದೆ. ಸಾಮಾನ್ಯವಾಗಿ ಪ್ರತಿ ವರ್ಷ ಮೇ ತಿಂಗಳಿನಲ್ಲಿ ಪರೀಕ್ಷೆ ನಡೆಯುತ್ತದೆ. ಈ ಪರೀಕ್ಷೆಯಲ್ಲಿ ಹೆಚ್ಚಿನ ರ‍್ಯಾಂಕಿಂಗ್ ಬಂದರೆ ಹೆಸರಾಂತ ಕಾಲೇಜುಗಳಲ್ಲಿ ಪ್ರವೇಶ ಪಡೆಯಲು ಸಾಧ್ಯವಾಗುತ್ತದೆ. ಕರ್ನಾಟಕ ರಾಜ್ಯದ ಸರಕಾರಿ ಕಾಲೇಜುಗಳಲ್ಲಿ 3,150 ಹಾಗೂ ಖಾಸಗಿ ಕಾಲೇಜುಗಳಲ್ಲಿ6,995 ವೈದ್ಯಕೀಯ ಸೀಟುಗಳು ಲಭ್ಯವಿದೆ. ಭಾರತ ದೇಶದಲ್ಲಿ ಒಟ್ಟು 695 ಕಾಲೇಜುಗಳಲ್ಲಿ ಆಯುರ್ವೇದ, ನ್ಯಾಚುರೋಪತಿ, ಪಶು ವೈದ್ಯಕೀಯ, ಡೆಂಟಲ್ ಸರ್ಜರಿ ಸೇರಿ ಒಟ್ಟು 1,06,333 ವೈದ್ಯಕೀಯ ಸೀಟುಗಳು ಮಾತ್ರ ಇವೆ. ಇವು ‘ನೀಟ್’ ರ‍್ಯಾಂಕ್ ಆಧಾರದಲ್ಲಿ ಲಭ್ಯವಾಗುತ್ತವೆ. ನೀಟ್ ಪರೀಕ್ಷೆಯನ್ನು ಎಷ್ಟು ಬಾರಿ ಬೇಕಾದರೂ ಬರೆಯಬಹುದಾಗಿದೆ. ೨೦೨೪ರ ಸಾಲಿನಲ್ಲಿ ರಾಜ್ಯದಲ್ಲಿ ಒಟ್ಟು 1,31,318 ವಿದ್ಯಾರ್ಥಿಗಳು ನೀಟ್ ಪರೀಕ್ಷೆಯನ್ನು ಬರೆದಿದ್ದು ಅದರಲ್ಲಿ75,248 ವಿದ್ಯಾರ್ಥಿಗಳು ತೇರ್ಗಡೆ ಹೊಂದಿದ್ದರು.

ಸರ್ಕಾರಿ ಕಾಲೇಜಿನಲ್ಲಿ ಶುಲ್ಕ : ನೀಟ್ ಪರೀಕ್ಷೆಯಲ್ಲಿ ಉತ್ತಮ ರ‍್ಯಾಂಕ್ ಬಾರದೇ ಮ್ಯಾನೇಜ್ಮೆಂಟ್ ಸೀಟು ಗಳ ಮೂಲಕ ವೈದ್ಯಕೀಯ ಕಾಲೇಜಿಗೆ ಸೇರುವುದಾದರೆ ಐದು ವರ್ಷಗಳ ಅಧ್ಯಯನಕ್ಕೆ ರೂ 50 ಲಕ್ಷದಿಂದ 1.50 ಕೋಟಿಯವರೆಗೂ ಶುಲ್ಕವಿರುತ್ತದೆ. ನೀಟ್‌ನಲ್ಲಿ ರ‍್ಯಾಂಕ್ ಪಡೆದು ಸರ್ಕಾರಿ ಕಾಲೇಜುಗಳಲ್ಲಿ ಪ್ರವೇಶ ದೊರೆತರೆ ಅಲ್ಲಿ ವಾರ್ಷಿಕ ಅಂದಾಜು ರೂ 10 ಸಾವಿರ ರೂಪಾಯಿಗಳಿಂದ ರೂ 1 ಲಕ್ಷದವರೆಗೆ ಶುಲ್ಕವಿರುತ್ತದೆ. ಐದು ವರ್ಷಗಳ ವೈದ್ಯಕೀಯ ಪದವಿ ಪಡೆದ ನಂತರ ‘ನೀಟ್ ಪಿಜಿ’ ಪರೀಕ್ಷೆಯನ್ನು ಬರೆದು ನಂತರ ಮೂರು ವರ್ಷಗಳಿಂದ ಎಂಡಿಎಂಎಸ್, ಉನ್ನತ ಶಿಕ್ಷಣಕ್ಕೆ ಪ್ರವೇಶವನ್ನು ಪಡೆಯಬಹುದು. ಅದಾದ ಬಳಿಕ ಆಯ್ಕೆಯ ಸ್ಪೆಷಲೈಸೇಷನ್ ಪಡೆಯುವುದಾದರೆ ಮತ್ತೆ ಮೂರು ವರ್ಷಗಳ ಡಿಎಂ ಅಥವಾ ಇತರೆ ಕೋರ್ಸ್ ಗಳನ್ನು ಮಾಡಬಹುದಾಗಿದೆ.

ವಿದೇಶಗಳಲ್ಲಿ ವೈದ್ಯಕೀಯ ಶಿಕ್ಷಣ: ಕೆಲವು ದೇಶಗಳಲ್ಲಿ ಭಾರತಕ್ಕಿಂತಲೂ ಕಡಿಮೆ ಶುಲ್ಕದೊಂದಿಗೆ ಗುಣಮಟ್ಟದ ವೈದ್ಯಕೀಯ ಶಿಕ್ಷಣ ದೊರೆಯುತ್ತದೆ. ವಿದೇಶಕ್ಕೆ ಹೋಗುವವರೂ ಕೂಡ ‘ನೀಟ್’ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿರಬೇಕು ಎಂದು ಭಾರತೀಯ ವೈದ್ಯಕೀಯ ಮಂಡಳಿಯೇ ಸೂಚಿಸಿದೆ. ಇದಲ್ಲದೇ ಇಂಗ್ಲಿಷ್ ಭಾಷೆಯ ಜೊತೆಗೆ ಅಧ್ಯಯನಕ್ಕೆ ಆಯ್ಕೆ ಮಾಡುವ ದೇಶದ ಭಾಷೆಯನ್ನೂ ಕಲಿಯಬೇಕು (ಕೆಲವು ಕಡೆ ಕಡ್ಡಾಯ). ಇನ್ನು ಆ ದೇಶ ನಡೆಸುವ ಪ್ರವೇಶ ಪರೀಕ್ಷೆ ಬರೆದು ಉತ್ತೀರ್ಣರಾಗಬೇಕು. ಇದಕ್ಕೂ ಭಾರತದಲ್ಲಿ ಕೆಲವು ತರಬೇತಿ ಕೇಂದ್ರಗಳು ಇವೆ.

ಇಂಜಿನಿಯರಿಂಗ್ ಪದವಿ ಪಡೆಯೋದು ಹೇಗೆ?
ವೃತ್ತಿಯಲ್ಲಿ ಇಂಜಿನಿಯರ್ ಆಗಬೇಕೆಂದುಕೊಂಡಿರುವ ವಿದ್ಯಾರ್ಥಿಗಳು ಪಿಯುಸಿಯಲ್ಲಿ ಬೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಗಣಿತ (ಪಿಸಿಎಂ) ವಿಷಯಗಳ ಜೊತೆಗೆ ತನ್ನ ಆಸಕ್ತಿಯ ಮತ್ತೊಂದು ವಿಷಯವನ್ನು ಕಂಪ್ಯೂಟರ್ ಸೈನ್ಸ್/ ಸಂಖ್ಯಾಶಾಸ್ತ್ರ/ ಎಲೆಕ್ಟ್ರಾನಿಕ್ಸ್ ಇತ್ಯಾದಿಗಳನ್ನು ಆಯ್ಕೆ ಮಾಡಿಕೊಳ್ಳಬೇಕಾಗುತ್ತದೆ. ಪಿಯುಸಿಯಲ್ಲಿ ವಿಜ್ಞಾನ ಆಯ್ಕೆ ಮಾಡಲು ಆಸಕ್ತಿ ಇರದಿದ್ದರೆ ಡಿಪ್ಲೋಮಾ ಇಂಜಿನಿಯರಿಂಗ್ ಕೋರ್ಸ್ ಮಾಡಿ ಬಳಿಕ ನೇರವಾಗಿ ದ್ವಿತೀಯ ವರ್ಷದ
ಇಂಜಿನಿಯರಿಂಗ್ ಪದವಿ (ಬಿ.ಇ) ಗೆ ಪ್ರವೇಶವನ್ನು ಪಡೆಯಬಹುದಾಗಿದೆ. ಪಿಯುಸಿ ಬಳಿಕ ಇಂಜಿನಿಯರಿಂಗ್ ಶಿಕ್ಷಣಕ್ಕೆ ಹೆಸರಾಂತ ಕಾಲೇಜುಗಳಲ್ಲಿ ಪ್ರವೇಶ ಪಡೆಯಲು ಈ ಕೆಳಗಿನ ಪ್ರವೇಶ ಪರೀಕ್ಷೆಗಳನ್ನು ಬರೆಯಬೇಕಾಗುತ್ತದೆ.

