Categories
Uncategorized ಕರಾವಳಿ ಚಿಕ್ಕಮಗಳೂರು ತೀರ್ಥಹಳ್ಳಿ ಬೆಂಗಳೂರು ಮಂಗಳೂರು ಮಲ್ನಾಡ್ ರಾಜ್ಯ ಶಿವಮೊಗ್ಗ

ಮಹೇಶ್ ಶೆಟ್ಟಿ ತಿಮರೋಡಿಗೆ ಬಿಗ್ ರಿಲೀಫ್

ಮಹೇಶ್ ಶೆಟ್ಟಿ ತಿಮರೋಡಿಗೆ ಬಿಗ್ ರಿಲೀಫ್
– ದಕ್ಷಿಣ ಕನ್ನಡದಿಂದ ಗಡಿಪಾರು ಆದೇಶಕ್ಕೆ ಹೈಕೋರ್ಟ್ ತಡೆ
– ಅಕ್ಟೋಬರ್ 8 ರವರೆಗೆ ಬಲವಂತದ ಕ್ರಮ ಕೈಗೊಳ್ಳದಂತೆ ಸೂಚನೆ

NAMMUR EXPRESS NEWS
ಬೆಂಗಳೂರು: ಮಹೇಶ್ ಶೆಟ್ಟಿ ತಿಮರೋಡಿಯನ್ನು 1 ವರ್ಷ ದಕ್ಷಿಣ ಕನ್ನಡ ಜಿಲ್ಲೆಯಿಂದ, ರಾಯಚೂರಿನ ಮಾನ್ವಿ ತಾಲೂಕಿಗೆ ಗಡಿಪಾರು ಮಾಡಿ ಆದೇಶ ಹೊರಡಿಸಲಾಗಿತ್ತು.‌ ಇದಕ್ಕೆ ತಡೆ ಕೋರಿ ಹೈಕೋರ್ಟ್ ಗೆ ಅರ್ಜಿ ಸಲ್ಲಿಸಿದ್ದ ತಿಮರೋಡಿಗೆ ಈಗ ತಾತ್ಕಾಲಿಕ ಜಯ ಸಿಕ್ಕಿದೆ. ಅಕ್ಟೋಬರ್ 8 ರವರೆಗೆ ಬಲವಂತದ ಕ್ರಮ ಕೈಗೊಳ್ಳದಂತೆ ಹೈಕೋರ್ಟ್ ಸೂಚನೆ ನೀಡಿದೆ. ಪುತ್ತೂರಿನ ಎಸಿ ಸ್ಟೆಲ್ಲಾ ವರ್ಗೀಸ್ ಗಡಿಪಾರು ಆದೇಶ ಹೊರಡಿಸಿದ್ದರು. ಬಳಿಕ ಫೋನ್ ಸ್ವಿಚ್ ಆಫ್ ಮಾಡಿ, ತಿಮರೋಡಿ ನಾಪತ್ತೆಯಾಗಿದ್ದರು.

 

ಇದೀಗ ತಿಮರೋಡಿ ನಿರೀಕ್ಷೆಯಂತೆ, ಅವರ ಪರ ಆದೇಶ ಬಂದಿದೆ. ಹೀಗಾಗಿ ಸದ್ಯಕ್ಕೆ 1 ಸಂಕಷ್ಟದಿಂದ ತಿಮರೋಡಿ ಪಾರಾಗಿದ್ದಾರೆ.
ಇನ್ನೊಂದೆಡೆ ಅಕ್ರಮ ಶಸ್ತ್ರಾಸ್ತ್ರ ಮನೆಯಲ್ಲಿ ಹೊಂದಿರುವ ಆರೋಪದಲ್ಲಿ ತಿಮರೋಡಿಗೆ 3 ನೋಟಿಸ್ ಜಾರಿಯಾಗಿದೆ. ಆದರೆ ವಿಚಾರಣೆಗೆ 3 ಬಾರಿಯೂ ಗೈರಾಗಿರುವ ತಿಮರೋಡಿ, ಮಂಗಳೂರು ಸೆಷನ್ಸ್ ನ್ಯಾಯಾಲಯದಲ್ಲಿ ನಿರೀಕ್ಷಣಾ ಜಾಮೀನಿಗೆ ಅರ್ಜಿ ಹಾಕಿದ್ದಾರೆ.

Categories
dasara ತೀರ್ಥಹಳ್ಳಿ ಮಲ್ನಾಡ್ ಶಿವಮೊಗ್ಗ ಹಬ್ಬಗಳು

ತೀರ್ಥಹಳ್ಳಿ ದಸರಾ: ಅದ್ದೂರಿ ಮೆರವಣಿಗೆಗೆ ಕ್ಷಣ ಗಣನೆ!

ತೀರ್ಥಹಳ್ಳಿ ದಸರಾ: ಅದ್ದೂರಿ ಮೆರವಣಿಗೆಗೆ ಕ್ಷಣ ಗಣನೆ!
– ಯುವ ದಸರಾ ಸಾಂಸ್ಕೃತಿಕ ಕಾರ್ಯಕ್ರಮ ಯಶಸ್ವಿ: ಸಾಧಕರಿಗೆ ಸನ್ಮಾನ
– ಇಂದು ಮಹಿಳಾ ದಸರಾ ವಿವಿಧ ಕಾರ್ಯಕ್ರಮ: ಸರ್ವರಿಗೂ ಸ್ವಾಗತ
– ಬೆಳಕಿನ ಅಲಂಕಾರದಲ್ಲಿ ಸುಂದರವಾದ ತೀರ್ಥಹಳ್ಳಿ

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ದಸರಾದ ಅದ್ದೂರಿ ಮೆರವಣಿಗೆಗೆ ಕ್ಷಣ ಗಣನೆ ಆರಂಭವಾಗಿದೆ. ವಿಜಯ ದಶಮಿಯಂದು ಅದ್ದೂರಿ ಮೆರವಣಿಗೆ ನಡೆಯಲಿದೆ. ಈಗಾಗಲೇ ಜಿಲ್ಲೆಯಲ್ಲಿ ಮಾದರಿ ದಸರಾವನ್ನು ಆಯೋಜನೆ ಮಾಡಲಾಗಿದ್ದು ವಿವಿಧ ಕಾರ್ಯಕ್ರಮ ನಡೆದಿದೆ.
ಯುವ ದಸರಾ ಸಾಂಸ್ಕೃತಿಕ ಕಾರ್ಯಕ್ರಮ ಯಶಸ್ವಿಯಾಗಿದ್ದು ಬಹುಮಾನ ವಿತರಣೆ, ಸಾಧಕರಿಗೆ ಸನ್ಮಾನ, ಸಾಂಸ್ಕೃತಿಕಕಾರ್ಯಕ್ರಮ ಸೋಮವಾರ ಸಂಜೆ ಕುಶಾವತಿ ಪಾರ್ಕ್ ಅಲ್ಲಿ ಹಾಕಿರುವಅದ್ದೂರಿ ವೇದಿಕೆಯಲ್ಲಿನಡೆಯಿತು. ಇಂದು ಮಹಿಳಾ ದಸರಾ ವಿವಿಧ ಕಾರ್ಯಕ್ರಮ ನಡೆಯಲಿದೆ.
ಮೊಟ್ಟ ಮೊದಲಬಾರಿಗೆ ಈ ಬಾರಿ ದಸರಾ ಉತ್ಸವಕ್ಕೆ ವಿಶೇಷ ಮೆರಗು ನೀಡುವ ಚಿತ್ರಕಲಾ ಮತ್ತು ಛಾಯಾಚಿತ್ರ ಪ್ರದರ್ಶನಗಳ “ಕಲಾ ದಸರಾ” ಕುಶಾವತಿ ನೆಹರು ಪಾರ್ಕಿನಲ್ಲಿ ಆಯೋಜನೆಗೊಂಡಿದ್ದು ತೀರ್ಥಹಳ್ಳಿಯ ಅನೇಕ ಕಲಾವಿದರ ಕಲಾಕೃತಿಗಳ ಪ್ರದರ್ಶನ ನಡೆಯಿತು. ಈ ಕಲಾ ಪ್ರದರ್ಶನವನ್ನು ಬೆಂಗಳೂರಿನ ಖ್ಯಾತ ಪಿಡಿಲಿಟಿಸ್ ಮಾಲೀಕ ಅಚ್ಚುತ್ ಗೌಡ ರವರು ಉದ್ಘಾಟಿಸಿದರು. ಖ್ಯಾತ ಕ್ರಿಕೆಟಿಗ ನಿತಿನ್ ಸೇರಿ ಅನೇಕರನ್ನು ಸನ್ಮಾನಿಸಲಾಯಿತು.

ಮಹಿಳಾ ದಸರಾ ಸಂಭ್ರಮದ ರಂಗು!

ಮಹಿಳಾ ದಸರಾ“ದಿನಾಂಕ:- 30-09-2025 ರ ಮಂಗಳವಾರ ತೀರ್ಥಹಳ್ಳಿಯ ಇತಿಹಾಸದಲ್ಲಿ ಪ್ರಪ್ರಥಮವಾಗಿ ಮಹಿಳಾ ದಸರಾ ಆಯೋಜನೆಗೊಂಡಿದ್ದು ಈ ಕಾರ್ಯಕ್ರಮದಲ್ಲಿ ಮಹಿಳಾ ಹುಲಿನೃತ್ಯ, ಶಾಸ್ತ್ರೀಯ, ಜಾನಪದ ಮತ್ತು ಯೋಗನೃತ್ಯ ಹಾಗೂ ಪ್ಯಾಶನ್ ಶೋ ಕಾರ್ಯಕ್ರಮ ಕುಶಾವತಿ ನೆಹರು ಪಾರ್ಕಿನ ವೇದಿಕೆಯಲ್ಲಿ ನಡೆಯಲಿದೆ.
ತೀರ್ಥಹಳ್ಳಿ ಸಾಂಸ್ಕೃತಿಕ ವೈವಿಧ್ಯ: ದಿನಾಂಕ:- 01-10-2025 ರ ಬುಧವಾರ ಕುಶಾವತಿ ನೆಹರು ಪಾರ್ಕಿನ ವೇದಿಕೆಯಲ್ಲಿ ತೀರ್ಥಹಳ್ಳಿ ತಾಲ್ಲೂಕಿನ ಉದಯೋನ್ಮುಖ ಕಲಾವಿದರ ಶಾಸ್ತ್ರೀಯ ನೃತ್ಯ, ರೂಪಕಗಳು, ಜಾನಪದ ನೃತ್ಯ, ಸಂಗೀತ, ಕಾರ್ಯಕ್ರಮ ನಡೆಯಲಿದೆ.

