Categories
ತೀರ್ಥಹಳ್ಳಿ ಮಲ್ನಾಡ್ ಶಿವಮೊಗ್ಗ

ಅಕ್ಲಾಪುರದಲ್ಲಿ ಮಾ.15ರಂದು ‘ಶ್ರೀ ದೇವಿ ಮಹಾತ್ಮೆ’!

ಅಕ್ಲಾಪುರದಲ್ಲಿ ಮಾ.15ರಂದು ‘ಶ್ರೀ ದೇವಿ ಮಹಾತ್ಮೆ‘!
– ಕೋದಂಡರಾಮ ದೇವಸ್ಥಾನ ಆವರಣದಲ್ಲಿ ಹರಕೆ ಬಯಲಾಟ
– ಸರ್ವರಿಗೂ ಶ್ರೀಮತಿ ಗೀತಾ ಮತ್ತು ಶ್ರೀ ರಾಜೇಂದ್ರ ಕುಟುಂಬದ ಸ್ವಾಗತ

ನಮ್ಮೂರ್ ಎಕ್ಸ್ ಪ್ರೆಸ್
ತೀರ್ಥಹಳ್ಳಿ: ತಾಲೂಕಿನ ಅಗ್ರಹಾರ ಹೋಬಳಿಯ ತ್ರಿಯಂಬಕಪುರ ಗ್ರಾಮ ಪಂಚಾಯಿತಿಯ ಅಕ್ಲಾಪುರ ಗ್ರಾಮದಲ್ಲಿ ಮಾರ್ಚ್ 15ರ ಭಾನುವಾರ ಸಂಜೆ 6:30ಕ್ಕೆ ಸರಿಯಾಗಿ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಕೃಪಾಪೋಷಿತ ಯಕ್ಷಗಾನ ಮಂಡಳಿಯಿಂದ ಶ್ರೀದೇವಿ ಮಹಾತ್ಮೆ ಎಂಬ ಹರಕೆ ಬಯಲಾಟವನ್ನ ಹಮ್ಮಿಕೊಳ್ಳಲಾಗಿದೆ.. ಶ್ರೀಮತಿ ಗೀತಾ ಶ್ರೀ ರಾಜೇಂದ್ರ ಹೆಚ್.ಎಸ್ ಹಸಿಗೆ ಇವರು ಹರಕೆ ಬಯಲಾಟವನ್ನ ಆಯೋಜಿಸಿದ್ದು ಇವರ ಹಸಿಗೆ ನಿವಾಸದಲ್ಲಿ ಮಾರ್ಚ್ 15ರ ಭಾನುವಾರ ಬೆಳಗ್ಗೆ ಗಣಹೋಮ & ಸತ್ಯನಾರಾಯಣ ಪೂಜೆ ಹಾಗೂ ಮಧ್ಯಾಹ್ನ ಅನ್ನಸಂತರ್ಪಣೆ ಇರುತ್ತದೆ..

ಸಂಜೆ ಅಕ್ಲಾಪುರ ಕೋದಂಡರಾಮ ದೇವಸ್ಥಾನದ ಆವರಣದಲ್ಲಿ ಹರಕೆ ಬಯಲಾಟ ನೆರವೇರಲಿದ್ದು, ರಾತ್ರಿಯೂ ಅನ್ನಸಂತರ್ಪಣೆ ಇರಲಿದೆ.. ಎಲ್ಲರೂ ಈ ಕಾರ್ಯಕ್ರಮಕ್ಕೆ ಆಗಮಿಸಿ ಸತ್ಕಾರ ಸ್ವೀಕರಿಸಿ, ಯಕ್ಷಗಾನ ವೀಕ್ಷಿಸಿ, ದೇವರ ಕೃಪೆಗೆ ಪಾತ್ರರಾಗಬೇಕೆಂದು ಶ್ರೀಮತಿ ಗೀತಾ ಶ್ರೀ ರಾಜೇಂದ್ರ ಹೆಚ್.ಎಸ್ ಹಾಗೂ ಕುಟುಂಬದವರು ಮನವಿ ಮಾಡಿದ್ದಾರೆ.

Categories
ಕೊಪ್ಪ ಚಿಕ್ಕಮಗಳೂರು ಮಲ್ನಾಡ್

ಚಿಕ್ಕಮಗಳೂರು ಟಾಪ್ ನ್ಯೂಸ್

ಚಿಕ್ಕಮಗಳೂರು ಟಾಪ್ ನ್ಯೂಸ್

• ಚಿಕ್ಕಮಗಳೂರು: ಮಗುವಿನ ಮರ್ಮಾಂಗಕ್ಕೆ ತಗುಲಿದ ಕಬ್ಬಿಣ!
• ನರಸಿಂಹರಾಜಪುರ : ದಂಪತಿ ಹತ್ಯೆ: ಹಂತಕನಿಗೆ ಮರಣದಂಡನೆ
• ಚಿಕ್ಕಮಗಳೂರು: ಮದುವೆಯಾದ 2 ತಿಂಗಳೊಳಗೆ ಪತಿ ಕೊಂದ ಪತ್ನಿ!
• ಕೊಪ್ಪ: ಕಾಡಿಗೆ ಬೆಂಕಿ: ಅಗ್ನಿ ಶಾಮಕ ದಳದ ಕಾರ್ಯಾಚರಣೆ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಚಿಕ್ಕಮಗಳೂರು: ಅಂಗನವಾಡಿ ಕೇಂದ್ರದಲ್ಲಿ ಆಟವಾಡುತ್ತಿದ್ದ ಸಂದರ್ಭದಲ್ಲಿ, ಮಗುವಿನ ಮರ್ಮಾಂಗಕ್ಕೆ ಕಬ್ಬಿಣದ ತಂತಿ ತಗುಲಿ, ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಗೌರಿಕಾಲುವೆ ಬಡಾವಣೆಯ ಅಂಗನವಾಡಿ ಕೇಂದ್ರದಲ್ಲಿ ನಡೆದಿದೆ. ಮಗು ಅಂಗನವಾಡಿಯಲ್ಲಿ ತನ್ನ ಸ್ನೇಹಿತರೊಂದಿಗೆ ಆಟವಾಡುತ್ತಿದ್ದಾಗ ಮರಕ್ಕೆ ಅಳವಡಿಸಿದ್ದ ಕಬ್ಬಿಣದ ಜಾಲರಿಯ ತಂತಿ ತಗುಲಿ ಈ ರೀತಿಯ ದುರ್ಘಟನೆ ಸಂಭವಿಸಿದೆ. ಇದನ್ನು ಗಮನಿಸಿದ ಶಿಕ್ಷಕಿಯು ಮಗುವಿನ ಪೋಷಕರಿಗೆ ಯಾವುದೇ ಮಾಹಿತಿ ನೀಡದೆ ಮತ್ತೊಂದು ಮಗುವಿನ ಪೋಷಕರೊಂದಿಗೆ ಮನೆಗೆ ಕಳುಹಿಸಿದ್ದಾರೆ.‌

ಮನೆಗೆ ಆಗಮಿಸಿದ ಮಗು ಒಂದೇ ಸಮನೆ ಅಳುತ್ತಿರುವುದನ್ನು ಕಂಡು ಗಾಬರಿಗೊಂಡ ಮಗುವಿನ ಪೋಷಕರು, ಮಗುವನ್ನು ಸಂಪೂರ್ಣವಾಗಿ ಪರೀಕ್ಷಿಸಿದಾಗ ನಿಜಾಂಶ ಬೆಳಕಿಗೆ ಬಂದಿದೆ. ತಕ್ಷಣ ಪೋಷಕರು ಮಗುವನ್ನು ಸಮೀಪದ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದು, ವೈದ್ಯರು ಮಗುವನ್ನು ಪರೀಕ್ಷಿಸಿ ಮರ್ಮಾಂಗಕ್ಕೆ ಗಂಭೀರವಾಗಿ ಗಾಯವಾಗಿರುವುದನ್ನು ದೃಢಪಡಿಸಿದ್ದಾರೆ. ಬಳಿಕ ಆರು ಹೊಲಿಗೆಗಳನ್ನು ಹಾಕಿ ಅಪಾಯದಿಂದ ಪಾರುಗೊಳಿಸಿದ್ದಾರೆ.‌ ಇದರಿಂದ ಕೋಪೋದ್ರಿಕ್ತರಾದ ಮಗುವಿನ ಪೋಷಕರು, ಅಂಗನವಾಡಿ ಶಿಕ್ಷಕಿಯ ವಿರುದ್ಧ ತಮ್ಮ ಆಕ್ರೋಶವನ್ನು ವ್ಯಕ್ತಪಡಿಸಿದ್ದಾರೆ.