ಜೆಇಇ (ಮೇನ್ಸ್ ) : ಇದು ಕೇಂದ್ರ ಸರ್ಕಾರ ನಡೆಸುವ ರಾಷ್ಟ್ರಮಟ್ಟದ ಪರೀಕ್ಷೆಯಾಗಿದೆ. ಈ ಪರೀಕ್ಷೆಯಲ್ಲಿ ಪಡೆಯುವ ಅಂಕ ಹಾಗೂ ರಾಷ್ಟ್ರಮಟ್ಟದ ರ‍್ಯಾಂಕ್ ಆಧರಿಸಿ ಇಂಜಿನಿಯರಿಂಗ್ ಕಾಲೇಜುಗಳಲ್ಲಿ ಪ್ರವೇಶ ದೊರೆಯುತ್ತದೆ.
ಜೆಇಇ (ಅಡ್ವಾನ್ಸ್ ) : ಈ ಪರೀಕ್ಷೆಯ ಭಾರತದ ಐಟಿಐಗಳ ದಾಖಲಾತಿಗಾಗಿ ನಡೆಯುತ್ತದೆ. ಜೆಇಇ ಮೇನ್ಸ್ ಪರೀಕ್ಷೆಯಲ್ಲಿ ಹತ್ತಿರದಲ್ಲಿದ್ದ 2.5 ಲಕ್ಷ ಒಳಗಿನ ರ‍್ಯಾಂಕ್ ಬಂದವರು ಈ ಪರೀಕ್ಷೆ ಬರೆಯಲು ಅರ್ಹತೆ ಗಿಟ್ಟಿಸುತ್ತಾರೆ. ಈ ಪರೀಕ್ಷೆಯನ್ನು ಗರಿಷ್ಠ ಎರಡು ಬಾರಿ ಮಾತ್ರ ಬರೆಯಲು ಸಾಧ್ಯ.
ರಾಜ್ಯಮಟ್ಟದ ಪ್ರವೇಶ ಪರೀಕ್ಷೆಗಳು : ಅನೇಕ ರಾಜ್ಯಗಳು ಇಂಜಿನಿಯರಿಂಗ್ ಪ್ರವೇಶಕ್ಕಾಗಿ ತಮ್ಮದೇ ಆದ ಪರೀಕ್ಷೆಗಳನ್ನು ನಡೆಸುತ್ತದೆ. ಕರ್ನಾಟಕದಲ್ಲೂ ಸಿಇಟಿ ಪರೀಕ್ಷೆಯನ್ನು ನಡೆಸಲಾಗುತ್ತದೆ.
ಖಾಸಗಿ ಪ್ರವೇಶ ಪರೀಕ್ಷೆಗಳು: ಕೆಲವು ಖಾಸಗಿ ಇಂಜಿನಿಯರಿಂಗ್ ಕಾಲೇಜುಗಳು, ಕಾಲೇಜು ಮಟ್ಟದಲ್ಲೂ ತಮ್ಮದೇ ಆದ ಪ್ರವೇಶ ಪರೀಕ್ಷೆಗಳನ್ನು ನಡೆಸುತ್ತದೆ.
ಇಂಜಿನಿಯರಿಂಗ್ ಅಲ್ಲೂ ಹತ್ತಾರು ಕೋರ್ಸ್…!

ಇಂಜಿನಿಯರಿಂಗ್ ಕೋರ್ಸ್ 4 ವರ್ಷ ಅವಧಿಯಾದ್ದಾಗಿದ್ದು ಇದರಲ್ಲಿ ಕಂಪ್ಯೂಟರ್ ಸೈನ್ಸ್ ಇಂಜಿನಿಯರಿಂಗ್, ಮೆಕಾನಿಕಲ್, ಸಿವಿಲ್, ಎಲೆಕ್ಟ್ರಿಕಲ್, ಎಲೆಕ್ಟ್ರಾನಿಕ್ಸ್, ಮತ್ತು ಕಮ್ಯುನಿಕೇಷನ್, ಕೆಮಿಕಲ್, ಏರೋಸ್ಪೇಸ್, ಮಾಹಿತಿ ತಂತ್ರಜ್ಞಾನ ( ಇನ್ ಫಾರ್ಮೇಶನ್ ಟೆಕ್ನಾಲಜಿ) ಎಐ (ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ) ಹೀಗೆ ವಿವಿಧ ಕೋರ್ಸ್ ಗಳಿವೆ. ಇಂಜಿನಿಯರಿಂಗ್ ಬಳಿಕ ಎಂ ಟೆಕ್, ಎಂಬಿಎಂ ಇತ್ಯಾದಿ ಉನ್ನತ ಶಿಕ್ಷಣಕ್ಕೂ ಅವಕಾಶವಿದೆ. ಇಂಜಿನಿಯರಿಂಗ್ ಶಿಕ್ಷಣದ ಶುಲ್ಕಕ್ಕೆ ಸಂಬಂಧಪಟ್ಟ ಹಾಗೆ ಸರ್ಕಾರಿ ಹಾಗೂ ಖಾಸಗಿ ಶಾಲೆಗಳ ನಡುವೆ ಭಾರೀ ಅಂತರವಿದೆ. ಸರ್ಕಾರಿ ಕಾಲೇಜುಗಳಲ್ಲಿ ವಾರ್ಷಿಕ ರೂ ೧೦, ಸಾವಿರದಿಂದ ರೂ 1 ಲಕ್ಷಗಳವರೆಗೆ ಶುಲ್ಕವಿದ್ದರೆ, ಖಾಸಗಿ ಕಾಲೇಜುಗಳು ವಾರ್ಷಿಕವಾಗಿ ರೂ ಒಂದು ಲಕ್ಷದಿಂದ ರೂ 30 ಲಕ್ಷದವರೆಗೆ ಶುಲ್ಕವನ್ನು ಪಡೆಯುತ್ತವೆ. ಕಾಲೇಜು, ಆ ಕಾಲೇಜು ಇರುವ ಪ್ರದೇಶ, ಕಾಲೇಜು ಕೊಡುವ ಸೌಲಭ್ಯ ಇತ್ಯಾದಿಗಳ ಆಧಾರದಲ್ಲಿ ಶುಲ್ಕದಲ್ಲಿ ವ್ಯತ್ಯಾಸ ಇರುತ್ತದೆ.

2024 – 2025 ಶೈಕ್ಷಣಿಕ ವರ್ಷದಲ್ಲಿ ರಾಜ್ಯದಲ್ಲಿ 245 ಕಾಲೇಜುಗಳಲ್ಲಿ 1,32,309 ಇಂಜಿನಿಯರಿಂಗ್ ಸೀಟುಗಳು ಲಭ್ಯವಿದ್ದವು. ಇದರಲ್ಲಿ ಸರ್ಕಾರಿ ಕೋಟಾದಡಿಯಲ್ಲಿ 62,930 ಸೀಟುಗಳು, ಅಔಒಇಆ -ಏ ಕೋಟಾದಡಿಯಲ್ಲಿ 28,656 ಮತ್ತು ಹೆಚ್ಚುವರಿಯಾಗಿ 5,155 ಸೀಟುಗಳು, ವಿಟಿಯ ಅಡಿಯಲ್ಲಿ ಇರುವ ಸಂಯೋಜಿತ ಕಾಲೇಜುಗಳ ಶೇ.೪೫ ರಷ್ಟು ಸೀಟುಗಳು ಸಿಇಟಿ ರ‍್ಯಾಂಕ್ ಪಡೆದವರಿಗೆ ಮೀಸಲಾಗಿರುತ್ತದೆ. ಒಬ್ಬ ವಿದ್ಯಾರ್ಥಿಯು ಎಷ್ಟು ಬಾರಿ ಬೇಕಿದ್ದರೂ ಸಿಇಟಿ ಪರೀಕ್ಷೆಯನ್ನು ಬರೆಯಬಹುದಾಗಿದೆ. ಸಿಇಟಿಯಲ್ಲಿ ಪಡೆದ ರ‍್ಯಾಂಕಿನ ಆಧಾರದಲ್ಲಿ ಕಾಲೇಜುಗಳಿಗೆ ಪ್ರವೇಶ ದೊರೆಯುತ್ತದೆ.

ನರ್ಸಿಂಗ್ ಕೂಡ ಈಗ ಭಾರೀ ಬೇಡಿಕೆ!