ವಿಜಯದಶಮಿಯ ಸಂಪ್ರದಾಯಿಕ ದಸರಾ

“ದಿನಾಂಕ:-02-10-2025 ರ ಗುರುವಾರ ಮಧ್ಯಾಹ್ನ 2.00 ಗಂಟೆಗೆ ಶ್ರೀ ರಾಮೇಶ್ವರ ದೇವಸ್ಥಾನದ ಆವರಣದಿಂದ ಶ್ರೀ ರಾಮೇಶ್ವರ ದೇವರ ಪಲ್ಲಕ್ಕಿ ಉತ್ಸವವು ಚಾಮುಂಡೇಶ್ವರಿ ದೇವಿಯ ಅಂಬಾರಿಯೊಂದಿಗೆ ಕರ್ನಾಟಕದ ಸುಪ್ರಸಿದ್ದ ಜಾನಪದ ಕಲಾ ತಂಡಗಳ ಮತ್ತು ಆಕರ್ಷಕ ಸ್ಥಬ್ಧಚಿತ್ರಗಳ ಸಾಂಪ್ರದಾಯಿಕ ಭಜನಾ ನೃತ್ಯಗಳೊಂದಿಗೆ ಮೆರವಣಿಗೆಯಲ್ಲಿ ಕುಶಾವತಿಯ ನೆಹರು ಉದ್ಯಾನವನಕ್ಕೆ ತೆರಳಿ ಬನ್ನಿ ಪೂಜೆ ಮತ್ತಿತರ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿದೆ. ಸಂಜೆ.5.30 ಗಂಟೆಗೆ ಉಡುಪಿಯ ವಿದೂಷಿ ಡಾ| ಮಂಜರಿ ಚಂದ್ರ ಪುಷ್ಪರಾಜ್ ನಿರ್ದೇಶನದ ಸೃಷ್ಟಿನೃತ್ಯ ಕಲಾಕುಟಿರ (ರಿ) ಇವರ ಪ್ರಸ್ತುತಿಯ ನೃತ್ಯ ವೈಭವ ಕಾರ್ಯಕ್ರಮ ನಡೆಯಲಿದೆ. ನಂತರ ನಡೆಯುವ ಸಭಾ ಕಾರ್ಯಕ್ರಮದಲ್ಲಿ ವಿವಿಧ ಕ್ಷೇತ್ರದಲ್ಲಿ ಸಾಧನೆಗೈದ ಗಣ್ಯರಿಗೆ ಸಂಪ್ರದಾಯದಂತೆ ಗೌರವಿಸುವ ಕಾರ್ಯಕ್ರಮವಿರುತ್ತದೆ.

ಜಾನಪದ ಹುಲಿ ಕುಣಿತ ಹುಲಿ ಹೆಜ್ಜೆ

ಮಲೆನಾಡಿನ ಸಾಂಪ್ರದಾಯಿಕ ಜಾನಪದ ಹುಲಿ ಕುಣಿತ ಹುಲಿಹೆಜ್ಜೆ“ಸಂಜೆ 8.00 ಗಂಟೆಗೆ ಸರಿಯಾಗಿ ಕುಶಾವತಿಯ ದಸರಾ ವೇದಿಕೆಯಲ್ಲಿ ಮಲೆನಾಡಿನ ಸಾಂಪ್ರದಾಯಿಕ ಜಾನಪದ ಕಲಾ ಪ್ರಕಾರದ ಅಕರ್ಷಕ ಹುಲಿಕುಣಿತದ ಸ್ಪರ್ಧೆ ಹುಲಿಹೆಜ್ಜೆ ನಡೆಯಲಿದೆ.
ದಸರಾ ಸಮಿತಿಯ ಸಂಚಾಲಕರಗಳಾದ ಸಂದೇಶ್ ಜವಳಿ, ಅಮರನಾಥ್ ಶೆಟ್ಟಿತಂಡ ಎಲ್ಲಾ ರೀತಿಯ ಸಿದ್ಧತೆ ಮಾಡಿಕೊಂಡಿದೆ.

 

 

Categories
ಉಡುಪಿ ಕರಾವಳಿ ಕಾರ್ಕಳ ಕುಂದಾಪುರ ದಕ್ಷಿಣ ಕನ್ನಡ ಪುತ್ತೂರು ಮಂಗಳೂರು ಮುಲ್ಕಿ

ಕರಾವಳಿಯ ಕಲೆ ಹುಲಿ ವೇಷದ ರಂಗು!

ಕರಾವಳಿಯ ಕಲೆ ಹುಲಿ ವೇಷದ ರಂಗು!
– ದಸರಾ ಮತ್ತು ದೀಪಾವಳಿ ಸಂದರ್ಭದಲ್ಲಿ ವಿಶೇಷ ಆಚರಣೆ
– ಹುಲಿ ವೇಷದ ವಿವಿಧ ಅವತಾರ ನೋಡುವುದೇ ಸಂಭ್ರಮ

 

ವಿಶೇಷ ವರದಿ: ಪ್ರಾಪ್ತಿ ಸಾಗರ
NAMMUR EXPRESS NEWS
ಕರಾವಳಿಯ ಕಲೆ ಹುಲಿ ವೇಷ ಇದೀಗ ದಸರಾ ಸಂದರ್ಭದಲ್ಲಿ ನಾಡಿನ ವಿವಿಧ ಭಾಗಗಳಲ್ಲಿ ಕಂಡು ಬರುತ್ತಿದೆ. ಕರಾವಳಿಯ ಪ್ರತಿ ಹಳ್ಳಿ ಹಳ್ಳಿಗಳಲ್ಲೂ ಹುಲಿ ವೇಷ ಸ್ಪರ್ಧೆ ಗಮನ ಸೆಳೆದಿದ್ದು, ಚಿಕ್ಕ ಮಕ್ಕಳಿಂದ ವಯೋವೃದ್ಧರು ಕೂಡ ಈ ಹುಲಿವೇಷವನ್ನು ಹಾಕಿ ದಸರಾ ಹಬ್ಬವನ್ನು ಸಂಭ್ರಮದಿಂದ ಆಚರಿಸುತ್ತಿದ್ದಾರೆ.
ಇನ್ನು ಈ ದಸರಾ ಹಬ್ಬದ ವೇಳೆಗೆ ಜೊತೆಗೆ ದೀಪಾವಳಿ ವೇಳೆಗೆ ಹುಲಿ ವೇಷದ ವಿವಿಧ ಅವತಾರಗಳು ಕರಾವಳಿ ಭಾಗ ಸೇರಿದಂತೆ ಮಲೆನಾಡು, ಕರಾವಳಿ, ಮಧ್ಯ ಕರ್ನಾಟಕ, ಬೆಂಗಳೂರು ಸೇರಿ ಬೇರೆ ಬೇರೆ ಭಾಗಗಳಲ್ಲಿ ಸಕ್ರಿಯವಾಗಿ ಈ ಕಲೆಯನ್ನು ಪ್ರದರ್ಶನ ಮಾಡಲಾಗುತ್ತಿದೆ.
ಕರಾವಳಿಯ ಬಹುತೇಕ ತಾಲೂಕುಗಳಲ್ಲಿ ಹುಲಿ ವೇಷದ ಸ್ಪರ್ಧೆಯನ್ನು ಮಾಡುತ್ತಿದ್ದು ಇದೀಗ ಮಲೆನಾಡಿನಲ್ಲಿಯೂ ಕೂಡ ಈ ಸ್ಪರ್ಧೆಗಳು ಹೆಚ್ಚಾಗಿದೆ.

ಹುಲಿ ವೇಷವನ್ನು ಹಾಕಿ ವಿವಿಧ ಅವತಾರದಲ್ಲಿ ಕುಣಿಯುವುದನ್ನು ನೋಡುವುದೇ ಒಂದು ವಿಶೇಷ. ಹುಲಿ ವೇಷಕ್ಕೆ ತನ್ನದೇ ಆದ ಇತಿಹಾಸವಿದೆ. ಕರಾವಳಿ ಭಾಗದಲ್ಲಿ ಈ ಕಲೆಯನ್ನು ಅತ್ಯಂತ ಪ್ರೀತಿಯಿಂದ ಮನಸ್ಸಿಗೆ ಒಪ್ಪುವಂತೆ ಮಾಡಿ ಸ್ಪರ್ಧೆಯನ್ನು ಆಯೋಜನೆ ಮಾಡುವ ಮೂಲಕ ಗಮನ ಸೆಳೆದಿದೆ. ವಿವಿಧ ವೇಷಭೂಷಣ ಹುಲಿಯ ಅವತಾರಗಳು, ಕುಣಿತಾ, ಟಸ್ಸೆ ಎಲ್ಲವೂ ಗಮನ ಸೆಳೆದಿದೆ.
ಚಿಕ್ಕ ಮಕ್ಕಳಿಗೆ ರಜೆ ಕಾರಣ ಅನೇಕ ಮಕ್ಕಳು ಹುಲಿವೇಷ ಹಾಕಿಕೊಂಡು ಕಲೆಯ ಪ್ರದರ್ಶನವನ್ನು ಮಾಡುತ್ತಿರುವಂಥದ್ದು ಕಂಡು ಬರುತ್ತಿದೆ. ಒಟ್ಟಿನಲ್ಲಿ ಈ ಕಲೆಗೆ ನಾವೆಲ್ಲರೂ ಗೌರವಿಸಬೇಕಾಗಿದೆ.

 

 

 

Categories
ಅಡಿಕೆ-ದರ ಚಿಕ್ಕಮಗಳೂರು ತೀರ್ಥಹಳ್ಳಿ ಮಲ್ನಾಡ್ ಹೊಸನಗರ

ಅಡಿಕೆ ದರ ಎಷ್ಟಿದೆ?

