Month: August 2022

• ಭಾರತೀಯ ಕೃಷಿ ಸಂಶೋಧನಾ ಸಂಸ್ಥೆಯ ಮಾಹಿತಿ
• ಮಲೆನಾಡಲ್ಲಿ ಭತ್ತದ ನೆಟ್ಟಿ ಮುಕ್ತಾಯ
• ಮಳೆ, ಬಿಸಿಲು ಹೆಚ್ಚಿದ ಕೊಳೆ ರೋಗ

NAMMUR EXPRESS NEWS
ಪಂಜಾಬ್ ಮತ್ತು ಹರಿಯಾಣದಿಂದ ವರದಿಯಾಗಿರುವ ಭತ್ತದ ಸಸಿಗಳು ಕುಬ್ಜವಾಗಲು ಸದರ್ನ್ ರೈಸ್ ಬ್ಲ್ಯಾಕ್ ಸ್ಟೈಕ್ ಡ್ವಾರ್ಫ್ ವೈರಸ್ (ಎಸ್‌ಆರ್‌ಬಿಎಸ್‌ಡಿಎ) ಎಂಬ ನಿಗೂಢ ಕಾಯಿಲೆ ಕಾರಣ ಎಂದು ಭಾರತೀಯ ಕೃಷಿ ಸಂಶೋಧನಾ ಸಂಸ್ಥೆ ಧೃಡಪಡಿಸಿದೆ.
ಸದರ್ನ್ ರೈಸ್ ಬ್ಲ್ಯಾಕ್ ಸ್ಟೈಕ್ ಡ್ವಾರ್ಫ್ ವೈರಸ್ ಡಬಲ್ ಸ್ಟ್ಯಾಂಡರ್ಡ್ ಆರ್‌ನ್‌ ವೈರಸ್ ಆಗಿದೆ, ಇದು ಮೊದಲು 2001 ರಲ್ಲಿ ದಕ್ಷಿಣ ಚೀನಾದಲ್ಲಿ ಪತ್ತೆಯಾಗಿತ್ತು. ಅಕ್ಕಿಯಲ್ಲಿ ಕಂಡುಬಂದ ಗುಣಲಕ್ಷಣಗಳು ಮತ್ತು ಈ ವೈರಸ್‌ನ ಜೀನೋಮ್ ರಚನೆಯು ಅಕ್ಕಿ ಕಪ್ಪು ಗೆರೆಗಳ ಕುಬ್ಜ ವೈರಸ್ ನಂತೆ ಇರುತ್ತವೆ.
ಅಕ್ಕಿಯ ಹೊರತಾಗಿ, ಎಸ್‌ಆರ್‌ಬಿಎಸ್‌ಡಿವಿ ವಿವಿಧ ಕಳೆ ಪ್ರಭೇದಗಳನ್ನೂ ಇದು ಸೋಂಕಿತಗೊಳಿಸುತ್ತದೆ. ಈ ವೈರಸ್ ಮೊದಲು ದಕ್ಷಿಣ ಚೀನಾದಲ್ಲಿ ಕಂಡುಬಂದ ಕಾರಣ, ಇದನ್ನು ಸದರ್ನ್ ರೈಸ್ ಬ್ಲ್ಯಾಕ್ ಎಂದು ಹೆಸರಿಸಲಾಯಿತು.
ಆರ್ ಎನ್ಎ ಪ್ರತ್ಯೇಕಿಸಲಾದ ಸೋಂಕಿತ ಸಸ್ಯಗಳು ಮತ್ತು ವೆಕ್ಟರ್ ಕೀಟಗಳ ದೇಹ ಇವೆರಡರಲ್ಲೂ ವೈರಸ್ ಇರುವುದು ಪತ್ತೆಯಾಗಿದೆ. ಆದರೆ ಸೋಂಕಿತ ಸಸ್ಯಗಳಿಂದ ಸಂಗ್ರಹಿಸಿದ ಬೀಜಗಳಲ್ಲಿ ವೈರಸ್ ಕಂಡುಬಂದಿಲ್ಲ.