ನರಸಿಂಹರಾಜಪುರ : ದಂಪತಿ ಹತ್ಯೆ; ಆರೋಪಿಗೆ ಮರಣದಂಡನೆ

ನರಸಿಂಹರಾಜಪುರ: ಕಳೆದ ಕೆಲವು ವರ್ಷಗಳ ದಂಪತಿ ಹತ್ಯೆಗೆ ಸಂಬಂಧಿಸಿದಂತೆ ತೀರ್ಪು ಪ್ರಕಟಗೊಂಡಿದೆ. ಧರ್ಮಯ್ಯ ಎನ್ನುವವರ ಪತ್ನಿ ಭಾರತಿ ಜೊತೆಗೆ ಗೋವಿಂದಪ್ಪ ಎನ್ನುವವರು ಅಕ್ರಮ ಸಂಬಂಧವನ್ನು ಹೊಂದಿದ್ದು, ವಿಚಾರ ತಿಳಿಯುತ್ತಿದ್ದಂತೆ ಭಾರತಿಯ ಅಣ್ಣತಮ್ಮಂದಿರು ಆಕೆಗೆ ಬುದ್ಧಿವಾದ ಹೇಳಿ, ಗೋವಿಂದಪ್ಪನ ಜೊತೆಗಿನ ಅಕ್ರಮ ಸಂಬಂಧದಿಂದ ದೂರವಿರುವಂತೆ ಮಾಡಿದ್ದರು. ತನ್ನ ಅಕ್ರಮ ಸಂಬಂಧಕ್ಕೆ ಭಾರತಿಯ ಗಂಡ ಧರ್ಮಯ್ಯ ಅಡ್ಡಿಯಾಗಿದ್ದಾನೆ ಎಂದು ಆಕ್ರೋಶಗೊಂಡಿದ್ದ ಗೋವಿಂದಪ್ಪ, 2019ರ ಆಗಸ್ಟ್ 30ರಂದು ಧರ್ಮಯ್ಯ ಅವರ ಮನೆಯ ಹಿಂಬಾಗಿಲಿನಿಂದ ನುಗ್ಗಿ, ಧರ್ಮಯ್ಯ ಮತ್ತು ಭಾರತಿಯನ್ನು ಮಚ್ಚಿನಿಂದ ಕೊಚ್ಚಿ ಕೊಲೆ ಮಾಡಿದ್ದನು.

ಈ ಹಿನ್ನೆಲೆಯಲ್ಲಿ ಗೋವಿಂದಪ್ಪನ ವಿರುದ್ಧ ನರಸಿಂಹರಾಜಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆಯ ಬಳಿಕ ಸಿಪಿಐ ಮಂಜು ಅವರು ಗೋವಿಂದಪ್ಪನ ವಿರುದ್ಧ ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿಯನ್ನು ಸಲ್ಲಿಸಿದ್ದರು. ಇದಕ್ಕೆ ಸಂಬಂಧಿಸಿದಂತೆ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದಲ್ಲಿ ಗೋವಿಂದಪ್ಪ ಕೃತ್ಯ ಎಸಗಿರುವುದು ಸಾಬೀತಾಗಿರುವುದರಿಂದ, ನ್ಯಾಯಾಧೀಶರಾದ ರಾಜೇಶ್ವರಿ ಎನ್. ಹೆಗಡೆ ಅವರು ಗೋವಿಂದಪ್ಪನಿಗೆ 20.000 ರೂಪಾಯಿ ದಂಡದ ಜೊತೆಗೆ, ಮರಣದಂಡನೆಯನ್ನು ವಿಧಿಸುವಂತೆ ತೀರ್ಪನ್ನು ನೀಡಿದ್ದಾರೆ ಎನ್ನುವ ಮಾಹಿತಿ ಲಭಿಸಿದೆ.

ಮದುವೆಯಾದ 2 ತಿಂಗಳೊಳಗೆ ಪತಿಗೆ ಮುಹೂರ್ತ ಇಟ್ಟ ಪತ್ನಿ!

ಚಿಕ್ಕಮಗಳೂರು: ಆಂಟಿ ಹಿಂದೆ ಬಿದ್ದ ಯುವಕನ ಮಸಲತ್ತಿಗೆ ಗುಜುರಿ ವ್ಯಾಪಾರಿ ಬಲಿ ಆಗಿದ್ದಾನೆ. ಫರ್ಜಾನ (31), ಧನರಾಜ್ (24) ವೆಂಕಟೇಶ್ (24) ಹಾಗೂ ದರ್ಶನ್ (24) ಬಂಧಿತ ಆರೋಪಿಗಳು. ಮನ್ಸೂರ್ ಪಾಷ (31) ಎಂಬಾತನನ್ನು ಮಾ.4ರಂದು ಕೊಲೆ ಮಾಡಲಾಗಿತ್ತು. ತಿಪಟೂರು ಗ್ರಾಮಾಂತರದ ಚಿಕ್ಕಕೊಟ್ಟಗಿಹಳ್ಳಿ ಗ್ರಾಮದ ತೋಟವೊಂದರಲ್ಲಿ ಕೊಲೆ ಮಾಡಲಾಗಿತ್ತು. ಜನವರಿಯಲ್ಲಿ ಕುಟುಂಬ ನಿಶ್ಚಯದಂತೆ ಫರ್ಜಾನ ವಿವಾಹವಾಗಿದ್ದ ಮನ್ಸೂರ್ ತಿಪಟೂರು ಪಟ್ಟಣದಲ್ಲಿ ವಾಸವಾಗಿದ್ದ. ಮಾರ್ಚ್ 4ರಂದು ಗುಜರಿ ಸಾಮಾನು ತರಲೆಂದು ಹೊದಾಗ ನಾಪತ್ತೆಯಾಗಿದ್ದ.

ಆ ಬಳಿಕ ಕುಟುಂಬಸ್ಥರಿಂದ ಆತನಿಗಾಗಿ ಹುಡುಕಾಟ ನಡೆದಿತ್ತು. ಬಳಿಕ ಚಿಕ್ಕಗೊಟ್ಟಗಿಹಳ್ಳಿಯಲ್ಲಿ ಶವ ಪತ್ತೆಯಾಗಿತ್ತು. ಬಳಿಕ ಘಟನೆ ಸಂಬಂಧ ತಿಪಟೂರು ಗ್ರಾಮಾಂತರ ಠಾಣೆಯಲ್ಲಿ ಕೊಲೆ ಪ್ರಕರಣ ದಾಖಲಿಸಿದ್ದ ಪೊಲೀಸರು ನಡೆಸಿದ ತನಿಖೆ ವೇಳೆ ಚಿಕ್ಕಮಗಳೂರಿನ ಯುವಕರ ಗ್ಯಾಂಗ್ ನಿಂದ ಕೃತ್ಯ ಎಂಬುದು ಪತ್ತೆಯಾಗಿದೆ. ಟೆಕ್ನಿಕಲ್ ಮಾಹಿತಿ ಆಧರಿಸಿ ವೆಂಕಟೇಶ್,ದರ್ಶನ್ ಹಾಗೂ ಧನರಾಜ್ ಬಂಧನ ಮಾಡಲಾಗಿದೆ. ಆರೋಪಿ ಧನರಾಜ್ ಫರ್ಜಾನ್ ಜತೆ ಪ್ರೀತಿ ಮಾಡುತ್ತಿದ್ದ. ಪ್ರೇಮದಲ್ಲಿ ಚಿಕ್ಕಮಗಳೂರಿನಲ್ಲಿ ಓಡಾಡಿದ್ದ ಜೋಡಿ..ನಂತರ ಒಮ್ಮೆ ತಿಪಟೂರಿನ ರೈಲು ನಿಲ್ದಾಣದ ಬಳಿ ಇದ್ದಾಗ ಸಿಕ್ಕಿ ಬಿದಿದ್ದರು.ಜನವರಿಯಲ್ಲಿ ನಡೆದ ಗಲಾಟೆ ಬಳಿಕ ತರಾತುರಿಲ್ಲಿ ಮನ್ಸೂರ್ ಜೊತೆ ಫರ್ಜಾನ ಮದುವೆಯಾಗಿತ್ತು.

ಕೊಪ್ಪ ಪಟ್ಟಣದಲ್ಲಿ ಬೆಂಕಿ: ಹೆಚ್ಚಿದ ಬೆಂಕಿ ಅನಾಹುತ!

ಕೊಪ್ಪತಾಲೂಕಿನ ಬಾಳಗಡಿಯಲ್ಲಿ ಕೆ ಇ ಬಿ ಕಛೇರಿಯ ಪಕ್ಕದ ಕಾಡಿನಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು, ಅಗ್ನಿ ಶಾಮಕ ದಳದ ಅಧಿಕಾರಿಗಳು ಬೆಂಕಿ ನಂದಿಸಿದರು.

Categories
ಜ್ಯೋತಿಷ್ಯ ಮಾಹಿತಿ ರಾಜ್ಯ

ದುಷ್ಟ ಶಕ್ತಿಗಳನ್ನು ದೂರ ಮಾಡಲು ಹನುಮಾನ್ ಮಂತ್ರ!

ದುಷ್ಟ ಶಕ್ತಿಗಳನ್ನು ದೂರ ಮಾಡಲು ಹನುಮಾನ್ ಮಂತ್ರ!

ಆಯುಷ್ಯ ಮುಗಿಯಿತು, ಇನ್ನು ಬದುಕಲಾರೆ ಎಂದು ಭಾವಿಸುವವರು ಹನುಮಂತನ ಈ ಮಂತ್ರವನ್ನು 48 ದಿನಗಳ ಕಾಲ ನಿರಂತರವಾಗಿ ಜಪಿಸಿ. ನಿಮ್ಮ ಜೀವನವು ಪ್ರಕಾಶಮಾನವಾಗಿರುತ್ತದೆ. ಭಗವಾನ್ ರಾಮನ ಕಟ್ಟಾ ಭಕ್ತನಾದ ಹನುಮಂತನು ಭಗವಾನ್ ರಾಮನ ಸೃಷ್ಟಿಯ ಶಕ್ತಿ ಮತ್ತು ಭಗವಾನ್ ಶಿವನ ವಿನಾಶದ ಶಕ್ತಿ ಎರಡನ್ನೂ ಹೊಂದಿದ್ದನು. ಭಕ್ತರು ಕಷ್ಟಪಟ್ಟರೆ ಅದನ್ನು ಹೊರಲು ತಕ್ಷಣ ಓಡುವವನು ಈ ಹನುಮಂತ. ಈ ಹನುಮಂತನು ಭೂಲೋಕದಲ್ಲಿರುವ ಭಕ್ತರನ್ನು ಸ್ವರ್ಗಕ್ಕೆ ಹೋಗದೆ ರಕ್ಷಿಸುವ ಅದ್ಭುತ ದೇವರು.