ಅಡಿಕೆ ದರ ಎಷ್ಟಿದೆ?
– ರಾಶಿ ಎಷ್ಟು? ಬೆಟ್ಟೆ ಎಷ್ಟು?

NAMMUR EXPRESS NEWS

ಸರಕು
59100-78500-89896

ಬೆಟ್ಟೆ
56752-65600-69101

ರಾಶಿ
51169-63500-64699

ಗೊರಬಲು
20009-38600-42190

ಹೊಸ ರಾಶಿ
60669-61000-61799

ಹಸಿಕಾಯಿ ಅಡಿಕೆ:-7500

Categories
ಕ್ರೀಡಾ ಸುದ್ದಿ ತೀರ್ಥಹಳ್ಳಿ ಮಲ್ನಾಡ್ ಶಿವಮೊಗ್ಗ

ತೀರ್ಥಹಳ್ಳಿಯಲ್ಲಿ ಯಶಸ್ವಿ ರಾಜ್ಯ ಮಟ್ಟದ ಚೆಸ್ ಪಂದ್ಯಾಟ

ತೀರ್ಥಹಳ್ಳಿಯಲ್ಲಿ ಯಶಸ್ವಿ ರಾಜ್ಯ ಮಟ್ಟದ ಚೆಸ್ ಪಂದ್ಯಾಟ
– ಮಂಜುಶ್ರೀ ಚಾರಿಟೇಬಲ್ ಟ್ರಸ್ಟ್ ಅಚ್ಚುಕಟ್ಟಿನ ಆಯೋಜನೆ
– ಶಾಸಕ ಆರಗ ಜ್ಞಾನೇಂದ್ರ ಸೇರಿ ಅನೇಕ ಗಣ್ಯರ ಮೆಚ್ಚುಗೆ

 

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ಮಂಜುಶ್ರೀ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ ಇತ್ತೀಚಿಗೆ ರಾಜ್ಯ ಮಟ್ಟದ ಚದುರಂಗ ಸ್ಪರ್ಧೆಯನ್ನು ಏರ್ಪಡಿಸಲಾಗಿದ್ದು, ಮಲೆನಾಡಲ್ಲೇ ಅತ್ಯುತ್ತಮ ಆಯೋಜನೆ ಮೂಲಕ ಗಮನ ಸೆಳೆಯಿತು. ನೂರಾರು ಕ್ರೀಡಾಪಟುಗಳು ಭಾಗವಹಿಸಿ ತಮ್ಮ ಆಟ ಪ್ರದರ್ಶನ ಮಾಡಿದರು.
ತೀರ್ಥಹಳ್ಳಿಯ ಶಾಸಕರಾದ ಆರಗ ಜ್ಞಾನೇಂದ್ರ ಕಾರ್ಯಕ್ರಮದ ಉದ್ಘಾಟನೆಯನ್ನು ನೆರವೇರಿಸಿದರು. ಈ ಸ್ಪರ್ಧೆಗೆ ರಾಜ್ಯದ ವಿವಿಧ ಭಾಗಗಳಿಂದ ಸ್ಪರ್ಧಾಳುಗಳು ಆಗಮಿಸಿದ್ದು, ಸ್ಪರ್ಧೆಯಲ್ಲಿ ಅಗಸ್ಟಿನ್ ಅವರು 1973 ರೇಟಿಂಗ್ ನೊಂದಿಗೆ ಮೊದಲ ಸ್ಥಾನವನ್ನು ಪಡೆದುಕೊಳ್ಳುವುದರ ಮೂಲಕ, ಮಂಜುಶ್ರೀ ಕಪ್ ನ ವಿಜೇತರಾಗಿದ್ದಾರೆ.

 

ಎರಡನೇ ಸ್ಥಾನವನ್ನು 1853 ರೇಟಿಂಗ್ ನೊಂದಿಗೆ ಚಿರಂತ್ ಎಂ.ಡಿ, ತೃತೀಯ ಸ್ಥಾನವನ್ನು 1733 ರೇಟಿಂಗ್ ನೊಂದಿಗೆ ನವೀನ್ ಎಸ್ ಹೆಗ್ಡೆ, ನಾಲ್ಕನೇ ಸ್ಥಾನವನ್ನು 1492 ರೇಟಿಂಗ್ ನೊಂದಿಗೆ ವರ್ಣಿತ ವಿ. ಕುಂದರ್ ಮತ್ತು ಐದನೇ ಸ್ಥಾನವನ್ನು 1908 ರೇಟಿಂಗ್ ನೊಂದಿಗೆ ಅಜಿತ್ ಎಂಪಿ ಪಡೆದುಕೊಳ್ಳುವ ಮೂಲಕ ವಿಜಯಶಾಲಿಗಳಾಗಿದ್ದಾರೆ. ಸ್ಪರ್ಧೆಯ ಮೊದಲ ವಿಜೇತರಿಗೆ 15.000 ರೂಪಾಯಿ ಮತ್ತು ಟ್ರೋಫಿಯನ್ನು, ದ್ವಿತೀಯ ಸ್ಥಾನ ಪಡೆದವರಿಗೆ 12.000 ರೂಪಾಯಿ ಮತ್ತು ಟ್ರೋಫಿಯನ್ನು, ಮೂರನೇ ಸ್ಥಾನ ಪಡೆದವರಿಗೆ 10,000 ರೂಪಾಯಿ ಮತ್ತು ಟ್ರೋಫಿಯನ್ನು, ನಾಲ್ಕನೇ ಸ್ಥಾನ ಪಡೆದವರಿಗೆ 7,000 ರೂಪಾಯಿ ಮತ್ತು ಟ್ರೋಫಿಯನ್ನು ಹಾಗೂ ಐದನೇ ಸ್ಥಾನ ಪಡೆದವರಿಗೆ 5,000 ರೂಪಾಯಿ ಮತ್ತು ಟ್ರೋಫಿಯನ್ನು ವಿತರಿಸಲಾಯಿತು. ಸಮಾರೋಪ ಸಮಾರಂಭದಲ್ಲಿ ಎಚ್. ಎಮ್. ಸುರೇಶ್ ಅವರು ಮತ್ತು ಮಂಜುಶ್ರೀ ಚಾರಿಟೇಬಲ್ ಟ್ರಸ್ಟ್ ನ ಅಧ್ಯಕ್ಷರು, ಕಾರ್ಯದರ್ಶಿಗಳು ಮತ್ತು ಟ್ರಸ್ಟಿಗಳು ಪಾಲ್ಗೊಂಡಿದ್ದರು.

ಟ್ರಸ್ಟ್ ಅಧ್ಯಕ್ಷರಾದ ಮಂಜುನಾಥ್ ಕೆ. ಎನ್ ಅಧ್ಯಕ್ಷತೆ ವಹಿಸಿದ್ದರು. ಗಣ್ಯರಾದ ನಾರಾಯಣರಾವ್, ಸುರೇಶ್ ಎಚ್ ಎಂ, ಶ್ರೀರಾಮು ಬಿ, ಟ್ರಸ್ಟಿಗಳಾದ ರಾಜೇಶ್ವರಿ., ಡಾ. ಋತ್ವಿಕ್ ಎಂ, ಗಿರೀಶ್ ಕುಮಾರ್, ರಾಮ ಶೇರೆಗಾರ, ಸತ್ಯನಾರಾಯಣ, ಡಾ. ರಿಷಿಕಾ ಎಂ ಭಾಗವಹಿಸಲಿದ್ದಾರೆ. ತೀರ್ಪುಗಾರರಾಗಿ ಪ್ರಾಣೇಶ್ ಯಾದವ್, ಲ.ಉಮೇಶ್, ಸಚಿನ್, ಚಂದ್ರಕಾಂತ್, ಅಬ್ಬಾಸ್, ನಾಗರಾಜ್, ವಿಲ್ಸನ್ ಅಂದ್ರಾಡೆ, ಶಶಿಧರ್ ನಾಯಕ, ರಾಮಕೃಷ್ಣ ಸೇರೆಗಾರ, ಕಾಮಧೇನು ನಾಗರಾಜ್, ಎಸ್. ಕೆ. ನಾಯಕ್, ಕಲ್ಪತರು ಚಂದ್ರಶೇಖರ, ಪಿ. ಶ್ರೀಧರ. ಸೇರಿ ಅನೇಕ ಗಣ್ಯರು ಹಾಜರಿದ್ದರು. ಈ ಪಂದ್ಯಾವಳಿಯಲ್ಲಿ ಸಾವಿರಾರು ಮಂದಿ ಭಾಗಿಯಾಗಿದ್ದರು.

 

 

Categories
ಕಾರ್ಯಕ್ರಮಗಳು ತೀರ್ಥಹಳ್ಳಿ ಮಲ್ನಾಡ್

ತೀರ್ಥಹಳ್ಳಿಯಲ್ಲಿ ಸಂಭ್ರಮದ ಆಯುಧ ಪೂಜೆಗೆ ಸಿದ್ಧತೆ

ತೀರ್ಥಹಳ್ಳಿಯಲ್ಲಿ ಸಂಭ್ರಮದ ಆಯುಧ ಪೂಜೆಗೆ ಸಿದ್ಧತೆ
– ಸರ್ಕಾರಿ ಕಚೇರಿ, ಅಂಗಡಿ ಮುಗ್ಗಟ್ಟುಗಳಲ್ಲಿ ಅಲಂಕಾರ
– ಹೂವು ಹಣ್ಣಿಗೆ ಭಾರಿ ಡಿಮ್ಯಾಂಡ್ : ಎಲ್ಲೆಲ್ಲೂ ದಸರಾ ರಂಗು
– ಚಿನ್ನದ ಅಂಗಡಿ, ಬಟ್ಟೆ ಅಂಗಡಿಗಳಲ್ಲಿ ಜನ ಹೆಚ್ಚು