ಕೇಂದ್ರ ಕೃಷಿ ಸಚಿವಾಲಯಕ್ಕೆ ಸಲ್ಲಿಸಿದ ತನ್ನ ವರದಿಯಲ್ಲಿ ಬಾಧಿತ ಸಸ್ಯಗಳ ಬೆಳವಣಿಗೆ ಬಹಳ ಕಡಿಮೆ ಇದೆ. ಇವು ಕುಬ್ಬವಾಗಿವೆ ಎಂದು IARI ಹೇಳಿದೆ. ಅವುಗಳ ಬೇರು ಕಳಪೆಯಾಗಿ ಬೆಳೆದು ಕಂದು ಬಣ್ಣಕ್ಕೆ ತಿರುಗಿವೆ. ವೈರಸ್ ಸೋಂಕಿತ ಸಸ್ಯಗಳನ್ನು ನೆಲದಿಂದ ಸುಲಭವಾಗಿ ಕಿತ್ತುಹಾಕಬಹುದು.
ಮಲೆನಾಡಲ್ಲಿ ಭತ್ತದ ನಾಟಿ ಮುಕ್ತಾಯ: ಮಲೆನಾಡಲ್ಲಿ ಭತ್ತದ ನಾಟಿ ಕೆಲಸ ಮುಗಿಯುತ್ತಾ ಬಂದಿದೆ. ಎಲ್ಲಾ ಕಡೆ ಗದ್ದೆ ನಾಟಿ ಆಗಿ ಸಸಿ ಬೇರು ಒಡೆದಿದೆ.
ಅಡಿಕೆಗೆ ಕೊಳೆ: ಮಲೆನಾಡಿನಲ್ಲಿ ಮಳೆ ಬಿಸಿಲು ಕಾರಣ ಅಡಿಕೆಗೆ ಕೊಳೆ ರೋಗ ಬಂದಿದೆ. ತೀರ್ಥಹಳ್ಳಿ, ಹೊಸನಗರ, ಕೊಪ್ಪ, ಶೃಂಗೇರಿ ಸೇರಿ ಹಲವೆಡೆ ಕೊಳೆ ರೋಗ ಬಂದಿದೆ. ಔಷಧ ಹೊಡೆಯುವ ಕೆಲಸ ನಡೆಯುತ್ತಿದೆ.

• ನೋಯ್ಡಾದ ಅಕ್ರಮ ಅವಳಿ ಕಟ್ಟಡ ನೆಲಸಮ
• ಸುಪ್ರೀಂ ಕೋರ್ಟ್ ಆದೇಶದಂತೆ ಕಾರ್ಯಾಚರಣೆ
• ಅಕ್ರಮ ಕಟ್ಟಡ ಕಟ್ಟುವವರೇ ನೋಡಿ ಹುಷಾರ್!

NAMMUR EXPRESS NEWS
ಹೊಸದಿಲ್ಲಿ: ದೆಹಲಿ ಹೊರವಲಯದ ಉತ್ತರ ಪ್ರದೇಶದ ನೋಯ್ಡಾದಲ್ಲೂ ಭಾನುವಾರ ನಡೆದ ‘ಅವಳಿ ಕಟ್ಟಡ’ಗಳ ಧ್ವಂಸ ಕಾರ್ಯಾಚರಣೆ ಒಂದು ದೊಡ್ಡ ಪಾಠವಾಗಿದೆ. ಇದರೊಂದಿಗೆ 9 ವರ್ಷದ ಕಾನೂನು ಹೋರಾಟ ಕೊನೆಗೊಂಡಿದೆ.
ಹೊಸದಿಲ್ಲಿ, ಮುಂಬಯಿ, ಚೆನ್ನೈ, ಬೆಂಗಳೂರು, ಭೋಪಾಲ್ ಹೀಗೆ ದೊಡ್ಡ ದೊಡ್ಡ ನಗರಗಳಲ್ಲಿ ಭೂ ಒತ್ತುವರಿ ಮಾಡಿ ಕಟ್ಟಿದ ಕಟ್ಟಡಗಳು ಇದೀಗ ಆತಂಕದಲ್ಲಿವೆ.