ನರ್ಸಿಂಗ್ ವೃತ್ತಿಯನ್ನು ಆಯ್ಕೆ ಮಾಡಬೇಕು ಅಂದುಕೊAಡಿರುವ ವಿದ್ಯಾರ್ಥಿಗಳು ಪಿಯುಸಿಯಲ್ಲಿ ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಜೀವಶಾಸ್ತ್ರ ವಿಷಯಗಳನ್ನು ಆಯ್ಕೆ ಮಾಡಬೇಕಾಗುತ್ತದೆ. ಪಿಯುಸಿಯಲ್ಲಿ ವಿಜ್ಞಾನವನ್ನು ಆಯ್ದುಕೊಂಡರೆ ಮುಂದೆ ‘ಬಿ.ಎಸ್ಸಿ. ನರ್ಸಿಂಗ್’ ಪದವಿಗೆ ಸೇರಿಕೊಳ್ಳಬಹುದು. ಕೆಲವು ಕಾಲೇಜುಗಳಲ್ಲಿ ಕಲಾ/ವಾಣಿಜ್ಯ ವಿದ್ಯಾರ್ಥಿಗಳಿಗೂ ಪ್ರವೇಶ ನೀಡುತ್ತಾರೆ. ಖಾಸಗಿ ಕಾಲೇಜುಗಳಲ್ಲಿ ವಾರ್ಷಿಕ ಒಂದು ಲಕ್ಷದಿಂದ ಎರಡು ಲಕ್ಷದ ವರೆಗೆ ಶುಲ್ಕವಿರುತ್ತದೆ.

ಕೌಶಲ್ಯ, ಜ್ಞಾನ ಇದ್ರೆ ಎಲ್ಲಾದ್ರೂ ಕೆಲಸ ಗ್ಯಾರಂಟಿ ಲಾಯರ್, ಡಿಸೈನರ್, ವಿಡಿಯೋ ಎಡಿಟರ್, ಹೋಟೆಲ್ ಮ್ಯಾನೇಜ್ಮೆಂಟ್, ಸಿಎ, ಆಡಿಟರ್, ವೆಬ್ ಡೆವಲಪರ್, ಡಿಜಿಟಲ್ ಮಾರ್ಕೆಟರ್, ಅರ್ಕಿಟೆಕ್ಟ್, ಟೆಕ್ ಎಕ್ಸ್ಪರ್ಟ್ ಸೇರಿ ನೂರಾರು ಕೋರ್ಸ್, ನೂರಾರು ಉದ್ಯೋಗಳಿವೆ.
ಆದರೆ ಕೆಲಸ ಮಾಡುವ ಕೌಶಲ್ಯ, ಜ್ಞಾನ, ಶ್ರಮ, ಪ್ರಾಮಾಣಿಕತೆ, ಕಲಿಯುವ ಆಸಕ್ತಿ ಇರಬೇಕಷ್ಟೆ..

Categories
ಜ್ಯೋತಿಷ್ಯ ಮಾಹಿತಿ ರಾಜ್ಯ

ದುಷ್ಟ ಶಕ್ತಿಗಳನ್ನು ದೂರ ಮಾಡಲು ಹನುಮಾನ್ ಮಂತ್ರ!

ದುಷ್ಟ ಶಕ್ತಿಗಳನ್ನು ದೂರ ಮಾಡಲು ಹನುಮಾನ್ ಮಂತ್ರ!

ಆಯುಷ್ಯ ಮುಗಿಯಿತು, ಇನ್ನು ಬದುಕಲಾರೆ ಎಂದು ಭಾವಿಸುವವರು ಹನುಮಂತನ ಈ ಮಂತ್ರವನ್ನು 48 ದಿನಗಳ ಕಾಲ ನಿರಂತರವಾಗಿ ಜಪಿಸಿ. ನಿಮ್ಮ ಜೀವನವು ಪ್ರಕಾಶಮಾನವಾಗಿರುತ್ತದೆ. ಭಗವಾನ್ ರಾಮನ ಕಟ್ಟಾ ಭಕ್ತನಾದ ಹನುಮಂತನು ಭಗವಾನ್ ರಾಮನ ಸೃಷ್ಟಿಯ ಶಕ್ತಿ ಮತ್ತು ಭಗವಾನ್ ಶಿವನ ವಿನಾಶದ ಶಕ್ತಿ ಎರಡನ್ನೂ ಹೊಂದಿದ್ದನು. ಭಕ್ತರು ಕಷ್ಟಪಟ್ಟರೆ ಅದನ್ನು ಹೊರಲು ತಕ್ಷಣ ಓಡುವವನು ಈ ಹನುಮಂತ. ಈ ಹನುಮಂತನು ಭೂಲೋಕದಲ್ಲಿರುವ ಭಕ್ತರನ್ನು ಸ್ವರ್ಗಕ್ಕೆ ಹೋಗದೆ ರಕ್ಷಿಸುವ ಅದ್ಭುತ ದೇವರು.

ಕಟೀಲು ಶ್ರೀ ದುರ್ಗಾಪರಮೇಶ್ವರೀ ಜ್ಯೋತಿಷ್ಯ ಫಲ ಪ್ರಧಾನ ತಾಂತ್ರಿಕರು ದೈವಜ್ಞರು ಪಂಡಿತ್ ಜ್ಞಾನೇಶ್ವರ್ ರಾವ್ 8548998564.ನಿಮ್ಮ ಧ್ವನಿಯ ಮೂಲಕ ನಿಮ್ಮ ಸಮಸ್ಯೆಗಳನ್ನು ಅರಿತು ಅಥವಾ ಜನ್ಮಜಾತಕ ಫೋಟೋ ಹಸ್ತಸಾಮುದ್ರಿಕ ನೋಡಿ ಭವಿಷ್ಯ ಹೇಳಲಾಗುತ್ತದೆ. ನಿಮ್ಮ ಸಮಸ್ಯೆಗಳಾದ, ಆರೋಗ್ಯ, ಸಂತಾನ, ಸಾಲಬಾದೆ, ವಿವಾಹ, ಉದ್ಯೋಗದಲ್ಲಿ ತೊಂದರೆ, ಸಾಲಬಾದೆ, ಸತಿ ಪತಿ ಕಲಹ, ಪ್ರೇಮ ವಿಚಾರ, ಅತ್ತೆ-ಸೊಸೆ ಕಲಹ,ದೃಷ್ಟಿ ದೋಷ, ಮನೆಯಲ್ಲಿ ದರಿದ್ರತನ ದೋಷ, ಗಂಡನ ಪರ ಸ್ತ್ರೀ ಸಹವಾಸ ಬಿಡಿಸಲು, ವ್ಯಾಪಾರದಲ್ಲಿ ತೊಂದರೆ, ಕುಟುಂಬ ಕಷ್ಟ, ಹಣಕಾಸಿನಲ್ಲಿ ಅಡಚಣೆ, ಪ್ರೇಮ ವೈಫಲ್ಯ, ಹಾಗೂ ಸ್ತ್ರೀ-ಪುರುಷ ವಶೀಕರಣ ದಂತಹ ಸಮಸ್ಯೆಗಳಿಗೆ ಇನ್ನೂ ಅನೇಕ ಗುಪ್ತ ಕಠಿಣ ಸಮಸ್ಯೆಗಳಿಗೆ ತಾಂಬೂಲ ಪ್ರಶ್ನೆ, ಅಷ್ಟ ಮಂಡಲ ಪ್ರಶ್ನೆ, ಕವಡೆ ಪ್ರಶ್ನೆ ಹಾಕಿ ನಿಮ್ಮ ಕಷ್ಟ-ಕಾರ್ಪಣ್ಯಗಳಿಗೆ ಶಾಶ್ವತವಾದ ಪರಿಹಾರ ಮತ್ತು ಸಲಹೆ ಪಡೆದುಕೊಳ್ಳಿ 8548998564

ಕೆಲವರ ಜೀವನದಲ್ಲಿ ಸಮಸ್ಯೆಗಳು ಊಹೆಗೂ ನಿಲುಕದವು. ಅವೆಲ್ಲವನ್ನೂ ಪರಿಹರಿಸುವುದು ಅವರಿಗೆ ಸಾಮಾನ್ಯ ಸಂಗತಿಯಲ್ಲ. ಮನುಷ್ಯ ಎದುರಿಸಬಹುದಾದ ಯಾವುದೇ ರೀತಿಯ ಸಮಸ್ಯೆಗಳಿಂದ ರಕ್ಷಿಸುವ ಶಕ್ತಿ ಈ ಅನುಮನಿಗೆ ಇದೆ.

ಆ ಹನುಮಂತನಿಗೆ ಸೂಕ್ತವಾದ ಈ ಮಂತ್ರಗಳಿಂದ ಪೂಜಿಸಿದಾಗ ನಮ್ಮ ಈ ಎಲ್ಲಾ ಸಮಸ್ಯೆಗಳು ಮಾಯವಾಗುತ್ತವೆ ಎಂದು ಹೇಳಲಾಗುತ್ತದೆ. ಮಂತ್ರದ ಮೇಲಿನ ಈ ಪೋಸ್ಟ್‌ನಲ್ಲಿ ಆ ಮಂತ್ರ ಯಾವುದು ಎಂದು ನೀವು ಕಂಡುಹಿಡಿಯಬಹುದು.