ಕಟೀಲು ಶ್ರೀ ದುರ್ಗಾಪರಮೇಶ್ವರೀ ಜ್ಯೋತಿಷ್ಯ ಫಲ ಪ್ರಧಾನ ತಾಂತ್ರಿಕರು ದೈವಜ್ಞರು ಪಂಡಿತ್ ಜ್ಞಾನೇಶ್ವರ್ ರಾವ್ 8548998564.ನಿಮ್ಮ ಧ್ವನಿಯ ಮೂಲಕ ನಿಮ್ಮ ಸಮಸ್ಯೆಗಳನ್ನು ಅರಿತು ಅಥವಾ ಜನ್ಮಜಾತಕ ಫೋಟೋ ಹಸ್ತಸಾಮುದ್ರಿಕ ನೋಡಿ ಭವಿಷ್ಯ ಹೇಳಲಾಗುತ್ತದೆ. ನಿಮ್ಮ ಸಮಸ್ಯೆಗಳಾದ, ಆರೋಗ್ಯ, ಸಂತಾನ, ಸಾಲಬಾದೆ, ವಿವಾಹ, ಉದ್ಯೋಗದಲ್ಲಿ ತೊಂದರೆ, ಸಾಲಬಾದೆ, ಸತಿ ಪತಿ ಕಲಹ, ಪ್ರೇಮ ವಿಚಾರ, ಅತ್ತೆ-ಸೊಸೆ ಕಲಹ,ದೃಷ್ಟಿ ದೋಷ, ಮನೆಯಲ್ಲಿ ದರಿದ್ರತನ ದೋಷ, ಗಂಡನ ಪರ ಸ್ತ್ರೀ ಸಹವಾಸ ಬಿಡಿಸಲು, ವ್ಯಾಪಾರದಲ್ಲಿ ತೊಂದರೆ, ಕುಟುಂಬ ಕಷ್ಟ, ಹಣಕಾಸಿನಲ್ಲಿ ಅಡಚಣೆ, ಪ್ರೇಮ ವೈಫಲ್ಯ, ಹಾಗೂ ಸ್ತ್ರೀ-ಪುರುಷ ವಶೀಕರಣ ದಂತಹ ಸಮಸ್ಯೆಗಳಿಗೆ ಇನ್ನೂ ಅನೇಕ ಗುಪ್ತ ಕಠಿಣ ಸಮಸ್ಯೆಗಳಿಗೆ ತಾಂಬೂಲ ಪ್ರಶ್ನೆ, ಅಷ್ಟ ಮಂಡಲ ಪ್ರಶ್ನೆ, ಕವಡೆ ಪ್ರಶ್ನೆ ಹಾಕಿ ನಿಮ್ಮ ಕಷ್ಟ-ಕಾರ್ಪಣ್ಯಗಳಿಗೆ ಶಾಶ್ವತವಾದ ಪರಿಹಾರ ಮತ್ತು ಸಲಹೆ ಪಡೆದುಕೊಳ್ಳಿ 8548998564

ಕೆಲವರ ಜೀವನದಲ್ಲಿ ಸಮಸ್ಯೆಗಳು ಊಹೆಗೂ ನಿಲುಕದವು. ಅವೆಲ್ಲವನ್ನೂ ಪರಿಹರಿಸುವುದು ಅವರಿಗೆ ಸಾಮಾನ್ಯ ಸಂಗತಿಯಲ್ಲ. ಮನುಷ್ಯ ಎದುರಿಸಬಹುದಾದ ಯಾವುದೇ ರೀತಿಯ ಸಮಸ್ಯೆಗಳಿಂದ ರಕ್ಷಿಸುವ ಶಕ್ತಿ ಈ ಅನುಮನಿಗೆ ಇದೆ.

ಆ ಹನುಮಂತನಿಗೆ ಸೂಕ್ತವಾದ ಈ ಮಂತ್ರಗಳಿಂದ ಪೂಜಿಸಿದಾಗ ನಮ್ಮ ಈ ಎಲ್ಲಾ ಸಮಸ್ಯೆಗಳು ಮಾಯವಾಗುತ್ತವೆ ಎಂದು ಹೇಳಲಾಗುತ್ತದೆ. ಮಂತ್ರದ ಮೇಲಿನ ಈ ಪೋಸ್ಟ್‌ನಲ್ಲಿ ಆ ಮಂತ್ರ ಯಾವುದು ಎಂದು ನೀವು ಕಂಡುಹಿಡಿಯಬಹುದು.

ಕಷ್ಟಗಳು ಮತ್ತು ಕಷ್ಟಗಳನ್ನು ನಿವಾರಿಸಲು ಹನುಮಂತನ ಆರಾಧನೆ

ಮೊದಲನೆಯದಾಗಿ ಮನುಷ್ಯ ಸಮಸ್ಯೆಗಳಿಂದ ಸುಸ್ತಾಗಬಾರದು. ಎಷ್ಟೇ ಸಮಸ್ಯೆಗಳು ಬಂದರೂ ಅದರಿಂದ ಪಾರಾಗಲು ಸಾಧ್ಯವಿಲ್ಲ.ಎಲ್ಲವೂ ಮುಗಿಯಿತು ಎಂಬ ಮನಸ್ಥಿತಿ ಬಂದರೆ ಖಂಡಿತಾ ಅದರಿಂದ ಹೊರಬರಲು ಸಾಧ್ಯವಿಲ್ಲ.

ಯಾವುದೇ ಸಮಸ್ಯೆಯನ್ನು ಧೈರ್ಯದಿಂದ ಎದುರಿಸಲು ಅಭ್ಯಾಸ ಮಾಡಿಕೊಳ್ಳಿ. ಅದಕ್ಕಾಗಿ ನಾವು ಹೋರಾಟ ಮತ್ತು ಪ್ರಯತ್ನಗಳನ್ನು ತೆಗೆದುಕೊಳ್ಳಬೇಕು. ಅದಕ್ಕೆ ದೇವತೆಗಳು ಮಾತ್ರ ಸಹಾಯ ಮಾಡುತ್ತಾರೆ. ಹನುಮಂತ ನಮ್ಮ ಹೋರಾಟಕ್ಕೆ ಭರವಸೆ ಮತ್ತು ಧೈರ್ಯವನ್ನು ನೀಡುವ ದೇವರು.

ಅವರ ಈ ಮಂತ್ರವನ್ನು 48 ದಿನಗಳ ಕಾಲ ನಿರಂತರವಾಗಿ ಜಪಿಸಿದರೆ ನಮ್ಮ ಎಲ್ಲಾ ಸಂಕಷ್ಟಗಳು ಕೊನೆಗೊಳ್ಳುತ್ತವೆ ಎಂದು ಹೇಳಲಾಗುತ್ತದೆ. ಮನೆಯಲ್ಲಿ ಹನುಮಂತನ ಚಿತ್ರವಿದ್ದರೆ ಅದನ್ನು ಒರೆಸಿ ಅರಿಶಿನ ಪುಡಿಯನ್ನು ಈ ಮಂತ್ರ ಪೂಜೆಗೆ ಇಟ್ಟುಕೊಳ್ಳಿ. ಪಂಚೆಯಲ್ಲಿ ನೀರು ಸುರಿದು ಕೈಯಲ್ಲಿ ಇಟ್ಟುಕೊಳ್ಳಿ. ಈ ನೀರನ್ನು ಇಟ್ಟುಕೊಂಡು ಈ ಕೆಳಗಿನ ಮಂತ್ರವನ್ನು ಪಠಿಸಿ.

1. ಓಂ ನಮೋ ಹರಿ ರಾಮದೂತ ಆಂಜನೇಯ
ಅತಿಪಾಲ ಪರಾಕ್ರಮ ಸುಳ
ಅಂದ ರಂದ ಪರಿಂದ ಚಂಡ ಪ್ರಸಂದ ಉದಂಡ ಕೋಲಕಲ
ಅಘೋರ ಶತೃ ಸಂಹಾರ
ವರಮರು ಕೃಪಾ ದಯಾಳ
ಶಿವ ಶಿವ ಯೋಗಾಸನ ಪ್ರಿಯ ವಾಯು
ಕುಮಾರ ಸೀತಾ ಲಕ್ಷ್ಮೀ ಸುಧಾ ಸುಧಾ ಬ್ರಹ್ಮ
ಪ್ರಸಕುಲ ಮಿಕುಲ
ಬೃಂದಕಾಲ ಮಿತ್ರ ಪಂಪಾಮ
ರಮರಾಹ ಮಾಂ ರಾಮರಾಹ
ಮಾ

ಶ್ರೀ ಕ್ಷೇತ್ರ ಕಟೀಲು ದುರ್ಗಾಪರಮೇಶ್ವರೀ ಜ್ಯೋತಿಷ್ಯಶಾಸ್ತ್ರಂ  ಶ್ರೀ ಜ್ಞಾನೇಶ್ವರ್ ರಾವ್ ಪ್ರಧಾನ ತಾಂತ್ರಿಕ(8548998564) ರಕ್ತೇತೇಶ್ವರೀ ದೇವಿ ಮತ್ತು ದುರ್ಗಾಪರಮೇಶ್ವರೀ ದೇವಿ ತಾಯಿ ಆರಾಧನೆ ಮಾಡುತ್ತಾ ಕೊಳ್ಳೇಗಾಲದ ರಣಮೋಡಿ ಮತ್ತು ಕೇರಳದ ಕುಟ್ಟಿಚಾತನ್ ಪೂಜಾಪದ್ಧತಿಯಿಂದ ನಿಮ್ಮ ಸರ್ವ ಘೋರ ಗುಪ್ತ ಕಠಿಣ ಸಮಸ್ಯೆಗಳಿಗೆ ಕೇವಲ 2 ದಿನದಲ್ಲಿ ಶಾಶ್ವತ ಪರಿಹಾರ ಮಾಡಿಕೊಡುತ್ತಾರೆ.