ನೊಯ್ಡಾದ ಸೆಕ್ಟರ್ ’93 ಎ’ನಲ್ಲಿ ನಿರ್ಮಿಸಿದ ಅಕ್ರಮ ಅವಳಿ ಕಟ್ಟಡ ಪ್ರಕರಣ ಇದಕ್ಕೆ ಅಪವಾದದಂತಿದೆ.
ಉದ್ಯಾನ ನಿರ್ಮಿಸಬೇಕಿದ್ದ ಜಾಗದಲ್ಲಿ ಕಟ್ಟಡ ನಿರ್ಮಿಸಿದ್ದು, 14 ಮಹಡಿಗಳಿಗೆ ಅನುಮತಿ ಸಿಕ್ಕಿದ್ದರೂ 40 ಮಹಡಿಯ ಕಟ್ಟಡ ನಿರ್ಮಿಸಿದ್ದ ಸೂಪರ್ ಟೆಕ್ ಕಂಪನಿಯು ಇದನ್ನು ಉಳಿಸಿಕೊಳ್ಳಲು 9 ವರ್ಷ ಕಾನೂನು ಹೋರಾಟ ನಡೆಸಿದರೂ ಸಾಧ್ಯವಾಗಿಲ್ಲ. ಸುಪ್ರೀಂ ಕೋರ್ಟ್‌ ನಿರ್ದೇಶನದಂತೆ 100 ಮೀಟರ್ ಎತ್ತರದ ಅವಳಿ ಕಟ್ಟಡಗಳನ್ನು – ‘ವಾಟರ್‌ಫಾಲ್‌ ಇಂಫ್ಲೋಷನ್’ ತಂತ್ರಜ್ಞಾನದ ಮೂಲಕ ಅತ್ಯಂತ ಯೋಜನಾಬದ್ಧವಾಗಿ ಭಾನುವಾರ ಮಧ್ಯಾಹ್ನ 2.30ರ ಸುಮಾರಿಗೆ ನೆಲಕ್ಕರುಳಿಸಲಾಗಿದೆ. ಈ ಪ್ರಕರಣದ ಮೂಲಕ ಸುಪ್ರೀಂ ಕೋರ್ಟ್, ಇನ್ನು ಮುಂದೆ ಮನಬಂದಂತೆ ಮಾಡಿ ಭೂ ದಾಖಲೆಗಳಲ್ಲಿ ಗೋಲ್‌ಮಾಲ್ ಅಲ್ಲಿ ತಮ್ಮದೇ ಸಾಮ್ರಾಜ್ಯ ಕಟ್ಟಬೇಕೆಂಬ – ಬಿಲ್ಡ‌ರ್ ಗಳು, ರಾಜಕಾರಣಿಗಳಿಗೆ ಬಿಸಿ ಮುಟ್ಟಿಸಿದೆ.

• ನಂಬರ್‌ಪ್ಲೇಟ್ ಇಲ್ಲದ ಕಾರಿನಿಂದ ಎಸ್ಕೆಪ್
• ಹಾವೇರಿಯಲ್ಲಿ ಮುರುಘಾ ಶ್ರೀಗಳನ್ನು ವಶಕ್ಕೆ ಪಡೆದ ಪೊಲೀಸರು

NAMMUR EXPRESS NEWS
ಹಾವೇರಿ : ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ ಮುರುಘಾ ಶ್ರೀಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.
ಹಾವೇರಿ ಜಿಲ್ಲೆಯ ಬಂಕಾಪುರ ಬಳಿ ಹೆದ್ದಾರಿಯಲ್ಲಿ ಶ್ರೀಗಳನ್ನು ಅರೆಸ್ಟ್ ಮಾಡಲಾಗಿದೆ.