ಕಷ್ಟಗಳು ಮತ್ತು ಕಷ್ಟಗಳನ್ನು ನಿವಾರಿಸಲು ಹನುಮಂತನ ಆರಾಧನೆ

ಮೊದಲನೆಯದಾಗಿ ಮನುಷ್ಯ ಸಮಸ್ಯೆಗಳಿಂದ ಸುಸ್ತಾಗಬಾರದು. ಎಷ್ಟೇ ಸಮಸ್ಯೆಗಳು ಬಂದರೂ ಅದರಿಂದ ಪಾರಾಗಲು ಸಾಧ್ಯವಿಲ್ಲ.ಎಲ್ಲವೂ ಮುಗಿಯಿತು ಎಂಬ ಮನಸ್ಥಿತಿ ಬಂದರೆ ಖಂಡಿತಾ ಅದರಿಂದ ಹೊರಬರಲು ಸಾಧ್ಯವಿಲ್ಲ.

ಯಾವುದೇ ಸಮಸ್ಯೆಯನ್ನು ಧೈರ್ಯದಿಂದ ಎದುರಿಸಲು ಅಭ್ಯಾಸ ಮಾಡಿಕೊಳ್ಳಿ. ಅದಕ್ಕಾಗಿ ನಾವು ಹೋರಾಟ ಮತ್ತು ಪ್ರಯತ್ನಗಳನ್ನು ತೆಗೆದುಕೊಳ್ಳಬೇಕು. ಅದಕ್ಕೆ ದೇವತೆಗಳು ಮಾತ್ರ ಸಹಾಯ ಮಾಡುತ್ತಾರೆ. ಹನುಮಂತ ನಮ್ಮ ಹೋರಾಟಕ್ಕೆ ಭರವಸೆ ಮತ್ತು ಧೈರ್ಯವನ್ನು ನೀಡುವ ದೇವರು.

ಅವರ ಈ ಮಂತ್ರವನ್ನು 48 ದಿನಗಳ ಕಾಲ ನಿರಂತರವಾಗಿ ಜಪಿಸಿದರೆ ನಮ್ಮ ಎಲ್ಲಾ ಸಂಕಷ್ಟಗಳು ಕೊನೆಗೊಳ್ಳುತ್ತವೆ ಎಂದು ಹೇಳಲಾಗುತ್ತದೆ. ಮನೆಯಲ್ಲಿ ಹನುಮಂತನ ಚಿತ್ರವಿದ್ದರೆ ಅದನ್ನು ಒರೆಸಿ ಅರಿಶಿನ ಪುಡಿಯನ್ನು ಈ ಮಂತ್ರ ಪೂಜೆಗೆ ಇಟ್ಟುಕೊಳ್ಳಿ. ಪಂಚೆಯಲ್ಲಿ ನೀರು ಸುರಿದು ಕೈಯಲ್ಲಿ ಇಟ್ಟುಕೊಳ್ಳಿ. ಈ ನೀರನ್ನು ಇಟ್ಟುಕೊಂಡು ಈ ಕೆಳಗಿನ ಮಂತ್ರವನ್ನು ಪಠಿಸಿ.

1. ಓಂ ನಮೋ ಹರಿ ರಾಮದೂತ ಆಂಜನೇಯ
ಅತಿಪಾಲ ಪರಾಕ್ರಮ ಸುಳ
ಅಂದ ರಂದ ಪರಿಂದ ಚಂಡ ಪ್ರಸಂದ ಉದಂಡ ಕೋಲಕಲ
ಅಘೋರ ಶತೃ ಸಂಹಾರ
ವರಮರು ಕೃಪಾ ದಯಾಳ
ಶಿವ ಶಿವ ಯೋಗಾಸನ ಪ್ರಿಯ ವಾಯು
ಕುಮಾರ ಸೀತಾ ಲಕ್ಷ್ಮೀ ಸುಧಾ ಸುಧಾ ಬ್ರಹ್ಮ
ಪ್ರಸಕುಲ ಮಿಕುಲ
ಬೃಂದಕಾಲ ಮಿತ್ರ ಪಂಪಾಮ
ರಮರಾಹ ಮಾಂ ರಾಮರಾಹ
ಮಾ

ಶ್ರೀ ಕ್ಷೇತ್ರ ಕಟೀಲು ದುರ್ಗಾಪರಮೇಶ್ವರೀ ಜ್ಯೋತಿಷ್ಯಶಾಸ್ತ್ರಂ  ಶ್ರೀ ಜ್ಞಾನೇಶ್ವರ್ ರಾವ್ ಪ್ರಧಾನ ತಾಂತ್ರಿಕ(8548998564) ರಕ್ತೇತೇಶ್ವರೀ ದೇವಿ ಮತ್ತು ದುರ್ಗಾಪರಮೇಶ್ವರೀ ದೇವಿ ತಾಯಿ ಆರಾಧನೆ ಮಾಡುತ್ತಾ ಕೊಳ್ಳೇಗಾಲದ ರಣಮೋಡಿ ಮತ್ತು ಕೇರಳದ ಕುಟ್ಟಿಚಾತನ್ ಪೂಜಾಪದ್ಧತಿಯಿಂದ ನಿಮ್ಮ ಸರ್ವ ಘೋರ ಗುಪ್ತ ಕಠಿಣ ಸಮಸ್ಯೆಗಳಿಗೆ ಕೇವಲ 2 ದಿನದಲ್ಲಿ ಶಾಶ್ವತ ಪರಿಹಾರ ಮಾಡಿಕೊಡುತ್ತಾರೆ.

ನಿಮ್ಮ ಸಮಸ್ಯೆಗಳಾದ ವಿದ್ಯಾ ಭ್ಯಾಸದಲ್ಲಿ ತೊಂದರೆ, ಉದ್ಯೋಗ ಸಮಸ್ಯೆ, ಮನೆಯಲ್ಲಿ ಹಣಕಾಸಿನ ಅಭಾವ ಎಷ್ಟೇ ದುಡ್ಡಿದ್ದರು ನೆಮ್ಮದಿಯಕೊರತೆ ಇಷ್ಟಪಟ್ಟವರು ನಿಮ್ಮಂತೆ ಆಗಲು, ಪ್ರೀತಿಯಲ್ಲಿ ನಂಬಿ ಮೋಸ, ಗಂಡ ಅಥವಾ ಹೆಂಡತಿ ಪರಸಂಗ ಬಿಡಿಸುವುದು, ಪ್ರೀತಿಯಲ್ಲಿ ಬಿದ್ದು ಮಕ್ಕಳು ಮಾತು ಕೇಳದಿದ್ದರೆ, ಗಂಡ ಹೆಂಡತಿ ನಡುವೆಹೊಂದಾಣಿಕೆ ಸಮಸ್ಯೆ ವಿವಾಹದಲ್ಲಿ ಅಡೆ ತಡೆ ಸಾಲಭಾದೆ ಇನ್ನೂ ಅನೇಕ ಸಮಸ್ಯೆಗಳಿಗೆ 100% ಸೂಕ್ತ ಪರಿಹಾರ ಮತ್ತು ಮಾರ್ಗದರ್ಶನ ನೀಡುತ್ತಾರೆ.

ಶತ್ರುನಾಶ ಧನವಶೀಕರಣದಂತಹ ಸಮಸ್ಯೆಗಳ ನಿವಾರಣೆಗೆ ಅತ್ಯಂತ ಪ್ರಭಾವಶಾಲಿ ಮತ್ತು ಪ್ರಖ್ಯಾತಿ ಪಡೆದಿರುವ ಜ್ಯೋತಿಷ್ಯರು. ನಿಮ್ಮ ಸಮಸ್ಯೆಗಳಿಗೆ ಯಾರಿಂದಲೂ ಪರಿಹಾರ ಸಿಗದೆ ನೊಂದಿದ್ದರೆ ಇವರನ್ನು ಒಮ್ಮೆನಂಬಿ ಕರೆ ಮಾಡಿ ಖಂಡಿತಾ ಪರಿಹಾರ ಸಿಗುತ್ತದೆ. ಮೊಬೈಲ್ ನಂ ಶ್ರೀ ಜ್ಞಾನೇಶ್ವರ್ ರಾವ್ ಪ್ರಧಾನ ತಾಂತ್ರಿಕ 8548998564

2. ಓಂ ಐಂ ಹ್ರೀಂ ಶ್ರೀಂ ಹನುಮದೇ
ರಾಮದೂದಾಯ ಲಂಕಾವಿದ್ವಂಶಾಯೈ
ಅಂಜನ ಕರಿಪ್ಪ ಸಖಿನೀ ತಗಿನೀ
ವಿದ್ವಂಶನಾಯ ಕಿಲ
ಕಿಲ ಪೂ ಪೂ ಕರಿನೇ ವಿಭೀಷಣಾಯ
ಹನುಮತೇವಾಯ ಓಂ ಐಂ
ಹ್ರೀಂ ಶ್ರೀಂ ಹ್ರಾಂ ಹ್ರೂಂ ಸ್ವಾಹಾ