NAMMUR EXPRESS NEWS
ತೀರ್ಥಹಳ್ಳಿ: ತೀರ್ಥಹಳ್ಳಿ ತಾಲೂಕಿನಾದ್ಯಂತ ಸಂಭ್ರಮದ ಆಯುಧ ಪೂಜೆ ಮತ್ತು ವಿಜಯದಶಮಿಗೆ ಸಿದ್ಧತೆ ನಡೆಯುತ್ತಿದೆ. ಇಡೀ ಪಟ್ಟಣದಲ್ಲಿ ಜನ ಹೆಚ್ಚಿದ್ದಾರೆ.
ದೇವಸ್ಥಾನಗಳಲ್ಲಿ ಸಾವಿರಾರು ಜನರು ದೇವರ ದರ್ಶನವನ್ನು ಪಡೆಯುತ್ತಿದ್ದಾರೆ. ಒಂದು ಕಡೆ ದಸರಾ ಸಂಭ್ರಮ ಕುಶಾವತಿ ಪಾರ್ಕ್ ನಲ್ಲಿ ವೇದಿಕೆ, ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆಸಿದ್ಧತೆ ನಡೆದಿದೆ.
ಆಯುಧ ಪೂಜೆಗೆ ಅಂಗಡಿ ಮುಗ್ಗಟ್ಟುಗಳು, ಕಚೇರಿಗಳಲ್ಲಿ ಸಿದ್ಧತೆ ನಡೆದಿದ್ದು ಈಗಾಗಲೇ ಅಲಂಕಾರವನ್ನು ಮಾಡಲಾಗಿದೆ. ಬಸ್ಸು ಹಾಗೂ ಲಾರಿಗಳಿಗೆ ಅಲಂಕಾರದ ಜೊತೆಗೆ ವಿಶೇಷ ಪೂಜೆಗೆ ಸಿದ್ಧತೆಯಾಗಿದೆ.
ಎಲ್ಲೆಡೆ ಹೂವು, ಹಣ್ಣು ವ್ಯಾಪಾರ ಜೋರಾಗಿದೆ. ಎಲ್ಲೆಡೆ ಜನವೋ ಜನ ಖರೀದಿಗೆ ಮುಗಿ ಬಿದ್ದ ಜನ. ಜೊತೆಗೆ ಎಲ್ಲೆಡೆ ವಿದ್ಯುತ್ ಬೆಳಕಿನ ಅಲಂಕಾರವನ್ನು ಮಾಡಲಾಗಿದೆ.
ಸರ್ಕಾರಿ ಕಚೇರಿಗಳಲ್ಲೂ ಕೂಡ ಆಯುಧ ಪೂಜೆ ಆಚರಣೆಗೆ ಸಿದ್ಧತೆಯನ್ನು ಮಾಡಿಕೊಳ್ಳಲಾಗಿದೆ. ಸರ್ಕಾರಿ ಕಚೇರಿಗಳಲ್ಲಿ ವಿದ್ಯುತ್ ಅಲಂಕಾರವನ್ನು ಸರ್ಕಾರಿ ಸಿಬ್ಬಂದಿಗಳು ಮಾಡಿಸಿದ್ದಾರೆ. ಎಲ್ಲೆಡೆ ಆಯುಧ ಪೂಜೆಗೆ ಸಿದ್ಧತೆಯ ಜೊತೆಯ ಸಂಭ್ರಮ ಮನೆ ಮಾಡಿದೆ.

Categories
death ತೀರ್ಥಹಳ್ಳಿ ಮಲ್ನಾಡ್ ಶಿವಮೊಗ್ಗ

ಕೋಣಂದೂರಿನ ಹಿರಿಯ ಮುಖಂಡ ಹುಲ್ಲತ್ತಿ ಗಿರಿರಾಜ್ ಗೌಡ್ರು ವಿಧಿವಶ

ಕೋಣಂದೂರಿನ ಹಿರಿಯ ಮುಖಂಡ ಹುಲ್ಲತ್ತಿ ಗಿರಿರಾಜ್ ಗೌಡ್ರು ವಿಧಿವಶ
– ತೀರ್ಥಹಳ್ಳಿ ತಾಲೂಕಿಗೆ ಅಪೂರ್ವ ಕೊಡುಗೆ ನೀಡಿದ್ದ ಸಮಾಜ ಜೀವಿ
• ಅ.1ರಂದು ಕೋಣಂದೂರಿನಲ್ಲಿ ಅಂತ್ಯಕ್ರಿಯೆ: ಗಣ್ಯರ ಸಂತಾಪ

NAMMUR EXPRESS NEWS
ಕೋಣಂದೂರು /ತೀರ್ಥಹಳ್ಳಿ: ತೀರ್ಥಹಳ್ಳಿ ತಾಲೂಕಿನ ಪ್ರಮುಖ ನಾಯಕರಲ್ಲಿ ಒಬ್ಬರಾಗಿದ್ದ ಹುಲ್ಲತ್ತಿ ಗಿರಿರಾಜ್ ಗೌಡ್ರು ಅವರು ಅನಾರೋಗ್ಯ ಕಾರಣದಿಂದ ನಿಧನರಾಗಿದ್ದಾರೆ. ಇವರಿಗೆ ಸುಮಾರು 80 ವರ್ಷ ವಯಸ್ಸಾಗಿತ್ತು. ಕೋಣಂದೂರು ಪಂಚಾಯತ್ ಪ್ರಧಾನರಾಗಿ, ಕೋಣಂದೂರು ಗಣಪತಿ ಸಂಘದ ಅಧ್ಯಕ್ಷರಾಗಿ ಸುಮಾರು 40 ವರ್ಷಗಳ ಕಾಲ ಗಣೇಶೋತ್ಸವವನ್ನು ನಡೆಸಿದ್ದರು. ಕೋಣಂದೂರು ಎನ್. ಇ. ಎಸ್ ಸಂಸ್ಥೆಯ ಪ್ರಮುಖರಾಗಿ, ಸಮಾಜ ಸೇವಕರಾಗಿ, ಸಂಘ ಸಂಸ್ಥೆಗಳ ಮಾರ್ಗದರ್ಶಕರಾಗಿ ಕೆಲಸ ಮಾಡಿದ್ದರು.

ಕೋಣಂದೂರು ಗ್ರಾಮ ಪಂಚಾಯಿತಿಗೆ ಇವರು ಹಾಗೂ ಇವರ ತಂದೆ ಸೇರಿ ಸುಮಾರು 5 ಎಕರೆ ಜಾಗವನ್ನು ದಾನವಾಗಿ ನೀಡಿದ್ದರು. ರೋಟರಿ ಕ್ಲಬ್ ಗೆ ಸುಮಾರು 70ರಿಂದ 80 ಲಕ್ಷ ವೆಚ್ಚದ ನಿವೇಶನವನ್ನು ನೀಡಿದರು. ಇವರ ಸರಳ ಸಜ್ಜನಿಕೆ, ಸರಳ ವ್ಯಕ್ತಿತ್ವದ ಬಡವರ ಪರ ದನಿಯಾಗಿದ್ದ ನಾಯಕ ಇದೀಗ ನಿಧನರಾಗಿದ್ದು ತೀರ್ಥಹಳ್ಳಿಯ ಅನೇಕ ನಾಯಕರು ಇವರ ಸಾವಿಗೆ ಕಂಬನಿ ಮಿಡಿದಿದ್ದಾರೆ. ಜೊತೆಗೆ ಅತ್ಯಂತ ಸರಳ ಸಜ್ಜನಿಕೆಯ ಅಪಾರ ಸ್ನೇಹಿತರನ್ನು ಹೊಂದಿದ್ದ ಹುಲ್ಲತ್ತಿ ಗಿರಿರಾಜ್ ಗೌಡ್ರು ಅವರ ನಿಧನ ಈಗ ತುಂಬಲಾರದ ನಷ್ಟವಾಗಿದೆ. ಇವರಿಗೆ ಎರಡು ಗಂಡು, ಒಂದು ಹೆಣ್ಣು ಮಕ್ಕಳಿದ್ದು, ಮೊಮ್ಮಕ್ಕಳನ್ನು ಹಾಗೂ ಕುಟುಂಬವನ್ನು ಅಗಲಿದ್ದಾರೆ.

 

ಅಕ್ಟೋಬರ್ 1ನೇ ತಾರೀಕು ಹುಲ್ಲತ್ತಿ ಕೋಣಂದೂರಿನಲ್ಲಿ ಬೆಳಗ್ಗೆ 9 ಗಂಟೆಗೆ ಅಂತ್ಯಕ್ರಿಯೆ ನಡೆಯಲಿದೆ. ಇವರ ಸಾವಿಗೆ ಶಾಸಕ ಆರಗ ಜ್ಞಾನೇಂದ್ರ, ಮಾಜಿ ಸಚಿವ ಕಿಮ್ಮನೆ ರತ್ನಾಕರ್, ಸಹಕಾರಿ ನಾಯಕ ಮಂಜುನಾಥ್ ಗೌಡ, ಒಕ್ಕಲಿಗ ಸಂಘದ ನಿರ್ದೇಶಕ ಸಿರಿಬೈಲ್ ಧರ್ಮೇಶ್, ಸ್ಥಳೀಯ ಮುಖಂಡರಾದ ಮಂಗಳ ಗೋಪಿ, ಕಂಪನಗದ್ದೆ ಸುರೇಶ್ ಸೇರಿದಂತೆ ಅನೇಕರು ಸಂತಾಪ ವ್ಯಕ್ತಪಡಿಸಿದ್ದಾರೆ.

ಅಗಲಿದ ಹಿರಿಯ ನಾಯಕನಿಗೆ ನಮ್ಮೂರ ಎಕ್ಸ್ಪ್ರೆಸ್ ಶ್ರದ್ಧಾಂಜಲಿಯನ್ನು ಅರ್ಪಿಸುತ್ತದೆ.