ಮುರುಘಾ ಶ್ರೀ ವಿರುದ್ಧ ಮಠದ ಬಾಲಕಿಯರಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪದ ಮೇಲೆ ಪೋಕ್ಸ್ ಕೇಸ್ ದಾಖಲಾಗಿತ್ತು.ಬೆಳಗಾವಿ ಮಾರ್ಗವಾಗಿ ಮಹಾರಾಷ್ಟ್ರಕ್ಕೆ ಹೋಗುತ್ತಿದ್ದ ವೇಳೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಚಿತ್ರದುರ್ಗದ ಮುರುಘಾ ಮಠದ ಡಾ.ಶಿವಮೂರ್ತಿ ಮುರುಘಾ ಶರಣರ ವಿರುದ್ಧ ಎದುರಾಗಿರುವ ಲೈಂಗಿಕ ದೌರ್ಜನ್ಯ ಪ್ರಕರಣವು ರಾಜ್ಯದಲ್ಲಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ಅಕ್ಕ ಮಹಾದೇವಿ ವಸತಿ ನಿಲಯದಲ್ಲಿದ್ದ ವಿದ್ಯಾರ್ಥಿನಿಯರ ಮೇಲೆ ಮುರುಘಾ ಶರಣರು ಲೈಂಗಿಕ ರೀತಿಯಲ್ಲಿ ಬಳಸಿಕೊಂಡಿದ್ದಾರೆಂಬ ಗಂಭೀರ ಆರೋಪ ಎದುರಾಗಿರುವ ಹಿನ್ನೆಲೆಯಲ್ಲಿ ಮಠದ ಬಗ್ಗೆ ಪರ – ವಿರೋಧದ ಚರ್ಚೆಗಳು ಈಗಾಗಲೇ ಹುಟ್ಟಿಕೊಂಡಿವೆ.
ಈ ನಡುವೆ ತಮ್ಮವಿರುದ್ಧ ಲೈಂಗಿಕ ದೌರ್ಜನ್ಯದ ಆರೋಪ ಕೇಳಿ ಬರುತ್ತಿದ್ದಂತೆಯೇ ಮಠದಿಂದ ಮರುಘಾ ಶರಣರು ನಾಪತ್ತೆಯಾಗಿದ್ದಾರಾ ಎಂಬ ಅನುಮಾನ ಶುರುವಾಗಿದೆ. ಮಠದ ಆವರಣವು ಬೆಳಗ್ಗೆಯಿಂದ ಬಿಕೋ ಎನ್ನುತ್ತಿದ್ದು ಮಠದ ಭಕ್ತರಲ್ಲಿ ಆತಂಕ ಹೆಚ್ಚಾಗಿದೆ. ಬೆಳಗ್ಗೆಯಿಂದ ಮುರುಘಾ ಶರಣರು ಮಠದ ಆವರಣದಲ್ಲೆಲ್ಲೂ ಕಾಣಿಸಿಕೊಂಡಿಲ್ಲ.
ಬೆಳಗ್ಗಿನ ಜಾವ ಸುಮಾರಿಗೆ ನಂಬರ್ ಪ್ಲೇಟ್ ಇಲ್ಲ ಕ್ರೆಟಾ ಕಾರಿನಲ್ಲಿ ಮುರುಘಾ ಶರಣರು ತೆರಳಿದ್ದಾರೆ ಎನ್ನಲಾಗಿದೆ. ಪ್ರಭಾವಿ ವ್ಯಕ್ತಿಯಾಗಿರುವ ಕೆ.ಸಿ ವಿರೇಂದ್ರಪ್ಪಿ ಗೋವಾದಲ್ಲಿ ಪ್ರಭಾವವನ್ನು ಹೊಂದಿದ್ದಾರೆ. ಗೋವಾದಲ್ಲಿ ಕ್ಯಾಸಿನೋ, ಲಾಡ್ಜ್ ಸೇರಿದಂತೆ ವಿವಿಧ ವ್ಯವಹಾರಗಳನ್ನು ಹೊಂದಿದ್ದಾರೆ. ಲಿಂಗಾಯತ ಸಮುದಾಯದ ಮುಖಂಡ ಹಾಗೂ ಜೆಡಿಎಸ್ ಅಭ್ಯರ್ಥಿಯಾಗಿರುವ ಪಪ್ಪಿ ಮರುಘಾ ಶರಣರನ್ನು ಗೋವಾಕ್ಕೆ ಕರೆದುಕೊಂಡು ಹೋಗುವ ಯತ್ನ ನಡೆಸಿದ್ದಾರೆಯೇ ಎಂಬ ಅನುಮಾನ ಮೂಡಿದೆ.