ಈ ಮಂತ್ರವನ್ನು 11, 21, 108 ಸಂಖ್ಯೆಯಲ್ಲಿ ಪಠಿಸಬೇಕು. ಆ ನಂತರ ಈ ನೀರನ್ನು ಸ್ವಲ್ಪ ಪ್ರಮಾಣದಲ್ಲಿ ತೆಗೆದುಕೊಂಡು ಮನೆಯಲ್ಲೆಲ್ಲಾ ಚಿಮುಕಿಸಿ ಮತ್ತು ಅದನ್ನು ನಿಮ್ಮ ತಲೆಯ ಮೇಲೆ ಸಿಂಪಡಿಸಿ ಮತ್ತು ಉಳಿದ ನೀರನ್ನು ಕುಡಿಯಿರಿ. ಈ ಮಂತ್ರ ಪೂಜೆಯೊಂದಿಗೆ ಹನುಮಾನ್ ಚಾಲೀಸಾ ನಿಮಗೆ ತಿಳಿದಿದ್ದರೆ ಅದನ್ನು ಕೂಡ ಹೇಳಿ. ಇದು ಹನುಮಂತನ ಅತ್ಯಂತ ಶಕ್ತಿಶಾಲಿ ಮಂತ್ರಗಳಲ್ಲಿ ಒಂದಾಗಿದೆ.

ಅದರಂತೆ ಮನೆಯಲ್ಲಿ ಬೆಳಗ್ಗೆ ಮತ್ತು ಸಂಜೆ ಎರಡೂ ಹೊತ್ತು ದೀಪ ಹಚ್ಚಿ ಈ ಮಂತ್ರ ಪೂಜೆಯನ್ನು ಮಾಡಿ. ನಿಮ್ಮ ಎಲ್ಲಾ ಸಮಸ್ಯೆಗಳು ಎಲ್ಲಿ ಹೋದವು ಎಂದು ನೀವು ಆಶ್ಚರ್ಯಪಡುವ ಮಟ್ಟಿಗೆ ಎಲ್ಲವೂ ಬದಲಾಗುತ್ತದೆ. ನೀವು ಈ ಮಂತ್ರವನ್ನು ನಿಯಮಿತವಾಗಿ ಮಾಡಿದರೆ ನೀವು ಯಾವುದೇ ಭಯವಿಲ್ಲದೆ ಶಾಂತಿಯುತ ಜೀವನವನ್ನು ನಡೆಸಬಹುದು.

ಲೇಖನ:
ದೈವಜ್ಞ ಪ್ರಧಾನ್ ತಾಂತ್ರಿಕ್ ಜ್ಞಾನೇಶ್ವರ್ ರಾವ್ 8548998564
ಧಾರ್ಮಿಕಚಿಂತಕರು,ಜೋತಿಷ್ಯರು ,ಸಲಹೆಗಾರರು,
ಸಂಶೋಧಕರು. ಹಾಗು ಬರಹಗಾರರು

Categories
ಅಡಿಕೆ-ದರ ಮಲ್ನಾಡ್ ಮಾಹಿತಿ

ಮಲೆನಾಡು ಅಡಿಕೆ ದರ

ಮಲೆನಾಡು ಅಡಿಕೆ ದರ

03-03-2026

ಸರಕು : 56100-78600-95240

ಬೆಟ್ಟೆ : 50109-63000-64599

ರಾಶಿ : 48009-55600-57259

ಗೊರಬಲು : 26019-37300-41299

Categories
ಮಲ್ನಾಡ್ ಮಾಹಿತಿ ಶಿವಮೊಗ್ಗ ಹೆಲ್ತ್ ಎಕ್ಸ್ಪ್ರೆಸ್

ಗರ್ಭಿಣಿಯರಿಗೆ ಸಕ್ಕರೆ ಕಾಯಲೆ ಇದ್ರೆ ಡೇಂಜರ್!

ಗರ್ಭಿಣಿಯರಿಗೆ ಸಕ್ಕರೆ ಕಾಯಲೆ ಇದ್ರೆ ಡೇಂಜರ್!
– ಏನು ಮಾಡಬೇಕು… ಚಿಕಿತ್ಸೆ ಹೇಗೆ..?..ಮುನ್ನೆಚ್ಚರಿಕೆ ಏನು?
– ಸಕ್ಕರೆ ಕಾಯಿಲೆಯಿಂದ ಭ್ರೂಣಕ್ಕೆ ತೊಂದರೆ!

ಲೇಖನ: ಡಾ.ನಿವೇದಿತಾ ಹೆಗಡೆ
ಬ್ರೂಣ ಶಾಸ್ತ್ರ ,ಪ್ರಸೂತಿ ಮತ್ತು ಸ್ತ್ರೀ ರೋಗ ತಜ್ಞರು
ಸಹ್ಯಾದ್ರಿನಾರಾಯಣ ಮಲ್ಟಿ ಸ್ಪೆಶಾಲಿಟಿ ಆಸ್ಪತ್ರೆ
ಶಿವಮೊಗ್ಗ

ನಮ್ಮೂರ್ ಎಕ್ಸ್ ಪ್ರೆಸ್: ಅರೋಗ್ಯ
ಸೃಜನಳ ಮನೆಯಲ್ಲಿ ಸಂಭ್ರಮದ ವಾತಾವರಣವಿತ್ತು. ಆಕೆಯು ಮದುವೆಯಾಗಿ ೧೦ ವರ್ಷಗಳ ನಂತರ ಗರ್ಭಿಣಿಯಾಗಿದ್ದಳು. ಏಳು ತಿಂಗಳು ತುಂಬಿದ್ದರಿಂದ ಸೀಮಂತ ಏರ್ಪಡಿಸಲಾಗಿತ್ತು.ಆದರೆ ಬೆಳಿಗ್ಗೆಯಿಂದ ಮಗು ಸರಿಯಾಗಿ ಹಂದಾಡದೇ ಇದ್ದುದರಿಂದ ಆಕೆ ಸ್ವಲ್ಪ ಗಾಬರಿಗೊಂಡಳು. ಮನೆಯಲಿ ಸೀಮಂತ ಇದ್ದುದರಿಂದ ಮರುದಿನ ವೈದ್ಯರಿಗೆ ತೋರಿಸಿದರೆ ಆಯಿತು ಎಂದು ನಿರ್ಧರಿಸಿದಳು.

ಮಾರನೇ ದಿನ ಪ್ರಸೂತಿ ತಜ್ಞರನ್ನು ಕಂಡಾಗ, ವೈದ್ಯರು ಸ್ಕ್ಯಾನಿಂಗ್ ಮಾಡಿದರು. ಆಘಾತಕಾರಿ ಸುದ್ದಿಯೆಂದರೆ ಮಗುವಿನ ಹೃದಯ ಬಡಿತ ನಿಂತು ಹೋಗಿದ್ದು ಗರ್ಭದಲ್ಲೇ ಮರಣ ಹೊಂದಿತ್ತು. ರಕ್ತ ಪರೀಕ್ಷೆಯ ನಂತರ ತಿಳಿದು ಬಂದದ್ದು ಆಕೆಗೆ ಸಕ್ಕರೆ ಕಾಯಿಲೆ ಇದೆಯೆಂದು. ಗರ್ಭಧಾರಣೆ ಕೊನೆಯ ವಾರಗಳಲ್ಲಿ ಇದು 8-10% ಡಯಾಬಿಟಿಸ್ ಇರುವ ತಾಯಂದಿರಲ್ಲಿ ಕಂಡು ಬರುತ್ತದೆ. ಸರಿಯಾಗಿ ನಿರ್ವಹಿಸದ ಸಕ್ಕರೆ ಕಾಯಿಲೆಯು ಇದಕ್ಕೆ ಕಾರಣವಾದರೂ, ಶುಗರ್ ಕಂಟ್ರೋಲ್ ಚೆನ್ನಾಗಿದ್ದರೂ ಗರ್ಭಿಣಿಯರಲ್ಲಿ ಪ್ರಸವ ಪೂರ್ವದಲ್ಲಿ ಮಗುವಿನ ಮರಣ ಸಂಭವಿಸಬಹುದು.

ಭಾರತದಲ್ಲಿ ಸಕ್ಕರೆ ಕಾಯಲೆ ಹೆಚ್ಚಳ!