 

 

Categories
Uncategorized ಉಡುಪಿ ಕರಾವಳಿ ಕಾರ್ಕಳ ದಕ್ಷಿಣ ಕನ್ನಡ ಪುತ್ತೂರು ಮಂಗಳೂರು ಮುಲ್ಕಿ

ಕ್ರೈಸ್ಟ್ ಕಿಂಗ್ ವಿದ್ಯಾರ್ಥಿಗಳಿಗೆ ಅಗ್ನಿಶಮನ ಪ್ರಾತ್ಯಕ್ಷಿಕೆ ಕಾರ್ಯಕ್ರಮ

ಕ್ರೈಸ್ಟ್ ಕಿಂಗ್ ವಿದ್ಯಾರ್ಥಿಗಳಿಗೆ ಅಗ್ನಿಶಮನ ಪ್ರಾತ್ಯಕ್ಷಿಕೆ ಕಾರ್ಯಕ್ರಮ
– ರಾಷ್ಟ್ರೀಯ ಸೇವಾ ಯೋಜನೆಯ ಅಡಿಯಲ್ಲಿ ಮಾಹಿತಿ
– ಅಗ್ನಿಶಮನ ವಿಧಾನಗಳ ಬಗ್ಗೆ ವಿದ್ಯಾರ್ಥಿಗಳಿಗೆ ಅರಿವು

NAMMUR EXPRESS NEWS
ಕಾರ್ಕಳ: ಇಲ್ಲಿನ ಕ್ರೈಸ್ಟ್ ಕಿಂಗ್ ಪದವಿಪೂರ್ವ ಕಾಲೇಜಿನಲ್ಲಿ ರಾಷ್ಟ್ರೀಯ ಸೇವಾ ಯೋಜನಾ ದಿನಾಚರಣೆಯ ಪ್ರಯುಕ್ತ ಸಂಸ್ಥೆಯ ರಾಷ್ಟ್ರೀಯ ಸೇವಾ ಯೋಜನೆಯ ವಿದ್ಯಾರ್ಥಿಗಳಿಗೆ ಅಗ್ನಿಶಮನ ಪ್ರಾತ್ಯಕ್ಷಿಕೆ ಮತ್ತು ಮಾಹಿತಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.

 

ಕಾರ್ಕಳ ಅಗ್ನಿಶಾಮಕ ಠಾಣೆಯ ಅಧಿಕಾರಿ ಅಲ್ಬರ್ಟ್ ಮೋನಿಸ್ ಸಂಪನ್ಮೂಲ ವ್ಯಕ್ತಿಗಳಾಗಿದ್ದು ಅಗ್ನಿಶಮನ ವಿಧಾನಗಳ ಬಗ್ಗೆ ಮಾಹಿತಿ ನೀಡಿದರು. ನಂತರ ಸಂಸ್ಥೆಯ ಹೊರಾವರಣದಲ್ಲಿ ಅಗ್ನಿಶಮನ ಪ್ರಾತ್ಯಕ್ಷಿಕೆ ನಡೆಯಿತು. ಈ ಸಂದರ್ಭದಲ್ಲಿ ಅಗ್ನಿಶಾಮಕ ಠಾಣೆಯ ಸಿಬ್ಬಂದಿ ವರ್ಗದವರು, ಸಂಸ್ಥೆಯ ಪ್ರಾಚಾರ್ಯರು ಉಪಸ್ಥಿತರಿದ್ದರು. ನಂತರ ಸೇವಾ ಯೋಜನೆಯ ಸದಸ್ಯರು ಸ್ಥಳೀಯ ಪರಿಸರ ಸ್ವಚ್ಚತಾ ಕಾರ್ಯ ಕೈಗೊಂಡರು. ಸಂಸ್ಥೆಯ ರಾಷ್ಟ್ರೀಯ ಸೇವಾ ಯೋಜನಾಧಿಕಾರಿಗಳಾದ ವಾಣಿಜ್ಯಶಾಸ್ತ ಉಪನ್ಯಾಸಕಿ ಶ್ರೀಮತಿ ಸುಕನ್ಯಾ,ಉಪನ್ಯಾಸಕ ದೀಪಕ್ ಕಾರ್ಯಕ್ರಮ ಸಂಘಟಿಸಿದ್ದರು.

Categories
Uncategorized ಕೊಪ್ಪ ಚಿಕ್ಕಮಗಳೂರು ಮಲ್ನಾಡ್ ಶೃಂಗೇರಿ

ಶ್ರೀಕುಮಾರ ಶಿವಯೋಗಿಗಳ ಜಯಂತ್ಯೋತ್ಸವ ಕಾರ್ಯಕ್ರಮ

ಶ್ರೀಕುಮಾರ ಶಿವಯೋಗಿಗಳ ಜಯಂತ್ಯೋತ್ಸವ ಕಾರ್ಯಕ್ರಮ

* ಕಾರ್ಯಕ್ರಮದ ಪ್ರಯುಕ್ತ ಜ್ಞಾನ ಪುಷ್ಪ”ಮಾಲಿಕೆ -4
* ಎಲ್ಲರೂ ಸಂಘಟಿತರಾಗಿ ವೀರಶೈವ ಲಿಂಗಾಯತ ಮಹಾಸಭೆಯನ್ನು ಬೆಳಸೋಣ. ಚಿದಾನಂದ್ ಎಸ್ ಮಠದ್

NAMMMUR EXPRESS NEWS
ಮೂಡಿಗೆರೆ: ತಾಲೂಕು ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾ ಮತ್ತು ಪುಷ್ಪಗಿರಿ ಸಾಂಸ್ಕೃತಿಕ ಪ್ರತಿಷ್ಠಾನ ಗೋಣಿಬೀಡು ಇವರ ಸಂಯುಕ್ತಾಶ್ರಯದಲ್ಲಿ ಶ್ರೀಕುಮಾರ ಶಿವಯೋಗಿಗಳ ಜಯಂತ್ಯೋತ್ಸವ ಹಾಗೂ ಉಪನ್ಯಾಸ ಕಾರ್ಯಕ್ರಮ ಅಂಗವಾಗಿ ಜ್ಞಾನ ಪುಷ್ಪ ಮಾಲಿಕೆ – 4 ನ್ನು ಆಯೋಜಿಸಲಾಗಿತ್ತು.
ಕಾರ್ಯಕ್ರಮದ ಉದ್ಘಾಟನೆ ಮಾಡಿದ ಚಿದಾನಂದ್ ಎಸ್ ಮಠದ್, ವಕೀಲರು ಮತ್ತು ಕಾರ್ಯನಿರ್ವಾಹಕ ನಿರ್ದೇಶಕರು, ಕೇಂದ್ರ ಸಮಿತಿ, ಅ.ಭಾ.ವೀ.ಲಿಂ.ಮಹಾಸಭಾ (ರಿ.) ಬೆಂಗಳೂರು ಇವರು ಕುಮಾರ ಶಿವಯೋಗಿ ಸ್ವಾಮಿಗಳು ಸ್ಥಾಪಿಸಿದ ಮಹಾಸಭೆ ಮತ್ತು ಶಿವಯೋಗ ಮಂದಿರದಲ್ಲಿ ನೂರಾರು ಸ್ವಾಮೀಜಿಗಳಿಗೆ ವಿದ್ಯಾಭ್ಯಾಸ ನೀಡಲಾಗುತ್ತಿತ್ತು. ವಿದ್ಯೆ ಜೊತೆಗೆ ಸಂಗೀತ,ಸಾಹಿತ್ಯ,ಭಕ್ತಿ,ಧ್ಯಾನ, ಸಂಸ್ಕಾರಗಳನ್ನು ನೀಡುತ್ತಿದ್ದರು. ಎಲ್ಲರೂ ಸಂಘಟಿತರಾಗಿ ವೀರಶೈವ ಲಿಂಗಾಯತ ಸಮಾಜವನ್ನು ಇನ್ನೂ ಎತ್ತರಕ್ಕೆ ಬೆಳೆಸೋಣ ಎಂದು ಕರೆ ನೀಡಿದರು.

ಪುಷ್ಪಗಿರಿ ಸಾಂಸ್ಕೃತಿಕ ಪ್ರತಿಷ್ಠಾನ ಸಂಸ್ಥಾಪಕ ಹಾಗೂ ಜಿಲ್ಲಾ ಅಖಿಲಭಾರತ ವೀರಶೈವ ಲಿಂಗಾಯತ ಮಹಾಸಭೆಯಕಾರ್ಯನಿರ್ವಾಹಕ ನಿರ್ದೇಶಕ ಡಾ.ಮೋಹನ್ ರಾಜಣ್ಣ
ಪ್ರಸ್ತಾವಿಕವಾಗಿ ಮಾತನಾಡುತ್ತಾ ಕುಮಾರೇಶ್ವರರು ತಮಗಾಗಿ ಏನೂ ಮಾಡಿಕೊಳ್ಳದೇ ಎಲ್ಲವನ್ನು ಸಮಾಜಕ್ಕಾಗಿ ಮಾಡಿದ್ದಾರೆ, ಹಳ್ಳಿ ಹಳ್ಳಿಗೆ ಓಡಾಡಿ ಜನರಿಗೆ ಶಿಕ್ಷಣ ನೀಡಿದರು, ಸರ್ವ ಜನಾಂಗದ ಸರ್ವತೋಮುಖ ಸುಧಾರಣೆಗೆ ಶ್ರಮಿಸಿದ ಮಹಾಪುರುಷ ಹಾನಗಲ್ ಕುಮಾರ ಸ್ವಾಮಿಗಳು ಎಂದು ಶ್ರೀಗಳನ್ನು ಸ್ಮರಿಸಿದರು.
ದೆಹಲಿ ರಾಜ್ಯ ಘಟಕದ ಅಖಿಲಭಾರತ ವೀರಶೈವ ಲಿಂಗಾಯತ ಮಹಾಸಭೆಯ ಅಧ್ಯಕ್ಷ
ಶ್ರೀಕಂಠ ಚೌಕೀಮಠರವರು ಯುಗಪುರುಷ ಪರಮಪೂಜ್ಯ ಹಾನಗಲ್ ಶ್ರೀ ಕುಮಾರ ಶಿವಯೋಗಿಗಳ ಬಗ್ಗೆ ಉಪನ್ಯಾಸ ನೀಡಿ ಕುಮಾರಸ್ವಾಮಿಗಳು ಬಡತನದ ಬೇಗೆಯಲ್ಲಿ ಬೆಂದು ಮಠವನ್ನು ತೊರೆದು ಸಮಾಜದ ಸರ್ವರ ಉದ್ದಾರಕ್ಕಾಗಿ ಶ್ರಮಿಸಿದರು, ಶರಣರ ವಚನಗಳು,ಸಂಗೀತ ಕ್ಷೇತ್ರ ಉಜ್ವಲವಾಗಿ ಬೆಳೆಯಲು ಹಾನಗಲ್ ಕುಮಾರ ಸ್ವಾಮಿಗಳ ಕೊಡುಗೆ ಅಪಾರ ಎಂದು ಬಣ್ಣಿಸಿದರು ಮತ್ತು ವಿವಿಧ ಪಂಗಡಗಳಲ್ಲಿ ಹರಿದು ಹಂಚಿ ಹೋಗಿದ್ದ ಜನರನ್ನೆಲ್ಲ ಮಹಾಸಭಾದ ಮೂಲಕ ಒಂದುಗೂಡಿಸಿ ಒಂದೇ ವೇದಿಕೆಗೆ ತಂದ ಕೀರ್ತಿ ಶ್ರೀಗಳಿಗೆ ಸಲ್ಲುತ್ತದೆ ಎಂದರು.