ಇತ್ತ ಬಾಲಕಿಯರು ನೆಲೆಸಿರುವ ಬಾಲ ಮಂದಿರಕ್ಕೆ ಮಕ್ಕಳ ಆಯೋಗದ ಅಧ್ಯಕ್ಷರು, ಸಮಿತಿ ಸದಸ್ಯರು, ನ್ಯಾಯಾಧೀಶರು, ಜಿಲ್ಲಾ ಪಂಚಾಯಿತಿ ಸಿಇಒ, ಜಿಲ್ಲಾಧಿಕಾರಿ, ಎಸ್ಪಿ ಭೇಟಿ ನೀಡಿದ್ದಾರೆ. ಬಾಲಕಿಯರನ್ನು ಭೇಟಿಯಾಗಿರುವ ರಾಜ್ಯ ಮಕ್ಕಳ ಹಕ್ಕು ಆಯೋಗದ ಅಧ್ಯಕ್ಷೆ ಜಯಶ್ರೀ ಸಂತ್ರಸ್ತೆಯರಿಂದ ಹೇಳಿಕೆಯನ್ನು ಪಡೆಯಲಿದ್ದಾರೆ.

• ಅಕ್ಟೋಬರ್ 17ಕ್ಕೆ ಚುನಾವಣೆ, 19ಕ್ಕೆ ಮತ ಎಣಿಕೆ
• ಕಾಂಗ್ರೆಸ್ ಪಕ್ಷದಲ್ಲಿ ಈಗ ಹೊಸ ರಾಜಕೀಯ ದಾಳ?

NAMMUR EXPRESS NEWS
ಬೆಂಗಳೂರು: ದೇಶದಲ್ಲಿ ಕಾಂಗ್ರೆಸ್ ಹೊಸ ಅಧ್ಯಕ್ಷರ ಚುನಾವಣೆ ದಿನಾಂಕ ನಿಗದಿಯಾಗಿದೆ. ಕಾಂಗ್ರೆಸ್ ಅಧ್ಯಕ್ಷ ಸ್ಥಾನಕ್ಕೆ ಅಕ್ಟೋಬರ್ 17ರಂದು ಚುನಾವಣೆ ನಡೆಯಲಿದ್ದು, ಅಕ್ಟೋಬರ್ 19 ರಂದು ಮತ ಎಣಿಕೆ ನಡೆಯಲಿದೆ. ಯಾರು ನೂತನ ಅಧ್ಯಕ್ಷರಾಗುತ್ತಾರೆ ಎಂಬುದು ಕುತೂಹಲ ಮೂಡಿಸಿದೆ.
ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಸಭೆ ನಡೆದಿದ್ದು ಹಂಗಾಮಿ ಅಧ್ಯಕ್ಷೆ ಸೋನಿಯಾ ಗಾಂಧಿ, ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಮತ್ತು ಪ್ರಿಯಾಂಕಾ ಗಾಂಧಿ ವಾದ್ರಾ ಸಭೆಗೆ ವರ್ಚುವಲ್ ಆಗಿ ಭಾಗವಹಿಸಿದ್ದಾರೆ. ಶುಕ್ರವಾರ ಪಕ್ಷದ ಹಿರಿಯ ನಾಯಕ ಗುಲಾಂ ನಬಿ ಆಜಾದ್ ಅವರ ದಿಢೀರ್ ರಾಜೀನಾಮೆ ಮತ್ತು ಪಕ್ಷದ ಅಧ್ಯಕ್ಷೆ ಸೋನಿಯಾ ಗಾಂಧಿಗೆ ಅವರು ಬರೆದ ಪತ್ರದ ಹಿನ್ನೆಲೆಯಲ್ಲಿ ಈ ಸಭೆ ನಡೆದಿದೆ.