​ಭಾರತವು ಸಿಹಿ ತಿಂಡಿ ತಿನಿಸುಗಳಿಗೆ ಹೆಸರುವಾಸಿಯಾಗಿದೆ. ಹಾಗೆಯೇ ಇತ್ತೀಚಿನ ವರ್ಷಗಳಲ್ಲಿ ಸಕ್ಕರೆ ಕಾಯಿಲೆಯ ರಾಜಧಾನಿಯೂ ಆಗಿದೆ. ಇತ್ತೀಚಿನ ಸಮೀಕ್ಷೆಯ ಪ್ರಕಾರ ಸುಮಾರು 100 ಮಿಲಿಯನ್ ಜನರು ಸಕ್ಕರೆ ಕಾಯಿಲೆಗೆ ತುತ್ತಾಗಿದ್ದಾರೆ. ವಿದೇಶಿಯರಿಗಿಂತ 10 ವರ್ಷ ಮೊದಲೇ ನಮ್ಮಲ್ಲಿ ಡಯಾಬಿಟಿಸ್ ಶುರುವಾಗಬಹುದು. ಬದಲಾದ ಜೀವನ ಶೈಲಿ, ಕಮ್ಮಿ ವ್ಯಾಯಾಮ ಹಾಗೂ ಅನುವಂಶೀಯತೆಯು ಇದಕ್ಕೆ ಕಾರಣವೆನ್ನಬಹುದು. ​ಹಾಗೆಯೇ ಗರ್ಭಿಣಿಯರಲ್ಲಿ ಕಾಣಿಸಿಕೊಳ್ಳುವ ಗರ್ಭಾವಸ್ಥೆಯ ಮಧುಮೇಹ (Gestational Diabetes Mellitus) ಪ್ರತಿ ವರ್ಷ 4 ಮಿಲಿಯನ್ ಗರ್ಭಿಣಿಯರಲ್ಲಿ ಕಂಡು ಬರುತ್ತಿದೆ. ಶೇಕಡಾ 10-20% ಗರ್ಭಿಣಿಯರು ಇದಕ್ಕೆ ತುತ್ತಾಗಿದ್ದು, ಇದು ನಂತರದ ದಿನಗಳಲ್ಲಿ Type-2 ಡಯಾಬಿಟಿಸ್ ಆಗಿ ಮಾರ್ಪಾಡುಗೊಳ್ಳುತ್ತದೆ.

​ಕಾರಣಗಳು ಏನು?
– ​ಗರ್ಭಾವಸ್ಥೆಯಲ್ಲಿ ಉಂಟಾಗುವ ಹಾರ್ಮೋನ್ ವ್ಯತ್ಯಾಸ.
– ​ಬೊಜ್ಜುತನ, ಥೈರಾಯ್ಡ್ ತೊಂದರೆ, ಪಿಸಿಒಡಿ (PCOD) ತೊಂದರೆ.
– ​ಅನುವಂಶೀಯತೆ.

​ಪರಿಶೀಲನೆ (Diagnosis):
​ಗರ್ಭಿಣಿಯ ಮೊದಲ ಭೇಟಿಯಲ್ಲೇ Random Blood Sugar ಮತ್ತು ಗ್ಲೈಕೇಟೆಡ್ ಹಿಮೋಗ್ಲೋಬಿನ್ (HbA1c) ಪರೀಕ್ಷೆ ಮಾಡಲಾಗುತ್ತದೆ. ನಂತರ ಸುಮಾರು 24ನೇ ವಾರದಲ್ಲಿ ಗ್ಲೂಕೋಸ್ ಮಿಶ್ರಣವನ್ನು ಕುಡಿಸಿ ಪರೀಕ್ಷೆ ಮಾಡಲಾಗುತ್ತದೆ. ಇದನ್ನು Glucose Challenge Test ಎಂದು ಕರೆಯಲಾಗುತ್ತದೆ.​ಈ ಟೆಸ್ಟ್ ಗಳಲ್ಲಿ ವ್ಯತ್ಯಾಸ ಕಂಡು ಬಂದರೆ ಜೀವನಶೈಲಿ ಬದಲಾವಣೆ, ಆಹಾರ ಪದ್ಧತಿ ಮತ್ತು ವ್ಯಾಯಾಮವನ್ನು ಹೇಳಲಾಗುತ್ತದೆ. ಇದರಲ್ಲಿ ಹತೋಟಿಗೆ ಬರದಿದ್ದಲ್ಲಿ ಮೆಟ್‌ಫಾರ್ಮಿನ್ (Metformin) ಮಾತ್ರೆ ಅಥವಾ ಇನ್ಸುಲಿನ್ (Insulin) ಅನ್ನು ಪ್ರಾರಂಭ ಮಾಡಬೇಕಾಗುತ್ತದೆ. ಇದು ಗರ್ಭಾವಸ್ಥೆಯ ಕೊನೆಯವರೆಗೂ ತೆಗೆದುಕೊಳ್ಳಬೇಕಾಗುತ್ತದೆ.

​ಸಕ್ಕರೆ ಕಾಯಿಲೆಯಿಂದ ಭ್ರೂಣಕ್ಕೆ ತೊಂದರೆ:
​ಗರ್ಭಪಾತವಾಗುವ ಸಾಧ್ಯತೆ.

​ಭ್ರೂಣದಲ್ಲಿ ಅಂಗವಿಕಲತೆ – ಹೃದಯದ ತೊಂದರೆ, ಬೆನ್ನುಹುರಿ ಸೀಳುವಿಕೆ (Open Spina Bifida), ಕಿಡ್ನಿ ತೊಂದರೆ, ಅನ್ನನಾಳದ ತೊಂದರೆ, Caudal Regression Syndrome ಇತ್ಯಾದಿ.
​ಮಗುವಿನ ಬೆಳವಣಿಗೆ ಅಧಿಕಗೊಂಡು ಹೆರಿಗೆ ಸಮಯದಲ್ಲಿ ತೊಂದರೆ ಆಗಬಹುದು. ಇದಕ್ಕೆ Macrosomia ಎಂದು ಕರೆಯಲಾಗುತ್ತದೆ. ಹೆರಿಗೆ ಸಮಯದಲ್ಲಿ ಭುಜ ಸಿಕ್ಕಿಹಾಕಿಕೊಂಡು (Shoulder Dystocia) ಡೆಲಿವರಿ ಸುಲಭವಾಗದೇ ಇರಬಹುದು.
​Polyhydramnios: ಮಗುವಿನ ಸುತ್ತ ಇರುವ ನೀರಿನ ಪ್ರಮಾಣ ಅಧಿಕಗೊಂಡು ಸಮಯಕ್ಕಿಂತ ಮೊದಲೇ ನೀರು ಹೋಗುವುದು, ಹೊಕ್ಕುಳ ಬಳ್ಳಿ ಜಾರುವುದು ಉಂಟಾಗುವ ಸಾಧ್ಯತೆ ಇರುತ್ತದೆ.
​ಇಂತಹ ಗರ್ಭಿಣಿಯರಲ್ಲಿ ಸಿಸೇರಿಯನ್ ಸಾಧ್ಯತೆಯೂ ಹೆಚ್ಚಿರುತ್ತದೆ.

​ಹೆರಿಗೆ ನಂತರದ ತೊಂದರೆಗಳು:
​ಸಕ್ಕರೆ ಕಾಯಿಲೆಯಿಂದ C-Section ಗಾಯ ವಾಸಿಯಾಗುವುದು ನಿಧಾನವಾಗಬಹುದು ಅಥವಾ ಗಾಯಕ್ಕೆ ಸೋಂಕು ತಗಲಬಹುದು. ಹೆರಿಗೆ ಸಮಯದಲ್ಲಿ ಅಧಿಕ ರಕ್ತಸ್ರಾವವಾಗುವ ಸಂಭವ ಇರುತ್ತದೆ.

​ಡಯಾಬಿಟಿಸ್ ಬಗ್ಗೆ ಇರುವ ಅಪನಂಬಿಕೆಗಳು:
​- ಸಕ್ಕರೆ ಕಾಯಿಲೆ ಸಕ್ಕರೆ ತಿಂದರೆ ಬರುತ್ತದೆ, ಆದ್ದರಿಂದ ಬೆಲ್ಲವನ್ನು ಜಾಸ್ತಿ ತಿನ್ನಬಹುದು.
​- ಬೊಜ್ಜುತನ ಇರುವವರಿಗೆ ಮಾತ್ರ ಸಕ್ಕರೆ ಕಾಯಿಲೆ ಬರಬಹುದು.
– ​ಗರ್ಭಿಣಿಯರಲ್ಲಿ ಸಕ್ಕರೆ ಕಾಯಿಲೆ ಬಂದರೆ ಅದು ಪ್ರಸವದ ನಂತರವೂ ಕಡಿಮೆ ಆಗುವುದಿಲ್ಲ.
– ​ಡಯಾಬಿಟಿಸ್ ಗರ್ಭಿಣಿಯರು ಕಡ್ಡಾಯವಾಗಿ ಸಿಸೇರಿಯನ್ ಮಾಡಿಸಿಕೊಳ್ಳಬೇಕು.
– ​ಡಯಾಬಿಟಿಸ್‌ನಿಂದ ತಾಯಿಗೆ ಮಾತ್ರ ತೊಂದರೆ, ಮಗುವಿಗೆ ಯಾವುದೇ ತೊಂದರೆ ಇರುವುದಿಲ್ಲ.