ನಿಮ್ಮ ಸಮಸ್ಯೆಗಳಾದ ವಿದ್ಯಾ ಭ್ಯಾಸದಲ್ಲಿ ತೊಂದರೆ, ಉದ್ಯೋಗ ಸಮಸ್ಯೆ, ಮನೆಯಲ್ಲಿ ಹಣಕಾಸಿನ ಅಭಾವ ಎಷ್ಟೇ ದುಡ್ಡಿದ್ದರು ನೆಮ್ಮದಿಯಕೊರತೆ ಇಷ್ಟಪಟ್ಟವರು ನಿಮ್ಮಂತೆ ಆಗಲು, ಪ್ರೀತಿಯಲ್ಲಿ ನಂಬಿ ಮೋಸ, ಗಂಡ ಅಥವಾ ಹೆಂಡತಿ ಪರಸಂಗ ಬಿಡಿಸುವುದು, ಪ್ರೀತಿಯಲ್ಲಿ ಬಿದ್ದು ಮಕ್ಕಳು ಮಾತು ಕೇಳದಿದ್ದರೆ, ಗಂಡ ಹೆಂಡತಿ ನಡುವೆಹೊಂದಾಣಿಕೆ ಸಮಸ್ಯೆ ವಿವಾಹದಲ್ಲಿ ಅಡೆ ತಡೆ ಸಾಲಭಾದೆ ಇನ್ನೂ ಅನೇಕ ಸಮಸ್ಯೆಗಳಿಗೆ 100% ಸೂಕ್ತ ಪರಿಹಾರ ಮತ್ತು ಮಾರ್ಗದರ್ಶನ ನೀಡುತ್ತಾರೆ.

ಶತ್ರುನಾಶ ಧನವಶೀಕರಣದಂತಹ ಸಮಸ್ಯೆಗಳ ನಿವಾರಣೆಗೆ ಅತ್ಯಂತ ಪ್ರಭಾವಶಾಲಿ ಮತ್ತು ಪ್ರಖ್ಯಾತಿ ಪಡೆದಿರುವ ಜ್ಯೋತಿಷ್ಯರು. ನಿಮ್ಮ ಸಮಸ್ಯೆಗಳಿಗೆ ಯಾರಿಂದಲೂ ಪರಿಹಾರ ಸಿಗದೆ ನೊಂದಿದ್ದರೆ ಇವರನ್ನು ಒಮ್ಮೆನಂಬಿ ಕರೆ ಮಾಡಿ ಖಂಡಿತಾ ಪರಿಹಾರ ಸಿಗುತ್ತದೆ. ಮೊಬೈಲ್ ನಂ ಶ್ರೀ ಜ್ಞಾನೇಶ್ವರ್ ರಾವ್ ಪ್ರಧಾನ ತಾಂತ್ರಿಕ 8548998564

2. ಓಂ ಐಂ ಹ್ರೀಂ ಶ್ರೀಂ ಹನುಮದೇ
ರಾಮದೂದಾಯ ಲಂಕಾವಿದ್ವಂಶಾಯೈ
ಅಂಜನ ಕರಿಪ್ಪ ಸಖಿನೀ ತಗಿನೀ
ವಿದ್ವಂಶನಾಯ ಕಿಲ
ಕಿಲ ಪೂ ಪೂ ಕರಿನೇ ವಿಭೀಷಣಾಯ
ಹನುಮತೇವಾಯ ಓಂ ಐಂ
ಹ್ರೀಂ ಶ್ರೀಂ ಹ್ರಾಂ ಹ್ರೂಂ ಸ್ವಾಹಾ

ಈ ಮಂತ್ರವನ್ನು 11, 21, 108 ಸಂಖ್ಯೆಯಲ್ಲಿ ಪಠಿಸಬೇಕು. ಆ ನಂತರ ಈ ನೀರನ್ನು ಸ್ವಲ್ಪ ಪ್ರಮಾಣದಲ್ಲಿ ತೆಗೆದುಕೊಂಡು ಮನೆಯಲ್ಲೆಲ್ಲಾ ಚಿಮುಕಿಸಿ ಮತ್ತು ಅದನ್ನು ನಿಮ್ಮ ತಲೆಯ ಮೇಲೆ ಸಿಂಪಡಿಸಿ ಮತ್ತು ಉಳಿದ ನೀರನ್ನು ಕುಡಿಯಿರಿ. ಈ ಮಂತ್ರ ಪೂಜೆಯೊಂದಿಗೆ ಹನುಮಾನ್ ಚಾಲೀಸಾ ನಿಮಗೆ ತಿಳಿದಿದ್ದರೆ ಅದನ್ನು ಕೂಡ ಹೇಳಿ. ಇದು ಹನುಮಂತನ ಅತ್ಯಂತ ಶಕ್ತಿಶಾಲಿ ಮಂತ್ರಗಳಲ್ಲಿ ಒಂದಾಗಿದೆ.

ಅದರಂತೆ ಮನೆಯಲ್ಲಿ ಬೆಳಗ್ಗೆ ಮತ್ತು ಸಂಜೆ ಎರಡೂ ಹೊತ್ತು ದೀಪ ಹಚ್ಚಿ ಈ ಮಂತ್ರ ಪೂಜೆಯನ್ನು ಮಾಡಿ. ನಿಮ್ಮ ಎಲ್ಲಾ ಸಮಸ್ಯೆಗಳು ಎಲ್ಲಿ ಹೋದವು ಎಂದು ನೀವು ಆಶ್ಚರ್ಯಪಡುವ ಮಟ್ಟಿಗೆ ಎಲ್ಲವೂ ಬದಲಾಗುತ್ತದೆ. ನೀವು ಈ ಮಂತ್ರವನ್ನು ನಿಯಮಿತವಾಗಿ ಮಾಡಿದರೆ ನೀವು ಯಾವುದೇ ಭಯವಿಲ್ಲದೆ ಶಾಂತಿಯುತ ಜೀವನವನ್ನು ನಡೆಸಬಹುದು.

ಲೇಖನ:
ದೈವಜ್ಞ ಪ್ರಧಾನ್ ತಾಂತ್ರಿಕ್ ಜ್ಞಾನೇಶ್ವರ್ ರಾವ್ 8548998564
ಧಾರ್ಮಿಕಚಿಂತಕರು,ಜೋತಿಷ್ಯರು ,ಸಲಹೆಗಾರರು,
ಸಂಶೋಧಕರು. ಹಾಗು ಬರಹಗಾರರು

Categories
ತೀರ್ಥಹಳ್ಳಿ ಮಲ್ನಾಡ್ ಶಿವಮೊಗ್ಗ

ಶಿವಮೊಗ್ಗದಲ್ಲಿ ಗಲಭೆ: ವಿಧಾನಸಭೆಯಲ್ಲಿ ಚರ್ಚೆ!

ಶಿವಮೊಗ್ಗದಲ್ಲಿ ಗಲಭೆ: ವಿಧಾನಸಭೆಯಲ್ಲಿ ಚರ್ಚೆ!
– ತೀರ್ಥಹಳ್ಳಿ ಶಾಸಕ ಆರಗ ಜ್ಞಾನೇಂದ್ರ, ಶಿವಮೊಗ್ಗ ಶಾಸಕ ಚನ್ನಬಸಪ್ಪ ಕಳವಳ
– ಗೃಹ ಸಚಿವರಿಂದ ಶಿವಮೊಗ್ಗ ಜಿಲ್ಲೆ ಭದ್ರತೆ ಬಗ್ಗೆ ಮಾಹಿತಿ

‎ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
‎ಬೆಂಗಳೂರು: ಶಿವಮೊಗ್ಗ ಜಿಲ್ಲೆಯಾದ್ಯಂತ ಹೆಚ್ಚುತ್ತಿರುವ ಕಳ್ಳತನ ಪ್ರಕರಣಗಳು ಹಾಗೂ ಹದಗೆಡುತ್ತಿರುವ ಕಾನೂನು ಸುವ್ಯವಸ್ಥೆ ಕುರಿತು ತೀರ್ಥಹಳ್ಳಿ ಶಾಸಕ ಆರಗ ಜ್ಞಾನೇಂದ್ರ ಮತ್ತು ಶಿವಮೊಗ್ಗ ಶಾಸಕ ಎಸ್.ಎನ್. ಚನ್ನಬಸಪ್ಪ ವಿಧಾನಸಭೆಯಲ್ಲಿ ಕಳವಳ ವ್ಯಕ್ತಪಡಿಸಿದ್ದಾರೆ. ಸ್ಥಳೀಯರಿಗೆ ರಕ್ಷಣೆ ನೀಡುವವರು ಯಾರು? ಎಂದು ಪ್ರಶ್ನಿಸಿದರು

ಶಿವಮೊಗ್ಗ ಜಿಲ್ಲೆಯಲ್ಲಿ ಭದ್ರತೆ ಏನೇನಿದೆ?