ಚುನಾವಣೆಗೆ ಅಧಿಸೂಚನೆ ಸೆಪ್ಟೆಂಬರ್ 22, 2022 ರಂದು ಹೊರಡಿಸಲಿದ್ದು,ಸೆಪ್ಟೆಂಬರ್ 24ರಂದು ನಾಮ ನಿರ್ದೇಶನ ಪ್ರಾರಂಭವಾಗಲಿದೆ. ನಾಮನಿರ್ದೇಶನಕ್ಕೆ ಕೊನೆಯ ದಿನ ಸೆಪ್ಟೆಂಬರ್ 30 ಆಗಿದ್ದು ಅಕ್ಟೋಬರ್ 17ಕ್ಕೆ ಚುನಾವಣೆ ನಡೆಯಲಿದೆ. ಅಕ್ಟೋಬರ್ 19ಕ್ಕೆ ಮತ ಎಣಿಕೆ ನಡೆಯಲಿದೆ.
ಈ ವರ್ಷ ಆಗಸ್ಟ್ 21 ರಿಂದ ಸೆಪ್ಟೆಂಬರ್ 20 ರ ನಡುವೆ ಹೊಸ ಪಕ್ಷದ ಅಧ್ಯಕ್ಷರ ಆಯ್ಕೆ ನಡೆಯಲಿದೆ ಎಂದು ಕಾಂಗ್ರೆಸ್ ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ಘೋಷಿಸಿತ್ತು. ರಾಹುಲ್ ಗಾಂಧಿ ಅವರು ಎಐಸಿಸಿ ಅಧ್ಯಕ್ಷರಾಗುವುದಿಲ್ಲ ಎಂದು ತಮ್ಮ ನಿಲುವಿನಲ್ಲಿ ಪಟ್ಟು ಹಿಡಿದಿದ್ದಾರೆ ಎಂದು ಪಕ್ಷದ ಕೆಲವು ಮೂಲಗಳು ಹೇಳಿವೆ,
2019ರಲ್ಲಿ ನಡೆದ ಸಂಸತ್ ಚುನಾವಣೆಯಲ್ಲಿ ಸತತ ಎರಡನೇ ಸೋಲು ಅನುಭವಿಸಿದ ನಂತರ ರಾಹುಲ್ ಗಾಂಧಿ ಅವರು ಕಾಂಗ್ರೆಸ್ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು.

• ಮತ್ತೂರು ಬಳಿ ಪಡಿತರದಾರರು, ಸ್ಥಳೀಯರಿಂದ ಪ್ರತಿಭಟನೆ
• ಉತ್ತಮ ಪಡಿತರ ವಿತರಿಸಲು ಗ್ರಾಮಸ್ಥರ ಪಟ್ಟು

NAMMUR EXPRESS NEWS
ಮತ್ತೂರು( ಶಿವಮೊಗ್ಗ ಗ್ರಾಮಾಂತರ) : ಗಾಜನೂರು ಜಿಲ್ಲಾ ಪಂಚಾಯತ್ ಕ್ಷೇತ್ರ ವ್ಯಾಪ್ತಿಯ ಮತ್ತೂರು ಸೊಸೈಟಿಯಲ್ಲಿ ಕಳಪೆ ಅಕ್ಕಿಯನ್ನು ಖಂಡಿಸಿ ಸ್ಥಳೀಯ ಎಲ್ಲಾ ರೇಷನ್ ಕಾರ್ಡ್ ದಾರರು ಸೇರಿ ಪ್ರತಿಭಟನೆಯನ್ನು ಮಾಡಿದ್ದಾರೆ.