ತಾಲ್ಲೂಕು ಮಹಿಳಾ ಘಟಕದ ಅಧ್ಯಕ್ಷೆ ಶ್ರೀಮತಿ ರಾಜಲಕ್ಷ್ಮಿ ಕಾಂತರಾಜ್ ಎಲ್ಲರೂ ಒಂದುಗೂಡಿ ತಾಲೂಕಿನಲ್ಲಿ ಯಾವುದೇ ಕಾರ್ಯಕ್ರಮ ಮಾಡಿದರು ಪ್ರತಿಯೊಬ್ಬರು ಕೈ ಜೋಡಿಸಿ ಯಶಸ್ವಿಗೆ ಸಹಕರಿಸಿ ಎಂದು ನೆರೆದಿದ್ದವರಲ್ಲಿ ಮನವಿ ಮಾಡಿದರು.
ರಾಜ್ಯಸಮಿತಿ ನಿರ್ದೇಶಕ ಎಂ ಆರ್ ಪೂರ್ಣೇಶ್ ಮೂರ್ತಿ ಹಾನಗಲ್ ಕುಮಾರಸ್ವಾಮಿಗಳ ಭಾವಚಿತ್ರ ಕ್ಕೆ ಪುಷ್ಪರ್ಚನೆ ನೆರವೇರಿಸಿದರು.
ಇದೇ ಕಾರ್ಯಕ್ರಮದಲ್ಲಿ ಶ್ರೀಕಂಠ ಚೌಕೀ ಮಠ ರವರಿಗೆ “ಪುಷ್ಪಗಿರಿ ಕೌಶಲ್ಯ ರತ್ನ” ಹಾಗೂ ಚಿದಾನಂದ್ ಎಸ್ ಮಠದ್‌ರವರಿಗೆ “ಪುಷ್ಪಗಿರಿ ಜ್ಞಾನ ರತ್ನ”
ಶ್ರೀಮತಿ ತನುಜಾ ರಾಜೇಶ್ ರವರಿಗೆ “ಪುಷ್ಪಗಿರಿ ಪತ್ರಿಕೋದ್ಯಮ ರತ್ನ” ಪ್ರಶಸ್ತಿ ನೀಡಿ ಸನ್ಮಾನಿಸಲಾಯಿತು.

ಕಾರ್ಯಕ್ರಮದ ಅಧ್ಯಕ್ಷ ತೆಯನ್ನು ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭೆಯ ತಾಲ್ಲೂಕು ಅಧ್ಯಕ್ಷ ಬಿ.ಎಸ್ ಓಂಕಾರ್ ವಹಿಸಿದ್ದರು.
ಜಿಲ್ಲಾ ಉಪಾಧ್ಯಕ್ಷೆ ಶಾಲಿನಿ ಅನಿಲ್, ಪ್ರತಿಷ್ಠಾನದ ಮ್ಯಾನೇಜಿಂಗ್ ಟ್ರಸ್ಟಿ ಉಮಾ ಮೋಹನ್,ಜಿಲ್ಲಾ ನಿರ್ದೇಶಕ ಎಂ ಡಿ ಇಂದ್ರೇಶ್,ಯುವ ಘಟಕದ ಅಧ್ಯಕ್ಷ ಎ ಏನ್ ಪ್ರತಾಪ್,ಅಲ್ದೂರ್ ರಾಜೇಶ್,ಅವಿನ್ ಟಿ ವಿ ಯ ಮಗ್ಗಲಮಕ್ಕಿ ಗಣೇಶ್ ಗೌಡ,ವಸಂತ್ ಹಾರ್ಗೋಡ್,ಹೆಚ್ ಆರ್ ಕಾಂತರಾಜ್ ದಂಪತಿಗಳು ಭೋಜನ ಪ್ರಸಾದ ವ್ಯವಸ್ಥೆ ಮಾಡಿದ್ದರು.
ವೇ. ಮಹೇಶ್ವರಯ್ಯ,ವೇ.ಮೃತ್ಯುಂಜಯ,ವೇ. ಸಂಗಮೇಶ ಶಾಸ್ತ್ರೀ ಜಿಲ್ಲಾ ತಾಲ್ಲೂಕು,ರಾಜ್ಯ ನಿರ್ದೇಶಕರುಗಳು ಹಾಗೂ ತಾಲ್ಲೂಕಿನ ವೀರಶೈವ ಲಿಂಗಾಯತ ಬಂಧುಗಳು ಉಪಸ್ಥಿತರಿದ್ದರು.

 

 

Categories
Uncategorized ಅಪರಾಧ ಉಡುಪಿ ಕರಾವಳಿ ಕಾರ್ಕಳ ಕುಂದಾಪುರ ಪುತ್ತೂರು ಮಂಗಳೂರು

ಕರಾವಳಿ ಟಾಪ್ ನ್ಯೂಸ್

ಕರಾವಳಿ ಟಾಪ್ ನ್ಯೂಸ್

* ಕಾಪು: ಅಪರಿಚಿತ ಯುವಕನ ಶವ ಪತ್ತೆ

* ಕಾರ್ಕಳ: ಮಾರಕಾಸ್ತ್ರಗಳಿಂದ ಬೆದರಿಸಿ ದನ ಕಳ್ಳತನ

* ಬೆಳ್ತಂಗಡಿ: ನಾಲ್ವರು ಮಾಜಿ ಅಧ್ಯಕ್ಷರಿಗೆ ಎಸ್ಐಟಿ ಅಧಿಕಾರಿಗಳಿಂದ ಕರೆ

* ಸುಳ್ಯ: ಬೆಳೆ ಸಮೀಕ್ಷೆ ಮಾಡಲು ಲಂಚ

* ಮಂಗಳೂರು: ಚಿನ್ನಾಭರಣ ಕಳುವು

* ಬಂಟ್ವಾಳ: ಕಾಣೆಯಾಗಿದ್ದ ಉದ್ಯಮಿ ಮಂತ್ರಾಲಯದಲ್ಲಿ ಪತ್ತೆ

* ಪುತ್ತೂರು: ನಕಲಿ ಆರ್ ಟಿಸಿ ನೀಡಿ ವಂಚನೆ

* ಉಡುಪಿ: ಹೂಡಿಕೆ ಹೆಸರಿನಲ್ಲಿ ಲಕ್ಷಾಂತರ ರೂಪಾಯಿ ವಂಚನೆ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್

* ಕಾಪು: ಅಪರಿಚಿತ ಯುವಕನ ಶವ ಪತ್ತೆ

ಕಾಪು: ಪಣಿಯೂರು ಮೇಲ್ಸೇತುವೆಯ ತಳಭಾಗದ ರೈಲ್ವೆ ಟ್ರ್ಯಾಕ್ ನಲ್ಲಿ ಅಂಗಾತನೆ ಬಿದ್ದಿರುವ ಸ್ಥಿತಿಯಲ್ಲಿ, ಅಪರಿಚಿತ ಯುವಕನ ಶವವೊಂದು ಸೋಮವಾರ ಪತ್ತೆಯಾಗಿದೆ. ಮುಖಕ್ಕೆ ಮತ್ತು ಬಲಗಾಲಿಗೆ ಗಾಯಗಳಾಗಿದ್ದು, ಆತನ ಚಪ್ಪಲಿಗಳು ಮತ್ತು ಮೊಬೈಲ್ ಶವದ ಪಕ್ಕದಲ್ಲಿಯೇ ಬಿದ್ದಿರುವುದು ಕಂಡುಬಂದಿದೆ. ನಂದಿಕೂರು ರೈಲ್ವೆ ಸ್ಟೇಷನ್ ನಿಂದ, ಉಡುಪಿ ರೈಲ್ವೆ ಸ್ಟೇಷನ್ ಗೆ ಲೋಕೋ ಇಂಜಿನ್ ಹಾದು ಹೋಗುವ ಸಮಯದಲ್ಲಿ ಯುವಕನಿಗೆ ಢಿಕ್ಕಿ ಹೊಡೆದು, ಆತ ಮೃತಪಟ್ಟಿದ್ದಾನೆ ಎಂದು ಕೊಂಕಣ ರೈಲ್ವೆ ಟ್ರ್ಯಾಕ್ ಮ್ಯಾನ್ ಪೊಲೀಸರಿಗೆ ಹೇಳಿಕೆ ನೀಡಿದ್ದಾರೆ. ಪಡುಬಿದ್ರಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಶವಾಗಾರದಲ್ಲಿ ಯುವಕನ ಮೃತದೇಹವನ್ನು ಇರಿಸಲಾಗಿದ್ದು, ಟ್ರ್ಯಾಕ್ ಮ್ಯಾನ್ ನೀಡಿದ ಹೇಳಿಕೆಯ ಆಧಾರದ ಮೇಲೆ ಪಡುಬಿದ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ

* ಕಾರ್ಕಳ: ಮಾರಕಾಸ್ತ್ರಗಳಿಂದ ಬೆದರಿಸಿ ದನ ಕಳ್ಳತನ

ಕಾರ್ಕಳ: ಜಯಶ್ರೀ ಎಂಬ ಹೆಸರಿನ ಮಹಿಳೆಯೊಬ್ಬರು ಮನೆಯಲ್ಲಿ ಒಂಟಿಯಾಗಿ ಇದ್ದ ಸಂದರ್ಭದಲ್ಲಿ, ದುಷ್ಕರ್ಮಿಗಳು ಮಾರಕಾಸ್ತ್ರಗಳನ್ನು ತೋರಿಸಿ, ಆಕೆಯನ್ನು ಬೆದರಿಸಿ, ದನಗಳನ್ನು ಕದ್ದೊಯ್ದ ಘಟನೆ ಸೋಮವಾರ ಬೆಳಿಗಿನ ಜಾವ ಶಿರ್ಲಾಲಿಯಲ್ಲಿ ನಡೆದಿದೆ. ವಾಹನದ ಸದ್ದು ಕೇಳಿ ಹೊರಬಂದು ನೋಡಿದ ಜಯಶ್ರೀ ಅವರನ್ನು ಹೆದರಿಸಿ, ಮನೆಯ ಹಟ್ಟಿಗೆ ನುಗ್ಗಿದ ದುಷ್ಕರ್ಮಿಗಳು, ಮೂರು ದನಗಳನ್ನು ಕದ್ದೊಯ್ದಿದ್ದಾರೆ. ಇದರಿಂದ ಸ್ಥಳೀಯರು ಭಯಭೀತರಾಗಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಅಜೇಕಾರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ

* ಬೆಳ್ತಂಗಡಿ: ನಾಲ್ವರು ಮಾಜಿ ಅಧ್ಯಕ್ಷರಿಗೆ ಎಸ್ಐಟಿ ಅಧಿಕಾರಿಗಳಿಂದ ಕರೆ

ಬೆಳ್ತಂಗಡಿ: ಧರ್ಮಸ್ಥಳದಲ್ಲಿ ಮೃತದೇಹಗಳನ್ನು ಹೂತು ಹಾಕಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಎಸ್ಐಟಿ ಅಧಿಕಾರಿಗಳು ನಾಲ್ಕು ಜನ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷರಿಗೆ ಕರೆ ಕಳುಹಿಸಿದ್ದಾರೆ. ಈ ನಾಲ್ಕು ಜನ ಗ್ರಾಮ ಪಂಚಾಯಿತಿ ಅಧ್ಯಕ್ಷರಾಗಿದ್ದ ಸಮಯದಲ್ಲಿ ಯುಡಿಆರ್ ಪ್ರಕರಣದಲ್ಲಿ ಶವಗಳನ್ನು ಹೂತು ಹಾಕಿರುವ ವಿಚಾರ ಕುರಿತು, ತನಿಖೆ ನಡೆಸಲು ಕರೆ ನೀಡಲಾಗಿದೆ ಎನ್ನುವ ಸಂಗತಿ ತಿಳಿದುಬಂದಿದೆ. ಈ ಹಿನ್ನೆಲೆಯಲ್ಲಿ ಸೋಮವಾರದಂದು ಧರ್ಮಸ್ಥಳ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷರಾದ ಕೇಶವ್ ಬೆಳಾಲ್, ಪ್ರಭಾಕರ್, ಗೀತಾ ಮತ್ತು ಚಂದನ್ ಕಾಮತ್ ಅವರು ವಿಚಾರಣೆಗೆ ಹಾಜರಾದರು. ಧರ್ಮಸ್ಥಳ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ 1986 ರಿಂದ 2014ರ ವರೆಗೆ ಒಟ್ಟು 279 ಯುಡಿಆರ್ ಪ್ರಕರಣಗಳು ದಾಖಲಾಗಿದ್ದು, ಅದರಲ್ಲಿ 219 ಪುರುಷರು, 46 ಮಹಿಳೆಯರು ಮತ್ತು ಒಂದು ನವಜಾತ ಶಿಶುವಾಗಿದ್ದು, 13 ಜನರ ಲಿಂಗಪತ್ತೆ ದೃಢಪಟ್ಟಿಲ್ಲ ಎನ್ನುವ ದಾಖಲೆಗಳು ಪಂಚಾಯಿತಿಯಲ್ಲಿದೆ ಎನ್ನಲಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಮತ್ತಷ್ಟು ತನಿಖೆ ನಡೆಯುವ ಸಾಧ್ಯತೆ ಇದೆ.

* ಸುಳ್ಯ: ಬೆಳೆ ಸಮೀಕ್ಷೆ ಮಾಡಲು ಲಂಚ

ಸುಳ್ಯ: ತಾಲ್ಲೂಕಿನ ಸುತ್ತಮುತ್ತಲ ಪ್ರದೇಶಗಳಿಗೆ ಬೆಳೆ ಸಮೀಕ್ಷೆಗೆಂದು ತೆರಳುತ್ತಿರುವ ಸಿಬ್ಬಂದಿಗಳು, ಕೃಷಿಕರ ಬಳಿ 500 ರೂಪಾಯಿ ನೀಡುವಂತೆ ಕೇಳುತ್ತಿರುವುದು, ಕೊಡುವುದಿಲ್ಲ ಎಂದಾದರೆ ಬೆಳೆ ಸಮೀಕ್ಷೆ ಮಾಡುವುದಿಲ್ಲ ಎಂದು ಹೇಳುತ್ತಿರುವುದು ಕೃಷಿಕರಲ್ಲಿ ಅಸಮಾಧಾನವನ್ನು ಉಂಟು ಮಾಡಿದೆ. ಇದಕ್ಕೆ ಸಂಬಂಧಿಸಿದಂತೆ ಸ್ಥಳೀಯ ರೈತರು ಪತ್ರಿಕೆಯ ಮೂಲಕ ದೂರು ನೀಡಿದ್ದಾರೆ. ಈ ರೀತಿಯ ದೂರುಗಳು ಹೆಚ್ಚಿನ ಪ್ರಮಾಣದಲ್ಲಿ ಕೇಳಿ ಬರುತ್ತಿರುವುದರಿಂದ ಸಾರ್ವಜನಿಕರು ಸುಳ್ಯದ ಕೃಷಿ ನಿರ್ದೇಶಕರಾದ ಗುರುಪ್ರಸಾದ್ ಅವರನ್ನು ಸಂಪರ್ಕಿಸಿ, ವಿಷಯ ತಿಳಿಸಿದಾಗ “ಬೆಳೆ ಸಮೀಕ್ಷೆಗೆಂದು ಆಗಮಿಸುವ ಸಿಬ್ಬಂದಿಗಳಿಗೆ ಸರ್ಕಾರ ವೇತನ ನೀಡುತ್ತದೆ. ಹೀಗಾಗಿ ಬೆಳೆ ಸಮೀಕ್ಷೆಗೆ ಯಾವುದೇ ಹೆಚ್ಚುವರಿ ಹಣವನ್ನು ಕೃಷಿಕರು ಸಿಬ್ಬಂದಿಗಳಿಗೆ ಪಾವತಿಸುವ ಅಗತ್ಯವಿಲ್ಲ. ತಿಳಿಯುವಂತಿದ್ದರೆ ಕೃಷಿಕರು ಆ್ಯಪ್ ಮೂಲಕ ತಾವೇ ಬೆಳೆ ಸಮೀಕ್ಷೆ ಕೂಡ ಮಾಡಿಕೊಳ್ಳಬಹುದು”ಎಂದು ಸ್ಪಷ್ಟವಾಗಿ ತಿಳಿಸಿದ್ದಾರೆ.

* ಮಂಗಳೂರು: ಚಿನ್ನಾಭರಣ ಕಳುವು

ಮಂಗಳೂರು: ಚಿನ್ನಾಭರಣ ಅಂಗಡಿಯ ಸಿಬ್ಬಂದಿಯೊಬ್ಬನನ್ನು ಅಪಹರಿಸಿ, ಚಿನ್ನದ ಗಟ್ಟಿಯನ್ನು ದರೋಡೆ ಮಾಡಿದ ಘಟನೆ ಹಂಪನಕಟ್ಟೆಯಲ್ಲಿ ಸೋಮವಾರದಂದು ನಡೆದಿದೆ. ಶುಕ್ರವಾರ ರಾತ್ರಿ ಅಂಗಡಿಯ ಸಿಬ್ಬಂದಿಯಾದ ಮುಸ್ತಾಫ, ಅಂಗಡಿಯಲ್ಲಿ ಒಂದು ವಾರದಿಂದ ಶೇಖರಣೆಗೊಂಡಿದ್ದ, ಕರಗಿಸಿದ ಸುಮಾರು 1.5 ಕೋಟಿ ರೂಪಾಯಿ ಬೆಲೆಬಾಳುವ,1.650 ಗ್ರಾಂ ತೂಕದ ಚಿನ್ನವನ್ನು ತೆಗೆದುಕೊಂಡು, ಸಂತೋಷ್ ಎನ್ನುವವರ ಅಂಗಡಿಗೆ ಹೋಗಿ ಶುದ್ಧ ಚಿನ್ನವನ್ನಾಗಿ ಪರಿವರ್ತಿಸಲು ತೆಗೆದುಕೊಂಡು ಹೋಗುತ್ತಿದ್ದ ಸಂದರ್ಭದಲ್ಲಿ, ಹಿಂದಿನಿಂದ ದ್ವಿಚಕ್ರ ವಾಹನದಲ್ಲಿ ಬಂದ ಇಬ್ಬರು ದುಷ್ಕರ್ಮಿಗಳು ಮುಸ್ತಾಫ ಅವರ ಸ್ಕೂಟರ್ ಗೆ ಅಡ್ಡಗಟ್ಟಿ, ತಮ್ಮ ವಾಹನಕ್ಕೆ ಯಾಕೆ ಢಿಕ್ಕಿ ಹೊಡೆದೆ ಎಂದು, ವಿನಾಕಾರಣ ಜಗಳ ತೆಗೆದಿದ್ದಾರೆ. ಇದೇ ವೇಳೆಗೆ ಕಾರಿನಲ್ಲಿ ಆಗಮಿಸಿದ ನಾಲ್ವರು ದುಷ್ಕರ್ಮಿಗಳು ಮುಸ್ತಾಫ ಅವರನ್ನು ಅಪಹರಿಸಿಕೊಂಡು ಹೋಗಿ, ಎಕ್ಕೂರು ಬಳಿ ಬಿಟ್ಟು, ಅವರ ಬಳಿಯಿದ್ದ ಚಿನ್ನದ ಗಟ್ಟಿಯನ್ನು ಲಪಟಾಯಿಸಿ, ಪರಾರಿಯಾಗಿದ್ದಾರೆ.‌ ಇದೊಂದು ಪೂರ್ವ ಯೋಜಿತ ಕೃತ್ಯ ಎನ್ನುವುದು ದೃಢಪಟ್ಟಿದೆ. ವಿಷಯ ತಿಳಿಯುತ್ತಿದ್ದಂತೆ ಕಾರ್ಯಪ್ರವೃತ್ತರದ ಪೊಲೀಸರು, ಕಾರ್ಯಾಚರಣೆಯ ಮೂಲಕ ಕಾನೂನು ಸಂಘರ್ಷಕ್ಕೆ ಒಳಗಾಗಿದ್ದ ಓರ್ವ ಬಾಲಕನನ್ನು ಮತ್ತು ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಆರೋಪಿಗಳನ್ನು ಉಳ್ಳಾಲ ಕೋಟೆಕಾರು ನಿವಾಸಿ ಫಾರಿಶ್, ಉಳ್ಳಾಲದ ಮುಕ್ಕಚೇರಿ ನಿವಾಸಿ ಸಫ್ವಾನ್, ಉಳ್ಳಾಲದ ಮಾಸ್ತಿಕಟ್ಟೆ ನಿವಾಸಿ ಅರಾಫತ್ ಅಲಿ, ಉಳ್ಳಾಲ ದರ್ಗಾ ಬಳಿಯ ಫರಾಝ್ ಎಂದು ಗುರುತಿಸಲಾಗಿದೆ. ಇವರೊಂದಿಗೆ ಬಾಲಕನು ಸೇರಿಕೊಂಡಿದ್ದಾನೆ ಎನ್ನಲಾಗಿದೆ. ಪೊಲೀಸರು ಐವರು ಆರೋಪಿಗಳನ್ನು ಬಂಧಿಸುವ ಸಂದರ್ಭದಲ್ಲಿ, ಅವರು ಕೃತ್ಯಕ್ಕೆ ಬಳಸಿದ ದ್ವಿಚಕ್ರವಾಹನವನ್ನು ವಶಪಡಿಸಿಕೊಂಡಿದ್ದು, ಕಾರ್ ಮತ್ತು ಚಿನ್ನದ ಗಟ್ಟಿಯನ್ನು ವಶಪಡಿಸಿಕೊಳ್ಳುವ ಪ್ರಯತ್ನದಲ್ಲಿದ್ದಾರೆ.