‎ಶಾಸಕರ ಪ್ರಶ್ನೆಗಳಿಗೆ ವಿವರವಾಗಿ ಉತ್ತರಿಸಿದ ಗೃಹ ಸಚಿವ ಡಾ. ಜಿ. ಪರಮೇಶ್ವರ್, ಶಿವಮೊಗ್ಗ ಜಿಲ್ಲೆಯಲ್ಲಿ 33 ಪೊಲೀಸ್ ಠಾಣೆಗಳಿವೆ, ಆರಗ ಜ್ಞಾನೇಂದ್ರ ಅವರ ಕ್ಷೇತ್ರದಲ್ಲಿ 6 ಠಾಣೆಗಳು ಮತ್ತು 3 ಔಟ್‌ಪೋಸ್ಟ್‌ಗಳಿವೆ. ಇಡೀ ಜಿಲ್ಲೆಯಲ್ಲಿ 30,000 ಸಿಸಿಟಿವಿ ಕ್ಯಾಮೆರಾಗಳಿವೆ, ಶಿವಮೊಗ್ಗ ನಗರದಲ್ಲೇ 16,000 ಹಾಗೂ ತೀರ್ಥಹಳ್ಳಿಯಲ್ಲಿ 3,000 ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ. ಹೈವೇ ಪೆಟ್ರೋಲಿಂಗ್‌ಗಾಗಿ 25 ವಾಹನಗಳನ್ನು ನಿಯೋಜಿಸಲಾಗಿದೆ ಎಂದು ವಿವರಿಸಿದರು.

ಹಿಂದಿಗಿಂತ ಅಪರಾಧ ಕಡಿಮೆ ಆಗಿದೆ!

ಕಳ್ಳತನ ಹಿಂದಿಗಿಂತಲ ಕಡಿಮೆ ಇದೆ ಎಂದ ಸಚಿವರು ಪೊಲೀಸರು ಯಾವ ಕ್ರಮವನ್ನೂ ಕೈಗೊಂಡಿಲ್ಲ ಎನ್ನುವುದು ಸರಿಯಲ್ಲ. 2023ರಲ್ಲಿ ತೀರ್ಥಹಳ್ಳಿ ಕ್ಷೇತ್ರದಲ್ಲಿ ದಾಖಲಾದ 12 ಪ್ರಕರಣಗಳಲ್ಲಿ 8 ಪ್ರಕರಣಗಳನ್ನು ಭೇದಿಸಲಾಗಿದೆ. 2024ರಲ್ಲಿ 31 ಪ್ರಕರಣಗಳ ಪೈಕಿ 10 ಪತ್ತೆಯಾಗಿವೆ ಮತ್ತು 7 ನ್ಯಾಯಾಲಯದ ಹಂತದಲ್ಲಿವೆ. ಮುಂದಿನ ದಿನಗಳಲ್ಲಿ ಕಳ್ಳತನ ಮತ್ತು ದರೋಡೆಗಳನ್ನು ತಡೆಗಟ್ಟಲು 20 ಅಂಶಗಳ ಮುಂಜಾಗ್ರತಾ ಕ್ರಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲು ಪೊಲೀಸರಿಗೆ ಸೂಚಿಸಲಾಗಿದೆ ಎಂದು ಹೇಳಿದರು.
‎

Categories
ಚಿಕ್ಕಮಗಳೂರು ಮಲ್ನಾಡ್

ರಾಜ್ಯದಲ್ಲಿ ಕಾಡಾನೆ ದಾಳಿಗೆ ಮತ್ತೊಂದು ಬಲಿ!

ರಾಜ್ಯದಲ್ಲಿ ಕಾಡಾನೆ ದಾಳಿಗೆ ಮತ್ತೊಂದು ಬಲಿ!
– ಚಿಕ್ಕಮಗಳೂರು ಜಿಲ್ಲೆಯಿಂದ ಕೊಡಗಿಗೆ ಹೋದವೇ ಆನೆಗಳು!
– ಕೊಡಗು ಜಿಲ್ಲೆಯಲ್ಲಿ ಮೂರನೇ ಬಲಿ ಪಡೆದ ಆನೆಗಳು

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಕೊಡಗು/ಚಿಕ್ಕಮಗಳೂರು: ಕಾಫಿ ನಾಡು ಚಿಕ್ಕಮಗಳೂರು ಜಿಲ್ಲೆಯಲ್ಲಿ ಕಾಡು ಆನೆಗಳ ಹಾವಳಿ ಹೆಚ್ಚಾಗಿದ್ದು, 20ಕ್ಕೂ ಹೆಚ್ಚು ಜನ ಜೀವ ಹಾನಿಯಾಗಿದೆ. ಈ ನಡುವೆ ಕೊಡಗು ಜಿಲ್ಲೆಯಲ್ಲಿ ಕಾಡಾನೆಗಳ ಅಟ್ಟಹಾಸ ಮುಂದುವರಿದಿದ್ದು, ವಿರಾಜಪೇಟೆಯ ಸಿದ್ದಾಪುರದಲ್ಲಿ ಕಾಫಿ ಬೆಳೆಗಾರನೋರ್ವ ದಾಳಿಗೆ ಬಲಿಯಾಗಿದ್ದಾರೆ. ಇದು ಕೆಲವೇ ದಿನಗಳಲ್ಲಿ ನಡೆದ ಮೂರನೇ ಸಾವಾಗಿದ್ದು, ಪಿಯುಸಿ ವಿದ್ಯಾರ್ಥಿನಿ ಪೂಜ್ಯ ಹಾಗೂ ಮಾಜಿ ಪಂಚಾಯತ್‌ ಸದಸ್ಯೆ ಜಲಜಾಕ್ಷಿ ಕೂಡ ಆನೆ ದಾಳಿಗೆ ಬಲಿಯಾಗಿದ್ದರು. ಸಾಲು ಸಾಲು ಸಾವುಗಳಿಂದ ಜನರು ತೀವ್ರ ಆತಂಕಗೊಂಡಿದ್ದು, ಅರಣ್ಯ ಇಲಾಖೆ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ಕೊಡಗು ಜಿಲ್ಲೆಯಲ್ಲಿ ಕಾಡಾನೆಗಳ ಅಟ್ಟಹಾಸ ಮುಂದುವರಿದಿದ್ದು, ನಂಜರಾಯಪಟ್ಟಣ ಗ್ರಾಮ ಪಂಚಾಯತ್ ಮಾಜಿ ಸದಸ್ಯೆಯ ಸಾವು ಮಾಸುವ ಮುನ್ನವೇ ಮತ್ತೊಂದು ಬಲಿಯಾಗಿದೆ. ವಿರಾಜಪೇಟೆ ತಾಲೂಕಿನ ಸಿದ್ದಾಪುರ ಸಮೀಪ ಹೈಸ್ಕೂಲ್‌ ಪೈಸಾರಿಯಲ್ಲಿ ಕಾಫಿ ತೋಟಕ್ಕೆ ತೆರಳಿದ್ದ ಬೆಳೆಗಾರನ ಮೇಲೆ ಸಲಗ ಅಟ್ಯಾಕ್ ಮಾಡಿದ ಪರಿಣಾಮ ಗಣಪತಿ (49) ಮೃತಪಟ್ಟಿದ್ದಾರೆ. ಹಾಡಹಗಲೇ ಕಾಫಿ ತೋಟದಲ್ಲಿ ಕಾಡಾನೆ ಕಾಣಿಸಿಕೊಂಡ ಪರಿಣಾಮ ಸ್ಥಳಕ್ಕೆ ಪೊಲೀಸರು, ಅರಣ್ಯ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

Categories
ಬೆಂಗಳೂರು ರಾಜ್ಯ

ಪಡಿತರ ಚೀಟಿ ಆದಾಯ ಮಿತಿ 3 ಲಕ್ಷಕ್ಕೆ ಏರಿಕೆ?

ಪಡಿತರ ಚೀಟಿ ಆದಾಯ ಮಿತಿ 3 ಲಕ್ಷಕ್ಕೆ ಏರಿಕೆ?
– ಅನೇಕರ ಪಡಿತರ ಚೀಟಿ ಬಚಾವ್ ಆಗುತ್ತಾ?
– ವಿಧಾನಸಭೆಯಲ್ಲಿ ಸಚಿವ ದಿನೇಶ್ ಗುಂಡೂರಾವ್ ಸುಳಿವು

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಬೆಂಗಳೂರು: ಪಡಿತರ ಚೀಟಿಗಳನ್ನು (PHH/BPL) ಪಡೆಯಲು ನಿಗದಿಪಡಿಸಲಾಗಿರುವ ವಾರ್ಷಿಕ ಆದಾಯದ ಮಿತಿಯನ್ನು ಹೆಚ್ಚಿಸುವ ಕುರಿತು ರಾಜ್ಯ ಸರ್ಕಾರ ಗಂಭೀರವಾಗಿ ಆಲೋಚಿಸುತ್ತಿದೆ. ಪಡಿತರ ಚೀಟಿ ಆದಾಯ ಮಿತಿ 3 ಲಕ್ಷಕ್ಕೆ ಏರಿಕೆ ಆಗುವ ಸಾಧ್ಯತೆ ಇದೆ ಎನ್ನಲಾಗಿದ್ದು, ಅನೇಕರ ಪಡಿತರ ಚೀಟಿ ಬಚಾವ್ ಆಗುತ್ತಾ?. ವಿಧಾನಸಭೆಯಲ್ಲಿ ಸಚಿವ ದಿನೇಶ್ ಗುಂಡೂರಾವ್ ಸುಳಿವು ನೀಡಿದ್ದಾರೆ.