ರಾಜ್ಯ ಸರ್ಕಾರ ಕಡು ಬಡವರಿಗಾಗಿ ಮೀಸಲಾಗುವ ಪಡಿತರ ಅಕ್ಕಿ ಕಳಪೆಯಾಗಿದೆ ಎಂದು ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿ ಪ್ರತಿಭಟನೆಗೆ ಮುಂದಾಗಿದ್ದಾರೆ. ಬಾರಿ ಮಳೆಯಿಂದಾಗಿ ನಾಟಿ ಗದ್ದೆ ಕೊಚ್ಚಿ ಹೋಗಿದ್ದು ಜನರು ಊಟಕ್ಕೆಪರದಾಡುವ ಸ್ಥಿತಿ ನಿರ್ಮಾಣವಾಗಿದೆ ಅದರಲ್ಲೂ ಸರಕಾರ ನೀಡುವ ಉಚಿತ ಅಕ್ಕಿ ಸಹ ಕಳಪೆಯಾಗಿದೆ ಮುಗ್ಗಲು ಹಿಡಿದಿರುವ ಅಕ್ಕಿಯನ್ನು ಜನರಿಗೆ ವಿತರಿಸಲಾಗುತ್ತಿದೆ. ಜಾನುವಾರು ಮತ್ತು ಕೋಳಿಗಳು ಸಹ ಇಂತಹ ಪಡಿತರ ತಿನ್ನಲಾರವು, ಒಳ್ಳೆಯ ಪಡಿತರ ವಿತರಿಸಬೇಕೆಂದು ಗ್ರಾಮಸ್ಥರು ಪ್ರತಿಭಟನೆಯನ್ನು ನಡೆಸಿದ್ದು ಸಂಬಂಧಪಟ್ಟವರು ಬಂದು ಬಗೆಹರಿಸಲು ಪಟ್ಟು ಹಿಡಿದರು. ಬಳಿಕ ಸ್ಥಳೀಯ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ಮಾಡಿದರು. ಇನ್ನಾದರೂ ಸಂಬಂಧಪಟ್ಟವರು ಗಮನಿಸಿ ಒಳ್ಳೆಯ ಪಡಿತರ ವಿತರಿಸಬೇಕೆಂದು ಗ್ರಾಹಕರು ಒತ್ತಾಯಿಸಿದ್ದಾರೆ.

• ಗೃಹ ಸಚಿವ ಆರಗ ಜ್ಞಾನೇಂದ್ರ ಹೇಳಿಕೆ

NAMMUR EXPRESS NEWS
ಕೋಲಾರ: ರಾಜ್ಯದಲ್ಲಿ ಶಾಂತಿ ಮತ್ತು ಸುವ್ಯವಸ್ಥೆ ಕಾಪಾಡಲು ಪೋಲೀಸರ ಅವಶ್ಯಕತೆ ಹೆಚ್ಚಾಗಿದೆ. ಶೀಘ್ರದಲ್ಲೇ 5 ಸಾವಿರ ಪೋಲೀಸರನ್ನು ನೇಮಕ ಮಾಡಲಾಗುವುದು ಎಂದು ಗೃಹ ಸಚಿವ ಆರಗ ಜ್ಞಾನೇಂದ್ರ ತಿಳಿಸಿದರು. ಕೆಜಿಎಫ್ ಪೊಲೀಸ್‌ ವ್ಯಾಪ್ತಿಯಲ್ಲಿ ನೂತನವಾಗಿ ನಿರ್ಮಿಸಿರುವ ಜಿಲ್ಲಾ ಸಶಸ್ತ್ರ ಮೀಸಲು ಪಡೆಯ ಆಡಳಿತ ಕಚೇರಿ, ಶಸ್ತ್ರಾಗಾರ ಮತ್ತು ಶ್ವಾನದಳ ಕಟ್ಟಡವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಕೆಜಿಎಫ್ ಪೊಲೀಸ್, ಪರಂಪರೆಗೆ ಒಂದು ದೊಡ್ಡ ಇತಿಹಾಸವಿದೆ. ಎರಡು ತಾಲ್ಲೂಕಿಗೆ ಒಂದು ರಾಜ್ಯದಲ್ಲಿ ಎಲ್ಲೂ ಇಲ್ಲ. ಆಡಳಿತ ಕಚೇರಿಗಾಗಿ 22.81 ಕೋಟಿ ಕಚೇರಿ ವೆಚ್ಚದಲ್ಲಿ ಕಟ್ಟಡ ನಿರ್ಮಾಣ ಮಾಡಲಾಗಿದೆ. ಒಂದು ವರ್ಷದಲ್ಲಿ ರಾಜ್ಯದಲ್ಲಿ 200 ಕೋಟಿ ವೆಚ್ಚದ 100 ಹೊಸ ಪೋಲೀಸ್ ಕಟ್ಟಡ ಕಟ್ಟಿದ್ದೇವೆ ಎಂದರು.