​ಬಾಣಂತಿ ಆರೈಕೆ:
​ಮೊದಲೇ ತಿಳಿಸಿದಂತೆ ಗರ್ಭಾವಸ್ಥೆಯಲ್ಲಿ ಕಾಣುವ ಮಧುಮೇಹ ಕ್ರಮೇಣ ಹೆರಿಗೆಯ ನಂತರ ಸರಿ ಹೋಗುತ್ತದೆ. ಆದರೂ ಬಾಣಂತಿಯರು ಮೊದಲ 1 ರಿಂದ 3 ತಿಂಗಳವರೆಗೆ ಸಕ್ಕರೆ ಕಾಯಿಲೆಗೆ ಅನುಗುಣವಾಗಿ ಪಥ್ಯ ಮಾಡುವುದು ಉತ್ತಮ. 6 ವಾರಗಳು ಕಳೆದ ನಂತರ ಮತ್ತೆ ರಕ್ತದಲ್ಲಿ ಶುಗರ್ ಪರೀಕ್ಷೆ ಮಾಡಿಸಿಕೊಳ್ಳಬೇಕು. ನಂತರದ ದಿನಗಳಲ್ಲೂ ಒಳ್ಳೆಯ ಪೌಷ್ಟಿಕ ಆಹಾರ ಮತ್ತು ವ್ಯಾಯಾಮ ಮಾಡುವುದರಿಂದ ದೇಹದ ತೂಕವನ್ನು ಹತೋಟಿಯಲ್ಲಿಡಬೇಕು. ಇದರಿಂದ Type-2 ಡಯಾಬಿಟಿಸ್ ಬರುವುದನ್ನು ತಡೆಯಬಹುದು.

​Type-2 ಡಯಾಬಿಟಿಸ್ ಇರುವಂತಹ ತಾಯಂದಿರು ಗರ್ಭಪೂರ್ವ ಸಮಾಲೋಚನೆಗೆ ವೈದ್ಯರನ್ನು ಭೇಟಿಯಾಗುವುದು ಉತ್ತಮ. HbA1c ರಕ್ತದಲ್ಲಿ 7ಕ್ಕಿಂತ ಕಡಿಮೆ ಇದ್ದಾಗ ಗರ್ಭಧಾರಣೆಯಾದರೆ ಮಗುವಿನಲ್ಲಿ ಅಂಗವಿಕಲತೆ ಆಗುವ ಪ್ರಮಾಣ ಕಡಿಮೆಯಾಗುತ್ತದೆ. ಗರ್ಭಧಾರಣೆಯ ಆರಂಭಿಕ ಹಂತದಲ್ಲಿ ಭ್ರೂಣಕ್ಕೆ ತೊಂದರೆ ಮಾಡದಂತಹ ಡಯಾಬಿಟಿಸ್ ಮಾತ್ರೆಗಳನ್ನು ತೆಗೆದುಕೊಳ್ಳಬೇಕು. ಮೆಟ್‌ಫಾರ್ಮಿನ್ ಮತ್ತು ಇನ್ಸುಲಿನ್ ಎರಡೂ ಗರ್ಭಾವಸ್ಥೆಯಲ್ಲಿ ಕೊಡಬಹುದಾದ ಔಷಧಗಳು.

​ಈಗಾಗಲೇ ಡಯಾಬಿಟಿಸ್ ಇರುವುದರಿಂದ ಕಣ್ಣಿನ ರೆಟಿನಾ (Retina) ಪರೀಕ್ಷೆ, ಕಿಡ್ನಿ ಪರೀಕ್ಷೆಗಳನ್ನು ಮಾಡಿಸಿಕೊಳ್ಳುವುದು ಉತ್ತಮ. ಕೆಲವೊಮ್ಮೆ ಡಯಾಬಿಟಿಸ್ ರಕ್ತನಾಳಗಳಿಗೆ ತೊಂದರೆ ಮಾಡಿದ್ದಲ್ಲಿ (Vascular disease), ಗರ್ಭಕ್ಕೆ ಸರಿಯಾಗಿ ರಕ್ತ ಸಂಚಾರವಾಗದೇ ಮಗುವಿನ ಬೆಳವಣಿಗೆ ಕುಂಠಿತವಾಗುವ ಸಾಧ್ಯತೆ ಇರುತ್ತದೆ.

ಗರ್ಭಧಾರಣೆಯ ನಂತರ ಬರುವ Gestational Diabetes ಅಥವಾ ಈಗಾಗಲೇ ಡಯಾಬಿಟಿಸ್ ಇರುವವರಾಗಲಿ ಹೆಚ್ಚಿನ ಕಾಳಜಿ ವಹಿಸಬೇಕಾಗುತ್ತದೆ. ಸರಿಯಾದ ಪಥ್ಯ, ಜೀವನಶೈಲಿ ಮತ್ತು ವೈದ್ಯರ ಸಲಹೆಯಿಂದ ಡಯಾಬಿಟಿಸ್ ಇರುವವರೂ ಗರ್ಭಿಣಿಯಾಗಬಹುದು. ಸರಿಯಾದ ಸಮಯಕ್ಕೆ ತಕ್ಕಂತೆ ವೈದ್ಯರ ಸಲಹೆ ಪಾಲಿಸುವುದರಿಂದ ಮುಂದಾಗುವ ಅನಾಹುತಗಳನ್ನು ಕಡಿಮೆ ಮಾಡಬಹುದು.

ಮಾಹಿತಿಯನ್ನು ನಿಮ್ಮ ಎಲ್ಲಾ ಸ್ನೇಹಿತರು, ಕುಟುಂಬದವರಿಗೆ ಶೇರ್ ಮಾಡಿರಿ..

​

Categories
ನಮ್ಮೂರ್ ಪ್ರಾಬ್ಲಮ್ ಮಲ್ನಾಡ್ ಮಾಹಿತಿ ವಿಶೇಷ ಸುದ್ದಿ

ಶಾರದಾಂಬೆ ಮಡಿಲಿನ ಗ್ರಾಮದಲ್ಲಿ ಚುನಾವಣಾ ಬಹಿಷ್ಕಾರ!

ಶಾರದಾಂಬೆ ಮಡಿಲಿನ ಗ್ರಾಮದಲ್ಲಿ ಚುನಾವಣಾ ಬಹಿಷ್ಕಾರ!
– ನಕ್ಸಲೆಟ್ ಹೆಸರಿನಲ್ಲಿ ಸರ್ಕಾರದ ಅನುದಾನ ನಿರ್ಲಕ್ಷ
– ನೀರಿನ ಹನಿಗೂ, ದಾರಿಯ ಕಲ್ಲಿಗೂ ಹೋರಾಟ
– ದಶಕಗಳ ಜನರ ಮನವಿಗೆ ಬೆಲೆಯೇ ಇಲ್ಲ