ಹೌದು. ಗುರುವಾರ ವಿಧಾನಸಭೆಯಲ್ಲಿ ಮಲ್ಲೇಶ್ವರಂ ಕ್ಷೇತ್ರದ ಬಿಜೆಪಿ ಶಾಸಕ ಡಾ. ಸಿ.ಎನ್. ಅಶ್ವತ್ಥ ನಾರಾಯಣ್ ಅವರ ಪ್ರಶ್ನೆಗೆ ಉತ್ತರಿಸಿದ ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್ ಅವರು ಈ ವಿಷಯವನ್ನು ತಿಳಿಸಿದರು. ಪ್ರಸ್ತುತ ಜಾರಿಯಲ್ಲಿರುವ 1.2 ಲಕ್ಷ ರೂಪಾಯಿಗಳ ಆದಾಯ ಮಿತಿಯನ್ನು ಕಾಲಕ್ಕೆ ತಕ್ಕಂತೆ ಪರಿಷ್ಕರಿಸುವ ಅಗತ್ಯವಿದೆ ಎಂದು ಸರ್ಕಾರ ಒಪ್ಪಿಕೊಂಡಿದೆ. ಈಗಿನ ಆದಾಯ ಮಿತಿಯನ್ನು 2017ರಲ್ಲಿ ನಿಗದಿಪಡಿಸಲಾಗಿತ್ತು ಮತ್ತು ಕಳೆದ ಒಂಬತ್ತು ವರ್ಷಗಳಲ್ಲಿ ಜೀವನ ವೆಚ್ಚ ಗಣನೀಯವಾಗಿ ಏರಿಕೆಯಾಗಿದೆ ಎಂದು ಸಚಿವರು ಅಭಿಪ್ರಾಯಪಟ್ಟರು. ಹಿರಿಯ ಶಾಸಕ ಆ‌ರ್.ವಿ. ದೇಶಪಾಂಡೆ ನೇತೃತ್ವದ ಕರ್ನಾಟಕ ಆಡಳಿತ ಸುಧಾರಣಾ ಆಯೋಗವು ಈ ಮಿತಿಯನ್ನು 3 ಲಕ್ಷ ರೂಪಾಯಿಗಳಿಗೆ ಏರಿಸಲು ಶಿಫಾರಸು ಮಾಡಿದೆ.

ಈ ಶಿಫಾರಸನ್ನು ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆಯು ಕೂಲಂಕಷವಾಗಿ ಪರಿಶೀಲಿಸಲಿದೆ ಎಂದು ದಿನೇಶ್ ಗುಂಡೂರಾವ್ ಅವರು ಆಹಾರ ಸಚಿವ ಕೆ.ಎಚ್‌. ಮುನಿಯಪ್ಪ ಅವರ ಪರವಾಗಿ ಸದನಕ್ಕೆ ಮಾಹಿತಿ ನೀಡಿದರು. ಬೆಂಗಳೂರಿನಂತಹ ನಗರಗಳಲ್ಲಿ ಜೀವನ ನಿರ್ವಹಣಾ ವೆಚ್ಚ ಅಧಿಕವಾಗಿರುವುದರಿಂದ ಆದಾಯದ ಮಿತಿಯನ್ನು ಹೆಚ್ಚಿಸಲೇಬೇಕು ಎಂದು ಅಶ್ವತ್ಥ ನಾರಾಯಣ್ ಆಗ್ರಹಿಸಿದರು. ಆಹಾರ ಭದ್ರತಾ ಕಾಯಿದೆಯಡಿ ಶೇ. 50ರಷ್ಟು ನಗರ ಜನಸಂಖ್ಯೆಗೆ ಪಡಿತರ ಚೀಟಿ ಸಿಗಬೇಕು ಎಂಬ ಅವರ ವಾದಕ್ಕೆ ಪ್ರತಿಕ್ರಿಯಿಸಿದ ಸಚಿವರು, ಈ ನಿಯಮವು ಇಡೀ ದೇಶಕ್ಕೆ ಅನ್ವಯಿಸುತ್ತದೆಯೇ ಹೊರತು ರಾಜ್ಯವಾರು ಅಲ್ಲ ಎಂದು ಸ್ಪಷ್ಟಪಡಿಸಿದರು.

ಕರ್ನಾಟಕದಲ್ಲಿ ಈಗಾಗಲೇ ಕೇಂದ್ರ ಸರ್ಕಾರ ನಿಗದಿಪಡಿಸಿದ ಮಿತಿಗಿಂತಲೂ ಅಂದರೆ ಸುಮಾರು 15.8 ಲಕ್ಷದಷ್ಟು ಹೆಚ್ಚಿನ ಕುಟುಂಬಗಳಿಗೆ ಪಡಿತರ ಚೀಟಿ ನೀಡಲಾಗಿದೆ ಎಂದು ಅವರು ವಿವರಿಸಿದರು. ಪಡಿತರ ಚೀಟಿಯು ಕೇವಲ ಆಹಾರ ಧಾನ್ಯಗಳಿಗಷ್ಟೇ ಸೀಮಿತವಾಗದೆ ಆರೋಗ್ಯ ವಿಮೆ ಸೇರಿದಂತೆ ಹತ್ತಾರು ಸರ್ಕಾರಿ ಸೌಲಭ್ಯಗಳಿಗೆ ಮೂಲ ದಾಖಲೆಯಾಗಿರುವುದರಿಂದ ಅದಕ್ಕೆ ಭಾರಿ ಬೇಡಿಕೆ ವ್ಯಕ್ತವಾಗುತ್ತಿದೆ. ಈ ಕಾರಣದಿಂದಾಗಿ ಅನೇಕ ಅನರ್ಹರು ಕೂಡ ಪಡಿತರ ಚೀಟಿಗಳನ್ನು ಹೊಂದಿದ್ದಾರೆ ಎಂಬ ಅಂಶವನ್ನು ಸಚಿವರು ಒಪ್ಪಿಕೊಂಡರು. ಮುಂದಿನ ದಿನಗಳಲ್ಲಿ ಆದಾಯ ಮಿತಿ ಪರಿಷ್ಕರಣೆಯಾದಲ್ಲಿ ಮಧ್ಯಮ ವರ್ಗದ ಅನೇಕ ಕುಟುಂಬಗಳಿಗೆ ಬಿಪಿಎಲ್ ಕಾರ್ಡ್ ಸೌಲಭ್ಯ ದೊರೆಯುವ ಸಾಧ್ಯತೆಯಿದೆ.

Categories
ಕೊಪ್ಪ ಚಿಕ್ಕಮಗಳೂರು ಮಲ್ನಾಡ್ ಶಿವಮೊಗ್ಗ

ಹೆಚ್ಚಿದ ಬಿಸಿಲು: ಕಾಡಲ್ಲಿ ಬೆಂಕಿ…ಊರಲ್ಲೂ ಬೆಂಕಿ..!

ಹೆಚ್ಚಿದ ಬಿಸಿಲು: ಕಾಡಲ್ಲಿ ಬೆಂಕಿ…ಊರಲ್ಲೂ ಬೆಂಕಿ..!
– ಕಾರು, ಬಸ್ಸು, ಬೈಕಿಗೂ ಬೆಂಕಿ: ಎಚ್ಚರ ಎಚ್ಚರ
– ಬೆಂಕಿ ಬೀಳಲು ಕಾರಣ ಏನು? ಮನೆಯಲ್ಲಿ ಇರಲಿ ಜಾಗ್ರತೆ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಮಲೆನಾಡು: ಮಲೆನಾಡಲ್ಲಿ ಭಾರೀ ಬಿಸಿಲು ಇದೀಗ ಭಾರೀ ಅನಾಹುತಕ್ಕೆ ಕಾರಣವಾಗುತ್ತಿದೆ. ಕಾಡು, ವಾಹನ, ಮನೆಗಳಿಗೆ ಬೆಂಕಿ ಬೀಳುತ್ತಿದೆ. ಇತೀಚೆಗೆ ಶಿವಮೊಗ್ಗ ಮತ್ತು ಚಿಕ್ಕಮಗಳೂರು ಜಿಲ್ಲೆಯ ಅನೇಕ ಭಾಗದಲ್ಲಿ ಬೆಂಕಿ ಬಿದ್ದಿದೆ. ದುರಂತ ಸಂಭವಿಸುವ ಮುನ್ನ ಎಲ್ಲರೂ ಎಚ್ಚರಿಕೆ ವಹಿಸಬೇಕಿದೆ.

ಬಸ್ಸು, ಕಾರು ಬೆಂಕಿಗೆ ಆಹುತಿ!

ಸಾಗರ, ಹೊಸನಗರ, ಚಿಕ್ಕಮಗಳೂರು, ಶಿವಮೊಗ್ಗದಲ್ಲಿ ಅನೇಕ ಕಾರು, ಬಸ್, ಬೈಕ್ ಬೆಂಕಿಗೆ ಆಹುತಿ ಆಗಿವೆ. ಇನ್ನು ಅತಿಯಾದ ಬಿಸಿಲು, ವೈರ್ ಶಾರ್ಟ್ ಸರ್ಕ್ಯುಟ್ ಬೆಂಕಿಯಿಂದ ಬೆಂಕಿ ಬೀಳುವ ಸಾಧ್ಯತೆ ಹೆಚ್ಚಿದೆ. ವಾಹನಗಳ ನಿರ್ವಹಣೆಯಲ್ಲಿ ಎಚ್ಚರ ವಹಿಸಬೇಕಿದೆ. ಬೆಂಗಳೂರು ಹೋಗುತ್ತಿದ್ದ ಹೊಸನಗರ ಬಸ್, ಗೋಕರ್ಣ ಹೋಗುತ್ತಿದ್ದ ಬೆಂಗಳೂರು ಬಸ್ ಬೆಂಕಿ ಪ್ರಕರಣ ಇಡೀ ರಾಜ್ಯವನ್ನೇ ಬೆಚ್ಚಿ ಬೀಳಿಸಿತ್ತು.