* ಬಂಟ್ವಾಳ: ಕಾಣೆಯಾಗಿದ್ದ ಉದ್ಯಮಿ ಮಂತ್ರಾಲಯದಲ್ಲಿ ಪತ್ತೆ

ಬಂಟ್ವಾಳ: ಸಜಿನಪಡದ ಕಂದೂರಿನಲ್ಲಿ ಎಸ್. ಕೆ. ಸುವರ್ಣ ಸೌಂಡ್ಸ್ ಆ್ಯಂಡ್ ಲೈಟಿಂಗ್ ಎಂಬ ಅಂಗಡಿಯನ್ನು ನಡೆಸುತ್ತಿರುವ, ಉದ್ಯಮಿಯಾದ ಸದಾನಂದ ಅವರು ಸೆಪ್ಟೆಂಬರ್ ಹದಿನಾರರಂದು ಮನೆಯಿಂದ ನಾಪತ್ತೆಯಾಗಿದ್ದು, ಅವರನ್ನು ಪೊಲೀಸರು ಮಂತ್ರಾಲಯದಲ್ಲಿ ಸೋಮವಾರದಂದು ಪತ್ತೆ ಹಚ್ಚಿದ್ದಾರೆ. ಸೆಪ್ಟೆಂಬರ್ ಹದಿನಾರರಂದು ಸಂಜೆ, ಸದಾನಂದ ಅವರು ತಮ್ಮ ಮೊಬೈಲ್ ಅನ್ನು ಮನೆಯ ಬಳಿಯಿದ್ದ ಟೆಂಪೊದಲ್ಲಿ ಇಟ್ಟು, ಮನೆಯವರಿಗೆ ತಿಳಿಸದೇ ಹೊರಟು ಹೋಗಿದ್ದರು. ಇದರಿಂದ ಗಾಬರಿಗೊಂಡ ಸದಾನಂದ ಅವರ ಪತ್ನಿ ರೋಹಿಣಿ ಅವರು ಬಂಟ್ವಾಳದ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ದೂರಿನ ಆಧಾರದ ಮೇಲೆ ಪೊಲೀಸರು ತನಿಖೆಯನ್ನು ಪ್ರಾರಂಭಿಸಿದರು. ಈ ಸಂದರ್ಭದಲ್ಲಿ ಸದಾನಂದ ಅವರ ಮೊಬೈಲ್ ಲಭಿಸಿದ್ದು, ಅದರಲ್ಲಿ ಕಂಡುಬಂದ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಬಸ್ ಟಿಕೆಟ್ ಬುಕ್ಕಿಂಗ್ ಕುರಿತ ಮಾಹಿತಿಯ ಮೇರೆಗೆ, ಸದಾನಂದ ಅವರು ಮಂತ್ರಾಲಯಕ್ಕೆ ಪ್ರಯಾಣ ಬೆಳೆಸಿದ್ದಾರೆ ಎನ್ನುವುದು ಪೊಲೀಸರಿಗೆ ಖಚಿತವಾಗಿದೆ. ಮಂತ್ರಾಲಯದಲ್ಲಿದ್ದ ಸದಾನಂದ ಅವರನ್ನು ಪೊಲೀಸರು ಪತ್ತೆ ಹಚ್ಚಿ, ಅವರನ್ನು ಸುರಕ್ಷಿತವಾಗಿ ಮನೆಗೆ ಕರೆತಂದಿದ್ದಾರೆ.

* ಪುತ್ತೂರು: ನಕಲಿ ಆರ್ ಟಿಸಿ ನೀಡಿ ವಂಚನೆ

ಪುತ್ತೂರು: ಆರೋಪಿಯೊಬ್ಬನಿಗೆ ಜಾಮೀನು ನೀಡುವ ಉದ್ದೇಶದಿಂದ, ಬೇರೆಯವರ ಆರ್ ಟಿಸಿಯನ್ನು ತನ್ನದೆಂದು ನಂಬಿಸಿ, ನ್ಯಾಯಾಲಯಕ್ಕೆ ವಂಚಿಸಿರುವ ಘಟನೆ ಉಪ್ಪಿನಂಗಡಿಯಲ್ಲಿ ನಡೆದಿದೆ. ಅಬೂಬಕ್ಕರ್ ಗುನುನಾರ್ ಈ ರೀತಿಯ ಕೃತ್ಯವೆಸಗಿದ್ದು, ಇದಕ್ಕೆ ಸಂಬಂಧಿಸಿದಂತೆ ನೆಕ್ಕಿಲಾಡಿ ಅಬೂಬಕ್ಕರ್ ಎನ್ನುವವರು “ನನ್ನ ಹೆಸರಿನಲ್ಲಿರುವ ಆರ್ ಟಿಸಿಯನ್ನು ತನ್ನ ಹೆಸರಿನಲ್ಲಿರುವ ಜಮೀನಿನ ಆರ್ ಟಿಸಿ ಎಂದು ಹೇಳಿ ನಂಬಿಸಿ, ವಂಚನೆ ಮಾಡಿದ್ದಾರೆ” ಎಂದು ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರು ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರು ನ್ಯಾಯಾಲಯಕ್ಕೆ ತಿಳಿಸಿದ್ದಾರೆ. ನೆಕ್ಕಿಲಾಡಿ ಅಬೂಬಕ್ಕರ್ ಅವರು ನೀಡಿದ ದೂರಿನ ಆಧಾರದ ಮೇಲೆ ಅಬೂಬಕ್ಕರ್ ಗೂನೂನಾರ್ ವಿರುದ್ಧ ಉಪ್ಪಿನಂಗಡಿ ಪೊಲೀಸ್ ಠಾಣೆಯಲ್ಲಿ ಅಪರಾಧ ಸಂಖ್ಯೆ 48/2025 ಹಾಗೂ ಕಾಲಂ 417, 419 ಐಪಿಸಿ ಅನ್ವಯ ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ.

* ಉಡುಪಿ: ಹೂಡಿಕೆ ಹೆಸರಿನಲ್ಲಿ ಲಕ್ಷಾಂತರ ರೂಪಾಯಿ ವಂಚನೆ

ಉಡುಪಿ: ಸುಮಂತ್ ಕುಮಾರ್ ಎಂಬ ಯುವಕನಿಗೆ ಅಪರಿಚಿತರು ಹೂಡಿಕೆಯ ಹೆಸರಿನಲ್ಲಿ ಲಕ್ಷಾಂತರ ರೂಪಾಯಿ ವಂಚಿಸಿದ ಘಟನೆ ಬೆಳಕಿಗೆ ಬಂದಿದೆ. ಸುಮಂತ್ ಅವರಿಗೆ ಜುಲೈ ತಿಂಗಳಿನಲ್ಲಿ ಹೂಡಿಕೆ ಮಾಡಿದರೆ ಅಧಿಕ ಲಾಭಾಂಶ ಬರುತ್ತದೆ ಎಂದು, ಅಪರಿಚಿತ ಸಂಖ್ಯೆಯಿಂದ ಸಂದೇಶವೊಂದು ಬಂದಿದ್ದು, ಬಳಿಕ ಸುಮಂತ್ ಅವರನ್ನು ವಾಟ್ಸಪ್ ಗ್ರೂಪ್ ಒಂದಕ್ಕೆ ಸೇರಿಸಲಾಯಿತು. ಆ ಗುಂಪಿನಲ್ಲಿ ಅಂಜಲಿ ಮೆಹ್ತಾ ಮತ್ತು ಶ್ರೀಧರ್ ರಂಗರಾಜನ್ ಎನ್ನುವವರ ಪರಿಚಯವಾಗಿದೆ. ಇವರಿಬ್ಬರು ಒಳ್ಳೆಯ ಆಫರ್ ನೀಡುವುದಾಗಿ ಸುಮಂತ್ ಅವರನ್ನು ನಂಬಿಸಿ, 16.99.605 ರೂಪಾಯಿ ಹಣವನ್ನು ಆನ್ ಲೈನ್ ಮೂಲಕ ವರ್ಗಾಯಿಸಿಕೊಂಡು ವಂಚಿಸಿದ್ದಾರೆ ಎನ್ನಲಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಉಡುಪಿ ಸೆನ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.