ನಮ್ಮೂರ್ ಪ್ರಾಬ್ಲಮ್

NAMMUR EXPRESS NEWS
ಚಿಕ್ಕಮಗಳೂರು: ಚಿಕ್ಕಮಗಳೂರು ಜಿಲ್ಲೆಯ ಶೃಂಗೇರಿ ತಾಲ್ಲೂಕಿನ ಮರಕಲ್ ಗ್ರಾಮದ ಕಿಗ್ಗ ಊರಿನಿಂದ ಚೆಟ್ಟುಗುಣಿ ಗ್ರಾಮಕ್ಕೆ ಹೋಗುವ ಕಾಲುಸಂಕ ಇಂದಿಗೂ ಜನರ ಬದುಕಿನ ನಾಡಿಯಾಗಿದೆ.
ದಶಕಗಳಿಂದ ಈ ಮಾರ್ಗದ ದುರಸ್ತಿ ಬೇಡಿಕೆಗಳನ್ನು ಗ್ರಾಮಸ್ಥರು ಶಾಸಕರವರೆಗೂ ತಲುಪಿಸಿದರೂ, ಪ್ರತಿಸಾರಿ ಹಿಂತಿರುಗುವ ಉತ್ತರ ಅದು ನಕ್ಸಲೇಟು ಪ್ರದೇಶ, ಅಭಿವೃದ್ಧಿ ಸಾಧ್ಯವಿಲ್ಲ! ಎಂದು ನಿರ್ಲಕ್ಷದಿಂದ ಉತ್ತರ ಕೊಡುತ್ತಿದ್ದಾರೆ.
ಗ್ರಾಮದಲ್ಲಿ 30 ಮನೆಗಳಿದ್ದು ಆದರೆ ಜನರ ಹೋರಾಟ ಮತ್ತು ತಾಳ್ಮೆ ಕಟ್ಟೆಈಗ ಒಡೆಯುತ್ತಿದೆ. ಶಾಲಾ ಮಕ್ಕಳು, ಗರ್ಭಿಣಿಯರು ಹಾಗೂ ರೋಗಿಗಳು ಇದೇ ದುಸ್ಥಿತಿಯ ಕಾಲುಸಂಕದ ಮೇಲೆ ನಡೆಯಬೇಕಾದ ಪರಿಸ್ಥಿತಿ ಇನ್ನೂ ಮುಂದುವರಿದಿದೆ.
ಕಲ್ಲು ಮಣ್ಣು ಮಿಶ್ರಿತ, ಮಳೆಗಾಲದಲ್ಲಿ ಹಾದಿಯೇ ಮಾಯವಾಗುವ ಈ ಮಾರ್ಗವು, ಇಂದು ಮಾನವ ಹಕ್ಕುಗಳನ್ನೇ ಪ್ರಶ್ನಿಸುವ ಮಟ್ಟಕ್ಕೇರಿದೆ.
ಶಾಸಕರು ಹಾಗೂ ಜನ ನಾಯಕರು ಚುನಾವಣೆ ಸಮಯದಲ್ಲಿ ಮಾತ್ರ ಬರುತ್ತಾರೆ, ನಮ್ಮ ಕಷ್ಟ ಕೇಳುವವರು ಯಾರು? ಎಂದು ಗ್ರಾಮಸ್ಥರು ತೀವ್ರ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಪ್ರತಿ ಬಾರಿ ಹೋರಾಟದ ಮನವಿ, ಮನವಿಯ ಬಳಿಕದ ಮೌನ, ಇವೇ ಚೆಟ್ಟುಗುಣಿಯ ದಿನಚರಿ. ನಾವು ಮತ ಹಾಕಿ ಏನು ಪ್ರಯೋಜನ? ಬದಲಾವಣೆ ಇಲ್ಲದಿದ್ದರೆ ಮತವಿಲ್ಲ ಎಂಬ ಘೋಷಣೆಯೊಂದಿಗೆ ಈ ಬಾರಿ ಚುನಾವಣಾ ಬಹಿಷ್ಕಾರ ಮಾಡಲು ಗ್ರಾಮಸ್ಥರು ನಿರ್ಧರಿಸಿದ್ದಾರೆ.

ಚೆಟ್ಟುಗುಣಿ ಗ್ರಾಮದ ಪರಿಸ್ಥಿತಿ ಕೇಳೋರಿಲ್ಲ

ಚೆಟ್ಟುಗುಣಿ ಗ್ರಾಮದ ಪರಿಸ್ಥಿತಿ ಅಭಿವೃದ್ಧಿಯೆಂಬ ಶಬ್ದಕ್ಕೆ ನಾಚಿಕೆ ತರಿಸುತ್ತದೆ. ಇಲ್ಲಿಯವರೆಗೂ ರಸ್ತೆ ಇಲ್ಲ, ಸಾರಿಗೆ ಇಲ್ಲ, ಕುಡಿಯುವ ನೀರಿನ ಸರಬರಾಜಿಲ್ಲ, ನೆಟ್ವರ್ಕ್ ಸಂಪರ್ಕವಿಲ್ಲ. ಮಳೆ ಬಂದರೆ ಶಾಲಾ ಮಕ್ಕಳು ತರಗತಿಗೆ ಹೋಗದೆ ಮನೆಬದಿಯಲ್ಲಿ ಕಾದು ಕುಳಿತುಕೊಳ್ಳುವ ಪರಿಸ್ಥಿತಿ ಉಂಟಾಗುತ್ತದೆ. ಅನಾರೋಗ್ಯ ಬಂದರೆ ಮೈಲ್ಗಟ್ಟಲೆ ನಡೆದು ಆಸ್ಪತ್ರೆಗೆ ತಲುಪಬೇಕು. ಇಂತಹ ಸ್ಥಿತಿಯಲ್ಲಿ, ಸರ್ಕಾರದ ಯೋಜನೆಗಳು, ಬೃಹತ್ ಘೋಷಣೆಗಳು ಎಲ್ಲವೂ ಕಾಗದದ ಅಕ್ಷರಗಳಷ್ಟೇ.

ಜನರ ತಾಳ್ಮೆಗೆ ಪರೀಕ್ಷೆ ಮಾಡಿದ ರಾಜಕಾರಣಿಗಳು!

ಗ್ರಾಮಸ್ಥರು ಹಲವು ಬಾರಿ ಗ್ರಾಮ ಪಂಚಾಯಿತಿ, ತಾಲೂಕು ಕಚೇರಿ, ಮತ್ತು ಶಾಸಕರ ಮನೆಬಾಗಿಲಿಗೆ ತೆರಳಿ ಮನವಿ ಸಲ್ಲಿಸಿದ್ದಾರೆ. ಜನರ ತಾಳ್ಮೆ ಇದೀಗ ಕೋಪಕ್ಕೆ ತಿರುಗಿದೆ. ಅಭಿವೃದ್ಧಿಯ ಹೆಸರು ಹೇಳುತ್ತಾ ಮತ ಬೇಡುವವರು, ನಮ್ಮ ಕಾಲುಸಂಕದ ಮೇಲಾದರೂ ನಡೆದು ನೋಡಲಿ ಎಂಬ ಸಿಡಿಲುಪದಗಳು ಚೆಟ್ಟುಗುಣಿ ನಿವಾಸಿಗಳಲ್ಲಿ ಕೇಳಿಬರುತ್ತಿದೆ.

ಬುಡಕಟ್ಟು ಬದುಕು, ನಾಳೆಯ ಕನಸು?

ಇಂದಿನ ಡಿಜಿಟಲ್ ಯುಗದಲ್ಲಿ ಎಲ್ಲೆಡೆ 5G ತಂತ್ರಜ್ಞಾನ ಬೆಳೆಯುತ್ತಿದೆ, ಚೆಟ್ಟುಗುಣಿಯ ಜನರು ಇನ್ನೂ 2G ಬದುಕು ನಡೆಸುತ್ತಿದ್ದಾರೆ. ನೀರಿನ ಹನಿಗೂ, ದಾರಿಯ ಕಲ್ಲಿಗೂ ಹೋರಾಟ. ಆಡಳಿತದ ದೃಷ್ಟಿಯಲ್ಲಿ ನಕ್ಸಲೆಟ್ ಪ್ರದೇಶ ಎಂಬ ಹೆಸರಿನಲ್ಲಿ ಅಭಿವೃದ್ಧಿ ನಿಷೇಧದ ಫಲವಾಗಿ ಈ ಗ್ರಾಮಸ್ಥರು ಬುಡಕಟ್ಟು ಸಮುದಾಯಗಳಂತೆಯೇ ಬದುಕು ನಡೆಸಬೇಕಾದ ಪರಿಸ್ಥಿತಿಯಲ್ಲಿದ್ದಾರೆ.

ರಾಜಕಾರಣಿಗಳ ಮೌನ, ಜನರ ಘೋಷಣೆ

ಶೃಂಗೇರಿ ಶಾಸಕರು ಸೇರಿದಂತೆ ಸ್ಥಳೀಯ ಆಡಳಿತದ ನಿರ್ಲಕ್ಷ್ಯದಿಂದ ಬೇಸತ್ತ ಗ್ರಾಮಸ್ಥರು, ಈಗ “ಮತವಿಲ್ಲ” ಎಂಬ ಶಸ್ತ್ರವನ್ನು ಆಯ್ದುಕೊಂಡಿದ್ದಾರೆ. ನಮ್ಮ ಹಾದಿ ಸರಿಪಡಿಸದವರೆಗೂ ಮತ ಹಾಕುವುದಿಲ್ಲ ಎಂಬ ಸ್ಪಷ್ಟ ನಿಲುವಿನಿಂದ ಚುನಾವಣಾ ಬಣ್ಣಕ್ಕೆ ಕಪ್ಪು ಸವರಲು ಗ್ರಾಮಸ್ಥರು ಸಜ್ಜಾಗಿದ್ದಾರೆ. ಚೆಟ್ಟುಗುಣಿ ಗ್ರಾಮವು ಇಂದು ಒಂದು ಪ್ರಶ್ನೆ ಎತ್ತುತ್ತಿದೆ. ನಮ್ಮ ಕಷ್ಟಕ್ಕೆ ಯಾರ ಉತ್ತರ?
ಜನರ ಕಣ್ಣೀರು ಒಣಗುವ ಮುನ್ನ, ಸರ್ಕಾರ ಮತ್ತು ಶಾಸಕರು ನಿಜವಾದ ಅಭಿವೃದ್ಧಿಯ ಹಾದಿ ತೋರಿಸುವ ಸಮಯ ಬಂದಿದೆ.ಇಂದು ಚೆಟ್ಟುಗುಣಿ ಎನ್ನುವ ಈ ಚಿಕ್ಕ ಹಳ್ಳಿಯ ಕೂಗು, ನಾಳೆ ರಾಜ್ಯದ ನಾಚಿಕೆಗಾಗಬಹುದು. ಆಡಳಿತ ಅಧಿಕಾರಿಗಳೇ ಎಚ್ಚರ.!