ಕಾಡು, ಮೇಡುಗಳಲ್ಲಿ ಬೆಂಕಿ!
ಕೊಪ್ಪದ ಹರಿಹರ ಪುರ, ಚಿಕ್ಕಮಗಳೂರಿನ ಬಾಬಾ ಬುಡನ್ ಗಿರಿ, ತೀರ್ಥಹಳ್ಳಿಯ ಶೇಡ್ಗಾರ್ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಬೊಮ್ಮನಹಳ್ಳಿಯಲ್ಲಿ, ಕುಪ್ಪಳ್ಳಿ ಸಮೀಪದ ದೇವಂಗಿ ಸೇರಿ ಅನೇಕ ಕಡೆ ಅರಣ್ಯಕ್ಕೆ ಬೆಂಕಿ ಬಿದ್ದಿದ್ದು ಸ್ಥಳೀಯರು ಹಾಗೂ ಅಗ್ನಿ ಶಾಮಕ ದಳದವರು ಜಂಟಿ ಕಾರ್ಯಾಚರಣೆ ನಡೆಸಿ ಬೆಂಕಿ ನಂದಿಸಿದ್ದಾರೆ.

ಬೆಂಕಿ ಬೀಳಲು ಕಾರಣ ಏನು? ಮನೆಯಲ್ಲಿ ಇರಲಿ ಜಾಗ್ರತೆ

– ಅತಿಯಾದ ಬಿಸಲು ಕಾರಣ ಎಲ್ಲಾ ಕಡೆ ಬೆಂಕಿ ಕೂಡಲೇ ಹತ್ತಿಕೊಳ್ಳಲು ಪೂರಕ ವಾತಾವರಣ ಇರುತ್ತದೆ. ಮನೆ ಪಕ್ಕ ಹುಲ್ಲು, ದರಗು, ಇತರೆ ವಸ್ತುಗಳ ಬಗ್ಗೆ ಜಾಗೃತಿ ಇರಲಿ. ಮನೆಯಲ್ಲಿ ಒಲೆಗೆ ಬೆಂಕಿ ಹಾಕಿದಾಗ ಎಚ್ಚರ ವಹಿಸಿ.
– ಬೀಡಿ, ಸಿಗರೇಟ್ ಸೇದು ಅರಣ್ಯ ಪ್ರದೇಶದ ಕಡೆ ಎಸೆಯಬೇಡಿ
– ವಾಹನಗಳ ವೈರಿಂಗ್, ಬೆಂಕಿ ಸಾಧ್ಯತೆಗಳ ಬಗ್ಗೆ ಪರೀಕ್ಷಿಸಿಕೊಳ್ಳಿ
– ಬೆಂಕಿ ಹತ್ತಬಹುದಾದ ಸಾಧ್ಯತೆ ಬಗ್ಗೆ ಗಮನ ಇರಲಿ.

Categories
ಕರಾವಳಿ ದಕ್ಷಿಣ ಕನ್ನಡ ಮಂಗಳೂರು

ಮಂಗಳೂರು ಪಲ್ಗುಣಿ ನದಿಗೆ ವಿಷಯುಕ್ತ ನೀರು!?

ಮಂಗಳೂರು ಪಲ್ಗುಣಿ ನದಿಗೆ ವಿಷಯುಕ್ತ ನೀರು!?
– ಕೊಳಚೆ ನೀರು ಬಿಡುತ್ತಿರುವ ಕಾರ್ಖಾನೆಗಳು..ಕೇಳೋರಿಲ್ಲ
– ಕಣ್ಣುಮುಚ್ಚಿ ಕುಳಿತಿದೆ ಜಿಲ್ಲಾಡಳಿತ: ಜನ ಹೋರಾಟ ಶುರು

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಮಂಗಳೂರು: ಮಂಗಳೂರಿನ ಕುಳೂರು ಸಮೀಪ ಪಲ್ಗುಣಿ ನದಿಗೆ ಇದೀಗ ವಿಷಯುಕ್ತ ನೀರು ಸೇರುತ್ತಿದೆ. ಸುತ್ತಮುತ್ತಲಿನ ಕೊಳಚೆ ನೀರು ಬಿಡುತ್ತಿರುವ ಕಾರ್ಖಾನೆಗಳು ನಡೆ ಕೇಳೋರಿಲ್ಲವಾಗಿದೆ. ಈ ಬಗ್ಗೆ ಕಣ್ಣುಮುಚ್ಚಿ ಕುಳಿತಿದೆ ಜಿಲ್ಲಾಡಳಿತದ ವಿರುದ್ಧ ಜನ ಹೋರಾಟ ಶುರುವಾಗಿದೆ. ಬೃಹತ್ ಕಾರ್ಖಾನೆಗಳಿಂದ ಹೊರಹೊಮ್ಮುತ್ತಿರುವ ಕಲ್ಮಶವು ಮಳವೂರು ಮೂಲಕ ಫಲ್ಗುಣಿ ನದಿಯ ಅಕ್ಕಪಕ್ಕದಲ್ಲಿ ಸೇರುತ್ತಿದೆ. ಪರಿಣಾಮವಾಗಿ ನೀರಿನಲ್ಲಿ ನೊರೆ ಕಂಡುಬಂದಿದ್ದು, ವಿಪರೀತ ವಾಸನೆಯ ಜೊತೆಗೆ ನದಿಯಲ್ಲಿ ಜೀವಿಸುತ್ತಿರುವ ಮೀನುಗಳು ಸಾಯುತ್ತಿವೆ.

ಅಲ್ಲದೆ ಈ ನದಿಗೆ ಅಣೆಕಟ್ಟೊಂದನ್ನು ಕಟ್ಟಿದ್ದು, ಇಲ್ಲಿಂದಲೇ 10 ಗ್ರಾಮಗಳಿಗೆ ಕುಡಿಯುವ ನೀರಿನ ಸರಬರಾಜಾಗುತ್ತಿದೆ. ಜನರಲ್ಲಿ ಆರೋಗ್ಯಕ್ಕೆ ಸಂಬಂಧಿಸಿದಂತಹ ಆತಂಕ ಮನೆ ಮಾಡಿದೆ. ಅಣೆಕಟ್ಟಿನವರೆಗೆ ಹರಡಿರುವ ಕಲುಷಿತ ನೀರು, ಅಣೆಕಟ್ಟನ್ನು ಪ್ರವೇಶಿಸಿ ನದಿಯಲ್ಲಿ ಬೆರೆಯದೇ ಇರುತ್ತದೆಯೇ ಎನ್ನುವ ಅಭಿಪ್ರಾಯ ಸಾರ್ವಜನಿಕರಿಂದ ಕೇಳಿಬರುತ್ತಿದೆ. ಜನರ ಜೀವನದೊಂದಿಗೆ ಚೆಲ್ಲಾಟವಾಡುವ ಬದಲಿಗೆ, ಈ ನೀರು ಯಾವ ಯಾವ ಕಾರ್ಖಾನೆಗಳ ಮೂಲಕ ನದಿಯನ್ನು ಸೇರುತ್ತಿದೆ ಎನ್ನುವುದನ್ನು ಸಂಬಂಧಿತ ಇಲಾಖೆಯು ತನಿಖೆ ನಡೆಸಿ, ಸೂಕ್ತ ಕ್ರಮವನ್ನು ಕೈಗೊಂಡು, ಸಮಸ್ಯೆಯನ್ನು ಬಗೆಹರಿಸಬೇಕೆಂದು ಸ್ಥಳೀಯರು ಆಗ್ರಹಪಡಿಸಿದ್ದಾರೆ.

ಜೊತೆಗೆ ಜನಪ್ರತಿನಿಧಿಗಳು ಸಮಸ್ಯೆಯನ್ನು ಗಂಭೀರವಾಗಿ ಪರಿಗಣಿಸದಿದ್ದಲ್ಲಿ, ನಾಗರಿಕರೆಲ್ಲ ಒಂದುಗೂಡಿ ಅಧಿಕಾರಿಗಳ ಕಣ್ಣು ತೆರೆಸಬೇಕಾಗುತ್ತದೆ ಎನ್ನುವ ಎಚ್ಚರಿಕೆಯನ್ನೂ ಸಹ ನೀಡಲಾಗಿದೆ. ಈ ಸಂದರ್ಭದಲ್ಲಿ ಬಜ್ಪೆ ನಾಗರಿಕ ಹಿತರಕ್ಷಣಾ ವೇದಿಕೆಯ ಅಧ್ಯಕ್ಷರಾದ ಸಿರಾಜ್ ಬಚ್ಪೆ, ರಾಜ್ಯ ದಲಿತ ಸಂಘದ ಅಧ್ಯಕ್ಷರು, ವೇದಿಕೆಯ ಗೌರವಾಧ್ಯಕ್ಷರಾದ ದೇವದಾಸ್, ಮೊನಕ ಹಾಜಿ, ಸಲೀಮ್ ಹಾಜಿ, ಉಪಾಧ್ಯಕ್ಷರಾದ ಇಂಜಿನಿಯರ್ ಇಸ್ಮಾಯಿಲ್, ವಸಂತ್, ಕಾರ್ಯದರ್ಶಿಗಳಾದ ನಿಸಾರ್ ಕರಾವಳಿ, ದಲಿತ ಸಂಘದ ನಾಯಕರಾದ ಮಂಜಪ್ಪ ಪುತ್ರನ್, ಹಿರಿಯರಾದ ಖಾದರ್ ಜರಿ, ಅನ್ವರ್ ರಜಾಕ್ ಮತ್ತು ಕೆಪಿಸಿಸಿ ಸಾಮಾಜಿಕ ಜಾಲತಾಣದ ಹಫೀಜ್ ಕೊಳಂಬೆ ಉಪಸ್ಥಿತರಿದ್ದರು.

Categories
ತೀರ್ಥಹಳ್ಳಿ ಮಲ್ನಾಡ್ ಶಿವಮೊಗ್ಗ

ರಾಜಧಾನಿಯಲ್ಲಿ ಸೇವಾ ಭಾರತಿ ಹಿರಿಯ ಪ್ರಾಥಮಿಕ ಶಾಲೆ ಸ್ನೇಹ ಸಮ್ಮಿಲನ

ರಾಜಧಾನಿಯಲ್ಲಿ ಸೇವಾ ಭಾರತಿ ಹಿರಿಯ ಪ್ರಾಥಮಿಕ ಶಾಲೆ ಸ್ನೇಹ ಸಮ್ಮಿಲನ
– ಶಾಲೆಯ ನೆನಪು ಮಾಡಿಕೊಂಡ ಹಿರಿಯ ವಿದ್ಯಾರ್ಥಿಗಳು
– ರಾಜ್ಯದ ಮೂಲೆ ಮೂಲೆಯಲ್ಲಿರುವ ಹಳೆಯ ವಿದ್ಯಾರ್ಥಿಗಳು ಹಾಜರ್

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ತೀರ್ಥಹಳ್ಳಿ: ತೀರ್ಥಹಳ್ಳಿಯ ಸೇವಾ ಭಾರತಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಸ್ನೇಹ ಸಮ್ಮಿಲನ ರಾಜಧಾನಿ ಬೆಂಗಳೂರಲ್ಲಿ ಸಂಭ್ರಮದಿಂದ ನಡೆಯಿತು. ಹಳೆಯ ವಿದ್ಯಾರ್ಥಿಗಳು ತಾವು ಓದಿದ ಶಾಲೆಯಲ್ಲಿ ಕಾರ್ಯಕ್ರಮ ಮಾಡಿ ಅಕ್ಷರ ಕಳಿಸಿದ ಗುರುಗಳಿಗೆ ಗೌರವ ಸಲ್ಲಿಸಿದರು. ಇದೇ ವೇಳೆ ಮುಕುಂದ ಮಾಸ್ಟರ್ ಜಿ, ಭಾಗ್ಯ ಮಾತಾಜಿ, ಶಾಂತಲ ಮಾಯಿ ಮಾತಾಜಿ, ಮಹೇಶ್ ಮಾಸ್ಟರ್ ಜಿ ಹಾಗು ಸುಧಾ ಅವರನ್ನು ಸನ್ಮಾನಿಸಲಾಯಿತು.

ಬೆಂಗಳೂರಿನ ಕಬ್ಬನ್ ಪಾರ್ಕ್ ಸರ್ಕಾರಿ ನೌಕರರ ಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ರಾಜ್ಯದ ಮೂಲೆ ಮೂಲೆಯಲ್ಲಿ ಇರುವ ಹಳೆಯ ವಿದ್ಯಾರ್ಥಿಗಳು ಭಾಗಿಯಾಗಿದ್ದರು.ತೀರ್ಥಹಳ್ಳಿ ಹೆಮ್ಮೆಯ ಶಿಕ್ಷಣ ಸಂಸ್ಥೆ ಸೇವಾ ಭಾರತಿ ಹಿರಿಯ ಪ್ರಾಥಮಿಕ ಶಾಲೆ ಸ್ನೇಹ ಸಮ್ಮಿಲನದಲ್ಲಿ ಅನೇಕ ಬ್ಯಾಚ್ ವಿದ್ಯಾರ್ಥಿಗಳು ಭಾಗಿಯಾಗಿದ್ದರು. ನಟ ದಿಗಂತ್ ಇದೇ ಶಾಲೆಯ ವಿದ್ಯಾರ್ಥಿ ಆಗಿದ್ದು ಶುಭಾಶಯಕೋರಿದರು. ಶಿಕ್ಷಣ ತಜ್ಞ, ತ್ರಿಷಾ ಶಿಕ್ಷಣ ಸಂಸ್ಥೆಯ ಮುಖ್ಯಸ್ಥರಾದ , ಹಿರಿಯ ವಿದ್ಯಾರ್ಥಿ ಸಿ. ಎ. ಗೋಪಾಲ ಕೃಷ್ಣ ಭಟ್ ಸೇರಿ ಅನೇಕರು ಭಾಗಿಯಾಗಿದ್ದರು.

Categories
ಮಲ್ನಾಡ್ ಶಿವಮೊಗ್ಗ

ಚಿಲುಮೆ ಜಡ್ಡು ದೇವಸ್ಥಾನದಲ್ಲಿ ಮಾರ್ಚ್ 13ರಂದು ಸಾಮೂಹಿಕ ಆಶ್ಲೇಷ ಬಲಿ

ಚಿಲುಮೆ ಜಡ್ಡು ದೇವಸ್ಥಾನದಲ್ಲಿ ಮಾರ್ಚ್ 13ರಂದು ಸಾಮೂಹಿಕ ಆಶ್ಲೇಷ ಬಲಿ
– ಪ್ರಸಿದ್ಧ ಶ್ರೀಬ್ರಾಹ್ಮರಿ, ದುರ್ಗಾಪರಮೇಶ್ವರಿ ದೇವಸ್ಥಾನದಲ್ಲಿ ಪೂಜೆ
– ಸರ್ವ ಭಕ್ತರನ್ನು ಸ್ವಾಗತಿಸಿದ ದೇವಸ್ಥಾನ ಸಮಿತಿ

ನಮ್ಮೂರ್ ಎಕ್ಸ್ ಪ್ರೆಸ್ ನ್ಯೂಸ್
ಶಿವಮೊಗ್ಗ: ತಾಲ್ಲೂಕಿನ ಚಿಲುಮೆಜೆಡ್ಡುವಿನ ಶ್ರೀಶಿವನಾಗ ಸೇವಾ ಟ್ರಸ್ಟ್ ವತಿಯಿಂದ ಶ್ರೀಬ್ರಾಹ್ಮರಿ, ದುರ್ಗಾಪರಮೇಶ್ವರಿ ದೇವಸ್ಥಾನದಲ್ಲಿ ಸಾಮೂಹಿಕ ಆಶ್ಲೇಷಬಲಿ ಪೂಜೆ ಕಾರ್ಯಕ್ರಮವನ್ನು 13 ಮಾರ್ಚ್ 2026ರ ಶುಕ್ರವಾರದಂದು ಹಮ್ಮಿಕೊಳ್ಳಲಾಗಿದೆ. ಶುಕ್ರವಾರದ ಬೆಳಗಿನ ಶುಭ ಮುಹೂರ್ತದಲ್ಲಿ ಶ್ರೀಬ್ರಾಹ್ಮರಿ ದುರ್ಗಾಪರಮೇಶ್ವರಿ ಅಮ್ಮನವರು ಹಾಗೂ ಶ್ರೀವಾಸುಕಿ ನಾಗದೇವರ ಸನ್ನಿಧಾನದಲ್ಲಿ ದೇವರ ಪ್ರಿತ್ಯಾರ್ಥವಾಗಿ ಸರ್ಪಶಾಂತಿ ಹೋಮವನ್ನು ಮತ್ತು ಅದೇ ದಿನ ಸಂಜೆ 5:00ಗಂಟೆಗೆ ಆಶ್ಲೇಷಬಲಿ ಪೂಜೆ, ನಾಗದರ್ಶನಗಳು ನೆರವೇರಲಿವೆ.‌

ಈ ಧಾರ್ಮಿಕ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವ ಭಕ್ತಾದಿಗಳಿಗೆ ಸಿರಿಮುಡಿ ಗಂಧ ಪ್ರಸಾದ ಮತ್ತು ಅನ್ನಪ್ರಸಾದವನ್ನು ವಿತರಿಸಲಾಗುವುದು. ಆಶ್ಲೇಷಬಲಿ ಪೂಜೆಯನ್ನು ಮಾಡಿಸಲು ಇಚ್ಛಿಸುವ ಭಕ್ತಾದಿಗಳು ಮುಂಚಿತವಾಗಿ ತಿಳಿಸಬೇಕಾಗಿ ದೇವಾಲಯದ ಧರ್ಮದರ್ಶಿಗಳಾದ ರಮೇಶ್ ನಾಗಪಾತ್ರಿಗಳು ಮಾಹಿತಿ ನೀಡಿದ್ದು, ಶಿವನಾಗ ಭಕ್ತವೃಂದ ಹಾಗೂ ಊರಿನ ಗ್ರಾಮಸ್ಥರು ಸರ್ವರಿಗೂ ಆದರದ ಸ್ವಾಗತವನ್ನು ಕೋರಿದ್ದಾರೆ.